Open Tour
今次介紹呢個郊遊路線，90%都係平路，樓梯都好少，好易行，沿路風景又靚~放假可以去親親大自然，呼吸下新鮮空氣~ 沿路嘅河流，小屋，白色燈柱都好啱打卡~好似一個童話村落，好靚呀~ 平時喺Office坐得多，去下郊外行下呼吸下新鮮空氣，個人心情都暢快啲~ 仲可以影到靚相，簡直一舉幾得~ 呢個位影相一流~好靚呀 沿途會有客家菜（盈佳茶座）食，終點站會有山水豆腐花（宋伯山水豆腐花）食~ 可以計劃一日行程，遊山玩水，吃喝玩樂，乃人生一大樂事~哈哈 建議路線：鹿頸-鳳坑村-谷埔（再原路折返） 前往方法：粉嶺港鐵站C出口，乘搭56K小巴，在鹿頸總站下車 落車後搵到新娘潭路的路牌就沿著此方向沿著海邊走，前往鳳坑及谷埔。 注意事項： 1.現時鳳坑村村民禁止遊人入內，以魚塘及鐵絲網相隔，請勿擅自闖入，不要打攪村內居民。（建議路線喺村外範圍） 2.自己垃圾自己帶走，唔好污染環境。 3.沿途有指示牌，遇到分叉路口，朝住前往鳳坑及谷埔的指示牌行。 圖片來源：@kagor__
今次推介黃大仙呢間餐廳，有多款地道港式美食，包括煲仔飯，羊腩煲，雞煲都有噶~ 特別推介羊腩煲、海蝦帶子煲仔飯同華田流心西多！座位舒適闊落，有多個卡位~ 金銀蒜海蝦帶子煲仔飯：煲仔飯加入豬油，特別香口~用料新鮮，係用新鮮海蝦~ 金銀蒜排骨煲仔飯：排骨煲仔飯分量都好多，鋪滿成個煲仔，排骨軟嫩香口，金銀蒜撈飯一流！ 麻辣雞煲：雞肉好滑嫩，醬汁都好惹味，可另加配料，包括手打蝦滑，鮮魷魚等等~ 秘製古法羊腩煲：羊腩係用黑草羊，醬汁濃郁，冬天食最正啦！ 秘製沙嗲牛肉煲仔麵：秘製沙嗲湯底係用兩款沙嗲醬加一款沙茶醬，特別香濃，每注麵掛滿湯汁，好正呀~ 另外仲有秘製沙嗲豬潤煲仔麵都值得一試！ 大大塊滑嫩豬潤~ 重量級14oz牛扒（Cajun 辣香料風味細薯條）：呢個牛扒超大呀！兩個人share都得呀~ 配嘅薯條係Cajun辣香料風味，薯條細細條好香脆！ 華田流心西多：呢個係必試人氣甜品，中間流心係用煉奶+忌廉+鮮奶調製，食落香甜滋味！ 冬天想食羊腩煲同煲仔飯？快啲去試下啦~ 紅樓冰室 地址：黃大仙環鳳街4-6號地下 電話：23243113 / 23243114 營業時間：6:30am – 11:00pm
尖沙咀最近新開了一間西餐廳，銀白色的桌椅、水晶燈再配上落地玻璃窗，進入餐廳就能感受到高級奢華的感覺，窗邊位置可以看日落和維港夜景。特別適合情侶約會或慶祝生日及特別日子。 除了浪漫的氛圍，餐廳的食物質素也很出色，食材講究，價錢卻非常親民。午市套餐三道菜人均消費只要$200多，餐具是來自英國品牌，很有質感，還有餐碟，杯具都是餐廳老闆精挑細選。精緻的餐具的確能提升整個美食體驗。 先由餐包嚐起，牛角包由法國空運到港，特別鬆軟，牛油香味濃郁。 布拉塔芝士櫻桃茄紫蘇油醋，用液態氮將芝士製作成綿密的口感，味道好像乳酪，就連平時不愛吃芝士的編輯也喜歡上這道菜。 美國西冷牛扒配甘筍茸紅酒汁，牛肉經過火山石烤製，外焦內軟，牛味濃郁。 餐廳有多款甜品，推介焦糖燉蛋及Tiramisu。 每道菜都各有巧思，餐牌和菜式會不定時轉變，從食材、烹飪方法、餐具及擺盤都感受到餐廳的用心設計。希望能持續帶給客人新鮮感。 每道菜都各有巧思，餐牌和菜式都會不定時轉變，保持到新鮮感。 PHENOMENON WINE • DINE 地址：尖沙咀彌敦道100號The ONE20樓 營業時間：星期一至日：12:00 – 00:00
信芯園農莊嘅向日葵花海係夏季打卡熱點、前排因為打風暫時閉園，近日宣佈於2021年12月12日正式重開！ 特設多個日本主題打卡位，包括櫻花園、鳥居、油紙傘墻、紫藤和玫瑰隧道等多個佈置場景，大家可以趁假期去瘋狂打卡！ 紫藤和玫瑰隧道影相一流。玫瑰花車同花墻適合情侶合照放閃~ 預計1月會有香水百合和彩色劍蘭，到時都可以去賞花噶~ 交通方法： 1.由元朗乘搭九巴76K/紅色小巴17/綠色小巴75/76； 2.由上水乘坐九巴76K/紅色小巴17， 於「石湖圍」下車，經青山公路行去農場。村內不設泊車位，需尋找另外停車場。 信芯園 地址：元朗新田小磡村信芯園農莊 開放日期：2021年12月12日起開放 開放時間：8am-6pm 圖片來源：@shunsumyuen
