Author: Katie Lo

話咁快仲有兩個月又到聖誕節喇！ 唔少商店都睇準時機，陸續已經開始宣傳聖誕限定食品同商品～ 就好似日本神戶北野飯店，最近宣佈將會喺今年11月1號提前舉行聖誕派對晚會「ナイトデザート Private Party ～Christmas～」 今次派對會提供大約17款甜品同10款料理餐點～ 其中一個賣點，就係呢個超級巨無霸嘅千層士多啤梨蛋糕「ミル・ミルフィーユ」！ 蛋糕除咗頂部之外，每一層都鋪滿大大粒新鮮嘅士多啤梨！ 果然夠哂睇頭！ 酥脆嘅蛋糕餅皮，仲有順滑嘅奶油，齋望相都已經流哂口水～ 但咁大件蛋糕，大家都係唔好諗著自私食喇～ 一於call齊朋友嚟KO佢啦！ 到時飯店亦會準備好多精緻嘅小甜品，當中就有唔少係以士多啤梨做主題～ 除咗甜品之外，仲有以歐式家庭料理嘅餐點，例如係愛爾蘭嘅傳統開胃菜「Colcannon」、俄羅斯牛肉特羅加諾、羅宋湯等，異國風味100分！！ 如果有機會去日本旅行，大家千祈唔好錯過啊～ 圖片來源：Fashion Press ナイトデザート Private Party ～Christmas～ 開幕期間：2020年11月1日至12月22日 時間：下午6:00至晚上9:30（最後點餐時間為晚上8:30） 地點：神戸北野ホテル ダイニング[イグレック] (飯店地址：兵庫県神戸市中央区山本通3-3-20 1F)

By Katie Lo

December 1, 2020August 5, 2022

最近韓國品牌babosarang推出咗蠟筆小新無線滑鼠！ 呢個產品一推出就已經好受韓國人歡迎！ 經典厭世樣嘅小新著上招牌衫同揹住超人背囊， 懶洋洋嘅樣子趴咗喺度～洗唔洗咁得戚喎？ 呢款無線滑鼠質量其實都幾好！ 電池續航力強，亦唔受電線干擾，無線連接距離更加達8米添～ 睇得又實用！ 頭頂位置係滾軸，而滑鼠左右鍵係小新嘅粗眉～ 小新嘅身下仲可以連接USB用添！ 每日返工對著部電腦，難免會覺得有啲悶～ 不如考慮放置啲得意嘅辦公室擺設，令到office更有朝氣啦！ 咁得意嘅小新滑鼠，你係咪都好想擁有呢？ 資料及圖片來源 : babosarang

By Katie Lo

November 30, 2020August 5, 2022

11月11日除咗係光棍節之外，仲係掃貨好時機。 但原來喺日本亦係Pocky Day～ 零食品牌——品客更將呢日定為「品客日（Pringles Day）」，仲特製咗一個161cm高嘅薯片筒去慶祝添～ 呢個高度嘅薯片筒，其實係參照旗下品牌代言人——喜劇演員兼Youtuber「FUWA フワちゃん」嘅身高～ 見到咁高嘅薯片筒，真係想「嘩」出聲！ 不過唔係想買就有～要參加抽獎先有機會㗎！ 幸運兒有11位，被選中嘅人會根據佢哋嘅身高而特製薯片筒！ 裡面仲裝滿芝士味薯片，咁大筒食極都仲有！ 如果真係拎出街，相信都幾引人注目～ 不過你冇佢有，又真係幾威嘅！ 下年雙十一如果再有抽獎，你會唔會想參加呢？

By Katie Lo

November 29, 2020August 5, 2022

日本麥當勞McCafé最近同知名比利時朱古力品牌GODIVA合作， 喺日本麥當勞旗下嘅「McCafé by Barista」就可以試到期間限定飲品Espresso Frappe！ [instagram photo=”CH_iopKBGGb”][/instagram] 今次仲揾嚟駐日本GODIVA朱古力大師Yannick Chevolleau做監測， 以唔同嘅方法去處理朱古力粉、濃縮咖啡，同埋牛奶，製成朱古力沙冰， 上面仲淋上Couverture朱古力醬添！ [instagram photo=”CIAsxdrAYge”][/instagram] [instagram photo=”CHwdWv_Ffai”][/instagram] 仲未夠！另一款放埋充滿香草味嘅馬卡龍， 賣相更吸引啊！ [instagram photo=”CIAPbw4M8Vp”][/instagram] [instagram photo=”CIA6wVWg1zN”][/instagram] 濃厚嘅朱古力味，仲有濃縮咖啡嘅香氣， 真係睇見都心動！ 絕對比得上其他連鎖咖啡店嘅質素～係咪好想試呢？ [instagram photo=”CIA6xXinfwh”][/instagram] McCafé X GODIVA限定飲品 期間限定：2020年11月25日至2021年1月中旬 地址：日本 McCafé by Barista 詳情：官網

By Katie Lo

November 27, 2020August 5, 2022

今年係台中國際花毯節第10年舉行！ 活動展期長達23日，以「愛麗絲的花境探險」為主題～ [instagram photo=”CHnWOYqH2Le”][/instagram] 一踏入展場，就好似進入咗愛麗絲「夢境」同「迷宮」情境咁～ 利用花卉打造大型柴郡貓造型迷宮，夠哂特別！ 喺每個岔路柴郡貓都會作出提問，遊客就需要抉擇， 而每一個選擇都會影響到最終結果～ [instagram photo=”CHguA63FVUY”][/instagram] 有機會係出口或者係入口，亦有可能係折徑， 從而引導你搵出心中嘅答案～ 期間仲會有唔少重要角色都會現身！ 就好似智蟲、茶會嘅瘋帽匠、望著懷錶匆忙趕路嘅兔子等， [instagram photo=”CHnE2guHxHY”][/instagram] 至於主花毯就係由高10米嘅紅心皇后居高臨下朝著愛麗絲飛嚟～ 皇后由一群忠心嘅撲克牌士兵簇擁著， 重現返愛麗絲勇敢對抗皇后嘅故事情節！ [instagram photo=”CHNwvGAgJOS”][/instagram] 仲可以欣賞到地毯式嘅美麗花卉藝術，華麗又繽紛！ 你係咪好想去睇吓呢? [instagram photo=”CHhbQTNDQqp”][/instagram] 2020台中國際花毯節 展出期間：11月14日至12月6日 (早上8:30至下午4:30) 地點：台中市新社區協成里協興街30號 詳情：官網

By Katie Lo

November 19, 2020August 5, 2022

仲有一個多月就到2020年聖誕節喇！ 台灣一連52日舉行嘅新北歡樂耶誕城已經登場～ 今年聖誕燈飾仲聯同台灣迪士尼一齊打造浪漫童話世界添！ [instagram photo=”CHmv3l0sae5″][/instagram] [instagram photo=”CHne1aMFISv”][/instagram] [instagram photo=”CHn3KSkg6Gt”][/instagram] 適逢今年係新北歡樂耶誕城邁入第10年，燈區範圍史上最大啊！ 包括新北市市民廣場、板橋車站站前廣場、萬坪公園、府中商圈， 令人超期待！ [instagram photo=”CHfyIBVB405″][/instagram] 主燈區以夢幻音樂盒為主題，巨大耶誕樹配合迪士尼角色人物， 結合光雕投影技術，伴隨迪士尼全新編曲嘅音樂， 令人好似置身喺現實版童話世界之中！ [instagram photo=”CHRjuSKHvS7″][/instagram] 嚟到萬坪公園，穿過夢幻嘅城堡拱門， 六大迪士尼公主限定嘅夢幻裝置藝術等緊你！ [instagram photo=”CHkoejJp1GQ”][/instagram] 而位於府中商圈嘅美學藝術特區， 呢座主燈「魔豆‧魔豆」蜿蜒向上嘅形態，亦好有美感！ 其中「花漾」裝置更加係必打卡秘境添啊！ [instagram photo=”CHlH1faFY2J”][/instagram] 當然亦唔少得滿天燈海隧道啦～ 今年足足有8大耶誕光廊！ 配合迪士尼經典故事，加入獨特燈飾，相當浪漫～ [instagram photo=”CHaduA3FYtI”][/instagram] 仲有環狀線燈區嘅城市伸展台， 以新北野柳知名地景「女王頭」為概念嘅裝置藝術， 奪目耀眼嘅顏色，成為人氣街拍景點！ [instagram photo=”CHk38x0hwV6″][/instagram] 今年新北耶誕一樣有睇頭，而且多個燈區設計都好有心思， 由白天影到夜晚都應該唔係問題， 搞到小編都好想飛去台灣打卡朝聖啊！ [instagram photo=”CHbaNNvDWG1″][/instagram] [instagram photo=”CHmMwXrAMVR”][/instagram] 2020新北歡樂耶誕城 期間限定：2020年11月13日至2021年1月3日 地址：新北市民廣場、板橋車站站前廣場、萬坪公園、府中商圈 詳情：官網

By Katie Lo

November 16, 2020August 5, 2022

最近網友發現咗台中一個新嘅打卡景點，位於文心森林公園附近， 就係呢個以粉紅為主調嘅城堡～ [instagram photo=”CGXq5TqsjiW”][/instagram] 唔講唔知，原來呢個建築物係一間幼稚園嚟！ 充滿宮廷風格嘅「城堡」，無論用咩角度影都好靚～ [instagram photo=”CGezHVuMD5r”][/instagram] 配埋藍天白雲，成個畫面好夢幻啊～ 唔講仲以為去咗外國旅行～ [instagram photo=”CGUIKf9nNeC”][/instagram] 相信一定會各位嘅少女心大爆發啊！ 如果小編都可以喺呢間咁大又咁靚嘅地方讀書，真係日日都好想返學～～ [instagram photo=”CGHdSEnnwsn”][/instagram] 下次去台中旅行，一於嚟呢度打卡朝聖啦！ [instagram photo=”CGRRKG3s36Y”][/instagram] 鹿鳴村幼稚園 地址：台中市南屯區大墩七街437號 [map url=”https://www.google.com/maps/embed?pb=!1m18!1m12!1m3!1d3640.795016189731!2d120.64062631538081!3d24.14383587954839!2m3!1f0!2f0!3f0!3m2!1i1024!2i768!4f13.1!3m3!1m2!1s0x34693dc75ed81485%3A0x4016f9a6b9c190dc!2z6bm_6bO05p2R5bm85YWS5ZyS!5e0!3m2!1szh-TW!2shk!4v1603019362228!5m2!1szh-TW!2shk”][/map]

By Katie Lo

November 12, 2020August 5, 2022

日本Felicimo嘅雜貨品牌「YOU + MORE！」向來都會推出得意又搞笑嘅產品， 最近又有新產品喇！就係呢款 Mocchiri Juicy Fried Cushion～ 今次推出限定三款設計～ 唔單止有炸雞嘅外形， 仲做到平時雞件炸得唔均勻嘅模樣添！ 設計得好仔細，真係好似一件炸雞！ 見到都覺得肚餓～～ 設計師仲預留咗空間放手機，真係好貼心啊！ 用埋手機聽著炸雞聲，隨時攬住訓教都夢到有炸雞食～ 身邊總有一位炸雞控，到底係你定你朋友先？ 有興趣上網買返一個啦！ Mocchiri Juicy Fried Cushion 網站：請按此

By Katie Lo

November 11, 2020August 5, 2022

相信唔少人都認識台灣著名繪本畫家——幾米！ 繼上年碧潭風景區將幾米嘅手繪作品《月亮忘記了》」變為地景藝術之後， 2020再將全新《向月亮許願》嘅地景藝術裝置帶到嚟我哋面前！ [instagram photo=”CF17q_JBoJ4″][/instagram] 今年結合碧潭自然風景同中秋節元素， 遠遠就可以見到3座裝置放喺碧潭湖面上～ [instagram photo=”CFuK36nDNSc”][/instagram] 入夜後點起柔和嘅黃色燈光，令人覺得特別温暖～ 中間呢座高15米嘅「月亮蛋糕」更加突出！ 微笑著嘅月亮，令人覺得好療癒啊～ [instagram photo=”CFzk_aYHjgL”][/instagram] 企喺月亮蛋糕前面仲可以影出有剪影效果嘅相片， 係咪好靚呢？ [instagram photo=”CF13Lg5JDHx”][/instagram] [instagram photo=”CF2UZAIlk3Z”][/instagram] 如果今年有機會去台灣，大家可以嚟欣賞吓！ [instagram photo=”B2UH_V0n_qS”][/instagram] 「向月亮許願」地景藝術 期間限定：2020年9月28日至12月31日 地點：新北市新店區新店路 [map url=”https://www.google.com/maps/embed?pb=!1m18!1m12!1m3!1d3617.286080409128!2d121.5349573153908!3d24.95637954755181!2m3!1f0!2f0!3f0!3m2!1i1024!2i768!4f13.1!3m3!1m2!1s0x34680187a6c4ffc9%3A0xdc817520cffa80d1!2zMjMx5Y-w54Gj5paw5YyX5biC5paw5bqX5Y2A5paw5bqX6Lev!5e0!3m2!1szh-TW!2shk!4v1603547351170!5m2!1szh-TW!2shk”][/map]

By Katie Lo

November 9, 2020August 5, 2022