• Mon. Jun 1st, 2026
    • '
    Homestaff5 (Page 6)

    Author: staff5

    author

    【香港】$158入場睇Frozen夢幻特展！3月限定快閃優惠仲送你迪士尼禮品｜香港玩樂｜放假去邊

    Let it go！Let it go！ 超人氣嘅《富衛保險主要贊助：Frozen夢幻特展》登港至今超過30,000人次進場參觀 Frozen果然魅力沒法擋！ 今個3月，展覽會特別推出快閃優惠，當中有超筍3重大獎賞，好抵呀！ 大家於3月22日上午11時起至3月31日起即可以優惠價港幣158元 (原價成人港幣198元 / 特惠港幣178元) 購買3月及4月星期一至五之門票， 另外買滿港幣500元即可獲贈精美迪士尼禮物乙份！ 3款精品包括有保溫杯、背囊同埋收納袋，你仲可以隨意挑選，款款都好實用 已購票未入場嘅朋友亦唔洗擔心，你哋可以免費帶同親友參觀 1至3人持票可免費帶同1位親友、4至6人持票可免費帶同2位親友如此類推，勁著數！ 大會更推出全新星期一至五嘅入場措施安排，購買平日門票客人無需網上預約入場日子、時間，即可憑票於平日任何時段參觀展覽 今次快閃減價優惠同埋免預約措施不包括4月2、5、6日，而且禮品數量有限，送完即止 大家記得留意啦！ 《富衛保險主要贊助：Frozen夢幻特展》香港站 日期：即日至2021年4月30日 時間：每次體驗時間約90分鐘 (星期一至五) 下午12時30分至晚上8時30分（最後入場時段為19:30 – 20:00） (星期六日及公眾假期) 上午10時30分至晚上8時30分（最後入場時段為19:30 – 20:00） 地點：將軍澳中心G35   限定購票優惠詳情： 立即訂購

    author

    【香港】香港迪士尼樂園春日復活節小旅行體驗！香港居民團票優惠最高可享門票7折｜香港玩樂｜放假去邊

    香港迪士尼樂園推出春日復活節優惠活動！ 由即日起至4月29日起，Duffy帶領一眾好友準備咗「食、玩、買、住」春日復活節小旅行體驗，內容好豐富 香港迪士尼更專為香港居民推出全新限定「奇妙同慶」團票優惠，提供3人同行75折同埋4人同行7折嘅優惠畀大家 團票可以於即日起至2021年6月30日期間入園，大家可以入園慶祝復活節，同時參觀全新「奇妙夢想城堡」！ 今個復活節， Duffy、ShellieMay、Gelatoni、StellaLou、CookieAnn同埋新朋友’Olu Mel將會現身美國小鎮大街， 而且而全新復活節打扮同大家見面，各位粉絲記得唔好錯過啦！ 同時亦會推出限定「Spring into Dance」系列，共超過30款商品，粉絲一定心心眼 香港迪士尼更推出咗Duffy與好友主題美食，大街餐廳會有Coca-Cola呈獻嘅「小籠包造型甜品點心配花茶」， 小籠包充滿柚子芒果同埋椰汁班蘭味，味道好特別而且仲有Duffy同埋ShellieMay造型朱古力，吸晴度極高 另外亦有提供「Duffy與好友全日早餐造型甜品配奇異音樂家」，會就將六位Duffy同埋好友造型嘅甜品一次過送上， 食物豐富又可愛，粉絲一定會心心眼！ 香港迪士尼主題酒店嘅華特餐廳就會推出全新「華特甜品車」， 當中必試「芊彩茶點鬆一鬆 – Duffy與好友」下午茶，可以同好姊妹嘆齊Duffy可愛造型甜品，夠哂Chill 另外，食客於復活節期間去雲龍軒或芊彩餐廳享用指定菜式，更可以為小賓客加購參加朱古力復活蛋製作班，又有得食又有得玩！ 酒店特設「Duffy與好友之旅」主題房間佈置，等大家感受到濃濃復活節氣氛，過一個小假期 小賓客更可參加多個以Duffy與好友為主題手工藝工作坊，或一家大小升級體驗翠樂庭餐廳嘅「Duffy 與ShellieMay 便當製作連晚餐」，好難得！ 萬眾期待嘅「米奇搗蛋復活節」將於4月2日至6日再度回歸，小賓客可參加多個戶外遊戲 包括於「星級駕駛體驗」變身小小電動車司機、去「彈跳樂園」大玩各項大型充氣遊戲、參與手工藝班等等 咁多嘢玩，各位迪士尼粉絲記得唔好錯過啦！  

    author

    【快閃優惠】銅鑼灣柏寧酒店低至35折！$2190起雙人住宿連自助早餐、午餐/下午茶、豪華海鮮晚宴｜香港玩樂｜放假去邊

    銅鑼灣柏寧酒店推出「美食玩樂之旅」快閃優惠！ 只需$2190起就可以享有雙人住宿連自助早餐、午餐/下午茶、豪華海鮮晚宴，勁抵 首10間預訂可連升3級至尊貴鉑爾曼客房，其後訂單亦保證連升2級至尊貴豪華房及30小時住宿體驗 ( 復活節4月2-5日不適用 )， 入住期間仲可以參與各式酒店體驗班，真係好好玩 今個套票開放至6月入住，只需加HK$330可於復活節假期入住，升級嘆「魚子醬早午自助餐」，超值！ 「美食玩樂之旅」快閃優惠禮遇︰ 免費升級至尊貴豪華客房(首10間升級至尊貴鉑爾曼客房) 享用自助早餐、享用自助午餐 /自助下午茶、於Ebb & Flow享用豪華海鮮晚餐大餐 入住送： 紅酒、迎賓朱古力 長達30小時住宿 (12nn 入住、6pm退房，復活節假不適用) 參加酒店體驗班一堂： 6選1 咁抵，快啲搶啦！ 柏寧酒店「美食玩樂之旅」快閃優惠 入住日期︰即日起至5月30日 地址︰銅鑼灣告士打道310號 預訂網址︰ 立即訂購

    author

    【香港】尖沙咀藝術互動體驗！健身主題期間限定店、創意設計產品｜香港玩樂｜放假去邊

    唔知大家有無留意，社會上愈來愈多「低頭族」、「手機族」嘅出現 為咗掀起運動新常態，K11 Art Mall同本地藝術單位Brainrental聯手， 於3月12日至5月9日期間帶來《K11 Art Mall ACTIVE/IDLE》藝術互動體驗 chi K11 藝術空間將化身成「Digital Fitness」健身體驗店，以幽默形式呈現一系列實驗性藝術裝置！ 大家可以從健「手」神器中訓練從拇指到尾指嘅「Digital Muscles」，再加上巨型手掌私人教練Jimmy指導，人人都可以練出「一手」好線條 同時，K11 Art Mall中庭InConvenience Dept. 期間限定店亦會為大腦自製喘息空間 店內會齊集Brainrental 製作嘅一系列創意設計產品，包括以「Digital Fitness」為題嘅限量版產品同埋減壓新寵CBD聯乘系列產品，好多嘢睇 除此之外，K11 Art Mall亦會首度夥拍Brainrental，全新呈現科技設備點解主宰人與人之間嘅互動交流有全新嘅體會 而且「Digital Fitness」健身體驗店內設有一連串訓練眼球、拇指、尾指等不同部位嘅健身設施， 同時亦加入各種趣怪「呃Like」同埋混合多個網上流行元素，包括「MEME」、「讚好」、「留言」等等 打破舊有沉悶方式，令人重新愛上運動！ 館內一共有9項趣怪十足的藝術裝置，當中包括：瑜伽運動「Namaste Online」、結合划艇運動嘅藝術裝置「The Power of Like」、訓練手指肌肉嘅「Finger Fitness」、非一般跑步機「Feedmill」、同埋專為重訓而設嘅「Memorial Wall Bar」！ 除咗以上咁多嘢玩之外，K11 Art Mall 仲會準備多款精選潮物， 大家可以於實體店盡情選購流行玩意，亦可以到位於中庭嘅模仿傳統便利店InConvenience Dept. 期間限定店Shopping 期間限定店以標誌性便利店元素「雪櫃」作為環境設計，打卡一流 Brainrental亦首次製作IG遊戲濾鏡，玩家可佞透過眨眼頻率控制「Digital Muscles」，同手掌私人教練Jimmy進行力量比拼，好特別！ 佢哋亦特意設計喜感十足嘅手掌私人教練Jimmy系列WhatsApp Sticker，現場仲可以換到Jimmy造型貼紙 每款造型貼紙更附贈高達HK$300購物禮遇，好吸引！ 《K11 Art Mall ACTIVE/IDLE》藝術互動體驗 日期︰2021年3月12日至5月9日 […]

    author

    【香港】旺角全港首間迪士尼櫻花季期間限定店！獨家發售限定精品率先睇｜香港購物｜放假去邊

    為咗慶祝日本櫻花嘅來臨，MOKO新世紀廣場打造「MOKO 迪士尼櫻花季」主題活動 除咗有多個唯美打卡裝置之外，更設有全港首間迪士尼櫻花季期間限定 店內會發售逾百款迪士尼櫻花季主題精品，當中更加有獨家發售嘅款式！ 當中必搶多款櫻花主題餐具套裝同埋保溫瓶，實用又美觀 粉絲必收藏嘅 30cm粉紅色毛公仔，令人少女心爆發 可愛嘅電話殼勁吸晴，同閨蜜一齊用就啱啦 餐碟套裝配埋櫻花主題，靚到唔捨得用！ 櫻花形咕臣好可愛，大人細路都會鍾意 咁多嘢揀，大家記得唔好錯過啦 迪士尼櫻花季期間限定店 日期：2021年3月25日至5月19日 時間：中午12時至晚上8時 地點：MTR樓層中庭

    author

    【香港】西營盤磚紅色系澳式咖啡店！全新推出宮崎縣完熟金桔特色咖啡、甜品｜香港美食｜放假去邊

    路過西營盤，你一定會畀呢間紅色系嘅澳式咖啡店吸引！ 「TIL – Today Is Long」不知不覺已經開業三個月，亦都成為咗西營盤其中一間人氣咖啡店 店舖裝潢以磚紅色同白色為主，弧形設計同四周建築形成強烈對比，好多人都專程嚟打卡 今次佢哋同日本第一金桔生產量的宮崎縣合作，特意以完熟金桔「TAMA TAMA」創作出兩款特色咖啡同埋甜品 大家可以喺2021年3月10日至31日期間試到，記得唔好錯過啦！ 第一款「Kumquat Ristretto Tonic」用咗自家製完熟金桔「TAMA TAMA」果醬， 再加上Tonic Water同埋單品豆雙份濃縮咖啡組合而成，口味清新！ 未攪拌之前記得先試一啖，入口先有咖啡嘅香味同酸味，之後慢慢有金桔果醬嘅甜味出嚟，味道有層次！ 第二款「Sparkling Kumquat Soda」亦用上自家製完熟金桔「TAMA TAMA」果醬， 玻璃凍杯放滿冰塊之後緩緩注入氣泡梳打水，打造勁有風味嘅特飲！ 飲品入面嘅青檸檬汁帶出金桔香甜，非常潤喉，值得一試 另外亦有推出限定甜點，兩款金桔甜點都結合咗TIL 招牌餐點「Kumquat Croffles」， 喺牛角包內注入自家製完熟金桔「TAMA TAMA」果醬後壓成鬆餅，食落清新又香甜 甜點組合包括有配搭牛油果蓉、紅椒粉同、金桔片，勁有心思 另一款就用咗蛋白霜加入檸檬，再以炙燒方式製作而成 呢幾款特色咖啡、甜品都係期暗限定，大家放假一定要去試下！ TIL – Today Is Long 地址：香港皇后大道西 172 號建興樓地下 營業時間: 07:30 – 18:00  (星期一至日)

    author

    【香港】譚仔三哥推出水煮湯鴨血米線！必食香濃辛辣湯底配嫩滑鴨血｜香港美食｜放假去邊

    譚仔三哥米線全新推出以原創烹調手法秘製而成嘅「三哥水煮湯鴨血米線」 湯底以秘製濃湯同埋胡椒煨扣鴨血整整兩小時，濃湯精華好食到停唔到口！ 鴨血入口即溶，配埋全新湯底「三哥水煮湯」，幾吸引！ 呢款全新湯底由5小辣起跳，並可自選辣度，鍾意食辣嘅朋友記得唔好錯過啦 「三哥水煮湯」用咗15種香料同埋醬料提味，之後再加入磨成泥茸嘅花椒、八角同埋鮮辣椒，聽到都覺得正！ 佢哋用咗獨特嘅水煮方式嚟保持食物鮮嫩，同時亦可以保留湯頭勁香辛辣口感， 再加上豆卜、米線吸收湯底精華，唔掛得一推出已經好多人去食！ 譚仔三哥秘製鴨血更可以自由選揀各種唔同湯底，勁多元化 同時，三哥亦將於3月30日推出限定小食同特飲，當中包括小食「香烤素菜卷」、「香烤素菜卷」、「蜜桃乳酸」等等 配埋水煮湯鴨血米線簡直完美，譚嘅粉絲記得唔好錯過啦！  

    author

    【香港】樂富廣場舉行Urban Retreat綠運會！逾三萬呎戶外休憩用地、八項新興運動｜香港玩樂｜放假去邊

    樂富廣場最近以綠色健康生活概念，推出一系列主題活動推廣全民運動！ 繼早前打造近3,000呎戶外都市農莊後，更推出免費借用場地及運動用品嘅配套，勁貼心 休憩用地佔地逾三萬呎，劃分為三大運動區域，當中包括︰草地區、球網區同埋平地區，又大又多元化！ 市民可以免費借用場地同埋運動用品，暢玩源自美國、歐洲、日本同埋本地原創嘅八大新興運動， 好似芬蘭木柱、國皇棋、滾球、手綿球、匹克球、圈網球等等！ 新興運動好啱連動初哥玩，因為入門門檻低、玩法多變，大人細路都會鍾意 商場更於3月20日至4月25日嘅周末同埋公眾假期舉辦「Urban Retreat綠運會」 到時現場會有專業教練介紹各項新興運動玩法，市民可以喺教練指導下免費試玩，係個難得嘅體驗！ 活動期間，顧客只需於樂富廣場以電子貨幣累積淨消費額滿600元或以上， 就可以預約參加「Urban Retreat綠運會」、「都市農莊導賞團」同埋「創意彩繪盆栽工作坊」 大家可以同屋企人/朋友齊齊學習綠色生活小知識 咁豐富嘅假日活動，大家記得唔好錯過啦 樂富廣場「Urban Retreat 綠運會」主題活動 日期：2021年3月20日至4月25日(逢星期六、日及公眾假期) 地點：九龍橫頭磡聯合道198號樂富廣場B區

    author

    【香港】雀巢全新招財貓限定版咖啡！聯乘日本京都設計品牌推出限定生活小物｜香港購物｜放假去邊

    人氣大熱嘅NESCAFÉ招財貓限定版香滑咖啡再度登場！ 今次雀巢會加推全新八款招財貓限定版香滑咖啡，將招財貓放喺唔同場景，款款都好特別 當中分別有拎著行李箱渴望旅遊嘅打工仔、穿著西裝嘅辦公室白OL、頭戴畢業帽嘅學生等等 招財貓完美融入咗我哋嘅生活，為大家加油打氣！ 除咗別注版咖啡，NESCAFÉ亦同日本京都知名設計品牌SOU・SOU合作， 以招財貓搭配SOU・SOU經典和式印花設計出一系列限量生活小物，款款都好可愛！ SOU・SOU善於用活潑嘅色彩搭配獨特和風織紋圖案，有日本傳統圖案美感之餘，亦非常時尚 今次佢哋會聯乘推出獨家設計招財貓生活小物，當中包括隨身袋、洗面毛巾、收納式環保袋同埋雨傘等等， 全部都實用又美觀！ 各款NESCAFÉ® X SOU・SOU日本風生活小物將於 3月19日起開始接受換購， 大家可以喺百佳同埋惠康超級市場，又或者雀巢香港網上商店換購！ 凡購買任何NESCAFÉ®產品（包括即飲裝咖啡、即溶咖啡及NESCAFÉ Dolce Gusto）即可以港幣$34.9換購價換領輕便晴雨摺遮一把 另外，由3月17日起於便利店購買3罐或以上NESCAFÉ®罐裝咖啡，就可以加港幣$19換購隨身袋一個或者加港幣$29可換購洗面毛巾一條 3月31日起就可以加港幣$49換購貓手長柄遮一把 NESCAFÉ® X SOU・SOU收納式環保袋由3月12日起將陸續於百佳及惠康超級市場網上平台、HKTVmall、Ztore及指定零售商以供換購 全新NESCAFÉ®招財貓限定版香滑咖啡已於7-Eleven，Circle-K、VanGO便利店及各大商店上架， 隨機6罐裝亦會於百佳、惠康、華潤萬家、U購、HKTVmall、Ztore及其他指定零售商發售 大家記得唔好錯過啦！

    author

    【香港】日本過江龍餅店登陸香港！必試招牌堂島卷、櫻花堂島卷｜香港美食｜放假去邊

    日本嘅甜品一向都好受香港人歡迎！ 今次大阪殿堂級蛋糕甜品品牌Mon cher嘅期間限定店終於登陸香港 Mon cher分店遍佈日本重點城市，繼開設銅鑼灣崇光百貨蛋糕專櫃後，今次會喺旺角朗豪坊開設期間限定店， 各位日本甜品迷記得唔好錯過啦！ 佢哋嘅招牌名物「堂島卷」一向都享負盛名，由蛋糕同埋秘製忌廉製成， 造型雖然簡單但味道就非常好味，曾經創下每年售出超過100萬卷嘅佳績！ 「堂島卷」使用北海道農場空運直送嘅牛乳自家製成專屬Mon cher嘅生忌廉， 奶味香濃又唔會太膩，蛋糕滿滿蛋香，簡直係天堂級嘅享受 除咗呢款主打名物，Mon cher朗豪坊限定店更特別推出春日限定「櫻花堂島卷」， 由櫻花醬所製嘅海綿蛋糕呈現淡淡粉紅色，令人少女心爆發！ 「櫻花堂島卷」夾心係櫻花醬豆泥慕思，再加入櫻花醬同埋馬斯卡彭芝士，好吸引 Mon cher仲有各款唔同口味嘅蛋糕同甜點齊集旺角店，好多選擇！ Mon cher即將會喺四月上旬同埋中旬分別喺尖沙咀海港城City’Super同埋沙田新城市廣場City’Super開幕 各位蛋糕迷記得密切留意啦！ Mon cher分店 旺角期間限定店 （新店）：旺角亞皆老街8號朗豪坊4樓K402號舖（限定店） 銅鑼灣崇光百貨店：銅鑼灣軒尼詩道555號崇光百貨B2樓25號舖

    author