Open Tour
大自然世界擁有住創作藝術所需嘅一切，只要懂得張開眼睛去觀察就會發現到！而藝術家Hamnah Bullen-Ryner憑住佢嘅眼力，以及對細節嘅敏銳，用樹枝、樹葉、花瓣同莓果創造咗好多令人讚嘆驚豔嘅動物肖像畫，雀仔定係動物都通通化為大地藝術！ Hamnah Bullen-Ryner本身係一位畫家同攝影師，作品有住一種繪畫嘅感覺，每個微小元素都似係筆觸一樣有層次。Bullen-Ryner同時仲係全職媽媽，當佢將創作目標轉向森林，就會感到安心忘卻咗湊小朋友嘅壓力。 佢每件嘅作品都使用當地當刻所搵到嘅材料，冇使用任何膠水或其他東西固定，所以佢嘅作品可能只能持續幾分鐘，然後就會隨風飄走，好多人都覺得可惜，但對Bullen-Ryner來講，短暫嘅性質反而有一種療癒感，可以令佢放低焦慮、恐懼同腦袋嘅混亂，將之轉變成美麗嘅事物，紀念大自然。影幾張相之後佢就會離開，將一切拋到腦後，反而令佢感到更平靜、更放鬆。 呢種類似「面對、接受、處理、放下」嘅創作理念，似乎都係忙碌現代人最好嘅心靈環保，我哋為大自然環保，大自然都為我地嘅心做環保。
近日本地疫情告急，Omicron 喺社區迅速傳播，確診數字持續上升，家長同小朋友面對病毒同憂慮，加上出現症狀或確診後會被迫居家隔離或入院接受治療，恐懼同無助嘅感覺，極需要適切嘅心理支援幫助。有見及此，國際獅子總會中國港澳 303區宣佈推出由臨床心理學家參與編製的兒童新冠染疫復康指南，涵蓋繪本小冊子、電子書同短片，加上家長指南及實用資料，以輕鬆方式說明兒童與家長面對受感染或懷疑感染時需要嘅心理準備，讓家庭成員安心在家或醫院康復，以及作為家長照顧兒童嘅指南！ Omicron 令市民措手不及，加強防疫措施、接種疫苗、接受檢測嘅需要突然排山倒海，家長忙於兼顧自己同子女嘅健康已經應接不暇，兒童又較易感染病毒、病情較嚴重嘅趨勢令家長憂心，兒童留院接受治療時難免感到被孤立同恐慌，戰勝病毒後都有可能留下心理陰影。呢啲嘅一切啟發獅子會製作兒童新冠染疫復康指南，緩解家長同兒童心理壓力，讓市民安心渡過疫境。 獅子會兒童新冠染疫復康指南內容分為三部分，第一部份係兒童繪本，講述兩位確診兒童分別在家同喺醫院隔離嘅情況；第二部份係家長指南，由臨床心理學家編寫，指導家長如何應對確診兒童嘅心理影響；第三部份係實用資料，方便確診患者、康復者以及家人查閱唔同政府部門嘅資訊網址同熱線號碼。復康指南中英文版小冊子將於３月初分發至全港 43 間公立醫院及 3,700 間私家診所，免費派發俾懷疑個案同確診兒童嘅家長；電子書版本將上載至獅子會官方網站供市民免載下載。同時，獅子會特別製作復康指南繪本短片，請來「Ben Sir」歐陽偉豪博士為兒童繪本內容配音，令小朋友能從輕鬆短片中了解隔離情況，做好心理準備，減輕自己焦慮不安的情緒。 兒童新冠染疫復康指南資料下載： COVID-19 兒童心理指南 COVID-19 Children’s Psychological Guide www.lionsclubs.org.hk 繪本短片：如果我需要在醫院隔離，我該怎麼辦？ What can I do if I need to 繪本短片：我在家中隔離後康復了！ I have recovered after quarantied at home!
Hello Kitty點解生鬚㗎！原來係日本品客薯片聯同Sanrio，推出聯名款包裝同周邊，唔止Hello Kitty，仲有Cinnamoroll都登上品客薯片嘅包裝，而且佢哋都同品客叔叔一樣生咗翹翹嘅八字鬍鬚！ 日本品客聯同Sanrio推出聯乘，仔細一睇Hello Kitty臉上嘅八字鬚其實係戴上去嘅，好彩Hello Kitty唔係真係被官方大叔化姐！ 除了包裝同公仔外，今次更推出咗一系列嘅可愛周邊，環保袋、餐帶、束口袋、小毛巾、筆筒等，款款都令人勁想收藏！睇嚟真係要成SET成SET咁買！不論係Hello Kitty定Cinnamoroll，通通必須收藏一套！ 目前一系列周邊已經喺日本SANRIO ONLINE SHOP開賣，有興趣可以上官網去睇睇～咁可愛又搞嘅周邊，各位粉絲又點可能錯過呢！ SANRIO ONLINE SHOP https://shop.sanrio.co.jp/products/list.php?not_sold_out=1&category_id=1030
有冇諗過浪跡天涯，遠走他鄉來一場即興旅行？而家你真係可以咁做啦，因為Airbnb最近發起「1歐元房屋」計畫，向全球招募旅遊迷，幸運兒將可以搬到義大利西西里小村莊珊布卡（Sambuca di Sicilia），免費入住傳統西西里島風情嘅別墅！ 計畫構想源於2019年珊布卡「1歐元房屋」振興運動，由於珊布卡面臨人口嚴重外流、旅遊產業沒落等問題，所以決定以1歐元出售部分房屋，鼓勵同吸引年輕人才回鄉、帶動國際企業資金進駐。今次攜手Airbnb，正係希望推廣迷人嘅南義風情同文化遺產，成功申請嘅人將會成為限時房東，入住一年時間內確保有收入之外，仲可以一邊享受人生。 幸運兒可免費入住位於珊布卡市中心、由義大利建築公司 Studio Didea 旗下設計師翻修改造嘅別墅。三層樓嘅建築融合珊布卡傳統手工藝同現代設計，可以話係西西里島建築展現迷人特色嘅經典代表！ 一樓有一個小客廳、有洗手間嘅主人房，房內有一張加大雙人床；二樓則設有客廳、廚房、工作空間、洗手間同一間樓中樓睡房，房內有一張加大雙人床。；三樓設有額外嘅起居空間，同一張標準沙發床。獲選嘅參加者可以先選擇入住最適合自己需求嘅房間，並將另一間房發布到Airbnb上出租。 即日起開放申請，成功申請會喺6月30日飛往義大利，第一個月將接受培訓，包含參加由當地達人舉辦嘅義大利語同烹飪課程，深度了解當地文化同日常。 申請人必須年滿 18 歲，可於 2022 年 6 月 30 日前搬到珊布卡（並喺珊布卡住宿至少 3 個月，以及喺 Airbnb 上出租房源內嘅獨立房間至少 9 個月），需要有英文會話能力。 1 歐元房屋體驗計劃 airbnb.com.tw
2022台灣燈會其中一個作品《空氣人》嘅討論度相當高！就連高雄市議員黃捷都專程去到「躺平」同佢合影！由於角度嘅關係，唔少網友都話第一眼真係以為係靈魂出竅！ 今年嘅台灣燈會，邀請日本藝術家鈴木康広嘅作品《空氣人》來到展出，特別規劃咗每日下午5點半喺童趣光樂園草地，可以同《空氣人》一齊放鬆躺下，享受「躺平」樂趣！ 高雄市議員黃捷亦有特別到展場躺平同《空氣人》合影，佢表示日劇《長假》中有一句佢好喜歡嘅台詞：「生命不必每時每刻都要衝刺，低潮時，就當是放一個悠長假期。」就好似空氣人一樣，攰了就躺下，優閒地享受花草樹木，充滿電再努力向前邁進，也藉此祝福大家成為「打不倒嘅空氣人」！ 除咗躺平，黃捷亦喺臉書上貼出多張照片，示範如何影出「抓住」或「推倒」《空氣人》。 高雄市觀光局指出《空氣人》係利用特殊超薄纖維創作，日本藝術家鈴木康広會針對每次展出嘅地點環境特色同策展主題，進行創作，今次為了呈現疫情時代下嘅放鬆同呼吸，鈴木康広特別選用有呼吸感嘅白色燈光，並以平躺姿態呈現作品。
Pikachu率領一眾Pokemon現身台北捷運板南線！Pokemon迷緊係要去吓朝聖啦！ 臺北捷運發展數位轉型，參考咗日本JR線等軌道交通數位化嘅趨勢，台北捷運同群創光電改造341型電聯車，推出全台第一部「Smart Display Metro數位列車」；首航就召集咗寶可夢為全新數位列車造勢！ 數位列車運用咗48吋液晶到站顯示器取代傳統嘅LED面板，結合咗5G同數位整合運用，令整體車廂設計更加活潑可愛，廣告版就以電子紙取代、顛覆咗傳統平面廣告嘅限制；仲有「4K曲面數位廣告螢幕」高亮度同廣視角數位曲面顯示面板，人氣POKEMON就喺入面穿梭，營造具有環繞效果嘅視覺效果。 本次期間限定列車只會喺台北捷運板南線登場，想朝聖嘅朋友可以透過「台北捷運GO APP」，睇到精靈球嘅動態就知道列車目前去到咩站了喔！
紅外線攝影師Paolo Pettigiani利用經過改裝嘅相機同濾鏡，展開橫跨法國嘅公路之旅，進行佢攝影計畫Infraland Project嘅延伸！ 紅外線攝影嘅原理，係利用肉眼可見嘅可見光同肉眼不可見嘅紅外線。利用改裝嘅全光譜相機，捕捉肉眼不可見嘅紅外線電磁輻射營造出棉花糖色調！ 過去佢亦曾將紐約同義大利多洛米地山脈拍出完全唔一樣嘅風貌，法國攝影之旅則去到普羅旺斯(Provence)、諾曼第(Normandy)同凡爾賽宮(Palace of Versailles). 凡爾賽宮中歷史悠久嘅花園，被粉紅色嘅灌木同冰藍色嘅池水包圍後，變得完全唔似原來嘅凡爾賽宮！ 諾曼地海邊嘅中世紀孤島聖米歇爾山(Mont-Saint-Michel)，島上嘅哥德式修道院就好似生日蛋糕上嘅粉色裝飾，夢幻而不真實。 法國公路之旅最後以法國最西北地區布列塔尼(Brittany)作為終點，白色沙灘沐浴住粉紅色澤。 Pettigiani嘅Infraland Project仍在繼續中，唔知下一次到邊個地方變成夢幻粉絲國度呢？
