Open Tour
香港有好多又靚又好食嘅餐廳，而位於長沙灣嘅「Boholic」亦係其中之一 主打波希米亞打風嘅「Boholic」係一間打卡餐廳，店內有多個影相位，個個都充滿異國風情 一踏入店內就會見到懸掛嘅藤製吊椅，呢個係佢哋嘅招牌打卡位 唔少人都特意為咗呢個位嚟打卡！ 另外亦可以喺店內見到仙人掌小樹林、長椅等等，個個位都好唯美，好似去咗外國旅行一樣！ 「Boholic」同時亦係一間寵物友善餐廳，好多人都會帶埋毛孩一齊嚟 佢哋出品嘅食物都非常高質，外型靚之餘仲好好食 一般西餐意粉同輕食甜品都有提供，啱哂同另一半/好姊妹齊齊去！ 朱古力咖啡嘅拉花好特別！ 餐廳亦會不時推出鳥籠下午茶拼盤，呢個三兩層架下午茶勁受歡迎 想食就要預先同餐廳查詢啦！ 呢款「洛神花巴斯克烤微焦芝士蛋糕」都好好食，令人少女心爆發！ 咁吸引嘅餐廳，快啲約埋朋友去試吓啦！ Boholic 地址︰長沙灣福華街561號君凱豪庭地舖及1樓
香港大部分人都鍾意打卡影相，因為影相除咗可以記錄人生之外，仲可以留低一個美好回憶 今次，喺韓國擁有超高人氣嘅「人生照相館」展覽終於登陸香港啦 呢個「人生照相館」展覽會於2021年4月1日至6月9日將首次巡演至海外，香港更係展覽嘅首站 人氣歌手姜濤更將擔任展覽開幕嘉賓，相信一定會非常熱鬧 「人生照相館香港站」將攝影同與韓式時尚美相結合，打造出五大精緻造景 當中主題包括︰有趣活潑、情感洋溢、可愛生動、活潑互動、獨一無二 同與一般展覽嘅單向式觀賞體驗唔同，「人生照相館」提供「自助式攝影空間」概念 引入咗影樓式專業照明同埋燈光，觀眾可以喺無壓力嘅環境下， 用手機影相，既可以同展品互動體驗，亦可以留下美好回憶 展覽團隊特意設計咗特別嘅燈光、色彩、音樂等多方面元素，入場觀眾可以拍下人生照之外，仲可以親身體驗同欣賞韓國的藝術文化 「人生照相館香港站」將展出合共30個拍攝造景，再結合香港獨有嘅文化，詮釋全新風格 依家仲有早鳥優惠，大家記得唔好錯過啦！ 「人生照相館香港站」： 日期：2021 年 4 月 1 日 – 2021 年 6 月 9 日 （4 月 12、26 日；5 月 10、24 日；6 月 7 日休館） 時間：星期一至日 11:00-20:30 地址：PORTAL 6311 九龍灣常悅道 18 號 1/F （宏遠街入口） 售票日期： 早鳥八五折優惠：2021 年 2 月 26 日早上 10 時 – […]
繼去年推出嘅「Le Petit Prince 小王子珍藏版成人八達通卡」瘋靡一眾粉絲後， 今年八達通同Le Petit Prince小王子再聯乘推出特別版八達通 以全新小王子經典場景同埋星閃LED燈作設計，收藏價值極高！ 「Le Petit Prince 小王子特別版八達通卡」嘅設計靈感源自《小王子》經典語錄︰「如果你愛著一朵盛開在浩瀚星海裡的花，那麼，當你抬頭仰望繁星時，便會感到心滿意足。」 所以特意用咗玫瑰為主要設計元素，而且呢款亦係八達通Facebook專頁舉行嘅網民投選中得票最高嘅設計，好受大家歡迎 八達通中嘅小王子於閃爍星空下守護住玫瑰，好吸引 除咗構圖唯美，星空中嘅一顆星星亦採用咗LED燈，當八達通接觸讀寫器上，卡面上嘅星星就會閃閃下， 會發光嘅八達通真係好特別！ 「Le Petit Prince 小王子特別版八達通卡」同其他八達通產品一樣，可用於乘搭公共交通或於全港約40,000個零售點消費購物 非常方便！ 購買詳情: 訂購方法：請首先成爲八達通銀包用戶，再透過八達通 App 訂購 售價：港幣128（包括郵費） 訂購數量：每個八達通銀包限購3張 送貨日期：2021年6月10日開始由香港郵政陸續派遞 網址 : www.octopus.com.hk
千禧新世界香港酒店推出快閃28折優惠！ 只需$858起就可以有五星級住宿連自助早餐、精緻小點、傍晚雞尾酒，夠哂抵 「聚賢薈「家」之悠閒住宿」套餐優惠︰ 1晚入住聚賢薈樓層客房 (最多可2大2小入住) 享用聚賢薈尊尚禮遇 (全落地玻璃海景)：包括雙人自助早餐、全天候供應之美點及傍晚雞尾酒 入住送迎賓水果、精選美酒1枝 免費享用客房迷你酒吧內的非酒精飲品 免費享用房內自選電影服務 生日入住可享驚喜禮遇 提早至 13:00 入住，延遲至15:00 退房（視乎房間供應情況而定） 最多可攜同2名(3-11歲)的小童一同入住，可於Cafe East免費享用早餐 (僅限聚賢薈城景客房及聚賢薈海景客房，可安排加床一張） 咁平嘅價錢竟然包咁多嘢，真係好平！ 而首30單預訂聚賢薈海景客房嘅客人更可享免費房內汽球佈置，同朋友/另一伴慶祝一流 同時亦享加購優惠「香港樂高®️探索中心入場門票連樂高®️積木刻字鎖匙扣」，優惠更低至HK$225/張 (原價HK$324) 今次嘅套票開放至6月入住，復活節假期亦開放預訂，大家記得唔好錯過啦 千禧新世界香港酒店︰ 銷售日期：2021年2月25日 (22:00 p.m.) 至2021年3月3日 (23:59 p.m.) 入住日期：2021年3月1日至2021年6月30日 酒店地點：香港九龍尖沙咀東部麼地道72號 價錢︰ 豪華客房只需$858/晚+（可2大1小） 豪華城景客房$968/晚+ （可2大2小） 豪華海景客房$1089/晚+ （可2大2小） 訂購網址︰ 立即訂購
疫情期間咁耐無得去日本，大家一定好掛住當地嘅美食！ 依家各位日本迷有口福啦，因為日本國宮崎縣政府香港事務所將首度與日本「KIDO木戶」合作， 期間限定推出各款以宮崎縣時令食材入饌嘅特色菜式，等各位香港人都食到正宗宮崎美食！ 「KIDO 木戶」將於2月23日至3月22日推出十多款限定菜式，當中必試宮崎牛、Marumi 豚肉、「奇蹟的佐土原茄子」等等 真係聽到都流哂口水！ 佢哋嘅「炭火燒宮崎牛」連續3年勇奪「內閣總理大臣賞」冠軍，而且更採用擁有「日本一」美譽嘅宮崎牛製作 炭火燒宮崎牛味道濃郁脂香四射，各位食肉獸一定鍾意！ 另外並有以柔軟Marumi豚肉作主食嘅 Marumi豚肉免治扒同埋豚肉沙律，食落唔會過於油膩，但又保留到肉香 而「奇蹟的佐土原茄子」用咗獲稱為宮崎縣傳統蔬菜嘅佐土原茄子製作而成 仲有擔擔味噌佐土原茄子，勁有日本風味 同時亦有宮崎鄉土料理之一嘅南蠻雞，呢款菜式係縣民嘅精神食糧，必試！ 好難得可以食到正宗宮崎風味嘅美食，大家記得去試吓啦！ KIDO 木戶 地址︰尖沙咀棉登徑8號地下G12-13號舖
各位食肉獸有福啦！日本產直燒肉名店「Beefar’s」全新品牌「牛舞Gyumai」終於登陸香港 新店主打多款極上和牛、黑豚肉，提供放題形式嘅燒肉或者涮涮鍋 放題食物種類多達165種，而自助區亦有逾30款日本美饌，包括特選刺身同埋雪糕供應，真係好似去咗日本一樣！ 全新燒肉放題及涮涮鍋專門店「牛舞Gyumai」選址於元朗YOHO MALL 店鋪嚴格挑選全球各地品質上乘嘅珍稀肉品，提供一系列高質食材同埋日本料理 燒肉方面，餐廳提供5款燒肉放題套餐，大家可以根據自己心水價位選擇唔同質素嘅牛肉放題 價錢最優惠嘅「特選美國黑安格斯牛肉放題」，成人最平每位只需$238起 必試套餐入面嘅「美國黑安格斯肩胛牛肉薄燒巨切」，呢個價錢可以食到多款美國優質靚肉，勁抵！ 當中CP值非常高嘅「樂天澳洲和牛放題」，小童及長者只需$268起就可以任叫任食，而成人最平只需$308起 樂天澳洲L’grow和牛更係香港首次引入嘅和牛，呢款和牛有專門嘅飼養員去照顧， 由日本純種黑毛和牛配種而來，每隻均超過360日穀飼過程，食落有咬口，牛味香濃！ 另外亦有非常罕見嘅「日本薩摩和牛放題」， A4等級以上的鹿兒島薩摩牛全由極少數嘅獲獎飼養員飼養， 嚴格規定南九洲飼養嘅100%純鹿兒島黑毛和種，BMS霜降程度達5級以上，肉質鬆軟細滑，牛肉迷一定鍾意！ 惠購以上套餐嘅食客更可免費獲贈「牛舞拼盤」！ 當中包括咗美國SRF極黑和牛，結合日本和牛細緻嘅油花同美國黑安格斯牛濃厚肉味，嫩滑又多汁 同時亦有美國黑安格斯牛肉、軟腍滑溜嘅北海道黑豚肉等等，種類勁多勁豐富！ 除咗燒肉放題之外，餐廳亦有提供午市套餐同埋涮涮鍋套餐 小編推介當中嘅「牛舞拼盤午市套餐」，只需$208起就可以一次過食到餐廳主打嘅5大極品優質靚牛同埋黑豚肉， 當中包括薩摩和牛牛肋肉、樂天澳洲和牛肩胛肉、美國SRF極黑和牛板腱、美國黑安格斯下肩胛翼板肉、牛舌薄切、北海道黑豚腩厚切、美國雞腿肉 加$48更可以升級至涮涮鍋，當中必試牛骨Cappuccino濃湯湯底 湯底以大量牛骨、牛尾、雞骨同埋蔬菜熬製6小時造成之後，再於鍋底打上一層幼細泡沫， 泡沫均勻分佈於肉片上，食落有綿綿口感，非常特別！ 同時亦有供應一系列午市定食套餐，包括樂天澳洲和牛封門柳扒配薯條、和牛漢堡配薯條、雜錦串燒等等 選擇勁多勁豐富！ 係咪好吸引呢，大家快啲去試吓啦！ 牛舞Gyumai 地址：新界元朗元龍街9號形點一期L1層1073號舖（近元龍街出口） 營業時間：星期一至五 11:30-22:00│星期六、日及公眾假期 11:00-22:00 訂座電話：2813 2382
香港迪士尼樂園酒店推出二月快閃優惠！ 二人同行只需$1680起就可以入住海景客房連早餐，除開每人只需$840起 「海景客房住宿連早餐」套票包括︰ 香港迪士尼樂園酒店一晚海景客房住宿 套餐價格供2位成人入住 (至多可接受2位12歲以下兒童免費入住) 每房至多可接受2位成人加上2位12歲以下兒童入住或共4位成人入住 翠樂庭餐廳雙人早晨套餐 （可選美式、日式或中式） 第3位、第4位成人需個別另收取HKD 200+ 10% 享用酒店內康樂活動及設施，如: 迪士尼朋友太極班、康樂部手工藝製作、迪士尼星光影院、 迪士尼故事時間等 享用酒店游泳池、健身室、室外遊樂場、米奇迷宮等 同行小童，酒店會特別安排其專屬配套，如:小孩洗漱用品 入住酒店賓客可免費泊車 (車位有限，先到先得) 開放復活節假期 及 國賓廳套房供預訂 +HK$500/房可獲《反斗奇兵》或「Duffy與好友之旅」主題房間佈置 如果想住得豪啲，亦可以選擇「國賓廳套房 Kingdom Club Suite ＋國賓廳禮遇」 可以有極豪華嘅體驗，而且仲有好多嘢送！ 「國賓廳套房 Kingdom Club Suite ＋國賓廳禮遇」套票詳情︰ 香港迪士尼樂園酒店一晚國賓廳套房住宿 國賓廳會客室餐飲服務全日免費享用餐點 (0730 – 2200) 快速登記入住/退房及其他禮賓服務 與迪士尼朋友見面 迪士尼朋友會穿上睡衣跟你見面，締造難忘回憶 睡寶寶故事時間 聽國賓廳演藝人員細說床前小故事 其他兒童活動 套餐價格供 2 位成人入住 (至多可接受 2 位 12歲以下兒童免費入住) 每房至多可接受 2 位成人加上 2 […]
講起香港嘅特色餐廳，你一定要認識吓呢間位於中環大館嘅「Madame Fù」 「Madame Fù」店內裝潢走歐洲復古風，擺設格局都非常有質感 [instagram photo=”BmxQX0tBAat”][/instagram] 見到歐式風氣設計，好多人都誤以為佢哋係一般嘅西餐廳，但其實「Madame Fù」係一間可以食到中西Fusion菜嘅地方 食物選擇由中至西都有，連點心都可以食到 食客可以喺一個充滿外國風情嘅建築入面食到點心，真係一個好特別嘅體驗！ [instagram photo=”BnIRkx6BoqE”][/instagram] 除咗食物吸引有特色，佢哋餐廳環境用咗粉紅色做主打！ 店內裝潢高級有質感同時亦充滿少女心，吸引咗好多人嚟打卡 [instagram photo=”B9G4oaBDBh0″][/instagram] 除此之外，餐廳亦有室外走廊位置，大家可以一邊用餐一邊欣賞大館嘅建築設計，非常難得 最近Madame Fù更聯乘PAUL & JOE 推出「Picnic in Spring」花漾春日野餐下午茶 受Jean Metzinger 著名油畫「野餐」所啟發，打造咗呢款美妝三層架法式野餐主題下午茶，真係好精緻！ 下午茶充滿法式元素，當中包括︰法式梨撻、草莓夏洛特蛋糕、柑橘橙花慕絲杯等等 除咗有精緻甜品，「Picnic in Spring」法式下午茶更配有特色雞尾酒 雞尾酒由伏特加、柑橘橙汁混合而成，並以薄荷葉同埋青檸作點綴，層次豐富 餐廳亦為非酒精愛好者提供其他選擇，例如柑橘橙花無酒精雞尾酒，滿足到唔同口味食客嘅需要 而PAUL & JOE 更精選咗適合各種膚質嘅花漾春日彩妝品，客人會有限定體驗禮遇！ PAUL & JOE每季都會採用當季時裝系列嘅標誌性印花布圖案包裝設計彩妝品，款款都非常時尚精美， 好想帶哂佢哋返屋企！ 另外下午茶亦可選擇外賣，詳情可以向餐廳查詢 Madame Fù 供應日期︰2021年2月2日至2021年3月31日 週二至週日 供應時間︰2:30 pm-6pm 預約電話︰ 2114 2118
