Open Tour
呢間餐廳位於深水埗，主打售賣日式鐵板牛扒，呢度牛肉有好多款式，包括招牌三拍子牛、牛柳、西冷牛扒等等，店舖採用日本式自助概念，入門口擺放點餐機比客人自己選購，真係好似日本咁啊！不過都建議大家嚟到時候要預番時間排隊，大約排30-40分鐘。 大家只需要入門口前，喺自助點餐機揀番自己鐘意邊款牛扒，每款牛扒都係跟餐，套餐包括白飯、沙律同湯，都係任飲任食。 牛扒份量好厚身，石燒牛扒拎到手上淨係得一成熟，大家食到一半記得去換塊新鐵板。 仲有三款調味料俾大家點。 店舖缺點就係啲飯煲得比較爛，大家睇番自己個人口味。 三ステーキ（Triple Steak） 地址：深水埗欽州街52-54號平安大廈地舖 電話：2811 8606 營業時間：12:00-22:00 圖片來源：@eatnfat、@msdadada
大家禮拜六日唔知去邊好？小編今次會介紹淺水灣半日遊俾大家，仲有幾個打卡位同餐廳推介比你。影灣園前身係淺水灣酒店，但後來因地區發展關係，於是整個淺水灣酒店拆卸，不過於1982年酒店拆卸時候，露台長廊幸得被保存落嚟，所以變成今日嘅The Verandah露台餐廳，呢間餐廳最著名就係食下午茶，除咗餐廳入面係可以食貴婦下午茶之外，影灣園商場入面有幾到地方都可以俾大家入去影相打卡。 可能大家平時好少機會過嚟淺水灣，呢度嘅露台餐廳之所以咁出名，因為係張愛玲《傾城之戀》小說改編電影，入面嘅男女主角第一次邂逅嘅地點，除此之外，仲有多套港產電影都係呢度取景。 如果大家想入走廊露台參觀，必須入餐廳消費先可以喺入面影相，大家係餐廳以外其他都係免費嘅。 呢條旋轉走廊係可以通往餐廳，大家都可以企上去呢個停駐或者擺出各款甫士，建議大家過嚟時候著上長裙比較比較適合呢度環境。 呢個位置，無論你喺上面影相打卡或者係下影番張回眸一笑都一樣咁好睇。 餐廳入面就係食梗呢個下午茶Tea Set，大家如果都想入埋呢間餐廳就記得留意營業時間。 餐廳內採用木式建築，同懸掛嘅吊燈，電影《色戒》都曾在此處取景，呢度嘅檯同檯之間距離都幾遠，適合幾位朋友喺度傾計。 大家喺影灣園食完嘢，影完相，不妨行出泳灘都睇埋日落先走啦。 The Verandah（露台餐廳） 地址：淺水灣淺水灣道109號 電話：2292 2822 交通：任何前往淺水灣交通工具去到就會搵到影灣園 營業時間：星期三至六 12:00-22:00｜11:00-22:00 圖片來源：@dinosaurs_foodie、@hkfoodholic、@nic
呢間位於灣仔軒尼詩道嘅新加坡菜，長期都係人龍小店，餐廳入面佈置到好似Cafe咁，黑白地磚、雲石檯同落地玻璃，大家想食好嘢就記住要預留30分鐘左右排隊，嚟道必試佢嘅招牌菜娘惹濃厚叻沙、優質蝦麵、咖央多士等等，即刻睇詳情喇！ 娘惹濃厚叻沙，湯底非常正宗，用上乾蔥、南薑、黃薑、辣椒等材料，仲有加入雞骨、豬骨熬製，湯底非常鮮甜。 優質蝦麵，豬骨湯比較清，有豬腩肉同埋炸豬油粒，腩肉比較薄但唔肥膩，鐘意重口味都係食叻沙喇！ 咖央多士，用咗新鮮嘅班蘭葉，所以大家見到佢特別綠。 Rempah Noodles 地址：灣仔軒尼詩道18號地舖 營業時間：星期一至五 11:30-20:00｜ 星期六 11:30-18:00 圖片來源：@walkwithtsui、@eat5ting_foodie
東京殿堂級拉麵名店【金色不如帰】即將喺6月中於銅鑼灣Fashion Walk開設第四間分店【牡蠣不如帰】，銅鑼灣分店將主打「牡蠣黃金湯」湯頭，由米芝蓮星級廚師山本敦之 (Atsushi Yamamoto) 親身研製，以數十斤鮮蠔及秘製配料經低溫慢煮提取蠔的甘甜與旨味，配上悉心選配的時蔬配料及每日煉製的鮮蠔醬及蠔油，完美激發最強牡蠣鮮味。除咗要食呢碗拉麵之外，大家記住要試埋其他4款小食。 店內環境呈粉紅色佈置，非常之少女，仲有一幅打卡墻俾大家影相。 新店限定「牡蠣鹽味拉麵」，一般嘅拉麵比較少有蠔熬製拉麵湯頭，呢個湯頭需要每日選用新鮮數十斤。 醬漬牡蠣一口飯，用上新鮮自家製蠔湯煮成嘅蠔飯，再伴上醬油漬廣島蠔。 菇燒牡蠣串。 牡蠣野菜天婦羅。 蠣泡茶漬飯。 湯底用上蠔油、蠔醬同埋蒜蓉牛油，係呢款特別牡蠣鹽味拉麵靈魂材料。 牡蠣不如帰 地址：香港銅鑼灣Fasion Walk 百德新街57號地下A號舖 電話：2802 9278 營業時間：11:00-22:00
平時大家都係去Cafe或酒店食下午茶，海上下午茶你又試過未呢？由大張保主辦嘅「海上下午茶之旅」，歷時約個半鐘頭，沿途可飽覽維港兩岸、啟德同鯉魚門一帶景緻，大家只可以揀番尖沙咀碼頭上落船，即刻睇上船詳情先！ 11月指定日子首首25套預訂可以即可享87折預訂，HK$348/位（尖沙咀登船及離船）；另外如果過咗都可以HK$399/位（可揀尖沙咀/中環登船及離船）。 大家嚟到碼頭，記得認住呢架船。 小編我個人比較怕熱，我會揀番係室內涼冷氣，不過景色當然冇上層咁開揚。 懷舊酥皮蛋撻（圖右），黑椒和牛酥（圖左）。 黑蒜燒賣、黑松露蝦餃。 馬卡龍。 歌劇蛋糕同迷你提拉米蘇。 大家如果鐘意曬太陽就直接揀下層露天位置。 上船之後會見到下面都好多露天位置，船艙總共有兩層，兩層都有位可以坐，最大分別就係下層有冷氣，上層就冇嘅。 露天位置都好舒服，藤椅配上cushion，吹住海風真係好Chill。 上層有長沙發位置，同單人座位都有。 至於下層船仲有一啲傳統藝術品俾大家欣賞。 下層船艙有玻璃窗，窗花設計具濃厚古典風味。 「張保仔」號「海上下午茶之旅」餐單 黑松露蝦餃 Black truffle har gau – shrimp dumpling 黑蒜燒賣 Black garlic siu mai pork dumpling 黑椒和牛酥 Wagyu beef puff with black pepper 懷舊酥皮蛋撻 Classic egg tart 意大利布袋芝士蛋糕 Burrata cheese cake 檸檬小撻 Lemon tartlet 馬卡龍 Macaron 歌劇蛋糕 Opera chocolate cake 迷你提拉米蘇 […]
便利店7-Eleven嚟梗搞作多多，今日才再次聯乘本地手工啤酒品牌「友」，於中環蘇豪區開設全新「概念店」。店舖由本地插畫師JASON TOMMY親自設計，概念店內每個角落都充滿香港特色嘅插畫同啤酒鬼馬元素。 概念店更獨家發售兩款新啤酒，包括限定手工啤酒「波友」(Lager) 、「發燒友」(Pale Ale)。 店舖設計由本地插畫師JASON TOMMY親自主理。 店内各個角落都充滿「友」嘅鬼馬元素。 富有香港本土特色嘅「7-Eleven x 友」打卡牆。 顔色繽紛最適合假日來買啤酒、打個卡。 「友」個袋。 「友」木製杯墊。 宜家到「7-Eleven x 友」概念店購買任何「友」手工啤酒產品單次消費滿港幣$40，即可獲贈「友」限定禮品，包括環保袋、木製杯墊及香薰蠟燭，數量有限，送完即止，屆時打卡暢飲時千萬不要錯過呀！ 「7-Eleven x 友」概念店 地址：香港中環閣麟街 37號祥興商業大廈地下
位於深水埗嘅一間田園風咖啡店，入門口好似森林咁，有幾棵大樹棟咗喺度，店內售賣多款有機產品同生活用品，包括杏仁、腰果多款無包裝食物。 焦糖香蕉法式多士，呢個一定要試喇，香蕉煮過之後口感軟乎乎，面層仲有層脆焦糖，多士入面充滿蛋汁，上面仲有球雪糕。食落口感層次豐富。 煙三文魚水波蛋酸種麵包，流心溫泉蛋配煙三文魚，配搭埋佢哋自製既酸種麵包，真係完美搭配。 髒髒咖啡，可以選擇fruity 或者nutty，兩款入口都好順滑，偏濃郁。 Loop，椰子特濃咖啡，超甜嘅椰子配濃郁嘅咖啡再加上椰子片，一個受歡迎超清新嘅組合。 入面仲有售賣多款無包裝有機食物同多款生活用品。大家假日不妨過嚟睇下！ Loop Kulture 地址：深水埗鴨寮街90號地舖(深水埗A2出口) 營業時間：10:00-18:00 圖片來源：@iam_oldladies、@food_stoppp、@honestfoodie.hk
