Open Tour
全新的1011 SIPTEA x 《蠟筆小新》茶飲店由9月10日起登陸1011 SIPTEA灣仔利東街旗艦店的「茶吧」，為《蠟筆小新》粉絲送上驚喜，除了優質茶品及可愛實用性兼備的周邊產品，現場設有多個打卡位，讓粉絲與心愛的角色合照，更會於店內播放《蠟筆小新》動畫，讓粉絲們一邊品嚐1011 SIPTEA的茶飲及食品。 牛仔漁夫帽（HK$ 168），深藍色好易襯衫，輕鬆打造文青Look~ 小新絨面購物袋（HK$ 128），出街放全部雜物無難度！ 復刻珍珠奶茶（圖：右一）、味道清甜的芒果百香綠茶（圖：左二）、奇異果冰茶（圖：左一）及柑桔檸茶（圖：右二），讓手搖茶飲愛好者品嚐新鮮美味的新派茶飲。 仲有四款非常特別嘅植物罐頭，大家細心留意種子上面有唔同嘅圖案。 妹妹小葵同蠟筆小新超可愛造型公仔~ 大細版本狗狗小白。 仲有3款唔同圖案嘅蠟筆小新風扇仔。 兩款唔同顏色嘅Tee。 仲有靚靚隧道打卡位~ 1011 SIPTEA x 蠟筆小新茶飲店 地點︰灣仔皇后大道東200號利東街地下G39號舖 日期︰2021 年 9 月 10日 至 2021 年10月10日 時間︰12:00-20:00
各位燒賣控注意喇！芫荽、皮蛋、椰汁三樣嘢都係小編飛佛~不過將三樣嘢擺埋一齊，又真係幾特別喔！呢款口味嘅燒賣仲要每日限量50份，先到先得！相信能夠將燒賣玩到咁有Gimmick 都只係呢間小店，仲有朱古力燒賣、shake shake 燒賣、麻辣蒜蓉燒賣、仲有炒燒賣，小店規矩係唔可以落任何豉油同辣椒油，要你試真地個味道！大家食完燒賣唔夠飽，都可以試番本店嘅糖水。 各位燒賣愛好者，嚟梗店主將推出《避風塘燒賣配tabasco辛辣醬》、《鹽焗沙薑雞絲焗燒賣》，唔知大家又有冇興趣試食呢？ 芫荽皮蛋椰汁燒賣，甜甜鹹鹹好似幾好食！ shake shake 燒賣，食落非常惹味~ 朱古力醬燒賣，好似道甜品咁喔，相信食落都好有驚喜。 麻辣蒜蓉燒賣，唔係話超級辣~辣得過癮。 糖水雄 地址：佐敦渡船角文匯街30號文景樓地舖 營業時間：16:30-01:30 圖片來源：Facebook@糖水雄、IG@marcosora、4words.lifestyle、foooo_od7
舂坎角位於港島南區赤柱西部，連同位於舂坎角的舂坎灣、舂坎角炮台，該處除咗係一個睇景好地方，仲係香港其中一個燒烤同埋游泳嘅勝地，該處亦有不少低密度豪華住宅，大家前往該處時候亦必須保持安靜，切勿大聲喧嘩。 舂坎角勝在環境清幽，適合一眾好人前來燒烤或情侶之間嚟談心都非常適合。 無敵海景，從高角度或低角度拍攝都能夠欣賞到一望無際嘅海景，如同去咗轉外國旅行咁。 炮台後面都有個打卡位，大家可以坐上去影相打卡。 舂坎角炮台 公園左邊有一條樓梯可以行落去探照燈座遺址。 舂坎角砲台 地址： 香港舂坎角道 交通： 專線小巴 16A (柴灣站 – 舂磡角慈氏護養院) 新巴 65 (北角碼頭 – 赤柱市集) 城巴 6x (中環 交易廣場 – 赤柱市集)→舂坎角海灘站落車，步行約20分鐘 的士（約$40-50） 泊車：有大約6個車位的空地泊車 圖片來源：@amyworldwanderings
各位文青放假又有新地方去喇！位於香港西九文化區嘅亞洲首間全球性當代視覺文化博物館M+將於2021年11月12日開幕， 佔地65,000 平方米！場地總共有33個展覽廳，博物館開幕更首次展出來自香港、大中華地區、亞洲及世界各地共5萬幅館藏，另設六個特別展覽空間（3間戲院、咖啡廳、辦公室、會員樓層、天台花園、M+幕墻），即刻睇有咩玩？ M+幕墻，展示與博物館得各種內容，並能夠與香港城市夜景融為一體。 香港M+得二樓中庭，旋轉型樓梯~相信能夠再次成為人氣打卡熱點！ M+「大台階」，氣勢磅礴嘅樓梯，可供參觀者欣賞及休憩。 M+觀海長廊，能夠眺望維港景色。 M+大樓地庫二層，接通沿着地下鐵路隧道走線開鑿而成的「潛空間」，將用於展出大型裝置作品。 多幅展品均是首次來港展出。 M+博物館 *地址：香港九龍西九文化區博物館道 38號 *開放時間： 星期二至日:上午 10 時至下午 6 時 星期五延長開放時間至晚上 10 時 最後入場時間為閉館前 30 分鐘 *假日安排 除 12 月 25 日聖誕節、1月1日新年、農曆年初一及二休館外，其他公眾假期照常開放。 *研究中心 星期二至六:上午 10 時至下午 5 時,須提前預約。 *入場票價：（開幕日起計十二個月內，持有有效身份證明文件的香港居民可免費入場） 成人票：$120 優惠票：$60 (7至 17歲兒童、60 歲及以上長者、全日制學生和殘疾人士及其陪同者)6 歲及以下兒童:免費入場） 立即預約： 立即訂購
大家可能喺陸地上Styacation都去到悶悶地，又無得飛~今次小編推介大家去試下星夢郵輪雲頂夢號Seacation，最平人均$1688包早、午&晚三餐（至少兩位起），呢個價錢可以玩到三日兩夜，當去咗個短Trip咁~真係好抵玩！船上面有多項設施，包括水上滑梯樂園、高空繩索、兒童俱樂部、現場音樂表演及大型劇院表演等等，專爲不同年齡遊客而設，仲有多種餐飲概念，亞洲地道美食、環球特色餐廳、更有戶外用餐區讓您飽覽無邊海景。 最後小編都推介大家可以加錢住「The Palace皇宮」套房及別墅，每人加$1800就可以入住皇宮套房，入住皇宮套房仲配有個禮賓管家俾大家差遣，為您精心安排一切細節，等你玩得盡興。 提提大家上船前係必須提供完成疫苗接種的官方證明，並登船之前14天已完成2019冠狀病毒病疫苗接種 (即已接種兩劑新冠疫苗至少 14 天)。查詢詳情 露台客房：寬敞典雅的客房內，只需輕拉窗簾便可飽覽海天一色的優美風光。 露台客房/皇宮套房內專屬露台：迷人的大海賦予了它所有的魅力。 皇宮套房：宛若宮殿般奢華，禮賓管家隨時聽候您的差遣，為您精心安排一切細節，包括從您心儀的餐廳點菜等。 皇宮套房配備浴缸 / 淋浴的豪華浴室。 「The Palace皇宮」專區：皇宮泳池及日光甲板。 麗都自助餐廳：供應琳琅滿目的早、午、晚餐。 戶外火鍋：在戶外甲板上歡享美味火鍋，海風徐徐，壯闊海景一覽無遺。 主泳池甲板：全日以精彩遊戲及活動為全體旅客帶來歡樂。 水上滑梯樂園：有六種滑梯供您選擇，包括合家歡的輕鬆滑道、追求刺激人士熱愛的陡峭滑梯等。 兒童嬉水區。 繩索場及迷你高爾夫。 ZOUK 海灘派對俱樂部：在星空下欣賞LED大型屏幕上播放精彩電影 / ZOUK週末絢麗繽紛的夜生活節目。 夜光保齡球場：四條閃閃發光的球道、霓虹燈與紫外線燈光交相輝映，伴隨著震撼音樂，讓您和好友歡度時光。 星座劇院：精彩絕倫的現場大型表演。 啟德郵輪碼頭 地址：香港啟德承豐道33號（地圖） 預訂連結： 立即訂購
慈雲山名物沙嗲煲仔麵終於登陸旺角喇！大家以後去嘅旺角都可以食，而新店更推出多款美食，包括虎蝦Come撈汁冰煲冷麵、蘭王窩蛋牛小排煲仔飯、燒瀨尿蝦干、茶走奶凍同鹹蛋黃流心撻，客人仲可以試拉奶茶，自己奶茶自己整，非常特別~ 虎蝦Come 撈汁冰煲冷麵，本身麵底已經有蝦油，大家食嘅時候可以落蒜油或Come 撈汁。 沾麵沙嗲，沙嗲醬極濃~食落仲有好明顯顆粒感，帶有小小甜味~超級正，大家仲可以加錢試埋龍蝦湯。 蘭王窩蛋牛肉飯，配上試食用級蘭王，提升全個煲仔飯口感層次~食用級生雞蛋配上米飯，撈埋一齊食超級正。 茶走奶凍，上檯時候仙氣十足~好啱影相，面層係煉奶，下面個奶凍茶味超濃~ 燒瀨尿蝦幹，呢個真係好有大澳漁村風味~一般市區比較難食到呢類型即燒海味，起碼要去到離島先食得到。 有三款醬汁，包括蒜油、Come 撈汁、蝦油，三款醬汁都係賣更$38蚊，大家過嚟食飯嘅時候不妨買支番去試下！ 煲仔榮記 地址：旺角花園街1號鴻禧大廈地下K號舖 營業時間：星期一至日 12:00-22:00
日本茶寮京都仁王門於荃灣海之戀商場正式開業喇~新店以簡約和式設計為主，店舖除咗有多款招牌甜品之外，更有多款香港限定特色定食、輕食及自家製甜品，包括日式招牌班戟、傳統仁王門御膳及定食、特色忌廉烏冬及吐司等。 赤色林檎班戟，材料由京都總店直送，經過慢煮的赤色林檎果肉配上赤色林檎果汁製成的啫喱，既香甜又清新，搭配香濃鬆軟的班戟一同享用，絕對是夢幻組合，實屬蘋果控的必食之選。 宇治抹茶班戟，配上抹茶味蕨餅、紅豆、抹茶雪糕，再淋上抹茶味醬汁，配上抹茶Pancake~超正，各位抹茶控切勿錯過。 仲有多款拿破崙蛋糕，有草莓味、芒果味、栗子味同埋雜果味道，口感層次豐富，食落非常鬆軟。 除咗多款精緻甜品之外，仲有歷史悠久傳統料理「仁王門御膳」，共有9款美食，包括京都玉子燒、北寄貝沙律、吉列炸蠔、燒鯖魚、日式燒茄子、唐揚配柚子胡椒醬、醬醃溏心蛋、牛肉煮及日式照燒雞。 仲有仁王門定食亦是店內人氣之選，一系列的和風配菜如吉列炸豬梅肉、梅酒醬油漫煮五花肉及白麵仕醬燒鯖魚等，供客人任意選擇，每款都充滿日本地道風味，保證總有一款合您心意。 海膽忌廉烏冬，醬汁超鮮甜。 抹茶煉乳奶昔。 茶寮 京都仁王門 地址：荃灣大河道100號海之戀商場地下G22-G23號舖 營業時間： 星期一至五 12:00-21:00 星期六日及公眾假期11:30-22:00 電話：852 2123 9498
香港東隅酒店 EAST Hong Kong ，喺近期人氣網紅酒店，貼住落地玻璃窗影靚相就超正！雙人入住城市客房（設限量搶升級海景客房禮遇)），只需人均$375起連（Domain）雙人早餐同Sugar 飲品！更設「限量搶」享免費升級至海景客房。 海景客房。 城市客房。 Domain 咖啡廳。 FEAST (Food by EAST)自助晚餐 FEAST (Food by EAST) 是位於一樓充滿活力的全天候餐廳，提供新鮮精製的國際美食。 1.【住宿連早餐優惠】包括： 一晚住宿（城市客房(Urban View room)/城市精選客房(Urban Corner room)/海景客房(Harbour View room)） 於Domain免費享用雙人早餐（用餐時間：7am – 11am） 入住當天免費房間飲品及小食 每個入住日3間預訂”一般房價”可享由城市客房免費升級至海景客房(適用於逢星期日至四，公眾假期及前夕除外)(需預訂指定方案) 2. 【住宿．品味 – 自助晚餐住宿優惠】包括： 一晚住宿 於FEAST (Food by EAST) 享用雙人自助晚餐（用餐時間：20:30 – 22:30，客人須使用「安心出行」流動應用程式） 入住當天免費房間飲品及小食 每個入住日3間可享由城市客房保證升級至城市精選客房(需預訂指定方案) 香港東隅酒店 地址: 鰂魚涌太古城道29號 優惠期 (預訂期) : 2021年9月6日22:00至9月12日23:59 可選擇入住日期：2021年9月7日至2021年11月30日 預訂連結： 立即訂購
餐廳環境寬敞，在不少細節上加入了中國風。主打傳統重慶小麵，麵上加入花生米、豌豆醬、青蔥等佐料，再拌以辣椒油，十分惹味，小食方面亦提供棒棒雞、四川冰粉同埋串串等正宗四川菜。店內所有麵類或小食均使用自家製辣椒油，誠意十足，即刻睇有咩食先！ 瘋狂肥腸麵，講番個麵底先，個質感非常特別~肥腸如果可以多啲就好喇！ 瘋狂擔擔麵，有雞蛋、肉醬、青瓜絲、花生同埋自家製辣椒油，撈埋一齊食真係超惹味~ 正宗重慶酸辣粉，薯粉煙韌，只係得花生同蔥，咩配料都冇，價錢略貴。 棒棒雞，味道夠香麻辣~雞肉就太過腍身。 成都老冰粉，食完辣嘢梗係要整番碗喇，舒緩麻辣不適嘅感覺~ Menu上小面配料非常多。 仲有四川招牌串串，呢個係凍食嘅，大家可以自己揀鐘意食咩。時不時整番餐麻辣菜，真係超過癮~ 瘋狂小面 地址：中環士丹利街66-72號佳德商業大廈1樓 電話：23113905 營業時間：星期一至日 11:00-20:30 （公眾假期休息） 圖片來源：@eatortrip、@852japjapjap、@chloehahahahahaha
