Open Tour
各位抹茶控注意喇！人氣手工抹茶店登陸K11 Musea喇！店舖採用京都宇治百年老店嘅抹茶粉，店員會即席手打抹茶，手拂抹茶味道更加濃厚，鐘意飲特濃抹茶嘅你就最啱~除咗有飲品之外，更提供多款甜食，即刻睇詳情！ Yuzu Lemonade Matcha，用上柚子醬做基底，再加入牛奶，最後倒入抹茶，漸層效果明顯，呢款飲品好啱夏天飲，酸酸甜甜。 Mango Matcha Latte，呢杯飲品比較甜，不過勝在配搭上夠新鮮獨特，值得一試。 Matcha Chai Latte，講明先，唔係人人接受到Chai印度花草茶嘅味道，再配上Agave（龍舌蘭），味道比較特別。 Matcha Canele，可麗露中間嘅抹茶流心超級正，食落口感非常濃郁。 抹茶無花果巴斯克芝士蛋糕。 Matchali 地址：尖沙咀梳士巴利道18號Victoria Dockside K11 Musea1樓106號舖 電話：9880 7873 時間：08:00-19:00｜10:00-19:00 圖片來源：@feedmelikemichelin、@matchali_hk
大家平時都係去開連鎖店食拉麵？小編推介大家可以去尖沙咀厚福街呢間小店，雖然係小店，但食物水準誠意搭夠，而全個菜單只有三款口味拉麵俾大家揀，有選擇困難症嘅你嚟到都唔洗煩~小店都一樣可以俾大家揀番拉麵軟硬度，追加溏心蛋或加辣等等，想知有邊款？即刻睇內文詳情喇！ 濃厚豚骨魚介醬油拉麵，店員會特別提醒食客先飲一啖湯，再撈埋啲辣醬嚟食，豬肩肉同豬腩肉各有兩件。 好多拉麵店嘅溏心蛋都做唔到呢個效果，溏心蛋都幾入味。 弟の選択，火灸豬腩肉，肉質非常肥美，而且火灸過後油脂溢哂出嚟，咬落半溶化嘅狀態，好正！ 妹の選択，除左片肉類轉咗慢煮豬肩肉之外，湯底同配料都一樣！ 麺処一家 地址：尖沙咀厚福街11號地舖 電話：2360 1212 營業時間：12:00-22:00 圖片來源：@tastytommy、@foodiegogoooo、@briantwn
夏天梗係要同陽光玩遊戲喇！上水安圃村附近盛開一大片小野菊花花海，佔地面積有四個足球場咁大，絕對影相打卡好去處喇！不過如果大家都想影得開心，小編就提提大家要帶齊蚊怕水、風扇仔同水，以免不時之需！ 趁花兒盛放，大家係時候遠離城市，去番郊區感受下大自然。 去呢啲地方帶飯頂草帽、著裙仔同拎埋個野餐籃做道具就一定唔會錯。 一大片嘅小野菊，要去到郊區先見到，趁繁花盛放，大家記住要把握機會嚟喇！ 地址：上水松仔園附近 交通：上水小巴57K瑕公地站落車或上水巴士77K安圃村落車→步行15分鐘→行果安圃村公廁繼續向前行→進入小巷後步行5分鐘→見到條小徑左邊同前面都有 圖片來源IG：@pinkywu20、@dinglalalalala、@joman316
今年係Sanrio 家族人氣成員Pompompurin 布甸狗 25歲，「唐記包點」推出全新中式包點同甜品系列，超可愛造型嘅Pompompurin ，戴上得意廚師帽及圍巾，化身成點心師傅，為「唐記包點」拍攝一輯全新造型照！Pompompurin粉絲們，記得萬勿錯過！ Pompompurin奶皇包 ，立體造型的Pompompurin奶皇包賣相得意傳神！大耳朵配上有型畫家帽，可愛度爆燈！餡料使用「唐記」自家製口感綿滑的奶黃，除了奶黃香甜而不膩，同Pompompurin造型完美配搭。今次Pompompurin立體造型包更會以兩個不同表情出現，分別是『呆萌』同『洋洋得意』表情，兩款都非常精緻可愛。怎忍心一口咬開？粉絲們記得儲齊兩個表情嘅Pompompurin奶皇包打卡啦！ Pompompurin焦糖布丁燒，頂層有超鬆軟的芝士蛋糕，更烙印上Pompompurin活潑樣子，非常趣緻 ; 中層有滑溜的雞蛋布甸，蛋香滿滿 ; 底層有甘甜焦香的液態焦糖，中和蛋糕及布丁的甜，味道及口感都十分豐富。心心眼即時出現，帶給粉絲們無限驚喜！ 凡購買Pompompurin系列產品，即送期間限定包裝膠袋，Pompompurin奶皇包配有精美包裝盒，一次過購買兩杯布丁燒，更會附送限量精美Pompompurin新造型甜品禮盒，送完即止。大家記得把握機會，把全套系列產品帶回家吧！ 由6月16日(待定)起於指定「唐記包點」、「唐包點」及「巧手製作」分店全日供應。 (Pompompurin系列每日限量發售，售完即止) 供應期有限，欲購從速！
大家平時又多唔多食上海菜呢？踏入6月，擁有「蕈中極品」美稱嘅西藏野生松茸季節，營養價值極高、味道超鮮甜。呢間主打上海菜嘅店舖推出「尋菇記-松茸篇」，以松茸入饌多款美食，包括松茸小籠包、松茸菠菜炒魚片、松茸菌醬蝦仁拌麵、松茸蝦仁炒飯等等。而餐廳將於連續三個月，精選各地珍味菇菌食材入饌，俾大家可以試到唔同嘅菇類。 松茸小籠包，熱騰騰嘅松茸小籠包看上去精緻飽滿，肉餡里裹著珍貴的松茸，散發出獨特的香氣同時令湯汁變得更鮮美可口！ 松茸菠菜炒魚片，松茸經拌炒後帶出的誘人香氣，魚片鮮嫩爽滑，每一片都沾滿菠菜茨汁的精華!一口魚片再夾一整塊松茸，三重滋味互相輝映，齒頰留香。 松茸菌醬蝦仁拌麵，廚師團隊精心秘製以松茸調配而成的醬料，配搭彈牙的手製拉麵和爽彈蝦仁， 看似簡潔的菜式，卻吃出松茸最紮實的鲜美！ 松茸蝦仁炒飯，松茸的清香和爽彈的蝦仁配以滿滿鑊氣的炒飯，提升層次口感，讓味覺和嗅覺同時感受到松茸芳香樸鼻的氣息！ 滋味松茸套餐(4人用)，包括有點心、前菜、主食、小菜、湯和甜品等。 翡翠拉麵小籠包 按此查詢各分店地址及營業時間（西環及機場店除外） 供應日期：即日起至2021年6月30日 供應時間：11:00-22:00（金鐘店11:00-21:00）
假期大家梗係要放鬆下喇！不如嚟東涌行下「出走市集」，聯同超過40個本地原創品牌和小店，仲有一系列藝術工作坊，現場音樂表演及美食獎賞，打造理想慢活週末。 當中包括本土特色嘅文創商品、有機食品同埋精緻手作飾品等。 場内同時設有三大巨型木系擴音藝術裝置、手工藝工作坊、現場音樂表演及美食獎賞，探索大嶼山自然氣息，享受理想慢活週末。 同時，東薈城名店倉將與太古基金攜手，透過「信望未來」計劃旗下的社區項目 —「營造東涌」，發放200個「綠野靈感」工作坊名額予區内弱勢社群及少數族裔免費參與，一同分享手工藝的樂趣。 「出走市集 自然森活 」 地址：東薈城名店倉四樓平台廣場 (鄰近稻成京川滬) 日期：2021年6月18日、20日、25至27日及7月2至4日 時間：12:00-19:00
位於灣仔嘅The Upper House奕居，推出限時3折【星級下午茶之旅】住宿優惠，豪華客房只需人均需$1,384，住宿連全新頂樓餐廳雙人早餐、Salisterra 雙人下午茶，仲可以任食爆谷免費睇戲、任食爆谷免費睇戲，仲可以優惠價加購雙人60分鐘按摩，生日或紀念入住，酒店保證慶祝禮遇。 保證升級入住入住Studio 80山景豪華房。 Salisterra 雙人下午茶。 尊享SPA加購優惠價。 免費享用房內Maxi-Bar，無限享用爆谷及觀看電影。 可報名參加星期六、日團體健康班。 The Upper House 奕居酒店住宿連餐飲優惠 銷售日期：2021年6月16日22:00至6月25日23:59 入住日期：2021年7月1日至9月30日 酒店地點：香港金鐘道88號太古廣場 購買連結： 立即訂購
各位榴槤控注意，適逢6月至8月絕對係馬來西亞榴槤當造期，今次大家只要嚟到灣仔即可品嘗「馬來西亞榴槤放題Durication」榴槤放題，多款AAA國賓級榴槤品種，包括貓山王、葫蘆、紅蝦，仲有一款款時令神秘榴槤，即刻睇詳情喇！ 全部產自帝一榴在馬來西亞彭亨州自家果園的AAA級榴槤，全部都是樹上熟且即日空運到香港，保證新鮮香甜。當中款式包括貓山王、葫蘆、紅蝦及謎之槤（時令神秘榴槤）等任食。呢個係期間限定，由6月30日至到7月11日。 場內更設長達2.2米巨形榴槤梳化，令人猶如置身於榴槤樂園般夢幻，絕對是打卡熱點，加埋270度維港海景。 只需低至$580/位的價錢，即可於90分鐘內無限任食多款國賓AAA級榴槤，相信必定令榴槤控欣喜若狂，隨即展開一趟「榴槤忘返」的Durication！ 除了可以任食多款特色榴槤外，更設有大玩蒙著眼睛吃榴槤遊戲增添氣氛。 遊戲玩法： 1.蒙著眼睛吃榴槤遊戲 參賽者需戴上榴槤造型眼鏡試食，憑味覺及嗅覺估出正確答案，每場最快估中最多正確榴槤品種名字，且成為場次第一名即可免費獲得帝一榴貓山王榴槤月餅麻糬禮盒禮券一張 (每盒價值$328)。 2.場次最佳服飾獎 每場更設有最佳服飾獎，第一名得獎者可獲得帝一榴貓山王榴槤麻糬一盒(每盒價值$148)。 活動最後一天(7月11日21:00pm)舉行最快5強總決賽，冠軍得獎者更可免費獲得全個夏天任食榴槤，由7月11日至9月30日合共12個星期期間，每個星期可領取由馬來西亞空運直送原個貓山王榴槤，其餘4位總決賽參賽者可獲得新鮮榴槤一個，總值高達$10,088，獎品豐富。 馬來西亞榴槤放題 Durication 供應日期：6月30日至到7月11日 遊戲時段：每日四場合共12日（總決賽7月11日） 地點：灣仔渡輪碼頭2樓 Pier 1929 電話：3188 9677 預訂：https://inline.app/booking/pier/myevent 供應時間&價錢：星期一至四 12:00-13:30 ｜價錢：$580/位 星期一至四14:30-16:00/17:30-19:00/20:00-21:30｜價錢：$680/位 備註：購買4人套票加送榴槤Mochi 4盒(總值$232)
平日大家放假都係去開啲熱門地方影相打卡，放鬆下！今次不如近近睇揀番個葵青區喇，今日同大家介紹位於葵涌石籬嘅新開全港首個結合藝術環保與運動Nike 籃球場，除咗籃球場，附近行遠小小仲會見到石籬邨隔離嘅粉紅色天橋，都係一個特色影相位。 「石籬Grind主場」結合可持續藝術元素，用上兩萬對回收運動鞋製成Nike Grind。 插畫家兼玩具設計師James Jarvis於籃球場地面上展示著他標誌性圓型公仔正在打籃球的各種動態。 Nike更特別將全球Reuse-A-Shoe舊鞋新生企劃，將會從社區收集舊運動鞋，轉化成有用物料，並透過藝術作品甚至其他形式，賦予舊運動鞋新的生命。 石籬GRIND主場 開放日期：2021年6月25日 (星期五) 地址：新界葵涌圍乪街6號石籬商場一期天台 嚟到嘅時候不妨試下行出天橋以外嘅地方，先可以影到天橋嘅外形。 全條天橋都係粉紅色，絕對稱得上全港特色天橋之一。 石籬粉色天橋 地址：石籬邨石泰樓附近 圖片來源：@nikehkg、@jamesjarvis、@emily_0224
人人都話馬鞍山係美食沙漠，雖然馬鞍山餐廳都唔少，不過如果係稱得上好食嘅又真係寥寥可數，今次推介呢間小店喺馬鞍山人氣小店，店舖主打天然食材、咖啡同烘焙食物，大家仲可以揀番坐BAR檯睇住師傅整甜品或煮嘢食。即刻睇有咩食喇！ 自製煙三文魚牛油果三文治，新鮮挪威三文魚經醃製後口感實在而鮮美 、澳洲牛油果、荷蘭串茄、魯邦種酸種麵包，仲有薄荷乳酪。 即場人手製作。 意大利傳統卡邦尼手工意粉。 日本甜蝦配紅椒羊奶芝士手工意粉。 花華英式鬆餅配自家果醬及軟芝士。 黑糖朱古力包。 抹茶拿鐵。 花華Hana 地址：馬鞍山鞍祿街18號MOSTown新港城中心二期地下29-30號舖 電話：3755 4899 營業時間：12:00-21:30 圖片來源：@audrey.eats、@e.travelogue、@hana_coffeebread
