• Tue. Jun 2nd, 2026
    • '
    Homestaff5 (Page 25)

    Author: staff5

    author

    【香港限定】超夢幻！Tiffany Blue Box 禮物盒子蛋糕可以外賣返屋企啦｜香港美食｜放假去邊

    The Tiffany Blue Box Cafe 一向都係人氣打卡餐廳 除咗下午茶之外，佢哋嘅「The Blue Box Celebration Cake」禮物盒子蛋糕亦都非常出名 一直只限堂食嘅Tiffany Blue Box 禮物盒子蛋糕首度供應外帶服務，終於可以外賣返屋企啦！ 呢個蛋糕係 The Tiffany Blue Box Cafe 最具標誌性嘅蛋糕， 餐廳將女生夢寐以求嘅 Tiffany Blue Box 禮物盒子幻化成美味蛋糕，打卡一流 四方盒子造型嘅蛋糕內層係海鹽焦糖味同白芝麻味嘅慕絲，相間杏仁朱古力醬同埋朱古力海綿蛋糕， 質感軟滑而味道豐富，又好睇又好食 而且呢款係香港限定口味， 大家一定要試下！ 除此之外，佢哋亦有供應「Tiffany 四件裝甜品盒」畀大家外賣返屋企 你可以一次過試到 The Tiffany Blue Box Cafe 精心製作嘅四款招牌甜點， 包括由佛手柑玫瑰慕絲同紅桑子士多啤梨內餡製成嘅迷你 Blue Box 蛋糕、焦糖爆谷朱古力撻、栗子忌廉蛋糕同埋紐約芝士蛋糕， 四款唔同口味可以一次過滿足你嘅味蕾 賣甜品由即日起接受預訂，只供自取 客人須於最少48小時前致電餐廳預訂，記得留意啦！ The Tiffany Blue Box Cafe 外賣自取甜品 預訂電話︰2362 9828 自取時間︰每日中午 12 時至晚上 8 時 ( 請向餐廳查詢最新營業時間 )

    author

    【香港】好似去咗仙境一樣！利園聖誕樹林大道陪你過聖誕｜香港玩樂｜放假去邊

    今個聖誕，利園會為大家呈獻「MERRIER TOGETHER利園聖誕樹林大道」， 大家可以喺銅鑼灣街頭見到歐洲「聖誕樹大道」，多裸唔同顏色嘅聖誕樹出現喺香港街頭， 呢個聖誕幻境令人好似置身外國一樣！ 聖誕樹掛上高貴金銀聖誕吊飾、專屬LEE GARDENS MERRIER TOGETHER木製吊牌， 加上柔和氣氛燈飾，成為咗一個浪漫又夢幻嘅打卡熱點！ MERRIER TOGETHER仲為大家送上多個聖誕心靈語錄，希望為大家帶嚟正能量 「不平凡的2020，讓我們牽著手，攀越高與低。」大家見到一定會感到好溫暖 利園亦整合咗4大IG-able聖誕攝影教學，包你整到最靚最正嘅呃Like相 當中包括「絕美電影感逆光」，靚到好似拍緊電影一樣 而「男／女友視角」就係低調放閃嘅好時機 「散景浪漫光點」嘅角度畀人一種浪漫又夢幻嘅感覺，勁有聖誕氣氛 最後一定唔少得「半空跳躍角度」，真係隔住張相都感受到你嘅開心！ 除咗打卡熱點，利園亦同場加映「IG聖誕街頭攝影禮遇」 參加遊戲嘅朋友更有機會嬴取MiNT InstantFlex TL70 2.0 雙鏡即影即有相機（價值HK$2,999） 詳情可以去返利園Facebook睇吓啦 MERRIER TOGETHER利園聖誕樹林大道 開放日期︰即日起至2021年1月3日 地址︰利園一期地面私家路

    author

    【日本】超治癒可麗餅毛毯！水果小枕頭啱哂BB用｜日本購物｜放假去邊

    日本線上購物網站Creema推出咗一款專為BB而設嘅「可麗餅毛毯」 外型勁得意！ 以放大版水果可麗餅為設計外型，另外仲有火腿蛋、芝士造型嘅毛毯 款款都好可愛！ 呢款「可麗餅造型毛毯」擁有極高人氣， 毛毯仲會配埋活動式水果小枕頭，用嚟做抱枕、靠墊都好適合 將BB放喺毛毯中間，感覺搞笑又治癒 除咗畀BB用之外，其實拎嚟當毛毯用都好OK，呢啲凍凍哋嘅天氣就啱哂啦 毛毯外型可愛，而且質地柔軟，送禮自用都好啱 圖片來源︰Creema

    author

    【香港】PLAYMAXX主辦TOY STORY展覽！反斗總動員玩具展滿滿童年回憶｜香港玩樂｜放假去邊

    彼思《反斗奇兵》系列係唔少人嘅童年回憶！ 而深受《TOY STORY》影響同啓發嘅PLAYMAXX就舉辦咗「反斗·總動員 」REACH FOR THE SKY CARNIVAL展覽 聯同香港TOY STORY資深收藏家「TOY STORY SUPERFANS (H.K.)」合作，將多項珍藏展出展覽入面可以見到唔同主題造型嘅TOY STORY水晶球、絕版LEGO系列、三眼仔鐳射唱機、扭蛋玩具同埋各款珍藏玩偶等等，款款都好珍貴 而現場仲會特設巨型飛船佈景畀Fans打卡留念 你一定可以喺展覽中搵返對胡迪、巴斯、翠絲、火腿同泡泡龍等多個角色嘅童年回憶 今個聖誕同新年大家記得唔可以錯過啦 Playmaxx 展覽地址：深水埗南昌街100號地舖 展覽日期：2020年12月11日至2021年1月3日 展覽時間：12pm至8pm

    author

    【香港】旺角商場歐陸風聖誕市集！露營野餐打卡位/人氣聖誕菜式/至抵免稅商品｜香港玩樂｜放假去邊

    今年大家都留港過聖誕，個個商場都有唔同嘅聖誕主題佈置，你諗咗去邊個商場打卡未呢！ 旺角波鞋街商場 THE FOREST今年會舉行「THE FOREST Jingle Feast」 以「Glamping」打卡位作為賣點，同一般商場大型聖誕樹裝飾好唔同 大家可以喺真草草坪露營野餐打卡，同場仲會有聖誕市集同大量又抵又正嘅免稅商品 啱哂一班潮人、文青，可以喺草地上邊chill邊嘆美食，好正！ 今年聖誕THE FOREST仲會同主打清新東南亞菜嘅青花ATUM餐廳合作， 除咗將餐廳戶外嘅真草坪佈置成超搶眼「打卡味」十足嘅營地之外， 仲為你準備咗八款新派聖誕特色小食同飲品，大家可以喺帳幕下享用美食，遠離煩囂 而露營設備亦係由野外用品品牌「The Overlander」 聯乘，外觀夠哂有特色，打卡一流 而THE FOREST 商場內嘅三大人氣餐廳：BIGPACK Café 、Green Common同青花ATUM亦分別推出聖誕餐單， 大家可以試盡德國菜、素食店同埋新派東南亞菜餐廳，一定可以滿足你嘅口味 除咗食同影，商場仲打造咗歐陸風聖誕市集！ 多檔歐陸簡約風流動車仔攤檔喺度迎接大家， 當中包括Chef & Taste、Green Common 、Twinkie Cookies 同埋G.O.A.T Barbershop， 可以買到各種節日或韓式必吃小食，你仲可以選購精美禮盒包裝送畀家人朋友，保證你會有驚喜！ THE FOREST 中庭設有知名音響品牌 Bose 期間限定店，可以用限時超抵價購物 同場亦會有Free Duty期間限定店售賣機場免稅店中最受港人歡迎嘅貨品，好似烈酒、護膚品等等 ，大部分售價更比免稅店同網店仲低，送禮定自用都OK！ 商場二樓亦設有10多個聖誕攤檔，展出逾百款聖誕主題禮品如手作 當中好多本地手作品牌參與，鍾意手作品嘅你一定要去 青花ATUM「Glamping」 推出日期：12 月 12 日至 27 日 地點：THE FOREST 1樓 […]

    author

    【四季酒店】五星級酒店優惠！$2030起豪華山景客房住宿連早餐｜香港旅遊｜放假去邊

    香港五星級酒店「香港四季酒店 Four Seasons Hotel」推出限時優惠 依家最平二人同行只需$2030就可以入住酒店一晚，仲包咗雙人早餐 除開每人只需$1015起就可以入住四季酒店豪華山景客房1晚，而雙人早餐可在 The Lounge享用或選擇房間餐飲服務 如果想住豪啲，二人入住豪華海景客房亦只需$2348起，同樣都包咗雙人早餐 咁嘅價錢可以喺五星級酒店住返晚仲有早餐食真係唔錯 而且生日或週年紀念日仲可送贈蛋糕 ，去慶祝一流 不過須預訂時聯絡酒店，供應視乎酒店細則及情況而定 另外酒店亦有多個餐飲優惠住宿優惠提供 如果你都想趁假期去享受下，記得唔好錯過啦 四季酒店 地址︰中環金融街8號 訂購網址 立即訂購

    author

    【香港】街頭編織藝術裝置出沒注意！編織藝術品快閃西環、屯門｜香港玩樂｜放假去邊

    有網民發現本地針織藝術塗鴉工作室La Belle Époque嘅作品出沒喺西環、屯門 今次喺西環現身嘅喺兩棵手織聖誕樹， 聖誕樹有生動表情，而且顏色繽紛，外型非常可愛 La Belle Époque喺Facebook表示「要影相就要快，西環裝置的損壞度比任何地方都高」 呢啲藝術品咁靚，希望大家可以好好愛惜唔好破壞佢啦 而大西北嘅朋友亦都有福啦 屯門亦出現咗編織貓咪欄杆，貓貓著上毛衣勁得意 好多網民都話呢啲貓貓為社區增添咗節目色彩 畀人一種溫暖又開心嘅感覺 位置就喺屯門河畔近蔡意橋果邊，大家快啲去影下相啦 手織聖誕樹 地址：西環卑路乍灣海濱公園 編織貓咪欄杆 地址：屯門河畔近蔡意橋 圖片來源︰La Belle Époque

    author

    【香港百樂酒店】限時聖誕優惠！星級豪華住宿連房內海鮮晚餐、精緻美式早餐｜香港旅遊｜放假去邊

    香港百樂酒店推出「饗‧樂」住宿優惠， 二人同只需$1488就可以喺節慶旺日升級入住豪華客房，仲可以於房內享用海鮮拼盤連精緻晚餐 包埋精緻美式早餐，平均每人只需HK$744，勁抵！ 住宿優惠包括︰ 升級至豪華客房一晚 (雙人床或雙床)  於客房內享用雙人精緻美式早餐 於房內享用海鮮拼盤連精緻晚餐  彈性入住，可長達24小時住宿 免費享用無線寬頻上網服務 酒店坐落於九龍尖沙咀商業娛樂區中心，交通方便 呢個優惠仲可以喺聖誕節假日入住，勁抵 快啲約埋另一半/好姊姊去住返晚啦！ 香港百樂酒店「饗‧樂」住宿優惠 銷售日期：2020年12月14日至12月18日23:59 入住日期：2020年12月24-26日,31日 地址：香港九龍尖沙咀漆咸道南61-65號 訂購網址 立即訂購

    author

    【香港】kkplus聖誕玩具嘉年華！港產玩具品牌展覽/懸浮玩具工作坊/ AR立體聖誕咭｜香港玩樂｜放假去邊

    位於朗豪坊嘅kkplus即將會舉行聖誕嘉年華！ kkplus嘅大門會化身成馬戲團帳幕入口，加埋門外越2米高電動巨型摩天輪，仲有LED閃閃聖誕樹同大棕熊公仔 呢三大打卡位可以畀大家盡情影相，勁有聖誕氣氛！ 今次會帶嚟兩個本地玩具單位Karenkei – Babedu同埋BigBoysToys 嘅首個展覽， 展覽會展出原創角色Babedu同經典街機遊戲街頭霸王阿隆等角色嘅限量Figure，機會好難得 BigBoysToys獲得Capcom官方授權製作Street Fighter《街頭霸王》立體模型「新挑戰者」系列， 今次展出嘅Bulkyz Collection系列，以高1.2米嘅Ryu阿隆巨型搪膠Figure坐鎮 大家好似置身《街頭霸王》遊戲入面一樣，亦有機會買到唔同嘅限量新品，好吸引！ kkplus亦會同辰時雜貨店聯手打造Pop-up Plant Lab，等大家過一個懷舊聖誕 佢哋會帶來多款塊根植物，結合週邊器具同精選古物，勁有特色 而且由即日起至2021年1月3日，凡消費滿200元或以上， 仲可以參加懸浮玩具工作坊，將購買嘅玩具以PE膠膜同方框鑲起，做聖誕禮物一流！ 參加者除工作坊外仲可以獲贈kkplus 聖誕卡，配合專屬IG Filter， SCAN之後就會啟動AR 虛擬實境功能，可以製作屬於自己嘅立體聖誕樹，同一般聖誕咭好唔同 咁多嘢玩，今個聖誕記得唔好錯過啦 kkplus 地址： 香港旺角亞皆老街8號 朗豪坊L12 02-03號舖 營業時間：中午十二時至下午九時（星期一至四） 中午十二時至下午十時（星期五至日及公眾假期）

    author

    【香港】7-Eleven推出限量版Sanrio小夜燈！Hello Kitty、My Melody大頭款勁可愛｜香港購物｜放假去邊

    香港7-Eleven又同Sanrio合作啦！ 今次會推出限量版Sanrio LED 感應小夜燈，令人少女心爆發呀 小夜燈有 Hello Kitty 同 My Melody 兩款大頭造型 ，有聲控或觸控功能，超實用 兩款夜燈嘅感應功能並唔同 Hello Kitty 小夜燈有 3 段式聲控感應，而 My Melody 則是 3 段式觸控感應， 兩款小夜燈底部亦設有「ON」、「OFF」同埋「SENSOR」鍵， 方便大家使用！ 當「ON」鍵開啓時，感應燈發光至約 10 分鐘後就會自動關閉，咁就唔怕臨瞓前唔記得熄燈啦 當「SENSOR」鍵開啓時，就可以使用感應調節 3 段 LED 亮度，配合你唔同嘅需要 「Sanrio LED 感應小夜燈」採用柔軟矽膠物料製造，易清潔而且不黏塵， 又可愛又易用！ 「Sanrio LED 感應小夜燈」換購詳情： 由即日起至 2021 年 1 月 5 日， 顧客於 7-Eleven 分店購物滿$20即可享印花 1 張，其後每$10 可 獲多 1 張印花，如此類推 […]

    author