Open Tour
各位BT21嘅粉絲要注意啦！ 最近LINE FRIENDS同 A-1 Bakery Group 首次合作推出BT21 MEETS A-1 Bakery《DoOonut 狂想曲》 全新系列共有三款唔同口味嘅冬甩，三款味道各有特色！ 冬甩以星空為主題，造型夢幻又可愛 色彩斑斕嘅冬甩上有活潑可愛嘅BT21角色，非常吸晴 除咗外型精緻，三款外脆內軟，口味分別有︰「藍色冬甩河」、「寶貝甜心」、 「星星的願」 「藍色冬甩河」 外層充滿香甜白朱古力，內層酥香可口、鬆軟綿密 「寶貝甜心」以鮮豔粉紅色為主，令人少女心爆發，加上香甜幼滑士多啤梨味道，好正！ 「星星的願」就有甜酸交融嘅香檸味道，甜甜蜜蜜 三款味道甜酸酸甜交融，外層香脆內層鬆軟， 不論係大人定小朋友都會鍾意！
海景嘉福洲際酒店推出「 綻放美麗光彩」住宿計劃！ $1595起就可以雙人入住五星酒店海景客房一晚 仲連埋雙人豐富自助早餐、SHISEIDO「Let it GLOW」外帶下午茶同埋「阿拉斯加帝王蟹肉海鮮3道菜晚餐」 真係好抵！ 「 阿拉斯加帝王蟹肉海鮮晚宴」住宿計劃︰ 免費升級至尊尚城市客房 Premium City View Room。星期日至星期四入住，享連升2級至尊尚海景客房 Premier Full Harbour View Room（公眾假期前夕除外） 於Café on M海景咖啡廊享用雙人自助早餐（用餐時間7:30am至11:00am） SHISEIDO「Let it GLOW」外帶下午茶（2位） 於Club InterContinental 洲際行政俱樂部享用雙人「阿拉斯加帝王蟹肉海鮮3道菜晚餐」連法國汽酒 星期日至四入住享30小時住宿，15:00 入住、延遲至翌日21:00退房（公眾假期前夕除外） 房內汽球佈置及自訂語句 60分鐘專業拍攝服務（另加$280） 免費SHISEIDO禮品(總值$220)（禮品安排於房內，數量有限，送完即止） – SHISEIDO感肌同步美肌免疫力提升體驗組合 (價值$120) – SHISEIDO皇牌免疫力精華ULTIMUNE 5ml (價值$100) 一個價錢就包咗咁多嘢，真係好抵 約埋好姊妹/另一半去住返晚都唔錯！ 海景嘉福洲際酒店 酒店地點：香港九龍尖沙咀東部麽地道 70 號 銷售日期：2021年4月7日22:00pm至4月13日23:59pm 入住日期：2021年4月12日至5月31日 入住時間：下午3時 退房時間：中午12時 訂購網址︰ 立即訂購
素食者又有好消息啦！依家喺Pepper Lunch 都可以享受到全新素食體驗 Pepper Lunch 為響應可持續發展潮流，今次會參與由Impossible Foods 所舉辦嘅「地球月」 同植物肉品牌Impossible Foods 合作，於4月9日推出三個月限定嘅「IMPOSSIBLE™ TEPPAN」系列 全新嘅「植物漢堡扒」鐵板餐由IMPOSSIBLE™ 植物牛肉漢堡扒製成， 再配搭香濃芝士汁同埋自家製洋蔥汁兩款惹味醬汁，味道令人非常驚喜！ 「植物漢堡扒」不含任何肉類成份同埋動物激素，而且仲係零毫克膽固醇 但蛋白質含量就同相同份量嘅傳統免治牛肉一樣，口感和味道都非常接近傳統牛肉， 健康又好食！ 「植物漢堡扒」鐵板餐仲會配埋兩款Pepper Lunch 惹味醬汁一齊食用 分別係「植物漢堡扒配香濃芝士汁」同埋「植物漢堡扒配自家製洋蔥汁」，真係好吸引！ 另外，Pepper Lunch更推出秘製洋蔥汁，配埋植物漢堡扒一齊食，勁夾！ 為鼓勵更多食客支持，依家顧客凡於Pepper Lunch 全線分店惠顧「IMPOSSIBLE™ TEPPAN」系列， 即可隨機獲得限量版 Impossible™「地球月」特色扣針一個 而於4月22日「地球日」當日，顧客凡於Pepper Lunch 指定八間分店惠顧「IMPOSSIBLE™ TEPPAN」系列， 即可獲得獨家 Impossible 餐具套裝一份 禮品送完即止，詳情可以去佢哋官網睇吓！
鍾意食日本嘢嘅你有福啦！全新東瀛日式食店「上戶酒場」正式登陸九龍城 食店會供應多款日本美食，由酒肴、刺身壽司、揚物到鐵板等都有供應， 仲會提供多款東洋美酒，選擇好多！ 「上戶酒場」嘅特製煙燻系列係主打菜式之一，酒場特意選用頂級櫻花煙燻木去處理味道濃郁嘅肉類 鍾意食海鮮嘅客人亦可以試下用菊花煙燻約5-7分鐘嘅海鮮系列， 味道較清淡，可以保留海產鮮味，勁好食！ 而必食之選就係「煙燻五重芝士Pizza」，分別用咗日本製嘅藍芝士、達芝士、德國草原芝士、車打芝士同埋格拉娜·帕達諾芝士混合製成 味道層次好豐富！ 除咗熟食之外，酒場亦提供多種原條活魚刺身，款款都好新鮮 而且仲有各種來自日本等地嘅飛機貨、清酒，食物質素高，好似去咗日本一樣！ 另外，上戶酒場亦提供多款鐵板小食同埋午市肉類定食 價貴唔貴之餘亦好足料，好抵食！ 下次記得約埋朋友去試吓啦！ 上戶酒場 地址：九龍城龍崗道33-39號龍翔閣地下A號舖 電話：5548-0891 營業時間：星期一至日 12:00 – 22:00
甜品控要注意啦！法式創意甜品店 Le Dessert 將於復活節登陸太古廣場 呢間復活節期間限定店會推出招牌新鮮蛋白餅、獨立包裝密封瓶裝甜點同埋法式經典夏洛特蛋糕 款款都外型好靚，勁有節日氣氛！ 限定店由即日起至5月1日，會特別呈獻三款招牌蛋白餅 當中包括︰ Louis ($50)、Milk Tea ($50) 同埋 Antoinette ($55) 蛋白餅 另外仲有四款獨立包裝密封瓶裝甜點，包括︰檸檬撻、法式新地、草莓森林及繽紛朱古力口味 (每款 $45) 絕對係用嚟當作節日禮物嘅不二之選 而期間限定店更推出三款水果特飲，包括︰ Citrus Heights、Strawberry Swing 同埋 Mango Crazy 配埋甜品飲用真係一流！ 今次Le Dessert 推出嘅節日限定的復活節蛋白餅會以全新口味同大家見面 當中用咗雙重雲尼拿香緹奶油、覆盆子同埋藍莓襯托以朱古力捲成嘅「鳥巢」， 入面擺放咗精緻嘅 Valrhona 牛奶同埋榛子果仁朱古力蛋，外型好特別！ 另外必試復活節限定嘅朱古力香梨復活節夏洛特蛋糕， 蛋糕外層嘅手指餅由餅廚自家製作，內層採用香濃 Valrhona 朱古力慕絲同埋新鮮啤梨 頂層更加上用朱古力捲成嘅「鳥巢」同埋 Valrhona 牛奶、榛子果仁朱古力蛋點題， 大人定小朋友都會鍾意！ Le Dessert 太古廣場期間限定店 地址︰太古廣場L2 層200E鋪
當文歷餅店推出AROUND THE WORLD 蛋糕系列！名廚 Dominique Ansel 以唔同嘅熱門旅遊景點同埋地道美食為主，打造一系統精緻蛋糕由2021年3月26日起，Around The World 蛋糕系列將於尖沙咀海港城店同埋中環 ifc 期間限定店同步發售 大家記得唔好錯過啦！ 主廚 Dominique 同香港團隊合作設計咗5款新蛋糕， 當中包括︰泰國特產「芒果糯米飯」、紐約街頭餐車名物「蝴蝶脆餅」、來自法國布里地區嘅原個「法國軟芝士」等等 而香港本地代表就係當文歷餅店嘅招牌名物「菠蘿包」、「紙包檸檬茶」同埋「黑白奶罐」 3款特色經典會於店內繼續供應，款款都好吸引！ 大熱款式就有日本代表嘅「梳乎厘班戟」，面層有一片海鹽馬斯卡彭忌廉「牛油」同埋啫喱「楓糖漿」，製作用心，見到都想食 另外，以泰國芒果糯米飯為靈感嘅蛋糕外型亦都非常可愛 依家只需於推廣期內惠顧細件裝蛋糕1件，即可獲得1個印章，儲滿8個印章，可於下次惠顧外賣蛋糕時免費獲贈細蛋糕1件 當文歷餅店 by Dominique Ansel 店舖資料 尖沙咀海港城店 地址：尖沙咀海港城海運大廈地下 OT G63A 號舖 電話：2613 8618 營業時間： 星期一至四：上午11時至晚上9時 星期五至日及公眾假期：上午11 時至晚上 9 時 30 分 ifc 期間限定店 地址：中環 ifc 國際金融中心商場 1 樓 1025B號舖 （只供外賣） 電話：9727 4759 營業時間： 星期一至五上午 […]
各位啤酒迷有福啦！ 7-Eleven x 嘉士伯打造嘅全港唯一一間概念店又有新搞作 概念店設計加入嘉士伯品牌元素，設有嘉士伯特色牆 可以展示嘉士伯啤酒之餘，亦好適合各位啤酒迷去打卡！ 今次概念店會以全新形象示人， 會繼續定期推出全港獨家發售嘅嘉士伯啤酒，更會為顧客帶來全新互動遊戲 透過互動遊戲，參加者可以體驗醇滑嘉士伯嘅滋味 以創新釀造技術製成嘅「醇滑嘉士伯」啤酒，氣泡比一般啤酒更滑更細緻 同時使用獨特嘅啤酒花組合，味道清新又好飲！ 挑戰成功嘅顧客可以贏取嘉士伯限量精品，當中有醇滑打泡神器同埋嘉士伯運動索袋，非常吸引！ 而且於推廣期內購買指定啤酒產品滿額即送限定禮品，大定記得唔好錯過啦 7-Eleven x 嘉士伯概念店 分店地址︰香港大嶼山愉景灣愉景廣場 C 座地下 G67 舖
香港杜莎夫人蠟像館終於重新開放啦！ 蠟像館於新一年推出多個優惠，包括深本港居民生日優惠、套票買二送一等等 而蠟像館於新一年更正式推出各項家庭親子套票，又多一個親子好去處 另外，佢哋更推出全新互動數碼拍照體驗「VIP數碼照通行証」！ 館內唔同蠟像附近將增設多個數碼拍照區，賓客可以用最佳角度拍攝唔同主題嘅靚相 仲可以即時同巨星蠟像互動，勁好玩！ 只要掃掃通行証上面嘅二維碼，之後影低難忘感動時刻 就可以將整段回憶數碼化而且記錄低，勁方便！ 同時，蠟像館將推出多項套票優惠 當中三款全新單人套票折扣最低可享至 7 折優惠，真係好平！ 而全新推出嘅家庭玩樂套票就有兩款，分別係以親子價港幣590元購買原價港幣1,255元之「親子樂遊套票」 另一種就係以優惠價港幣650元購買原價港幣1,301元之「親子自駕無憂套票」，優惠足足低至五折！ 「親子樂遊套票」已包兩張即日成人門票同埋小童門票， 更包括限量版「蠟像小 知識」小冊子一本、蓋印遊戲紙一張、智力挑戰紙一套、VIP 數碼照通行証一張同埋D.I.Y.精品一份 而「親子自駕無憂套票」套票就包咗兩張即日成人門票同埋小童門票， 亦包括山頂廣場兩小時泊車、蠟像館導覽手冊同埋VIP 數碼照通行証 館內更設有4個蓋印區，只要集齊4枚唔同嘅蓋印位，即可免費換取神秘紀念品乙份！ 除咗親子樂門票，由即日至6月30日，賓客可享「精選套票」買二送一優惠 每套「精選套票」套票均包括即日成人門票一張同埋 VIP 數碼照通行証一張 三人同遊，只需二人價錢，機會難得！ 咁多優惠，大家記得唔好錯過啦！
半島酒店又有住宿優惠啦！ 今次佢哋推出「優悠風雅」住宿禮遇，二人同行只需$2,980 就包你一晚酒店住宿，仲連雙人早餐、美食禮遇、水療禮劵！ 客房及套房客人可分別享用每房每晚1,000港元同埋2,000港元嘅美食禮遇，可以試到酒店餐廳嘅美食 「優悠風雅」住宿禮遇禮遇包括︰ 以每房每晚2,980港元起（兩位用）享用各式客房；或以每房每晚4,280港元起（兩位用）享用各式套房 於大堂茶座享用二人早餐 (每次入住) 客房及套房客人可分別享用每房每晚1,000港元及2,000港元的美食禮遇，於入住期間在酒店內所有餐廳使用（不適用於今佐日本料理、半島酒店餐飲遙距下單服務及酒店宴會服務） 每位客人每次入住均可獲贈300港元水療禮劵，可用於各式半島水療服務（不適用於購買水療產品） 同房第三位客人附加費為1,000港元 （每人每晚）, 須另加10%服務費, 費用包括以上餐飲禮遇及加床服務 一個套票可以食到兩餐，仲有水療服務，節目真係好豐富 趁復活節去去酒店渡假都係唔錯嘅選擇 快啲約埋另一半/好朋友嚟chill下啦！ 香港半島酒店「優悠風雅」住宿禮遇 預訂網址︰peninsula.com 查詢︰2910 1628 地址︰尖沙咀梳士巴利道
朱古力迷有好消息啦！ 日本人氣朱古力KITKAT 高級系列Chocolatory 朱古力首度來港 呢個系列由日本人氣甜品名店Le Patissier Takagi 主理人高木康政親自監修， 由稀有嘅火山島系列到果味朱古力系列都有，一共有14款精選口味，好多選擇！ 14款朱古力主要分為四大系列，當大包括︰Origin、Combination、Process、Type 四大系列各有不同特色，當中好多都好罕見！ 今次小編為大家精選咗幾款重點推介， 呢款 KITKAT Chocolatory 瓦努阿圖馬拉庫拉島火山系列朱古力，真係好特別！ 朱古力使用於火山島上培植嘅稀有可可豆，僅佔世界總生產量0.2% 可以食到濃濃酸澀同回甘，仲有濃郁芳香嘅可可香，好吸引 另外，女士必試KITKAT Chocolatory 柚子朱古力 朱古力配上帶着超級濃郁嘅日本柚子味，清新芳香嘅味道好啱夏天食用 KITKAT Chocolatory 更會於銅鑼灣恩平道開設限定Pop Up Store 店鋪由2021年3月31日起至5月2日開放，日式簡約時尚風嘅Pop Up Store好靚 粉絲記得去朝聖啦！ 除咗Pop Up Store 之外， KITKAT Chocolatory 系列朱古力將會於全線city’super、L+OG-ON（指定分店）、TASTE（指定分店）同埋雀巢香港eShop發售 依家凡在各大售賣點（包括Pop Up Store）買滿任何五條或以上的朱古力，加 港幣$38就可換購由日本設計師岡村優太設計嘅日式陶瓷杯同埋木盤套裝 另凡於Pop Up Store購買任何朱古力即可加港幣$29換領可可豆帆布袋（小）或火山帆布袋（小）一個 加$39就可以換購火山帆布袋（大）一個 大家記得留意啦！ KITKAT® Chocolatory® Pop Up Store 地址：香港銅鑼灣恩平道54號 日期：2021年3月31日至5月2日 時間：早上11時至晚上9時 備註：於店內消費滿$100即可獲贈一杯研磨咖啡，體驗朱古力與咖啡的完美配搭 （數量有限，送完即止）
