Open Tour
今次同大家介紹呢間餐廳位於西貢大網仔海灘岸邊，餐廳好chill㗎，有室內同戶外座位。 餐廳嘅食物就主打坊間少見的泰北菜，如泰式香燒雞、香茅三文魚鮫等。菜式全由泰國廚師主理，而香料亦專程由清邁等地運至。 泰式三層架下午茶，上層係炸春卷，中層就係都係以炸物為主，包括蝦餅、魚餅、雞翼同炸皮蛋，鍾意食泰式炸物嘅你又點可以錯過啊！ 再配上泰式生蝦～咁就中和番啲炸物嘅罪惡感喇！ 仲有芒果糯米飯、千層糕、椰汁西米糕等等。 串燒沙嗲牛、雞都燒得非常惹味，再點埋個醬汁，好夾。 吹著海風，歎住泰國美食真係幾正～大家可以暫時bookmark定先。 泰道 地址：西貢大網仔路沙下村9號地舖 營業時間：12:00-22:00（視乎疫情關係） 圖片來源：@vivianeat.hk
經過北角渣華道嘅你係咪好好奇有咩驅使呢班公公婆婆排長龍？ 小編一眼睇落去仲以為係排隊做檢測，原來大家天寒地凍就係排緊呢間老字號買蛋卷，喺蛋卷關注組入面討論度排名第一，想食就要早排隊啊，要注意拎貨同賣貨嘅日子，即刻睇落去先！ 賣糧油起家的德成號，由於60年代超市興起轉而售賣自家製蛋卷，全部人手捲製特別鬆化，店舖主打售賣牛油味雞蛋卷、原味雞蛋卷、椰汁味雞蛋卷。 外型同包裝都非常傳統，而價錢方面都教實惠。家鄉雞蛋卷（400g/$86） 食落好香雞雞蛋味，又唔會超級甜～ 好足料，因為同平時大集團果啲好唔同，口感好厚實，唔會硬，同埋食落好鬆化嘅！ 大家如果真係想試真係要早啲嚟排隊，好彩你到店舖就可以買現貨，如果唔好彩就真係要預訂喇！ 得成號 地址：北角渣華道64號地下 營業時間：星期一至六 09:30 – 19:00 星期日 全日休息 *星期一至三只供取貨，星期四至六門市發售 圖片來源：@playegg365
相信大家呢排居家抗疫、Work From Home (在家工作) 運動量極低，每日嘅脂肪都有入無出，唔洗一個月都已經增磅唔少，今次小編介紹以下幾個運動App Active Arcade 活力街 呢個App採用最新嘅AI識別追踪技術，再配合增強現實（AR）嘅玩法，電話可以即時識別你嘅動作。 只要將手機或平等電腦擺喺靜止嘅物體上，確保鏡頭可見到你的全身或半身，或者見到你把口，即刻down嚟做下運動啦！ Jumpr 虛擬跳繩/足球/呼拉圈 呢個app最方便就係玩家無須去到任何空曠場地跳繩或玩足球，只要企喺手機前方，比個app影到全身，跟住個app就會出現兩條虛擬繩，只要玩家雙手fing fing 同埋跳起即刻就開始計。 大家仲可以揀番一日跳幾多個或者消耗啲咩食物，有一粒糖、一件pizza、一件壽司等等。 30天居家健身鍛鍊挑戰 30日嘅健身鍛煉挑戰包括腹部、臀部同埋全身的鍛煉，由初級到高級分為3個等級。 根據健身規律，30天健身會令身體自動適應並可逐步接受更高強度鍛煉，因此，你可以輕鬆地堅持每天的鍛煉。 非常有效地幫助你保持身材和減肥。 每個人無論任何時間都可以在家裡進行鍛煉，即刻開始屬於你嘅科學健身，增強體質，堅持鍛煉，你將會有意想不到的收穫。 7分鐘鍛鍊 連美國紐約時報都曾經提及呢個app：「係用最少嘅投資獲得最大嘅健身效果」！短短嘅7分鐘運動全部都係HICT (高強度循環訓練)為基礎，目標鍛鍊全身肌肉以達到減脂嘅目的，鍛鍊全身肌肉和改善體適能。
油塘又多個新超市進駐喇～今次係AEON STYLE，樓高兩層，佔地超過4,6000呎！ 繼黃埔、旺角家樂坊、康怡分店後係第4間分店。 油塘店將分為五大區域，包括「Home Living」提供優質的廚房用品、浴室用品、餐桌用具及傢俬等，滿足家居生活所需。 「Fashion」專賣各款日系男女休閒及時尚服飾。 「Beauty Corner」專為女生而設，提供一系列美妝護膚提案。 「Kids Zone」提供一系列潮流文具、玩具及精品。 另外還有「Pet Zone」專賣多種類的日本品牌寵物糧食及用品。 仲有日式料理「Delica+」及「PAIN DES CANTE」麵包店進駐。 住附近嘅朋友仔，超唔快啲黎掃貨？ 依家開幕仲有大量限定優惠同特價商品，即刻去超市睇下啦！ AEON STYLE油塘店： 九龍油塘高超道38號大本型1樓101, 102, 106及107號鋪及2樓201, 202及208號鋪
呢啲天氣就一定要食啲熱辣辣~熱到冒煙嘅食物，今次推介呢間米線舖唔知大家試過未呢！ 香格里拉酒店就聽過喇~今次呢間米線店都係叫香格里拉米線專門店喔，雖然唔可以同酒店食物相比，但食物質素一定唔會差，小店喺香港米線關注組入面經常被網民稱讚~ 店內主打雲南、貴州口味米線，簡直係嗜辣者天堂呢度~辣度總共分為9個級別，湯底就有6款。 呢款係重慶麻辣二小辣湯底，呢度嘅二小辣俾一般連鎖店辣度更強、更刺激，配上豬紅、雞肉，仲有豬潤，好鬼惹味~ 麻辣湯底配上鮮竹蝦春卷、司華力腸兩款都係炸物，幼米線食落好爽口~麻喇湯真係辣得好過癮，食到爆汗！冬天食完個人都㷫烚烚，即炸鮮竹蝦春卷，食落好香口~ 司華力腸炸至香脆，好似街邊檔燒出嚟果種味道同口感。 蒙古大汗烤豬腿，呢個超正喔~好香孜然味道！ 香格里拉米線專門店 地址：觀塘牛頭角道345號地舖 電話：6931 3778 營業時間：11:00～22:00 圖片來源：@eatgoodwesteatbadwest、@food_fatjai
位於大埔墟街市內嘅糯米糍小店，主打售賣客家糍粑（糯米糍）、芝麻糊、花生糊同埋各款糖水等等。 最多人食嘅就係呢款，即叫即包嘅花生芝麻糯米糍，糯米皮做到超薄身~老闆娘更每次將啲餡料包到超級多，一啖咬落去超滿足！ 無辦法一啖擺落去~超級抵食，咁足料都只係賣$7一個。 山長水遠入到大埔都建議買番一盒番去同屋企人朋友一齊Share，客家糍粑 $7/個 $18/3個 $35/6個。 如果你堂食就一定要試埋呢度嘅花生糊同埋芝麻糊。 老闆娘每日都會到場親自包糯米糍~ 基於現時疫情關係，大家如果想食就要留意門市開放時間，或者上網團購一樣咁方便！ 滑嘟嘟 營業時間：12:00-20:00（因疫情關係，暫時門市只開星期六日。） 地址：大埔墟街市及熟食中心2樓29號舖 詳情可以參考滑嘟嘟Facebook或以團購形式到區外。 圖片來源：@food.life_kei
近日中環開咗間希臘乳酪芝士蛋糕店，蛋糕以時令水果、希臘乳酪、芝士製作而成，包括日本蜜瓜希臘乳酪芝士蛋糕、日本士多啤梨希臘乳酪芝士蛋糕、白桃玫瑰芝士、火龍果芒果乳酪芝士口味等等多款水果芝士蛋糕。 日本蜜瓜希臘乳酪芝士蛋糕，好吸引啊呢個！將啲蛋糕擺喺新鮮蜜瓜肉上面，都幾方便各位女士進食，食落口感層次好豐富。 白桃玫瑰芝士蛋糕，蛋糕上層勁多玫瑰花瓣同白桃肉，配埋希臘乳酪芝士咁食，食多幾件都冇罪惡感喇！ 日本士多啤梨希臘乳酪芝士蛋糕，好IGable~食落有啖啖玫瑰花香。 配埋茶或咖啡慢慢歎。 Lanala 地址：中環威靈頓街39號六基大廈地下C號舖 營業時間：09:00-18:00 圖片來源：@foodxgoodwest_hk、@pigfoodiexhk
位於華富邨嘅銀都冰室1968年開設，至今已開業54年，店舖售賣多款茶餐廳美食，沙爹牛肉麵、豬頸肉碟頭飯、鴨胸飯、牛油皮蛋撻等多款小食，大家踏入餐廳時如同時光穿梭般番到去50年前香港，無論係招牌、市政局告示、地磚同埋吊扇，一檯一凳都保留不變！ 舊屋邨始終不敵重建，如果大家都想去見識下呢間老香港茶餐廳，不妨放假過去華富邨行下~ 嚟銀都冰室一定要試呢度嘅西多士~ 店主每日仍堅持手作麵包，為的是確保客人嚟到餐廳時候依然可以品嘗到新鮮嘅麵包同蛋撻，相信附近嘅居民食落不單只係普通嘅麵包，而係濃厚嘅人情味。 椒鹽豬扒飯~配呢度絲滑奶茶，喺舊式茶餐廳先飲到香濃幼滑嘅奶茶，飲落仲要帶點回甘~ 仲有多款小食。 大家見到呢塊告示時候可以細心留意下，係由英殖民地市政居貼上嘅告示，哇~真係古董嚟！ 店主擔心華富邨重建後，香港人會忘記銀都冰室，繼而推出全新嘅樽仔奶茶，始終呢度靠奶茶打嚮名堂，大家都可以喺銀都冰室Facebook落單，到店內自取。 銀都冰室 地址：香港仔華富村華光樓707-708號 營業時間：05:30-18:30（逢星期二休息） 電話：2551 0388 圖片來源：@hkers_foodie、@yamy_tsumtsum、@daiwailiz
嚟大嶼山附近參拜大佛，食完齋就可以行下山~ 落雨或者大霧就唔建議大家上山，畢竟呢度山路比較傾斜~需要注意安全，行山時候最好都係帶住安全，保護自己保護他人。 心經簡林屬於全球最大戶外木刻佛經群，木柱上刻上國學大師饒宗頤墨寶，於2002年饒宗頤眼見香港社會受到香港經濟低迷的困擾，於是決定贈送其手筆的心經墨寶予香港人，藉以鼓勵。後來，香港政府決定將其墨寶轉化為戶外大型展覽，讓全香港市民都可以欣賞到，於是決定建造心經簡林。 行入去簡林之前大家可以見到呢塊指示牌，沿途都係平樓梯級，都輕鬆易行嘅。 現場總共有38條木柱，木柱上有國學大師饒宗頤的墨寶，刻著《心經》經文，展現出自然不工的境界。 每條木柱上嘅經文都不相同。 除咗近距離抬頭欣賞每條木柱及經文。 大家仲可以喺鳳凰山觀景台遠眺全景。 路線： 1. 昂平→心經簡林→彌勒山郊遊徑→昂平360救援徑→東涌 交通：港鐵東涌站B出口的東涌纜車站乘坐纜車至昂坪，車程約25分鐘；下車後，沿昂坪市集步行至昂坪廣場後，依路牌指示前往，步行約20分鐘即可到達。 2. 地鐵東湧站B口→走到纜車起點下的公交站搭乘23路巴士→45分鐘左右→在昂坪市集（終點站）下車→見到天壇大佛（維修中）→順https://www.instagram.com/hiking.life_kei/著路牌心經簡林方向→20分鐘左右平路就到啦！ 圖片來源：@hiking.life_kei、@kagolau121、@hkcityexploration
