Open Tour
昔日銅鑼灣主打外賣壽司嘅小店，搖身一變成為中環樓高兩層嘅堂食餐廳，新店擁落地大玻璃，以恐龍為主題，有好多恐龍擺設，整體環境佈置帶有原野森林感覺，檯凳以木系色調為主，仲有多個打卡位。食物方面就依然主打日式定食同壽司，必試招牌腐皮壽司，有成22款口味咁多~仲有新增多款食物，即刻睇有咩食。 恐龍主題打卡位，仲有落地大玻璃，環境都非常舒服。 腐皮壽司，有多款餡料可供選擇，包括吞拿魚、三文魚、蟹肉、甜蝦同帶子等等。 <乜都有啲炙炙炙燒刺身丼>，材料有：三文魚、油甘魚、左口魚、帶子、蟹膏同三文魚籽，刺身用醬油輕輕炙過, 就咁撈飯唔洗加豉油都好食。 新店新品嘅焦糖雞蛋布丁絕對會令你停不了口，而且每日限量發售。 仲有沙律、同各款定食。 為食龍Hungry Dino (試業期間只接受預約) 地址：中環些利街2-4號UG及1樓 Whatsapp/Signal：9232 7623 圖片來源：@viv.com.hk、@hungrydino.hk
位於觀塘工廈裏嘅小店，店內裝修非常精緻，有多款乾花擺設，空間感十足，主打日本菜、法國菜，有多款食物選擇，當中有幾款必試嘅招牌菜，有鰹魚熟成封門柳、油封鴨髀、虎蝦海膽醬扁意粉等等。 油封鴨髀伴紫菜薯蓉太陽蛋，絕對係經典法國菜之一，小店就遷就港人調校番合適嘅味道，會冇咁重口味。 辣味噌清酒煮蜆意大利麵。 鰹魚熟成封門柳配紫菜昆布牛油汁，封門牛柳部位非常特別，既有肉眼軟嫩口感，又有西冷嘅肉香，配上昆布牛油汁口感層次更豐富。 虎蝦海膽醬扁意粉。 法式多士，採用傳統方法，用牛奶同雞蛋液浸軟法包，呢道甜品係即叫即整，所以每次嚟到要試嘅話最好預20-30分鐘叫定。 法國甜薄餅配意大利Gelato雪糕，雪糕有三款口味揀，分別係焦糖蘋果、士多啤梨同香蕉朱古力。 雜莓乳酪沙冰，酸酸甜甜，配上重口味嘅法國餐真係非常啱。 Boon 地址：觀塘駿業里10號業運工廈14樓G室 營業時間：12:00-22:00 電話：6633 9495 圖片來源：@booncuisine
由環球信貸冠名贊助嘅「GP41 全城Light Up 好香港」活動即將正式開啟，早前，活動以重現昔日霓虹燈街道嘅光芒，以霓虹燈牌流動車停泊香港各熱點，為香港集氣，並於5月30日舉行全港首創以10,000粒無線LED燈馬拉松式拼出香港地圖，到時候西九文化區藝術公園將有多個活動可供大家娛樂，又有多個燈飾俾大家影相打卡。 環球信貸集團有限公司首席財務總監葉莉盈小姐表示：「藉住活動希望參加嘅市民能夠一齊携手點亮香港地圖，將正能量散出去比更多人。」 流動宣傳車設計，流動展示車會停喺指定香港街道，亮起招牌著燈，重現昔日霓紅燈街道嘅光芒，為疫情下冷清嘅香港街道再發光發亮，從而吸引市民打卡。 全港首創LED 6小時馬拉松比賽，將於2021年5月30日係西九龍啟動。 屆時仲會有個打卡挑戰，大家可以於5月29日親臨到大型活動現場拍攝一張大會「Light Up燦爛大道」嘅相，上載到自己Facebook及分享到大會活動Facebook專頁，即場可獲得精美禮品一份。 多個活動，包括音樂Busking、KPOP跳舞表演、雜耍表演同藝人唱歌，仲有精彩絕倫嘅光影舞表演。 慶祝活動及工作坊 日期：2021年5月29日 地點：南豐紗廠 時間：10:00-22:00 Light Up 燦爛大道 & 拼出香港地圖活動 日期：2020年5月30日 時間：11:00-20:00 地點：西九文化區藝術公園自由空間大盒
放假去邊好呢？淺水灣商場the pulse同Life Mart合辦聯乘舉辦「抱泡市集」，市集將劃分為六大區域，包括「海景市集區」、「紙品區」、「扭蛋區」、「動動手工作坊區」、「戶外泡泡玩樂區」、「泡泡遊戲實驗區」等等。 海景市集除了天台的「戶外泡泡玩樂區 」及「泡泡遊戲實驗區」，亦齊集超過100檔本地品牌。各位參加市集仲可以隨機獲贈泡泡小玩具，大會亦安排免費紅van直接往返灣仔及the pulse，仲有一系列手藝工作坊俾大家參加，即刻睇有咩玩喇！ 相信小朋友在遊玩過程中亦是絕佳的學習時間，所以在活動區內特設「泡泡遊戲實驗區」，調整泡泡濃度能改變泡泡本身的張力，演變成神奇泡泡即使拉近兩米長度也不會破裂。 大家仲可以帶埋寵物過嚟呢度chill下，the pulse花園平台設有多個戶外座椅，俾大家喺度休息。 另一個實驗：「泡泡遇上乾冰」，泡泡會半凝結，仿如一個魔幻水晶球，大家可將水晶球捧在手上玩耍，輕輕一觸它便化作輕煙，在泡泡背景襯托下邊玩連串趣味泡泡遊戲，非常奇幻。 抱泡市集 日期：2021年6月5日至6日 時間：13:00-20:00 電話：2815 8888 地址：淺水灣海灘道28號the pulse商場L3層及天台 手工作坊參加詳情 日期：2021年6月5日至6日 地址：淺水灣海灘道28號the pulse商場L3層 報名方法：https://forms.gle/2DNMrT7TRmF21GRT9 收費及內容： 「手工雕刻枱燈工作坊」需時: 90分鐘 費用每位: $160「拇指琴工作坊」 需時: 90分鐘 費用每位: $180 「捕夢網工作坊」 需時: 90分鐘 費用每位: $160 「彩繪風鈴工作坊」 需時: 60分鐘 費用每位: $100 「絨毛花工作坊」 需時: 60分鐘 費用每位: $100 「海棠花瓶子夜燈工作坊」 需時: 60分鐘 費用每位: $160 「彩繪復古海棠花玻璃杯墊工作坊」 需時: 60分鐘 費用每位: $100 「暖心動物毛線球工作坊」 需時: 90分鐘 費用每位: $140 「渲染藝術體驗工作」 需時: 20分鐘 費用每位: […]
西環近期新開一間餐廳，由餐飲集團Woolly Pig Hong Kong同香港本地手工啤品牌Gweilo鬼佬啤酒合作，餐廳位於堅尼地城海徬，集美食同釀酒兩種元素，店舖分為三大區域，包括釀酒區、酒吧區、用餐區，同時亦是本港唯一手工啤釀酒區嘅餐廳。 多款美食都以酒入饌，同時現場有超過24款手工啤酒及雞尾酒Tap頭，現場影相打卡一樣咁正！ Sunday Roast，烤原隻法國黃油春雞、酸種麵包汁、自家製乾餡料薯餅、糖蜜紫椰菜、紅洋蔥、椰菜花、沙律。相係二人份量，如果四人同行上菜時候就會係兩碟嘅份量，中間燒春雞將會每星期提供唔同嘅選擇，包括有伊比利亞豬、羊肩肉、西冷牛肉、牛面頰肉。 和牛腹肉他他，和牛腹肉切碎與自家酵製紅辣椒醬混合，放上蛋黃，配以馬鈴薯脆絲及焦香洋蔥，非常惹味。 Burrata Cheese 沙律，用上Lager啤酒油醋汁同辣椒幹，配料有番茄同蜜瓜。 慢煮牛面頰肉，用上Stout啤酒慢煮8小時，再用酥皮包裹牛面頰肉，把骨髓插在批餅中央位置，將其放在烤箱以190度煮約20分鐘，牛面頰肉非常軟嫩，再配以幼滑薯蓉。 Tagliatelle意粉，入面有蜆肉、辣肉腸、煙燻櫻桃番茄、Lager啤酒。 Pinsa薄餅，麵團經低溫發酵至少48小時，再在烤爐以約350度烤焗，然後放上選定的餡料便完成。 車厘子砵酒撻、杏仁餡餅，麥芽雪糕，呢道係英國傳統嘅甜品之一。 Coctails on Tap: Gin & Tonic，Gweilo自家出產嘅氈酒同Capi Tonic 湯力水調製。 Gweilo Sudoko Golden Stout黑啤（圖：右起），帶有些少朱古力同vinnila甜味；Gweilo Pale Ale（圖：左起），一款清爽及帶柑橘氣息嘅淡啤。 Grain 地址：西環堅尼地城New Praya新海旁3-5號五福大廈地下1號舖 電話：3500 5870 營業時間： 星期一：中午12時至晚上10時 星期二至星期五：中午12時至深夜12時 星期六：上午10時至深夜12時 星期日：上午10時至晚上10時
位於油麻地嘅香港逸東酒店，推出多款快閃Staycation套餐，最優惠由HK$770起，雙人入住包含1晚逸‧雅客房住宿，保證升級至逸‧新客房（不適用星期五六及6月13日），可享用自助早餐、花樣年華滋味套餐、2杯迎賓飲料，限量搶優惠中首30間可再免費升級至逸·緻客房（不適用於指定日子） ，大家仲可以提前12:00入住，保證住足27小時，生日或週年紀念更尊享禮遇，暑假旺季亦接受預訂！ 逸·緻客房。 逸‧新客房，集型格與舒適於一房。浴室的牆磚以淡黃色為主調，再配合紅藍色磚格，充滿懷舊感。 花樣年華 Flower Years ，享多款滋味意粉、沙律連飲品，用餐時間彈性，可自選於中午12點 – 晚上9點期間享用。 人氣露天酒吧 – Terrible Baby 享用迎賓飲品。 小摩洛哥復古風泳池，偽旅遊打卡熱點 。摩洛哥風情設計，藍色配粉紅色，非常夢幻，再加上酒店提供紅鶴水泡，打卡一流；歌手AGA 江海迦《Two at a time》的MV也曾到此取景。 香港逸東酒店 入住日期：2021年6月1日至7月31日 地址：油麻地彌敦道380號 預訂網址： 立即訂購
夏日炎炎想舒服度過愉快週末？元朗YOHO MALL即將舉辦Q版迪士尼公主打華麗打卡場景，5位迪士尼公主將以Q版婚紗造型登場，帶領訪客走進童話世界，見證一趟如幻似真嘅「童話式婚禮」！同樣精彩的還有Banpresto 「Disney Collection期間限定店」，多款精美迪士尼精品優先發售，購買指定精品更可獲贈限定禮品，迪士尼粉絲們萬勿錯過！ 《美女與野獸》的貝兒手持花束，換上了甜美的粉紅婚紗 ，長長的裙擺點綴了精緻玫圖案。 白雪公園穿上可愛嘅婚紗，將與王子係森林深處嘅樹屋前舉行婚禮。 《魔髮奇緣》的樂佩公主近距離欣賞華燈初升美景。 小魚仙艾利奧恭迎大家出席她在蔚藍海底世界中舉行的夢幻婚禮。 亭亭玉立的睡公主在玫瑰庭園等待大家的來臨。 仲有多款會場優先發售精品，同齡期間限定店精品。 Disney Collection Festival 日期：2021年5月29日至6月27日 地點：YOHO MALL I L1中庭 時間：星期一至五 11:30-20:30 ｜星期六日及公眾假期 11:00-21:00
愉景灣酒店推出全新親子住宿優惠，雙人入住只需$1637起，人均$818起包雙人1晚Monchhichi主題山景客房、海景自助早餐、Monchhichi主題下午茶或下午茶自助餐。仲送你沙灘桶套裝、沙灘墊、紋身貼紙同拖鞋，全部都係Monchhichi圖案，超得意，仲可以參加Monchhichi曲奇班、DIY鎖匙扣工作坊，包你住得開心~玩得開心！即刻睇住宿優惠包啲咩喇！ 入住包雙人山景客房一晚，連床單被鋪都係Monchhichi，非常可愛。 除咗床單之外，連埋個窗都印有Monchhichi個樣，超級得意。 入住仲送你多款Monchhichi小禮物，包括沙灘桶套裝、沙灘墊、紋身貼紙同拖鞋。 最後仲可以揀番食下午茶套餐或者下午茶自助餐喇。 備註：工作坊&曲奇班時間 DIY 鎖匙扣工作坊：下午3時至6時（每節30分鐘）(星期一至五, 6月14, 7月1 & 2除外) Monchhichi曲奇班：15:00 – 16:00或16:15 – 17:15 (星期六及日, 6月14, 7月1 & 2) 香港愉景灣酒店 地址：香港大嶼山愉景灣海澄湖畔路88號 預訂網址： 立即訂購
「劇場版美少女戰士Eternal」將於6月3日在Netflix香港首映，《劇場版美少女戰士Eternal》Pop-Up Gallery將率先於首映前帶領各位走進夢幻星河國度，於線下特設五大打卡體驗區，入面仲有小黑房重播劇場版沒少女片段俾大家欣賞，大家欣賞完畫幅同買完精品之後，仲可以免費體驗黑房繪畫出屬於你嘅魔法光影塗鴉。 1:1的2D月野兔及小小兔將駐足場內，與各位打聲招呼，月野兔將變身成1.7米高的美少女戰士，與大家近距離接觸。 《劇場版美少女戰士Eternal》Pop-Up Gallery，精選近十幅珍貴畫藏和海報。 呢幅大家睇相就會覺得非常普通，一定要嚟到現場先可以發現佢特別之處。 特設迷你電影室，播放預告片及其他劇場版的珍貴片段。 會場仲有售限定T-shirt，連小朋友款式都有，真係超級得意。 限定精品店發售近30款獨家設計的會場限定主題精品。 仲可以免費體驗黑房繪畫出屬於你嘅魔法光影塗鴉。 《劇場版美少女戰士Eternal》-Pop up Gallery 日期：2021年5月28日至6月6日 時間：12:00-20:00 地址：Amaz by Lokkianno Gallery — 銅鑼灣百德新街53號地下A及C舖 由於部份損毀展品及裝置需要比原定更長時間維修，日期並未能改及展期完畢前完工，故現只能遺憾地決定是次展覽及售賣區將會取消。特此通告，不便之處，敬請見諒。
