身為貓奴嘅你，見到咁可愛嘅貓公仔，個心係咪溶一溶～ 繼上次推出「武裝神貓」，日本Bandai又出咗新一彈貓扭蛋， 最特別嘅係新增咗一條魚仔比你可以喂佢！ 有黃、黑、白色三隻貓，各有三種表情，總共9款， 而且扭蛋入面都會有肉嘅魚同魚骨兩款魚～ 虎視眈眈住條魚 你可以利用磁石將條魚放近佢嘴邊～ 黃色貓摸住條魚骨 食到啦！ 睇完咁多款貓同魚，你又想要邊款呢？ 詳情可以去Gashapon到睇！
一直以來，大家都知意大利版圖嘅形狀似靴～ 但原來歐洲其他國家都有佢地似嘅嘢！ 德國一個Youtuber Zackabier就將佢地畫返哂出嚟～ 法國 France — 變咗隻好可愛嘅貓頭鷹～ 芬蘭 Finland — 係一條鯨魚 意大利 Italy — 好出名嘅靴！ 挪威 Norway — 長長嘅版圖似蝌蚪～ 波蘭 Poland — 正在排便中～ 羅馬尼亞 Romania — 係多莉(Dory)呀！ 丹麥 Denmark – 正在融化嘅蝙蝠俠～ 保加利亞 Bulgaria — 係到撤嬌嘅小貓 如果想睇埋其他40個國家會變咗咩樣，可以去返Zackabier嘅Youtube Channel～ 小編真係好佩服佢嘅創意！
小編夏天最中意就係食雪條、飲奶蓋茶加珍珠， 估唔到依家有鋪頭合作，一次過滿足你三個願望！ 台灣嘅手搖飲品鋪「春陽茶事」聯同人氣冰品牌「蜷尾家」，推出雪條x珍奶嘅Combination～ [instagram photo=”B0sCo0Vnhcm”][/instagram] 奶蓋珍珠奶茶上面插住雪條，外觀非常吸引！ 最頂層嘅奶蓋既有濃牛乳味又有淡淡嘅鹹味～ [instagram photo=”B0kSheOnGna”][/instagram] 呢款飲品叫抹茶啵棒， 抹茶雪條+奶蓋+珍珠，三種口感一齊嚟 【春陽茶事x蜷尾家】抹茶啵棒 即日起限量發售 售價：NT$75 (~HKD$20) 地點：全台灣春陽茶事門市
