日本嘅動漫、公仔等等廣受歡迎，成日推出唔少週邊，
不過唔講唔知，原來日本郵局都會成日推出唔少公仔商品，
繼上年年尾推出大熱嘅龍貓商品後，今個夏季再次推出「夏季期間限定龍貓周邊」！
作為宮崎駿經曲作之一，龍貓一直十分受歡迎；上年推出嘅大、中、小龍貓產品好快被一掃而空，今個夏天再度推出夏季限定新款！
首先係「大龍貓透明手提袋」，透明嘅膠質設計啱哂帶去沙灘玩，好有夏日嘅感覺~
而且會搭配送埋湖水綠顏色嘅索袋，可以將貴重物品或濕嘅衣物放入去，非常方便！
之後係「大龍貓索袋手提包」，除咗索袋嘅設計相當方便之外，最好嘅係仲係可以手提！
而且唔似以往採用燈芯絨，今次嘅設計防水，配合返大家夏天使用！
再來一個細啲嘅係「中龍貓索袋」，Size比大龍貓細一倍，但就可以放啲較細嘅物品，如化妝品等等，而且內外同樣採用防水材質~
最後係超級爆可愛嘅「小龍貓收納包匙扣」，細細個可以扣喺大袋之上~
而最盞鬼嘅係背面嘅拉鏈，拉開可以放到鎖匙等非常細微嘅東西，超級可愛！
喺日本，呢啲咁可愛嘅周邊已經開賣咗，想要都可以上去日本郵局網站睇睇啦~