• Tue. Jun 2nd, 2026
    • '
    Homestaff5 (Page 21)

    Author: staff5

    author

    【香港】新年精品新登場！7-Eleven推出TSUM TSUM精品、迪士尼車仔、反斗奇兵合金人仔｜香港購物｜放假去邊

    新一年7-Eleven推出多款唔同嘅精品模型，用嚟送禮定收藏都OK！ 首先有ANIMAL LIFE招財野生大貓系列模型，搞笑嘅野生大貓會令你擁有最強招財術 ANIMAL LIFE 招財野生大貓系列 1 嘅模型有二頭身嘅獅子同老虎化身成招財貓， 而底下更附有座墊同卡槽，可以放上硬幣為你帶來幸運 而ANIMAL LIFE 招財野生大貓系列 2 有三款野生大貓：獅子、花豹同西表山貓都勁搞笑，三款招財野生大貓底下皆附有座墊同卡槽， 放喺屋企或辦公室都極為福氣，新年必備！ 迪士尼嘅粉絲亦要留意啦！一系列迪士尼車仔同反斗奇兵合金人仔都會喺7-Eleven登場 此系列合金人仔角色包括：三眼仔、巴斯光年、翠絲及胡迪 合金人仔可以移動手部關節，粉絲們一定要珍藏！   而全新Disney Motors合金車包括：巴斯光年、胡迪、米奇老鼠、唐老鴨同史迪仔等多個款式 粉絲記得唔好錯過啦！     而大家最期待嘅迪士尼 TSUM TSUM生活精品亦會喺 1 月 13 日 登陸7-Eleven！ 當中包括 TSUM TSUM 縮骨遮、 環保袋、洗衣袋、髪帶等等 TSUM TSUM 環保袋配上 Tsum Tsum 大頭毛絨公仔收納袋， 可以收納環保袋，亦可以當公仔掛飾，實用又美觀 TSUM TSUM 髪帶柔軟面料，而且可愛造型 TSUM TSUM卡套採用 PU 物料，卡套有4個卡位方便使用，而且仲印有特別版 Tsum Tsum 公仔 TSUM TSUM縮骨遮可以折疊成短遮，方便收藏 […]

    author

    【香港】荷里活廣場新春大派對！全新桃花源主題Peppa Pig碰碰車樂園登場｜香港玩樂｜放假去邊

    今個農曆新年Peppa Pig會喺荷里活廣場同大家見面！ 換上新春造型嘅Peppa Pig將會舉行「Peppa Pig新春大派對」，帶嚟一系列新春活動 同時「Peppa Pig兒童碰碰車樂園」亦換上全新桃花源主題 啱哂一家大細去打卡！ George Pig、Daddy & Mummy同埋一眾朋友為大家準備咗一系列打卡熱點 你可以慢慢欣賞「龍騰獻瑞」舞龍劇場，可以感受到熱情澎湃嘅新年節慶氣氛 Daddy Pig帶領Peppa同好友喺舞台上表演舞，配合埋耀眼煙花同浪漫花燈，好靚呀！ 小朋友可以坐喺5米高「財來運到」金元寶熱氣球上打卡，喻意新一年學業運起飛 象徵「家肥屋潤」嘅幸福庭園夠哂喜慶！ 想催旺人緣同姻緣嘅你一定要去3.5米高桃花樹下遊走一圈，粉紅色嘅環境令人少女心爆發 同時大受歡迎嘅全港首個「Peppa Pig兒童碰碰車樂園」將會換上賀年桃花源形象登場， 碰碰車樂園四周將會佈滿生氣勃勃的桃花樹擺設，可以一邊打卡一邊玩 大家亦可以憑消費或VIC積分換領一系列獨家Peppa Pig新春賀年精品同限量版「金牛滿屋」利是封 當中包括「Peppa Pig賀年揮春」套裝、「Peppa Pig摺疊收納箱」及「Peppa Pig暖水壼」 顧客可憑即日之電子貨幣消費單據或VIC會員可憑積分均可換領，大家記得唔好錯過啦！ 今年荷里活廣場更特別推出「金牛滿屋」利是封套裝， 當中嘅4D限量版利是封禮盒套裝更用咗立體黃金屋形牛奶盒作為包裝禮盒，設計好特別 而另一款「金牛滿屋」熨金版利是封套裝就印有熨金圖案，有貴氣亮麗嘅感覺 荷里活廣場「Peppa Pig 新春大派對」活動詳情： 日期︰2021年1月中旬至2月28日 時間︰中午 12 時至晚上10 時 地點︰鑽石山荷里活廣場一樓明星廣場

    author

    【香港】唐記包點推出鷹嘜煉奶蘋果流心包！秋冬必試海鹽煉奶蒸桃膠蛋白｜香港美食｜放假去邊

    大家有無諗過原來中式包點都可以同甜品有關係！？ 今個冬天，雀巢鷹嘜煉奶同唐記包點合作推出「煉奶蘋果流心包」同埋「海鹽煉奶蒸桃膠蛋白」 呢兩款創新產品將中式包點同甜品融為一體，非常特別 雀巢鷹嘜煉奶喺香港超過130年歷史，佢哋嘅煉奶由優質牛奶提煉製成， 奶味香濃而且口感細滑，品質一向都有保證！ 今次新推出嘅「煉奶蘋果流心包」採用比利時蘋果製成，再加上日本青森完熟100%蘋果汁調配， 清甜味道加上鷹嘜煉奶，酸酸甜生味道竟然好夾 而「海鹽煉奶蒸桃膠蛋白」就做咗新鮮優質蛋白加埋鷹嘜煉奶一齊蒸煮， 又有奶味，又有蛋香，味道層次好豐富，啱哂冬天食 依家喺2021年1月5日至2月15日期間，去任何一間唐記包點，唐包點及巧手製作即可以試食價食到兩款全新包點同甜品， 大家快啲去試吓啦！

    author

    【唯港薈】住宿餐飲體驗套票！$1540起雙人海景客房住宿連早餐＋HK$500餐飲消費額｜香港玩樂｜放假去邊

    位於九龍區核心地理位置嘅唯港薈推出住宿餐飲體驗套票！ 二人同行只需$1540起就可以入住雙人海景客房一晚，仲包埋早餐同HK$500餐飲消費額 一個價錢又食又住，夠哂抵！ 住宿禮遇︰ 唯港薈ICON 36城景或海景客房一晚 The Market 自助早餐兩位 餐飲優惠券港幣 500元*以每房每晚計算 (入住日起3個月內有效，適用於酒店所有餐廳及客房內用餐) 酒店範圍內免費使用 WiFi 免費享用房內迷你吧及小吃 免費客房內Nespresso咖啡機 以優惠價格加HK$450，可2人進入行政酒廊禮遇（只限成人） 當中包括於下午3時至6時的下午茶時段，為賓客送上各款精緻甜點、特色三文治及飲品無限添飲。 酒店嘅食物出名高質又好食，雙人自助早餐包你可以食返夠本！ 而且仲有HK$500餐飲消費額，客房內用餐都一樣用得，好方便 酒店TIMELESS LOUNGE更引入多元化娛樂設施， 當中包括有Playstation配置65吋電視大熒幕、桌球、足球機同高清電視等，可以直播多場精彩運動賽事 同時唯港薈係香港首間喺所有公共空間獲得室內環境質素（IEQ）認證之酒店 酒店通風系統均安裝紫外光空氣淨化儀及高效率空氣微粒（HEPA）濾網，令酒店空氣達致醫院級安全水平，大家絕對可以放心入住 唯港薈「住宿餐飲體驗套票」 入住日期：2020年12月19日至2021年2月28日（不適用於2021年1月1日、2月12至15日） 酒店地點：香港九龍尖沙咀東部科學館道17號 入住時間：2:00 PM 退房時間：12:00 PM 訂購網址 立即訂購

    author

    【香港】KiKi麵店推出外賣限時優惠！仲有香港住家配送服務、KiKi茶買四送一優惠｜香港美食｜放假去邊

    台灣人氣「KiKi麵店」最近同網上外賣優惠平台合作推出限時優惠！ 由即日起，凡透過網上外賣平台Openrice訂餐或親臨餐廳外賣自取， 就可以享單點主餐牌上嘅七五折優惠！ 當中必試招牌麵食「鮑魚花膠濃湯雞灌麵」，以濃雞湯加豬骨熬製四至六小時嘅湯底超級入味 佢哋嘅花膠喺泡製過程中會先泡浸兩小時，之後再慢煮切絲， 加入咗鮑魚絲之後湯底會更鮮甜，值得一試 另外推薦秋冬時令必食嘅「蟹黃油拌麵」，用咗KiKi手工日曬乾拌麵配以自家製蟹粉醬、蟹油、手拆蟹肉同黑醋， 味道層次豐富又有鮮味！ 鍾意食辣嘅朋友可以試吓「麻辣肉片紅白麵」， 配上板豆腐、台灣鴨血、白灼肉片，啖啖都係台灣滋味 而「鮑汁海參拌麵」亦係人氣之選，當中有豐富蛋白質嘅海參對提升免疫系統大有幫助 仲有「胡麻棒棒雞拌小醋麵」、「川味牛肉湯麵」等等，全部都好吸引！ 飲品方面，「KiKi茶」亦聯同KLOOK推出限時優惠 大家可以優惠價港幣112元購買KiKi茶「買四送一」電子優惠劵 可以憑電子優惠劵去「KiKi茶」嘅金鐘太古廣場店、K11 MUSEA店丶中環國際金融中心店同埋九龍灣德福廣場分店兌換港幣38元以下飲品 「KiKi茶」嘅飲品選用台灣優質茶葉丶黑糖同蔗糖製作而成， 採用頂級真空萃取「BKON」技術，茶香味濃 必試「鮮萃金鑽鳳梨青茶」、「凍豆乳雪絨仙草KiKi烤茶豆奶」、「自家桂圓紅棗茶」等等 想安坐家中食到KiKi麵嘅大家亦可於網上外賣平台Deliveroo預訂外賣送遞服務， 大家快啲去試吓啦！ 「KiKi茶」買四送一優惠 購買網址 立即訂購

    author

    【香港】罐頭豬Lulu登陸置富Malls！可愛日式新年造型同你拜年｜香港玩樂｜放假去邊

    啱啱過咗聖誕，好快又到新年啦！ 置富Malls今年帶同人氣角色Lulu The Piggy聯合呈獻「置富Malls X 罐頭豬LULU  瀛春冧豬旅行豚」， 罐頭豬Lulu以可愛日式新年造型同大家見面，同大家一齊慶祝農曆新年！ 今年置富Malls更以日系新年概念特別推出兩款「Lulu 豬放閃餐肉罐利是封」 一款以金屬效果營造餐肉罐效果，同時Lulu豬會化身成象徵財運嘅招財貓，為大家帶嚟財運！ 另一款嘅Lulu豬泡喺紅豆年糕湯中，寓意甜甜蜜蜜，好得意！ 顧客只要於2021年1月23日起，喺置富 Malls旗下商場消費滿指定金額， 即可換領「Lulu豬放閃餐肉罐利是封」乙套，每套有齊兩款共８個利是封，數量有限，快啲去換啦！ 喺2021年1月開始，罐頭豬Lulu會喺置富Malls入面迎接大家， 佢哋將現身馬鞍山廣場、+WOO嘉湖、紅磡置富都會同沙田置富第一城， 唔同嘅商場都以日本為創作元素，等大家好似去咗日本旅行一樣 想祈求新一年財運、桃花兩得意嘅你必去馬鞍山廣場嘅「招財結緣神社」 而+WOO嘉湖就有由富士山下高雅日式家居裝飾而成嘅「豚圓HOMECATION」 紅磡置富都會嘅「紅豆甜湯甜蜜旅館」超得意， 紅豆甜湯有甜甜蜜蜜嘅意思，啱哂情侶們去打卡 你亦可以去沙田置富第一城參加「新春放閃花火會」，勁有節目氣氛！ 咁多個打卡熱點，大家記得唔好錯過啦 置富 Malls「Lulu豬放閃餐肉罐利是封」換領詳情 日 期：2021年1月23日起 時 間：中午12時開始 Fortune + 會員凡於置富Malls以下指定單一商場內任何2間不同商戶累積消費滿HK$600， 即可換領一套兩款「Lulu豬放閃餐肉罐利是封」

    author

    【香港】拍拖好去處！觀塘迷你霓虹燈工作坊｜香港玩樂｜放假去邊

    成日都要諗拍拖去邊，真係好煩惱！ 唔想喺街同人逼嘅你不如試下參加呢個「迷你霓虹燈工作坊」 迷你霓虹燈除咗可以作為家居嘅小佈置之外，仲可以帶出街做打卡道具 位於觀塘嘅「Myosotis.flower」歡迎情侶/一個人/閨密一齊嚟參加工作坊 親手學整一個有自己風格嘅迷你「霓虹燈」 你可以整有意義嘅文字/圖案！ 而工作坊完結後，仲可以喺studio打卡影靚相 studio現場有小燈飾同小帳篷做背景，啱哂嚟拍拖！ 快啲約埋另一半去整啦！ 迷你霓虹燈工作坊 開放時間：星期一至日，10am – 10pm 課程時間：約2.5至3 小時 課程語言：粵語 開班人數：最少1人，最多16人 上課時間：開放時間內的任何2.5至3 小時 地址：觀塘成業街16號怡生工業中心B座1樓B27室 訂購網址 立即訂購

    author

    【帝京酒店】草莓伊甸園下午茶自助餐！必試草莓千層酥、草莓白芝士慕絲蛋糕｜香港美食｜放假去邊

    各位草莓迷有福啦！ 草莓係每年年初最當造嘅水果，如果你想一次過試到來自各地嘅草莓， 帝京酒店花月庭即將推出嘅 「草莓伊甸園下午茶自助餐」就啱哂你啦！ 大廚主打以韓國、日本同法國草莓炮製一系列甜品同小食， 草莓粒粒香甜多汁又好味，為大家帶嚟甜蜜滋味 當中小編推介必食草莓千層酥，酥脆嘅口感配上酸酸甜甜嘅草莓，味道好夾 而今次嘅自助餐仲有特別炮製嘅巨型草莓千層酥，直徑長約16吋，勁吸睛 層酥內圈中放大大粒日本草莓，一定可以滿足一眾草莓迷 而草莓白芝士慕絲蛋糕亦係必試美食！ 蛋糕內層以香草海綿蛋糕同白芝士慕絲製成， 佢哋採用法國白芝士(Fromage Frais)炮製而成嘅慕絲，口感醇厚， 芝士控一定唔可以錯過！ 其他草莓主題美食都好吸引，好似野草莓綠茶慕絲、草莓玫瑰乳酪慕絲蛋糕、草莓忌廉牛角酥等等 無論賣相定味道都好掂，大家快啲去試吓啦 花月庭「草莓伊甸園下午茶自助餐」 供應日期：由2021年1月4日至4月4日 逢星期六、日及公眾假期 15:00-17:00 成人：HK$275  小童：HK$195 星期一至五甜品下午茶自助餐 (只供精選甜品) 成人：HK$218  小童：HK$158  學生：HK$218*另加一服務費； 小童：五至十一歲；圖片只供參考；以上食品輪流供應 訂座電話：(852) 2622 6154 地址：九龍太子道西193號帝京酒店2樓

    author

    【食譜】人氣小食推介！一齊學整又飽肚又好食嘅芝士PIZZA波波｜香港美食｜放假去邊

    有時突然想食Pizza，但又怕唔方便？ 呢款芝士PIZZA波波就啱哂你 一啖一粒，又飽肚又好味，仲好易整！ 材料︰甜甜圈混合物1袋、雞蛋1隻、水75毫升、油25毫升、糖、番茄醬10克、意大利辣香腸8條、芝士80、油炸用油 做法︰ 1.將水、食用油同雞蛋加入甜甜圈混合物中，並充分混合以製成麵團 2.將麵團攤成手掌大小，然後包住用番茄醬、意大利辣香腸如芝士 3.將其放入加熱油中炸至褐色，然後撒上糖即成 影片來源︰쿠캣 – COOKAT

    author

    【香港】全港首間戶外貓貓Cafe！旺角過千呎場地化身成貓奴樂園｜香港玩樂｜放假去邊

    旺角最近有一間新開嘅貓貓Cafe「Cat Jungle Cafe 貓島」 「貓島」係全港唯一同首間戶外貓Cafe，佢哋有提有室內同室外空間， 畀貓奴同貓貓一齊享受美好嘅時光！ 各位貓奴可以購店內嘅食物餵食貓貓，同主子親近一吓！ 而且店鋪亦有提供特色美食畀客人，例如炸薯角、炸雞翼、三文治飛碟、carbonara等等 同時亦有供人貓共享嘅特色貓鮮食，係貓貓嘅至愛！ 有過千呎場地嘅「貓島」裝潢簡約舒適，而且露台設有大型貓籠畀貓貓曬太陽 環境又大又靚，啱哂嚟打卡！ 「貓島」希望可以幫助更多流浪貓貓尋家，所以呢度除咗可以同貓貓互動， 仲可以領養合眼緣嘅貓貓，非常有意義！ 依家店鋪暫時有6隻貓貓，而領養貓貓就有2隻，大家快啲嚟同佢哋玩啦 Cat Jungle Cafe 貓島 地點: 旺角 西洋菜南街5號好望角大廈 10樓1002室 收費： 首小時$68包一杯飲品；其後每小時$48亦包一杯飲品(食物另計) 聯絡電話： 9664 6361 開放時間： 逢星期一至日，中午12時至晚上8時半（疫情期間根據政府指定時間關閉）  

    author