Open Tour
仲有一個禮拜就到母親節喇！大家諗好咗咩特備節目帶各位媽媽去歎下呢？小編今次介紹呢個位於北角嘅五星級港島海逸君綽酒店！ 今次只需人均$880免費升級至豪華海景客房、早餐、下午小點、黃昏雞尾酒、Harbour Grand Café咖啡廳自助晚餐，仲會送出HK$1500 英格蜜兒Aqua水鑽導入亮肌療程“護膚禮劵”，今個母親節帶埋你摯愛嘅媽咪一齊嚟番個Staycation就最正~ 豪華海景客房。 LE 188°餐廳及酒廊。 HARBOUR GRAND CAFÉ 咖啡廳。 Harbour Grand Café 晚餐自助餐 海天閣。 港島海逸君綽酒店 入住日期（一）：即日起至5月7日、5月10-31日入住：HK$1,760 入住日期（二）：5月8-9日（母親節期間）入住：HK$1,892 地址：北角油街23號 電話：2121 2688 預定連結： 立即訂購
位於將軍澳嘅居酒屋，將推出全新春日餐單，多款日本海產同清酒都係由日本空運抵港，新餐單將於4月30日起供應，包括來自日本各地得季節盛產，如針魚丶松葉蟹丶白蜆同鯛魚等等。 「松葉蟹甲羅燒」，選用日本嘅鳥取縣松葉蟹，廚師為蟹蓋內注人松葉蟹膏丶松葉蟹肉丶鵪鶉蛋黃同蟹子，配上味噌、空氣蛋白，以爐端燒嘅方式炮製。 「季節針魚刺身」，來自日本九州，魚味淡雅，肉質鮮甜緊實，佐以薑蓉及酸汁更能突出清新細膩嘅魚香。 「白蜆五色燒」，居酒屋特意挑選五款配料，廚師更建議客人由淡至濃味品嘗，包括蘿蔔、鹽燒、柚子配胡麻醬、明太子同日本山椒。 「香葱鯛魚昆布板燒」坊間比較少食到嘅一道菜，以北海道尻昆布同香葱置底，將鯛魚燒至半熟狀態，令到魚肉更嫩滑。 「朴葉味噌燒日本豬腩肉」，自家製味噌醃製豬腩肉，上碟俾客人時已燒至八成熟，客人可按自己需求再將豬腩肉燒至全熟。 居酒屋多款清酒，絕對能夠多款清酒迷嘅喜好，包括富翁富純米大吟釀、豊の秋雫斗瓶採大吟釀、青雲颯諸神的黃昏純米吟釀等等，配合海鮮、肉類、壽司都能夠搭配得宜。 本店（IZAKAYA BY K） 地址：將軍澳唐俊街18號地下G07號舖The Parkside 第1座 營業時間：中午12:00-下午15:00/ 下午18:00-晚上00:00 電話：3618 8211
尖沙咀山林道Cafe，店內充滿日系經典元素，食物方面以日式定食同甜品為主，必試人氣富士山主題飯糰、奶蓋甜品同多款咖啡、花茶。 「五品料理」套餐有辛口明太子雞翼、金平牛肉、蒲燒鰻魚、山賊汁雞卷同半熟玉子。 「富士山飯糰」同「昭和布甸」呢款五品料理中有埋店內人氣食物，大家嚟道店舖都可以揀呢個。 「豚肉生薑燒夕食」新款晚餐。 「沖繩海鹽富士山甜品」分別係富士山造型蛋糕同雪糕，造型蛋糕上面配有沖繩海鹽奶蓋，雪糕部分就食落有好清新嘅海鹽味。 店主親自研發嘅發酵茶食譜，以不同茶底加上茶菌，發酵1~2星期後，梳打茶就會有酸酸甜甜嘅果味。 婆婆咖琲屋 grandmama.cafe 地址：尖沙咀彌敦道176號The Nate 1樓 營業時間： 星期一、五及日 12:00-22:00 星期二至四 12:00-22:00 電話：9675 1438 IG@daydaycheckin、@heileychau、@bigmouth_jai
元朗信芯園今終迎來第四年太陽花節，佔地逾30,000多呎嘅向日葵花海依然壯觀，相信往年前來影相打卡嘅你想必一定睇厭哂，今次農場將會引入新元素，有首次登場嘅香檳色同紅色向日葵，絕對為大家帶來新鮮感！如大家趁早嚟仲會有少量劍蘭供遊人影相或選購。 大家可以見到一大片向日葵花，信哥希望大家落田前請除下背囊同收起把遮，以防背囊或遮會掃爛花朵。 香檳色向日葵「傲雪」數日前已經開咗喇，仲唔把握花期前來參觀。 如果好彩的話，大家嚟到現場尚有少量劍蘭供大家選購同影相打卡。 劍蘭都有幾款唔同嘅顏色，包括綠色、紅色、青色同粉紅色。 元朗信芯園 地點：元朗新田小磡村信芯園 日期：2021年4月17日起至另行通知 時間：上午08:00至18:00 交通：九巴76K、紅色小巴17「石湖圍」巴士站落車，經青山公路進入農場 村內不設泊車位，新田郵局一帶有私人停車場，步行時間約10-15分鐘 備註： 圖片來源：@shunsumyuen
早前韓國爆紅嘅2D打卡咖啡店，香港宜家都有啦，位於銅鑼灣春園街都有一間黑白手繪畫主題嘅餐廳，現場猶如置身漫畫場景中，從入門嘅樓梯、墻紙、檯布同整體裝修風格，令人有種天旋地轉嘅感覺，想知入面係點？即睇內文詳情喇！ 粉蝶花之丘，其實係一個漸變色嘅透明拉糖，下面係Brownie同忌廉混合，側邊仲有幾粒莓作為點綴，呢個影相打卡一流~ 嚟呢度可以揀食下午茶Tea set就有迷你朱古力糖果溫室、台式炸魚蛋、吉列炸蝦、柚子蛋糕、Mocha味蛋糕同藍莓乳酪蛋糕。 或者單嗌食物都得，自家製芝士牛肉漢堡同酥炸軟殼蟹意大利飯，俾大家一個影相Tips，大家影呢張相時候最好企起身影先可以見到檯布扭曲效果。 Tiramisu Coffee，係店舖招牌飲品之一，呢杯咖啡口感非常特別，飲落口感有微微咖啡酒同朱古力味。 室內每一處都係打卡位，檯凳、門同墻紙都容易令人產生錯誤視覺效果。 ULURU HK 地址：灣仔春園街1-11號春暉大廈1樓 營業時間：12:00-23:00 電話：2366 6448 圖片來源IG：@kingfoodies、@foodie.yvonne、@corgiwithfood
元朗區嘅呢間古董cafe原址非常偏僻，而且店舖位置較少，遷至新址後空間更大，並區分小花園和餐廳位置，餐單上依舊提供招牌自家製法式可麗餅、意粉同各款輕食。 新店有個小花園，入面又唔同嘅盆栽、花、凳比大家喺度影相！ 設計依舊沿用黑色主調，並保留原有復古梳化和大盞水晶吊燈，大家可以係呢個陳列室區域入面選購自己心愛的傢俬，又可以俾喺度休息。 今次將用餐具和陳列室兩個區域分割開，而且採用透明凳同餐桌，整體感覺非常特別。 煙三文魚配忌廉芝士可麗餅，賣相好吸引，入面有隻半生熟太陽蛋，兩邊更有煙熏三文魚做陪襯，食落味道唔錯。 黑松露香煎帶子意粉，意粉份量都幾多，帶子食落帶點黑松露香氣，爽口彈牙。 蝶戀花荔枝冰（圖：左起），蝶豆花嘅紫色非常吸晴，味道酸甜清爽！士多啤梨綠茶冰（圖：右起），消滯解渴，士多啤梨配上綠茶口感好清爽！ Muse Furniture Lab 地址：香港元朗八鄉錦上路26號C舖 電話：6388 8824 營業時間：12:00-17:00(敬請預約) (逢星期二休息) 圖片來源：IG@pcyf、@msliy.cafelove
今次要推介呢間餐廳，由室內裝飾至食物擺盤全部都係花，呢度必試招牌菜，包括龍蝦意粉同薑蔥意粉，小編推介呢度嘅曲奇杯甜品，絕對可以帶俾你驚喜！ 全間餐廳都被花花包圍曬，整體感覺非常之放鬆~ 呢個龍蝦意粉擺盤真係好有心思，上面全部都係食用花，仲有網格雞蛋蛋皮蓋住啲意粉，龍蝦肉好實淨，啲汁都幾香濃。 夠薑蔥爆你，聽個名都知道佢犀利，其實係薑蔥炒意粉，薑蔥味道好濃烈~令整體味道非常惹味。 曲奇杯，將牛奶倒入曲奇杯度一齊食，杯上面仲有可愛嘅兔仔，全哥曲奇都可以食落肚㗎。 店主都好貼心咁喺打卡牆下邊準備咗張凳，擺喺度俾大家坐住影相！ 白房子White Hse. 地址：銅鑼灣謝斐道508號聯成商業中心15樓1501室 營業時間： 星期一三四五六 星期二（全日休息） 電話：39562183/94498079 (whatsapp) 圖片來源：@snowy_lifestyle、@whitehse__
土瓜灣的一間特色咖啡店！店內擺放多款餐具、懷舊單車、紅郵筒等等，小店主要提供多款輕食和咖啡，多款日式美食同擺設都非常精緻！ 自家製燒汁手打和牛漢堡，塊和牛漢堡厚肉多汁又有牛味，燒汁鹹度適中。 高湯慢煮A4石桓和牛蓋碗定食，和牛用清高湯煮，個湯底唔會淡而無味，和牛份量都幾多。 超靚嘅星球拉花latte，嚟道星球咖啡店，梗係要嗌番杯喇！ 玫瑰latte賣相都有幾瓣玫瑰花喺上面，飲落陣陣玫瑰花香~ 自家製嘅梨酒雪糕，好香嘅梨酒香，面層有數條薄荷葉絲，食落非常清新。 大家細心一睇，上面個玻璃櫃有超多款珍藏嘅餐具。 抬頭一睇亦都會有架吊充滿年代感嘅單車。 呼吸星球 地址：土瓜灣馬頭角道91號地舖 營業時間：星期一至日10:00-18:00 ( 星期一五為“打啡日”不提供食物 ) 圖片來源：IG@fullcupcafe_okinawa、@hkfoodelicious、@staywith.olaf_
東龍洲呢個島嶼真係好多，多數人嚟呢度都係露營，但係今次小編要介紹「白崖」呢個地方，提醒大家去呢個地方有啲難度，部分地段更需要手腳並用，建議大家帶備手套或搵專業人士陪同前往。 大家可以睇到其實白崖只係佔呢個島1/10地貌面積，不過大家細心睇落去就知個景有幾靚。 呢個白崖位置真係全白色。 各位如果想影張靚相就要著一啲顏色鮮艷嘅衫，影出嚟嘅效果就會更加羨慕！ 白崖嘅岩石層上有好多石灰粉，大家記住要穿著抓地的行山鞋。 玩得開心之餘，各位記住切勿企太出，呢個位置非常大浪~甚至可湧至岩石層上。 大家如果都想去呢度打卡就可以沿著張相上面啲小路行過去， 交通： 碼頭落船後→右側鹿頸灣方向（步行2.3公里）→南塘尾→沿圍欄左則直上山頂→屋仔左邊條小路行入去→落斜就到達 1）三家村碼頭-東龍洲公眾碼頭 詳情：按此 2）西灣河碼頭-東龍洲公眾碼頭 詳情：按此 資料來源：運輸署 圖片來源：[email protected]、IG@hansleytravel
