灣仔又有新嘢食喇~全新手工中菜餐廳船記主打經典巧手菜式、鑊氣小炒、明爐燒味、自製點心、精品湯羹等~ 船記主廚係資深行政總廚呂江紅師傅，於香港及中國多間知名中菜餐廳工作，出品有質素保證！ 首推辣子龍蝦丁 辣子龍蝦丁選用南澳龍蝦，靈感取自辣子雞丁。龍蝦炸到金黃色連同京蔥、薑蒜、指天椒、乾辣椒、腰果等快炒，令龍蝦鮮中帶辣好惹味~ 鮑汁遼參伴柚皮 經典菜柚皮工序繁複，師傅話柚子皮需泡水1天，期間多次換水去除苦澀，用老雞、豬骨、豬皮、澳洲青鮑、大地魚、雞腳、金華火腿、鯪魚等煮成鮑魚芡汁，遼參連同柚皮炆煮，令柚皮軟綿且遼參爽滑。 胡椒鮮肚包雞 胡椒鮮肚包雞需要提前預訂，先將豬肚多次清洗處理，再將原隻三黃雞釀入豬肚，經大火熬煮約3個半小時，令豬肚爽脆，雞湯鮮美帶淡淡白胡椒香。 雞油花雕蒸海中蝦配稻庭烏冬 開邊海中蝦放入10年陳釀花雕酒、雞油等蒸煮，花雕中和雞油油膩感，亦突顯海中蝦鮮甜味道，花雕汁配以彈牙掛汁手打稻庭烏冬好出色~ 黃燜金湯海味炒飯 老雞、番鴨、唐排、雞腳等熬成黃燜金湯，配上矜貴鮑魚粒、花膠粒、金錢肚及海参，炒成黃燜金湯海味炒飯。 必食推介沿用傳統做法、以肥瘦均衡梅頭肉燒成嘅和哥叉燒 船記有複式樓層，設有VIP房啱晒一班人食~ 船記 地址: 灣仔船街7號寶業大廈地下 營業時間； 由上午11時至晚上11時 查詢或訂座，可瀏覽shipkee.hk、致電（852）2893 9688或WhatsApp到（852）6620 3364。
