Open Tour
麥當勞早前多次與不同MIRROR成員聯乘推出新產品，均掀起全城熱話！熱爆的MIRROR將於11月出道三週年，麥當勞再接再厲，今次更一次過與MIRROR十二位成員攜手合作，於10月25日起強勢推出期間限定的全新口味麥炸雞，更連續四星期分階段限量推出不同成員的鏡仔卡和專屬顏色包裝盒，讓各位粉絲盡情感受MIRROR魅力，兼品嚐爆「脆」滋味！各位鏡粉請準備就緒，一於浩浩蕩蕩迎來全新口味麥炸雞和一連串慶祝活動！ 麥當勞App限時送上鏡仔卡 姜濤、Stanley和Tiger率先登場！ 六位成員首次拍攝ASMR宣傳片 預埋粉絲一齊歎麥炸雞。 10月25日起，全城一起品嚐全新口味麥炸雞，享受MIRROR 帶來的一刻感動、一刻騷動，回味MIRROR的片段各種。
啟德郵輪碼頭附近有間新開玻璃餐廳，入面環境超靚~好似入咗森林咁，仲有個靚靚旋轉打卡位。 餐廳環境好有度假feel，就好似餐廳名一樣~來一趟不用飛的旅行都可以搵到去旅行嘅感覺，因為喺香港真係好少有地方咁大嘅餐廳。 燒春雞，食落肉質好有驚喜~超嫩滑。 西冷牛扒配薯蓉，塊牛扒都非常大件，可以兩個女仔share食。 仲有香煎帶子蘆筍意大利飯，飯粒煮到啱啱好，索晒啲cream，食落都幾入味。 推介大家都可以揀番忌廉南瓜湯，唔鐘意飲湯嘅都可以叫番杯檸檬梳打。 The Old Hangar（只接受whatsapp 預約，不接受walk in） 地址：啟德郵輪碼頭B區2樓 電話： 9882 3970（whatsapp） 圖片來源：@theoldhangar、@harmony.is.true、@winnietolife、@daydaycheckin、@avenustoto
屯馬線開通後，相信大家都多咗去九龍城附近搵食！ 小編就推介大家想過嚟呢間Café歎番個brunch喇，餐廳由得獎咖啡師主理，呢度仲有虹吸咖啡供應，大家可以嘗到坊間少有嘅咖啡種類。 嚟到一定要歎呢個牛油果蛋多士，店員將牛油果切片後再拼成玫瑰花形,食之前梗喺要相機食先喇，呢個多士肯定夠飽肚。 因為牛油果玫瑰花下層仲有一層厚厚嘅牛油果蓉，食完超滿足。 唔洗打卡花形牛油果，都可以揀番個All Day Breakfast，可追加牛角包同埋薯餅。 仲有雞翼同埋飯可以揀番。 飲品方面一定要試下百利甜酒朱古力，有凍熱飲可選擇。 虹吸咖啡都一定要試下。 Rings Coffee 地址：九龍城衙前塱道8號地下 電話：9798 3510 營業時間： 星期一至五｜07:30 – 18:00 星期六至日｜08:30 – 18:00 公眾假期｜08:30 – 18:00 圖片來源：@sharefood2you、@missding_kitchen
呢個咁靚嘅七彩欄杆位於屯門，係一條閤家歡路線，對於初級新手嚟講絕對係入門級行山路線，簡易程度同深水埗嘅嘉頓山差唔多。屯門徑係屯門人嘅後山花園，靠近輕鐵站同埋馬路~輕鬆容易去到，即刻睇詳情先！ 入口會見到個大欖郊野公園路牌。 途徑呢個水塘，沿路直行會見到有一條上山嘅樓梯。 全部都係石屎路，對行山新手嚟講絕對係快靚正。 倚靠係欄杆上時候大家要注意安全，切勿為影相打卡攀爬上欄杆。 呢個位置仲可以俯瞰全個屯門市景色，大家假日不妨帶埋一家大細一齊嚟挑戰喇！ 屯門徑第一段（屯門市中心至景峰） 全程：3公里 需時：1小時 起點交通：西鐵屯門站 終點交通：輕鐵景峰站 圖片來源：IG@iamline819、@_gnihc02、@livetohike_hk
近期興起嘅車中泊，成為咗本地假日活動嘅其中一項新熱潮！加上秋風起又是露營好時機，特別推出 Land Rover Defender 汽車露營體驗，方便大家輕輕鬆鬆體驗車中泊，又型又打卡。 活動為兩日一夜露營體驗，$1789/兩位，包車頂營帳、餐具、露營櫈、露營枱、煮食爐具、保溫箱等都會為你準備好，當中更包括約兩小時露營技巧及野外煮食技巧講解活動，大家如果想一家大細或者同朋友一齊。 超型格「越野之王」 Land Rover Defender 上玩番晚車中泊。 與「越野之王」盡情多角度打卡。 車頂營，煮食用具，冰箱，調味用品，戶外家具全都為你準備好。 場地設有共用洗手間及浴室，冷熱水供應。 Land Rover Defender 汽車露營體驗｜Defenderland 價錢：$1789/兩位（泊車位另加$55） 入營時間：下午16:00-18:00時 退營時間：中午12時 營地：景盛農莊（沙頭角沙頭角公路石涌凹段39號) 公共交通：由粉嶺港鐵站乘 78K 巴士 或 上水港鐵站乘 55K 小巴 場地設有收費泊車地點 *兩小時露營技巧及野外煮食技巧講解活動進行時間為下午 4 時至 6 時期間 預訂連結： 立即訂購
又到咗食大閘蟹嘅季節，間間餐廳都做梗優惠！唔知揀邊間好？今次小編為大家精選以下x間餐廳俾你！即刻睇套餐包咩喇～ 1. 等等HEA 位於九龍城呢間餐廳推出88分鐘大閘蟹放題任食x台式小食飲品，再送你獨家優惠四人送花雕兩瓶。 【江蘇爆膏大閘蟹＋台式小食飲品】88分鐘任食放題，$358起。 大閘蟹及蟹粉小食放題，包括大閘蟹公、大閘蟹乸、蟹粉水餃、生滾大閘蟹粥等等。 台式食品任食，有蚵仔滷肉飯、士林鹽酥雞、阿等麵線、薑茶芋圓、椰奶芋圓鮮草等等。 任飲飲品有黑糖珍珠系列、芝士奶蓋、果茶系列等等。 餐廳：等等HEA 地址：九龍城福佬村道41號地下 優惠日期：即日起至12月10日 用餐時間：限時88分鐘 [6個時段可選 – 14:30, 16:00, 18:00, 19:30, 21:00, 2200] 預訂連結： 立即訂購 ==================== 2.海雲天 蟹宴包括：生拆蟹粉蒜茸包、雙色蟹粉小籠包(2隻)、功夫蟹肉羹、清水大閘蟹(2隻)、椒鹽小黃魚、上湯雲耳浸豆苗、花雕醉翁鴿(半隻)、古法蟹粉芙蓉撈麵、薑茶湯丸。 於KKday預訂更可享預訂優惠 以HK$468起 (原價HK$598/位 ) 品嚐9道菜蟹宴，心動不如行動，即刻係KKday預訂啦。每4位更會贈送陳年花彫一壺。 餐廳：海雲天 地址：九龍紅磡德豐街20號海逸君綽酒店二樓 優惠日期：即日起至11月30日止 供應時間：11:00-15:00 或 18:00-21:00 預訂連結： 立即訂購 ==================== 3.麻辣風雲 麻辣風雲大閘蟹盛宴｜獨家送出薑茶芝麻湯圓 $568起 秋風將起，大閘蟹的季節又到了。「大閘蟹，我又要！」麻辣風雲再次推出大閘蟹套餐，不同份量，自行選擇。繼續有四款特色口味為你送上。清蒸、鹽焗、香辣、黃酒當歸任你挑選。 全部用心製作，務求突破傳統帶給食客驚喜。更會推出一系列蟹粉精選菜式，讓各位於大閘蟹風雲，一吃入魂！現透過KKday訂購大閘蟹精選套餐，更會獨家送出薑茶芝麻湯圓（每位一份）。「蟹粉」們不容錯過！ 【四大才子】有四隻大閘蟹（可選擇兩種口味）蟹粉豆腐、蟹粉扒豆苗/自選時蔬、薑茶芝麻湯圓（每位一份） 餐廳：麻辣風雲 地址：荃灣海壩街108-114號荃碧大廈1樓｜駱克道京都廣場5樓 預訂連結： 立即訂購
近日尖沙咀新開5000呎高級日本料理「螢火Hotaru」，餐廳以吧檯式設計為主，並分為兩大主題區域，包括日式鐵板燒、Omakase壽司吧檯，兩者都可即席欣賞師傅精湛廚藝，場內座位寬敞舒適，空間感十足，坐得好舒服。食材用料新鮮高級，搜羅自世界各地嘅矜貴食材，包括菲律賓巨型斑馬瀨尿蝦、澳洲龍蝦、南非三頭鮑魚同埋鹿兒島/宮崎縣A5和牛。場內更設有超靚互動投射打卡牆，仲有多款動畫場景變換，大家可以即場為朋友、家人及愛人送上小驚喜，即刻睇下有咩食同有咩玩喇~ 首先食嘅第一款前菜：豆腐沙律，清一清個口腔再享受之後嘅美食。 另外一道開胃前菜係黑魚子蒸蛋連殼，蛋味濃郁，再綴以黑魚子，賣相精緻到不得了。 刺身三點（金目鯛、拖羅、鰹魚），金目鯛呈淺粉色，肌理實淨，咬落口感肥而不膩，拖羅超肥美~食落魚油甘香，入口即溶，鰹魚坊間一般比較少有，口感清爽都幾有嚼勁。（小編都喺度提番大家，店舖會採用新鮮時令刺身，次次都會有唔同驚喜）。 香煎鵝肝多士，配上焦糖蘋果醬一齊食，中和番油膩嘅口感，鵝肝面層焦脆帶點酸酸甜甜，口感幼滑細膩。 小編私心推介呢個嚟自菲律賓巨型斑馬瀨尿蝦，約成人手臂長嘅瀨尿蝦，相信大家睇見都流晒口水~小編幫你試食先，入口啖啖肉，肉質好鮮甜，加上鐵板燒嘅方式，除咗可以保留肉質爽口彈牙，食落每啖都充滿肉汁，最重要係有金黃色流心膏，口感類似溏心蛋嘅軟綿綿口感，回味無窮！食落超有驚喜一定要試！ 澳洲龍蝦，新鮮生猛龍蝦，食落肉質爽彈、鮮甜，廚師只係落咗少許黑胡椒、海鹽、白酒簡單調味~最正嘅係廚師會用剩餘龍蝦頭內嘅蝦膏倒入新鮮龍蝦肉中番兜，好Creamy！ 南非鮑魚，廚師話呢隻鮑魚足三頭（約一斤重），煎嘅時候更非常細心切咗豎紋，大家食嘅時候只需輕輕打橫切就會變成一粒粒，方便食用。 鮑魚食落口感厚肉又彈牙，火候啱啱好，再搭配秘製嘅鮑魚肝醬同埋黑松露醬，口感一流。 日本鹿兒島A5和牛厚燒，厚燒比較有口感，都幾重油分，配上蒜片一齊食，口感層次更豐富，A5級和牛肉絕屬上品。 櫻花蝦炒飯，由清淡到濃味，全個鐵板燒都食到七七八八，最後嚟番個炒飯真係非常滿足，撈埋啲蛋汁一齊食，超正~ 仲有炒野菜，有芽菜、紅蘿蔔絲同埋椰菜，都keep到口感爽脆。 龍蝦麵豉湯都好足料，湯底用龍蝦頭熬製，飲落超鮮甜~ 最後再食埋個柚子雪芭甜品，口感微酸，食落清新香甜。（提提大家甜品都會不定期轉換款式） 午市套餐最平$380試勻9道菜連甜品，呢款「星」午市套餐包括沙律、帆立貝、汁煮白鱈魚、大蝦、美國牛肉薄燒或厚燒、櫻花蝦炒飯、炒野菜、吸物、漬物，甜品或咖啡。 晚市套餐就主打螢火廚師精選，有齊刺身三點、鵝肝多士、澳洲龍蝦、南非鮑魚、 日本和牛等矜貴9道菜，非常豐富。 而小編推薦嘅巨型斑馬瀨尿蝦套餐共有10道菜，每晚限量供應㗎！欲知詳情，請向餐廳查詢。 另一邊嘅Omakase壽司吧亦提供多款$308起嘅午市套餐，包括足料魚生丼同埋壽司十貫定食套餐。如果想食好啲嘅，都可以揀番有海膽杯嘅午餐廚師發辦都只係$488！超抵食！ 更設有自家養殖魚缸、凍肉櫃及清酒櫃，確保食材生猛、新鮮，再搭配師傅即席鐵板烹調配以特製嘅汁醬，令食材及配方昇華到更高嘅層次~讓食客滿足味覺享受。 餐廳內仲有一幅超靚嘅互動投射打卡牆，有多款動畫場景變換，例如：許願天燈、櫻花樹下、清明上河圖、海洋世界等唔同嘅場景，會不定時轉換！當中最特別嘅一定係天燈許願牆，大家可以用IPad將你嘅願望及祝福語寫上，隨即天燈上會顯示出你所寫嘅文字，啱曬各位想俾驚喜家人或者情人嘅你，真係好浪漫好sweet呀！ 餐廳另設有獨立包廂，分別可容納12位或6位顧客，包廂隱私度極高，投射牆上同樣有多款動畫場景變換，大家不妨都可以約番三五知己包房喺度把酒談歡。 螢火 Hotaru 地址：尖沙咀尖東加連威老道96號希爾頓大廈LG樓1號舖 電話：21518133 Whatsapp預約：84893133 營業時間： 星期一至日 12:00 – 15:00｜18:00 – 23:00
各位Monchhichi粉絲注意喇！今次Monchhichi角色化身馬戲團，現場更設有市集同埋三大打卡位，包括身穿燕尾服嘅魔術師、雜技員、手拎爆谷嘅Monchhichi粉絲團，市集仲有多款特別版公仔，仲有精品同埋食物，即刻睇有咩玩先！ 近百款Monchhichi精品及美食，當中更加有幾款係會場限定，滿足到各位大粉絲小粉絲！ 身穿燕尾服嘅Monchhichi化身成為魔術師，超可愛啊！ 呢個係化身馬戲團雜技員嘅Monchhichi。 Monchhichi拍照區位置： • MTR層中庭 – Monchhichi馬戲團精品及美食市集 • L1樓層 – CALVIN KLEIN JEANS旁 • L4樓層 – 近豐澤 「Monchhichi馬戲團精品及美食市集」 日期：即日至10月24日 時間：上午10時至晚上10時 地點：旺角MOKO新世紀廣場中庭
尖沙咀凱悅酒店10月Staycation快閃優惠，星期一至四入住(公眾假期及前夕除外)保證客房升級，享長達24小時住宿體驗（逢星期一至四），餐飲可享用雙人自助早餐、自助午餐，11月30日前入住更可獲贈總值HK$100 K11 Art Mall電子現金券。 現於KKday預訂低至HK$615/位(含10%服務費)，11月30日或之前入住客人，有兩個獨家優惠。 (1) 首 700 名預訂快閃住宿可獲贈澳洲天然香薰護膚品牌CANVAS「玫瑰亮肌防曬體驗套裝」(價值HK$415)及HK$100 購物優惠券 (先訂先得，送完即止，只適用於2021年11月30日前入住) (2) 預訂快閃住宿，可免費於房內享用CANVAS香薰體驗套裝，包括CANVAS香薰噴霧器連3款有機香薰油 (澳洲尤加利香薰油1ml、薰衣草香薰油1ml、茶樹香薰油1ml)。 配合CANVAS香薰噴霧器在酒店入住期間享用，達至最佳調香及芳療效果， 讓客人可享深層放鬆。（只限11月30日前入住） 港式秋日下午茶： 鹹點：港式鮑魚撻、經典芝麻蝦多士、自家焗製牛油軟包西多士及煉奶、炸龍蝦肉春卷配甜酸醬；甜點：英式蘋果鬆餅、雲呢拿杏仁蛋糕配煉奶吉士、栗子生、香柿傳統港式蛋撻、榛子巴黎圈、朱古力奶茶慕絲蛋糕、香港遠年陳皮朱古力 飲品可選：港式冰鎮奶茶、懷舊紅豆冰、西瓜紅茶 嘉賓軒酒廊禮遇。 預訂快閃住宿，可免費於房內享用CANVAS香薰體驗套裝，包括CANVAS香薰噴霧器連3款有機香薰油 (澳洲尤加利香薰油1ml、薰衣草香薰油1ml、茶樹香薰油1ml)。 配合CANVAS香薰噴霧器在酒店入住期間享用，達至最佳調香及芳療效果， 讓客人可享深層放鬆。（只限11月30日前入住） 尖沙咀凱悅酒店 地址：尖沙咀河內道18號 優惠期 (預訂期) : 2021年10月11日22:00至10月17日23:59 可選擇日期：2021年10月13日至2021年12月18日 預訂連結： 立即訂購
