Open Tour
Pokemon公司自2018年起， 開始喺全日本各縣各市設計專屬Pokemon角色嘅渠蓋， 最近「吉利蛋」造型嘅渠蓋都已經全面進駐日本福島縣內九個市町村啦！ 之前公司已經喺喺全日本8個縣市內設立咗多達96個渠蓋， 有比卡超、伊貝、六尾等， 今次終於輪到圓碌碌可愛爆燈嘅吉利蛋！ 粉絲可以透過分佈圖搵到佢哋嘅足跡， 而且渠蓋唔止可以打卡，個位置更加係「Pokemon GO」嘅補給站， 設計得相當有心思~ ▲位於新地町嘅吉利蛋蓋，已成功鋪設 ▲位於相馬市嘅吉利蛋蓋，預計於10月設立 ▲位於南相馬市，鋪設時間尚未決定 ▲位於浪江町，已成功鋪設 ▲位於楢葉町，已成功鋪設 ▲位於磐城市，已成功鋪設 ▲位於川俣町，已成功鋪設 ▲位於田村市，預計喺9月鋪設 ▲位於川內村，已成功鋪設 渠蓋全部都整得咁栩栩如生，其實唔係無理由， 呢啲人孔蓋其實都係喺佐賀縣以手工鑄造，再利用熔爐技術製作， 比起一般人孔蓋來得更細緻，咁受人歡迎都唔出奇！
不知不覺間，又嚟到中秋啦~ 人人都周圍搶購特色月餅， 而喺台灣，就有店主推出超特別嘅「柴犬禮盒」，望落可愛爆燈！ [instagram photo=”CE6jPOXJUE3″][/instagram] 台灣嘅「深刻甜點工作室」主打手工甜點、蛋糕， 適逢中秋，就推出咗一款「芋見柴犬大禮盒」！ [instagram photo=”CFJwL9PnELS”][/instagram] 一盒入面會有有六粒柴犬蛋黃酥或六粒芋頭麻糬酥， 可以自己選擇味道~ 店家將蛋黃酥焦黃嘅外皮當成柴犬嘅身體顏色， 再為其加上眼睛、鼻子，一整個又可愛又創意滿分！ (Photos: IG @richardbnb) 而且佢哋嘅用料都好天然、有心思，食落香口唔膩， 用咗減糖紅豆餡、芋頭餡， 蛋黃部份就用上大大粒嘅土鹹鴨蛋，鹹香感好足！ [instagram photo=”CRDB979LvsM”][/instagram] [instagram photo=”CFd_Yr_l8lq”][/instagram] 可惜今年已經額滿, 想要嘅話就明年請早喇~ [instagram photo=”CSiijiEn0Gz”][/instagram] 資料來源：IG @profound.dessert
適逢Gundam機動戰士高達40週年、Hello Kitty 45週年， 兩個超具人氣嘅明星呢年都因此有唔少Crossover， 好似之前嘅「Kitty高達模型」等等， 今次又再次推出兩款「HELLO KITTY / 渣古[SDCS]」組裝模型！ Hello Kitty與高達喺2020年共同展開咗名為「愛與和平」嘅聯乘企劃， 企劃都因此引伸出唔同嘅產品~ 而今次首先推出嘅有紅色「SDCS HELLO KITTY /馬莎專用渣古II」！ 套裝包括同比例嘅渣古II以及Hello Kitty 組裝模型， 可以將Kitty嘅頭部裝嵌喺渣古身體上，等Kitty帶上熱能斧衝鋒殺敵！ 除此之外， Kitty自身都有可愛嘅蘋果底座、配件等，基本上等於滿足你2個願望！ 至於綠色嘅「HELLO KITTY /渣古II」同樣型格， 與馬莎渣古規格差不多，不過紅色變為綠色，渣古則係攞住機槍~ 今次嘅聯乘有各種組裝方式，實在令人興奮， 預料將於2020年12月以2,750日圓發售~ 兩邊粉絲一定都係大滿足！
Little Twin Star作為人氣Sanrio明星， 最近即將會喺東京單軌電鐵上見到佢哋嘅身影啦！ 東京單軌電鐵聯乘Sanrio推出咗「Little Twin Stars列車」， 由車身至車廂內部都會換上Little Twin Stars嘅裝飾設計！ 列車已經於9月14日開始正式行駛，更有兩款唔同顏色嘅車卡， 分別係清新嘅嫩粉，同埋薄荷綠，兩者都啱晒打卡影相， 有幸坐到呢個列車心情都會好好！ 為配合特色列車嘅推出， 喺濱松町站、天王洲島站、羽田機場第1航廈站以及第2航廈站，更加會設置許願打卡位~ 除此之外，多個車站仲會喺同步發售獨家限定嘅商品！ 例如文件夾、鎖匙扣、公仔及貼紙等，全部都會加上東京單軌電鐵嘅主題，相當有心思~ Little Twin Stars列車將會行駛至2021年1月11日，粉絲記得唔好錯過！ 來源：Tokyo Monorail
Hit爆嘅多啦A夢今年迎來50周年， 林林總總嘅電影、紀念品等紛紛推出， 而最近就傳嚟NIKE要推出與多啦A夢聯乘嘅NIKE SB Dunk High！ NIKE SB Dunk呢個滑板運動鞋系列係80年代嘅經典鞋款， 設計舒適，一向都好受用家歡迎， 今次加點新意思落其中更叫人期待！ 今次呢款以「多啦A夢」為主題嘅新款， 顏色都用上多啦A夢身上嘅顏色作為主色， 如全藍嘅鞋身、紅色嘅鞋帶以及畫龍點睛仿頸上叮噹嘅黃色牌子~ 今次鞋款最大嘅賣點其實係鞋舌背後細細個嘅「百寶袋」， 雖然只能夠塞到一個銀仔咁大把， 但呢個咁細心嘅gimmick都非常有創意！ 雖然而家都只係去到發佈概念圖嘅階段，尚未正式發行， 但外國媒體都預計新鞋將會喺秋季上市，想要嘅朋友就要留意吓消息啦~ 見到呢款咁像真嘅運動鞋，小編真係覺得兒時嘅回憶都返晒嚟， 原來多啦A夢都已經半個世紀了，見到咁靚嘅新鞋， 真係要講番句，多啦A夢運動鞋，我要進來了！
提起夏天你會諗起咩？ 小編就諗起紫紫嘅薰衣草啦， 最近南韓兩個紫色小島就引起咗大家矚目！ [instagram photo=”B8OBp4CgcoR”][/instagram] 韓國全羅南道嘅新安郡由1004個大小島嶼形成， 今次嘅主角「半月島」、「朴只島」就係其中兩個相連嘅紫色小島！ 由高空望落去，可以見到一大片紫色頂嘅小屋~ [instagram photo=”CBR6APjBFMK”][/instagram] 最有名嘅一定係接駁兩島嘅呢條紫色橋~ [instagram photo=”CCRx4ZNsSqa”][/instagram] [instagram photo=”CCKTE5Cs1c5″][/instagram] 延綿嘅大橋欄杆全部粉刷成紫色，吸引咗唔少人嚟打卡！ [instagram photo=”CAkGfFSAEKl”][/instagram] [instagram photo=”B_y_1j8DPDN”][/instagram] 除此之外，亦有唔少人嚟呢到賞花， 朴只島有比較多嘅紫色油菜花同薰衣草花田，嚟到可以悠閒咁散步賞花， 比朴只島較大嘅半月島都同樣有紫色系花朵，如紫苑花同繡球花~ [instagram photo=”CCcr2-RMu4n”][/instagram] [instagram photo=”CCFwRwlBCIp”][/instagram] [instagram photo=”CBPL9VsnwKr”][/instagram] 而島上嘅紫色民宿、電話廳、咖啡廳等， 亦被粉刷上紫色，非常治癒美麗！ [instagram photo=”CB8RmSan5H8″][/instagram] [instagram photo=”CBDejsQF-C7″][/instagram] 如果想遊遍整個島嶼，個到亦有單車出租， 由每小時5,000韓圜起，等你可以輕鬆暢遊； 想入住紫色小屋的話，就要提早以電話預約，由每晚5萬韓圜起~ 淨係睇相見到咁唯美浪漫嘅小島，心情已經覺得好好！
日本嘅美食多到食都食唔哂， 而且經常有唔少創意新穎出品， 今次介紹嘅呢間Fruits PANda主打水果三文治， 六月啱啱開幕無幾耐就成為人氣店！ [instagram photo=”CBnWeBOgqsx”][/instagram] [instagram photo=”CBaU8Sygxtb”][/instagram] 三文治底部嘅吐司由店家獨家烘焙， 再跟據唔同味道加上水果及搽上濃滑嘅Cream~ 總共有4種固定味道，同埋視乎季節會有季節限定口味！ [instagram photo=”CBuwAeZBym4″][/instagram] 士多啤梨味配上紅豆豆沙及煉奶，有著酸甜酸甜嘅口感！ [instagram photo=”CB-DfGvhnMH”][/instagram] 而香蕉配朱古力奶油可以話係冇得輸，美味而濃郁，啱晒鍾意食甜嘅你~ [instagram photo=”CB3CWX_Blu_”][/instagram] 一日一蘋果，醫生遠離我~ 蘋果切片再配埋焦糖奶油，清新中帶點甜膩，值得一試！ [instagram photo=”CBuwLFnhmQR”][/instagram] 酸甜嘅奇異果搭配上蜂蜜奶油會係咩嘅感覺？ 係個非常新鮮嘅配搭，令人耳目一新~ [instagram photo=”CDD0kqLgf_B”][/instagram] 除咗常固口味外，仲有夏季限定菠蘿口味，由7月27日開始新登場！ 身為菠蘿迷嘅小編都忍唔住尖叫，仲要而家夏天嘅菠蘿相當當造鮮甜， 非常吸引！ [instagram photo=”CBuvU9fJzv2″][/instagram] 三文治上鋪滿嘅新鮮水果橫切面，令人只係見到都心曠神怡！ 好想食呀！ Fruits PANda 地址：京都市下京区烏丸通七条下る東塩小路町721-1（京都塔1F）
貓咪可愛軟萌， 令唔少貓奴都臣服於主子之下， 而日本一隻賓士貓就因為其「圓碌碌」嘅形象一炮而紅~ [instagram photo=”B7o-va5H1Ov”][/instagram] 其實呢隻賓士貓叫Ikura， 翻譯成中文就係魚子醬嘅意思，唔少網民亦會咁樣嗌佢， 佢係個7歲嘅男仔， 因為眼仔碌碌，身軀又肥到成個波咁，成身都圓碌碌迷倒唔少粉絲！ [instagram photo=”CB1buyxns8i”][/instagram] 大家淨係睇佢個樣，係咪以為佢只係一隻可愛嘅小貓仔呢？ 但實質上佢足足有成9.6kg，比起剛出生時嘅0.8kg重咗足足12倍！ [instagram photo=”CC153fvHICh”][/instagram] [instagram photo=”CAlsMZ9HrQF”][/instagram] [instagram photo=”B8FTPqxnV1E”][/instagram] [instagram photo=”B7E9BuwnrEN”][/instagram] [instagram photo=”Bx8cDDOHizj”][/instagram] 當佢坐低嘅時候，身上嘅肉仲會壘起，成個肉團咁！ 主人為咗證明佢嘅巨大，仲特登拎起佢比對自己身高，驟眼睇好似有成一米長XD [instagram photo=”CCwxQcBn5cF”][/instagram] 除此之外，魚子醬仲出名於佢搞怪嘅表情，被稱之為行走嘅表情包， [instagram photo=”CA3s9w9nhgZ”][/instagram] 尤其係佢嗰個經常張開嘅嘴巴，以及炯炯有神好似好好奇嘅眼仔，非常帶戲！ [instagram photo=”B_8kt7anm17″][/instagram] [instagram photo=”B9-ZAgUHQO3″][/instagram] 如果奧斯卡都有頒比貓貓嘅大獎，魚子醬實攞硬最上鏡大獎！ 希望留在家中嘅各位最近唔會都肥成咁樣啦XD！
剛剛過咗一年中最熱嘅大暑， 講起夏天，大家又會諗起邊個地方呢？ 小編我就諗起泰國啦！ 回憶返醇香嘅泰式奶茶就覺得懷念，而喺台中，竟然有店主將泰式奶茶化為雪糕，一解暑熱！ [instagram photo=”B8IQZ4knEqy”][/instagram] 「泰奶奶的 Thai Grandma’s」原為喺台灣高雄非常出名嘅手沖泰式奶茶鋪，出名濃郁、天然、地道~ [instagram photo=”B-vw_naFMIG”][/instagram] 而最近就喺台中開咗分店，更推出台中店限定嘅「地道泰式奶茶味」雪糕，將飲品嘅原料用喺雪糕上，保證原汁原味，且夠哂冰涼！ [instagram photo=”B2f1tvCHKxR”][/instagram] 不過，除咗原味之外，最受熱捧嘅當然係假日限定「雙色混合雪糕」，分別有橙啡色嘅泰式奶茶味道以及藍色嘅海鹽味~ [instagram photo=”B5kHpLVjTT4″][/instagram] 外貌上，夢幻嘅橙藍色結合已經非常搶眼吸引，且味道都係相當稀有難得嘅味道，都好難怪佢一炮而紅！ [instagram photo=”CB-jqTiJ9P3″][/instagram] [instagram photo=”CBPQqxNgS0d”][/instagram] 味道上，泰式奶茶嘅茶香味唔會蓋過海鹽，反而鹹甜鹹甜嘅感覺好特別唔會覺得食得膩！不過就要小心雪糕喺炎炎夏日底下都好容易溶！ 「泰奶奶的 Thai Grandma’s」（台中店限定雪糕） 一中店地址：台中市北區尊賢街16號 Instagram：@thaigrandmas.one
