• Mon. Jun 1st, 2026
    • '
    HomeLok Lok (Page 12)

    Author: Lok Lok

    author

    台中超可愛「雞蛋糕」拉絲黑糖麻糧味勁有口感｜台灣美食｜放假去邊

    雞蛋大家就食得多，唔知雞蛋糕又食過未？ 食過嘅話，又食過真係雞蛋形狀嘅「雞蛋糕」未？ 台中呢間包店專製獨家嘅雞蛋形狀「雞蛋糕」，外形超可愛~ [instagram photo=”By0EzUih2fi”][/instagram] 蛋糕嘅外型係超像真嘅雞蛋，仲有埋蛋盒裝住，唔講真係以為係雞蛋XD [instagram photo=”BqSBAirBMNq”][/instagram] 咬開鬆軟嘅蛋糕皮後係濃厚嘅醬餡，有抹茶吉士、黑糖麻糧、紅豆奶油、花生、芝士等味道任你揀，有得揀一盒4個/6個入~ [instagram photo=”Byc7C8Oh6X5″][/instagram] 其中最誇張就係黑糖麻糧味，麻糧煙韌到做到拉絲效果~ [instagram photo=”B1oSGebpjV7″][/instagram] 而且黑糖味唔會做到好死甜，唔會搶咗雞蛋糕本身嘅蛋香味！ [instagram photo=”B4FQLa2nEQD”][/instagram] 而且雞蛋糕即場製作，啱啱整好出嚟仲會帶點溫度，所以最好就係快啲食咗佢先夠新鮮鬆脈~ [instagram photo=”B1DoqZpnGX8″][/instagram] 而且其實雞蛋糕一粒都只係TWD$45-55，唔洗HKD$15就買到粒有樣有實際嘅雞蛋糕，打卡之餘享受到美食，抵哂！ 窩巢．雞蛋糕 WO CHAO facebook：@WOCHAO.TAIWAN

    author
    著數優惠

    【台灣珍珠奶茶DIY】留喺屋企自己整黑糖珍珠奶茶！｜外賣美食優惠｜開團

    疫情咁嚴重，成日留喺屋企無所事事？ 無得出街飲珍奶，有冇諗過可以自己親手整返杯珍珠奶茶？ 台灣最近推出嘅珍珠奶茶DIY組合，當中包哂茶底、糖漿、珍珠等等，而家更加有得由台灣直送到香港： https://www.kkday.com/zh-hk/product/39286 珍珠奶茶DIY組合包括20包蜜香紅茶包、1罐黑糖蜜、1罐特調糖漿、2包真空珍珠，而糖漿同珍珠都來自宜蘭最出名嘅珍奶製造廠「奇麗灣」~ DIY組合會有埋黑糖珍珠料理嘅教程，可以同家人朋友一齊mix & match，自己調節糖度同份量，唔洗驚好似喺出面飲咁樣死甜，而且學識咗以後都唔洗出去買啦~ 而且呢個優惠係買得愈多組合愈抵，一包$205/1，兩包$154/1，三包就$137/1，一包可以沖到20杯，除開都係$6-$10一杯，抵過喺出面買好多！ 所以如果同埋家人、朋友一齊夾份買就愈平啦！ 【台灣直送珍珠奶茶DIY體驗組合】 優惠套餐：https://www.kkday.com/zh-hk/product/39286 立即訂購

    author

    日本烘焙師神還原「哥基屁股麵包」可愛到唔忍心食｜日本美食｜放假去邊

    有唔少人都好鐘意狗仔，而近年最大熱嘅就一定係哥基， 全因佢個夠哂多肉又會扭嚟扭去嘅屁股， 係北海道札幌市就有麵包師傅整咗超神似嘅「柯基屁股麵包」，可愛到爆！ 見到呢個白色一團嘢，係咪覺得佢好似心型呢~ 其實焗完出嚟之後就係肥嘟嘟嘅「哥基屁股」！ 仲要有埋隻小腳仔，像真度係100%！ 除咗哥基屁股之外，佢仲會整其他動物嘅麵包~ 呢個係圓咕碌嘅貓咪，每隻都有專屬嘅表情！ 最後仲有呢個屁股，大家估下係咩動物？ 就係豬屁股，一開始未焗好真係好似生豬肉XD 呢啲麵包真係好可愛，如果買咗都未必忍心食咗佢~ 來源：Twitter @utiwapanya

    author
    著數優惠

    【台式火鍋直送上門】抗疫期間安坐家中 等食台灣麻辣/養生火鍋！｜外賣美食優惠｜開團

    疫情發生之後，都無得再出街打邊爐… 掛住麻辣火鍋嘅味道點算好？ 而家推出咗「火鍋配料直送上門」嘅外賣套餐寄送服務：https://www.kkday.com/zh-hk/product/39207 只要㩒幾個制，足不出戶就可以食到台式火鍋，由台灣原汁原味急凍直送香港！ 呢個獨家優惠係包哂套餐+寄送服務，仲有「2-3人」、「3-4人」、「5-6人」嘅套餐選擇，而且得呢到係有八拆優惠，除返開每人都係$140咋！ 三款套餐都附送湯底與配料，打頭陣嘅當然有「招牌臭臭鍋」，麻辣臭豆腐嘅湯底夠哂濃味，間唔中食啲辣都可以散熱祛濕、活血開胃！ 另外都有「養生白湯鍋」、「酸菜白肉鍋」、「台式麻辣鍋」嘅湯底，總共四款，四選一；火鍋嘅食法好簡單，只需要將湯料包倒出，解凍再加熱就可以慢慢落料享用！ 火鍋配料都非常多類型，有台灣純鴨血，真係由台灣新鮮純鴨血所製，並無混入其他豬血、雞血，所以保存期都只有4-5日，記住要即刻食先夠新鮮！ 當然唔少得食肉獸至愛嘅「切片無骨牛小排」、「美國肥牛片」，望落脂肪分佈平均，食落都夠新鮮，唔會有雪藏嘅感覺~ 除咗肉類外，仲有小編至愛嘅「花枝漿」，原筒送到可以自己切成咩形狀落都得；重點係更加有「北吉日本廣島蠔」!!! 喺屋企都可以食得豪啲!!! 食完咸嘢，當然唔少得台灣名物「芋泥包餡紫薯球」，煙煙韌韌之餘，入面仲有芋泥嘅餡料，甜到入心，正中小編下懷~ 除咗以上，仲有好多配料、海鮮料理選擇，例如台灣小寬粉、蜂巢凍豆腐、宜蘭船野生小卷、大阪麻薯燒等等，全部都好特別吸引，係在家抗疫嘅一點小確幸~ 訂購付款後，就會喺5-7個工作天後透過順豐送到你屋企㗎啦，！ 【台式火鍋直送上門】麻辣/養生鴨血火鍋外賣套餐 優惠套餐：https://www.kkday.com/zh-hk/product/39207 立即訂購

    author

    日本築地必食 ORIMINE BAKERS招牌小熊奶油麵包｜日本美食｜放假去邊

    日本除咗壽司、魚生、海鮮、烤肉出名外， 其實佢嘅包都係整得數一數二好食~ 出名多美食嘅築地市場就有間麵包店ORIMINE BAKERS，每日麵包新鮮出爐~ [instagram photo=”B5aI_QbplN7″][/instagram] 呢到最出名就係佢嘅招牌小熊奶油麵包，一開鋪就一個個排列整齊~ [instagram photo=”B2QLeUbnqy8″][/instagram] 圓鼓鼓嘅麵包擁有小熊造型，可愛到唔忍心食！ [instagram photo=”BxXHZqOgJIz”][/instagram] 除咗有討喜嘅外型，個包都相當有內涵㗎，餡料係香濃嘅吉士醬~ [instagram photo=”Bszoyatghtj”][/instagram] 呢到嘅麵包出名唔用乳化劑同改良劑，使用素材嘅原味麵包超受歡迎~ [instagram photo=”BkRXfGsA08O”][/instagram] 除咗奶油麵包外，仲可以揀入面係雪糕餡嘅小熊麵包，麵包香配上冰涼嘅雪糕，可以享受到特別嘅口感 [instagram photo=”yykqZvRzY4″][/instagram] 除咗小熊麵包外，呢到嘅咸包都好出名，呢個「短爪章魚義大利香草麵包」(¥‎298)都非常著名，出名使用新鮮嘅海鮮~ [instagram photo=”BhSrC3GhnuS”][/instagram] 店鋪門外掛有超顯眼嘅可愛熊頭，絕對唔怕會搵唔到間鋪XD オリミネベーカーズ (ORIMINE BAKERS) 築地七丁目店 地址：東京都中央區築地 7-10-11 營業時間：7am – 7pm (逢星期三休息) 交通：日比谷線築地站１號出口步行約5分鐘

    author

    超殘忍「油炸布丁狗」直擊兇案現場｜日本趣聞｜放假去邊

    相信大家對可愛嘅布丁狗都唔會陌生， Sanrio眾多卡通人物當中人氣高企， 但日本一個twitter網友竟然將佢煮咗嚟食… 布丁狗迷慎入！！！ 推主「地獄」(@narok___) 用麵粉搓成布丁狗嘅身體，內裏塞入麵、肉等配料，整成一個「布丁狗餃子」~ 下一步已經準備將布丁狗推去送死！ 落鑊嘅布丁狗喺熱油當中好快就變到紅卜卜… 本当にただの拷問になってしまってポムポムプリンに申し訳ない。 pic.twitter.com/vAdrjAvL9M — 地獄 (@narok___) 2019年9月4日 啊，好殘忍，炸到布丁狗血肉模糊… 上菜！仲要特登將伴碟擺靚靚 一刀切開，見到滿滿嘅餡料湧出嚟 其實撇除殘忍嘅烹煮過程，相信應該都幾好食… 小編睇完心理陰影+100，真係要講返句「怎麼可以吃狗狗」~ 來源： Twitter @narok___

    author

    超惹味「迷你粟米串」 啱哂宵夜食｜日本美食｜放假去邊

    「為何深夜總是餓」， 每次做嘢做到夜晚就頂唔到肚餓，一定要搵啲嘢食， 今次就為大家推薦一個宵夜小食 — 迷你粟米串！ 迷你粟米串其實就係將一排粟米拆出嚟，再串返埋一齊方便炸！ 吉好哂就可以攞去炸啦！炸好之係一堆撈起好治癒XD 最後一步就係灑上自己鐘意嘅調味粉就大功告成！ 製成品係相當吸引！！ これ一回試してみたいなーって思ってるけどまだ未遂。コーンの食べ方ってひと工夫あると違うよねー！全く何言ってるか分からないけど多分説明してるw 普通に美味しそう✨ pic.twitter.com/pjMoqAQees — HAL@ニューヨーク (@TVH_NEWYORK) 2019年8月28日 一齊嚟睇下究竟完整版係點樣做好~ 好吸引，好吸引！啱哂小編呢啲成日做到好晏又易餓嘅人！ 來源：Twitter @TVH_NEWYORK

    author

    韓劇《梨泰院Class》拍攝場地「The Finest」大熱酒吧｜韓國旅遊｜放假去邊

    最近播出最後大結局嘅大熱韓劇《梨泰院Class》不論男女老少，喺韓國掀起熱潮，喺香港都同樣有唔少粉絲追看！ 而劇中取景拍攝嘅各大梨泰院場地都瞬即成為熱門景點，包括酒館「甜栗」、綠莎坪路橋等等~ 今次就為大家介紹世路同以瑞接吻嘅酒吧！！！ 相信有追梨泰院嘅你對於呢一幕一定唔陌生，第四集入面，男神朴敘俊飾演嘅朴世路飲醉訓咗喺地板，趙以瑞忍唔往錫咗上去，成為劇中頗為經典嘅吻戲，咁樣錫一錫都令呢間cafe一夜成名！ [instagram photo=”B0SKbgkF_wu”][/instagram] 位於梨泰院嘅呢間酒吧因為喺樓上店，而且入口並唔起眼，原本並冇話好多人識，但自從劇集播出後，人流變得多咗好多，加上本身呢間鋪頭嘅天台設計就好靚好靚~ [instagram photo=”B3Mw5xopJib”][/instagram] 行到出露台係可以飽覽梨泰院嘅全貌，而且重點係仲可以睇到南山塔！ [instagram photo=”B5Z5_heBaOW”][/instagram] 酒吧分為室內同室外Area，室內就係好似劇中主角咁坐吧台，不過天氣太凍店家一般都會閂玻璃門，就未必影到好似主角咁靚嘅畫面lu~ [instagram photo=”B3nQyUkFuAr”][/instagram] 但坐出面沙發位置都仲靚，沙發擺設設計又精緻又舒服~ 呢到唔單止可以飲酒，仲可以食晚餐，黑松露薯條同意粉最好食！ [instagram photo=”BzIbZvAnZnC”][/instagram] 其實唔係夜晚先可以去酒吧，小編就好建議可以喺黃昏左右上去坐到夜晚，咁就可以睇哂日景、夜景，天氣好嘅話仲可以睇埋靚靚日落、滿天晚霞嘅顏色！ [instagram photo=”B80hi1UnRQH”][/instagram] 相入面男女咁樣坐就係世路同以瑞喺劇中嘅畫面！ [instagram photo=”B91lXE3HKeL”][/instagram] 梨秦院喺日頭睇都好靚，呢間酒呢其實撇除《梨泰院Class》拍攝場地嘅函頭，一樣好值得去~ The Finest 더 파이니스트 地址：首爾龍山區梨泰院槐樹路41 3樓

    author
    著數優惠

    【銅鑼灣Fine Dinning】Le Rêve華麗精緻日法Fusion菜｜香港美食｜開團

    位於銅鑼灣嘅Le Rêve，一坐低侍應就解釋餐廳名字法文意思即係The Dream夢境，希望透過高級美食與服務帶比顧客夢幻嘅用餐享受~ 餐廳嘅主調係深啡色，仲有唔少蒲公英、朴葉、捕夢網等裝飾，就好似走咗入神秘嘅國度咁~ 連餐枱嘅佈置都必有心裁，火山石麵包碟望落都夠高級，Menu嘅設計好似本童話書咁，仲有條羽毛放喺面，打造夢幻嘅氣氛 透過網站訂購（www.kkday.com/zh-hk/product/37354/），可以享用限定「夢之宴」6C Surprise menu、「夢之宴」8C Surprise menu，包含5或7道菜，以及各2個surprise dishes！ Kuruma Crevettes：炙燒半生熟日本大蝦，搭配青口味雪糕，組合非常特別，生蝦炸得夠鬆脆 Lamb Rack：鮮味唔算好穌嘅羊鞍，配上結實細嫩嘅羊肝菌、牛肝菌，係一種好新奇嘅口感XD Imperial Pigeon：紅酒梨子醋鴨肉用上高級嘅義大利葡萄醋，食落口嘅味道回甘，清新得嚟唔會太酸 Kagoshima：A4鹿兒島和牛入口即溶，七成熟嘅肉質嫩滑，海鹽嘅調味份量剛剛好，旁邊仲有菇、枝豆、露筍作伴碟~ Caramelitas：Caramel嘅toast配上拖肥，濃郁香甜 Chocolate Ring：最後仲有甜品朱古力雪糕配雲呢拿酸莓撻，朱古力嘅甜味與酸莓中和，令人食完覺得滿足！ 餐廳嘅環境、食物、佈置、服務態度等等，每個細節都很完美，感覺好grand同舒服，係fine dinning嘅好選擇~ Le Rêve 地址：銅鑼灣耀華街38號Zing!10樓 優惠套餐：www.kkday.com/zh-hk/product/37354/ 立即訂購

    author
    著數優惠

    觀塘「Tapa Room」一試難忘高級西班牙菜 霓虹燈裝飾超有氣氛！｜香港美食｜開團

    呢間新開嘅Tapa Room位於觀塘工商廈區，所以平日夜晚嚟到都冇咩人，放工想同同事朋友靜靜地放鬆傾吓計啱哂，相對都坐得舒服啲；一轉入內街嚟到就被門口大大嘅霓虹燈裝飾吸引著，啱哂打卡~ 餐廳分咗內外兩個area，喺室外可以享受寧靜嘅街景，飲吓酒chill吓；而室內就可以享用正餐。 介紹完環境就講吓呢到超吸引嘅食物！ 買咗呢個套餐可以用$100食到有齊西班牙火腿、曼徹格芝士、蕃茄醬麵包、2杯Sangria嘅套餐，就咁單嗌原價要$180㗎！平咗成倍！ 西班牙火腿世界聞名，黑毛豬嘅味道有滿滿嘅油香，芝士味道溫和但口感飽滿，成個配搭都好夾~ 順帶一提，呢到嘅所有設計都好高級、有品味，連餐具抽櫃都好靚，間格睇得出喺特別訂做，而且侍應服務態度好好，會主動幫你添水、換碟，算得上係高級享受XD 如果想食飽啲就可以試下$180套餐B：炸黑毛豬火腿球、炸薯條配蒜蓉旦黃醬、2杯Sangria，食齊三樣招牌菜！如果唔跟呢個套餐，原價要成$230！ 炸黑毛豬火腿球炸得幾鬆脆，食落唔會覺得好粉，黑毛豬味道都算香濃~ 呢個西班牙水果茶啫喱賣相超吸引，唔會整得好實或者太冧，質感啱啱好，而且果肉超多，食得好滿足，仲有小小冰鎮嘅感覺！ 嚟到bar梗係要叫返杯西班牙果酒（Sangria），果味好重，非常易入口，啖啖都係陣陣清涼嘅果香味，飲落仲有微微嘅酒勁~ 總結嚟講，呢間Tapa Room嘅西班牙菜高質好食，非常值得一試，而且環境舒服自然，雖然價錢唔算平，但可以坐好耐慢慢hea、食物又高級，都真係值哂！ 有興趣可以參考呢個套餐優惠，買咗就可以平成一半去食，要去試下啦~ Tapa Room 地址：觀塘觀塘道348號國際貿易中心地下G02號舖 套餐優惠：www.kkday.com/zh-hk/product/37014/ 按此參加

    author