• Wed. Jun 3rd, 2026
    • '
    Homestaff5 (Page 66)

    Author: staff5

    author

    【狗狗友善酒店】北角Hyatt低至$926/人～ 送毛孩歡迎禮包+放電大草地｜香港旅遊｜放假去邊

    喺香港容許主人同狗狗一齊入住嘅酒店並唔多，而今次香港維港凱悅尚萃酒店（Hyatt Centric Victoria Harbour Hong Kong）就推出超貼心「毛孩放電假期」住宿體驗～ 各位狗爸媽可以一邊享受假期，一邊帶毛孩放電！ [instagram photo=”CB0BCx2juH4″][/instagram] 「毛孩放電假期」住宿體驗一晚房價只需$999（連加一服務費$1,099）， 就可以帶埋狗狗一齊入住標準大床客房，或者標準雙床客房！ [instagram photo=”B2vrA8eD6Ps”][/instagram] 如果加多$150，仲可以升級至海景大床客房，或海景雙床客房！ [instagram photo=”CBQi5eQpnzW”][/instagram] 每間房最多可以帶兩隻狗狗，額外嘅第二隻狗狗需另付$299＋10%服務費～ [instagram photo=”B-eQ4z7jfRU”][/instagram] 酒店會提供舒適狗床～ 再送毛孩歡迎禮包一份！ 包括狗狗零食、食物碗、水兜、除臭去污抗菌噴霧、寵物清潔用品、 希爾思寵物食品$40現金券同ePet.hk $50現金券，真係超豐富吖！ [instagram photo=”CAnW8VvDonf”][/instagram] 另外，酒店會開放西座3樓嘅Upper Farm大草地（需視乎場地供應及天氣而定）， 俾狗狗盡情奔跑「放電」～ [instagram photo=”B-4J044DB1Z”][/instagram] 主人亦可以喺酒店咖啡廳The Farmhouse嘅戶外平台，同狗狗一齊食自助餐（需額外付費，於入住前一天預訂），仲會有7折優惠！ 計晒雙人一晚房價、兩位自助晚餐、帶寵物入住，最平$1852、即係平均每人$926就住到～ [instagram photo=”B_FA2vTDQwN”][/instagram] 有興趣去Staycation放鬆一下嘅狗爸媽，就快啲去官網到睇睇喇！ 香港維港凱悅尚萃酒店 Hyatt Centric Victoria Harbour Hong Kong 地址：香港北角北角邨里一號 適用入住日期：2020年7月1日至2020年9月30日 網址：香港維港凱悅尚萃酒店

    author

    【心理測驗】憑直覺揀你最鐘意嘅雪糕口味 測出你對愛情依賴度｜心理測驗｜放假去邊

    喺感情路上依靠另一半，雖然會令人感到安心，但係過份依賴，可能會令對方覺得有負擔！ 表現太過獨立，又會令人覺得戀情若有似無～ 所以取得平衡係好重要！ 圖中有四款雪糕，憑直覺揀一款你最鐘意嘅雪糕口味，測出你對愛情依賴度！ 1. 朱古力雪糕 你非常依賴愛情，希望可以同對方經常見面～ 雖然日常處事獨立，但一遇到感情事就會變得小鳥依人。 如果生活缺少愛情，你甚至會覺得內心空虛。不過要記著「互相依靠會令感情升溫，過度依賴會令對方有壓力」啊～ 2. 薄荷雪糕 自立自強嘅你，覺得依賴另一半倒不如靠自己。 自信心強、做事獨立，鐘意主動照顧對方，同時希望另一半平等咁對待彼此。 3. 藍莓雪糕 選擇藍莓雪糕嘅你，能夠好理智咁去處理每一段感情～ 你有自己充實、獨立嘅生活，就算感情失意，你都可以活得精彩。 但若有機會遇到有緣人，記得要好好把握！ 4. 士多啤梨雪糕 你係一個識得收放自如嘅人，會睇對象嚟決定自己咩時候係可以依賴對方。 如果感覺可以依賴對方，就會從此非常依賴佢，讓另一半永遠呵護自己～

    author

    毛孩生日好去處！九龍灣露營主題寵物友善營地｜香港玩樂｜放假去邊

    屋企嘅毛孩就快生日，想帶佢出街慶祝？如果唔想係室外曬太陽，不如試吓去九龍灣嘅「Chill inn」啦！ 「Chill inn」係九龍灣嘅寵物友善餐廳，佔地4000呎，超大！ 「Chill inn」分咗餐廳同「寵物友善營地」兩區，餐廳以新派東南亞西菜式為主， 主要提供人嘅食物，貓狗唔入得～ 而「寵物友善營地」就可以俾毛孩放電同玩，加埋靚靚嘅環境，可以幫毛孩影返輯靚相 Chill inn設有個別房間同迷你表演台，店內佈置令你如置身露營區 呢個咁靚嘅場地幫毛孩搞生日會真係一流！ 佢哋亦有供應寵物餐，同多款寵物用品可供選購～ 客人只要喺店內消費，不論係購買食品定係寵物用品，就可以進入「寵物友善營地」 寵物營地會提供地拖、尿片、清潔消毒噴劑等等，主人需自行清理狗狗嘅大小便 佢哋亦有寄賣狗狗蛋糕，但去之前記得要預約，咁就唔怕去到無位啦 寵物營地只接受電話訂座，其他網上平台（如openrice、eatigo）訂座服務同優惠只係適用於餐廳區。 Chill Inn 地址：九龍灣展貿徑1號E-Max 國際展貿中心地下21-23號舖 訂座熱線：2849 8289 圖片來源：Chill Inn

    author

    【港島海逸君綽酒店】人均$544起升級入住豪華海景房＋$800餐飲禮遇｜香港旅遊｜放假去邊

    又有激抵酒店優惠！ 港島海逸君綽酒店（Harbour Grand Hong Kong）推出全新住宿連餐飲套票優惠， 人均$544起就可以入住五星級嘅港島海逸君綽酒店！ 仲可以免費升級至豪華海景房，同每晚有$800酒店餐飲禮遇～ 今次酒店嘅住宿連餐飲套票優惠，星期日至四一晚房價低至$1,088； 星期五、六、公眾假期及公眾假期前夕房價只需$1,299～ 價錢已經包埋加一服務費！ 仲可以由高級海景客房，免費升級至貴麗豪華海景客房（需視乎房間供應情況而定）～ 望住維港同九龍半島夜景，真係好歎吖！ 優惠套票可享有每晚$800餐飲禮遇 可以喺酒店餐廳內使用～ 同免費延遲退房至下畫六點！ 有興趣嘅話，就快啲去預訂喇！ 港島海逸君綽酒店 Harbour Grand Hong Kong 地址：北角油街23號 優惠及入住日期：即日至9月30日 預訂網址：Harbour Grand Hong Kong

    author

    【長洲華威酒店】每人$690起 包海景露台房＋蒸汽海鮮火鍋｜香港旅遊｜放假去邊

    如果大家想遠離煩囂，又多一個唔錯嘅選擇喇！ [instagram photo=”BUOAKCIBMA7″][/instagram] 位於長洲嘅華威酒店（Warwick Hotel），最新推出夏日「鮮」氣住宿套餐， 人均$690起，就可以喺酒店豪華露台客房飽覽長洲海景， 仲可以享用雙人早餐同蒸氣海鮮火鍋，或者海鮮雙人晚餐！ [instagram photo=”BnkYKEAg788″][/instagram] 海鮮包括新鮮扇貝、鮑魚、海蝦等，超豐富！ [instagram photo=”BsZW0yjnCPJ”][/instagram] 不過要注意，優惠期只限星期日至五；星期六及公眾假期係需要額外收多$400～ 而且露台早餐需額外加$80港幣/房 [instagram photo=”B2xsS3wDr9G”][/instagram] 大家有興趣嘅話，就快啲去官網預訂喇！ 長洲華威酒店 Warwick Hotel 地址：香港長洲東灣 優惠有效期：即日起至2020年7月31日 電話：2981 0976 網址：Warwick Hotel

    author

    【生日行程】放假去邊?! 港島中環豐富行程一日遊｜香港旅遊｜放假去邊

    每逢有好姊妹/另一半生日，諗去邊度慶祝真係諗到頭都爆！ 今次小編就特意為大家提供行程豐富嘅港島區一日遊方案～ 等你唔洗再傷腦筋，照住個行程去中環又食又玩！ 第一站‧Brunch Club 地址：中環蘇豪卑利街70號地下 難得放假緊係要訓到晏一晏先起身，訓到自然醒之後就可以去中環嘆個All Day Breakfast，醫醫肚～ [instagram photo=”CBnCnqtAlw2″][/instagram] 呢間Brunch Club超出名食All Day Breakfast，好多遊客都專登去打卡 [instagram photo=”B6-44BujQZT”][/instagram] 而且環境舒服又可以慢慢坐，一邊食一邊傾吓計已經好chill！ 第二站‧大館 地址:中環荷李活道10號 食飽緊係要郁動吓～放假點可以唔影返啲靚相！ 大部份人慶祝生日時都會扮到靚一靚咁出街，當然影相留念！ [instagram photo=”CB3D18BDmAM”][/instagram] 大館作為古蹟同藝術館，有好多好靚嘅打卡位！ 當中呢條樓梯亦係網紅必影嘅位置，超呃Like～ [instagram photo=”CAuflE1j9dG”][/instagram] 大館嘅外牆充滿異國風情，好似去咗外國一樣 [instagram photo=”CBvMhWCJyRj”][/instagram] 大館不時會舉辦唔同主題嘅特色展覽，可以透過展覽認識大館嘅歷史故事， 而且仲係免費入場，好充實！ 第三站‧春芳號 地址:中環砵甸乍街6號 影到攰攰哋緊係要去買返杯冰凍飲品！ 春芳號喺香港暫時只係得中環一間分店，難得出中環緊係要試吓～ [instagram photo=”CBzVa-vjpeI”][/instagram] 佢哋嘅茶飲以台灣原材料配上香醇茶葉沖泡，超受歡迎 春芳號主打玉荷清蘆薈蜜同地瓜珍珠奶茶，兩款都好特別！ 第四站‧搭叮叮 拎住杯飲品最好就係去坐叮叮，感受下慢活人生！ 坐係叮叮上面可以影吓相同好好休息吓～ [instagram photo=”B-WvLPepuxH”][/instagram] 第五站‧Kyoto Joe 地址:中環蘭桂坊1號23樓 最後一站當然唔少得生日飯！生日當然要搵一間環境特別又好食嘅餐廳啦～ 成日食西餐已經食到悶，試吓呢間日式高級餐廳Kyoto Joe就啱哂啦 Kyoto Joe有開放式酒吧，仲有多款日本酒同下酒小食，最啱同朋友/另一半慶祝生日，飲返杯！ 餐廳更可遠眺維港海景，景色一流！ […]

    author

    【香港杜莎夫人蠟像館20週年】2000年出世免費入場＋門票買一送一港人限定優惠｜香港旅遊｜放假去邊

    為咗慶祝香港杜莎夫人蠟像館成立20週年，館方特別推出「非凡想像連環賞」多重夏日優惠～ 包括喺2000年出世嘅朋友可以免費入場、成人門票買一送一！ 即日起至8月31日，於2000年出世嘅朋友可以免費入場，同香港杜莎夫人蠟像館一齊慶祝20歲生日！ 另外，香港居民憑香港永久居民身份證或臨時居民身份證， 購買蠟像館即日入場門票，即可享買一送一優惠！ 而持有美國運通卡嘅朋友，亦可享有門票買一送一優惠～ 各位仲可以用二十週年限定優惠價$320，購買原價$635嘅「親子玩樂套票」，或者原價$611嘅「親子無憂套票」～ 「親子玩樂套票」包括一張即日成人門票及一張小童門票、 限量版「蠟像小知識」小冊子乙本、蓋印遊戲紙乙張、智力遊戲挑戰紙一套，同埋D.I.Y.精品乙個～ 而「親子無憂套票」就有一張即日成人門票及一張小童門票、山頂廣場兩小時泊車～ 除咗精彩優惠，香港杜莎夫人蠟像館仲有一系列好玩推介！ 「樂壇巨星區」有錄音室、巨星舞台同360度環迴舞台三大主題， 仲有「動漫遊戲世界」結合咗深受歡迎嘅動漫角色以及數碼科技， 到時候會有麥兜、麥太、Marvel超級英雄、Hello Kitty等陪住大家！ 香港杜莎夫人蠟像館 地址：香港山頂道128號凌霄閣P101號舖 電話：2849 6966 訂購門票：香港杜莎夫人蠟像館

    author

    【愉景灣酒店】靚景渡假勝地！$1588住山景房＋雙人早餐＋自助晚餐｜香港旅遊｜放假去邊

    愉景灣出咗名係香港嘅渡假勝地，好多人都會特登去果度嘅海濱白教堂打卡，再行吓附近嘅市集 如果唔想行程咁趕，你可以選擇喺愉景灣酒店住返晚～酒店每間房嘅景色都好靚，呃Like絕對無難度 愉景灣酒店有一個好抵嘅住宿優惠，二人同行只需$1588起就可以住山景房＋雙人早餐＋自助晚餐 酒店嘅「慶祝優惠」專為情侶、閨蜜而設，方便你哋慶祝生日、紀念日等等， 而且會奉送精美甜點同法國氣泡酒一支 酒店嘅山景客房有323 平方呎，設有浴缸同淋浴間 如果想住海景房，只需加$200左右，就可以享受呢個超級無敵大海景 真係隔住個mon都覺得靚！ 住宿優惠分咗星期一至四或者星期五至日及公眾假期兩款， 星期一至四只需HK$1,388起，不過就唔會包自助餐，而係送雙人西式晚市套餐， 如果你想食自助餐，你就要揀星期五至日同公眾假期入住，HK$1,588起就可以食埋自助餐晚餐啦 自助餐有多款海鮮供應，食物款式亦有好多選擇 你仲可以一邊望住海景一邊食自助餐，簡直係人生一大樂事 食飽無野做，又唔想出沙灘嘅話，都可以喺酒店泳池游個水 你仲可以去酒店附近嘅海濱白教堂打卡，過一個完美假期 愉景灣酒店 「慶祝優惠」 價錢︰港幣$1388包雙人西式晚市套餐 (星期一至四) 、 港幣$1588包雙人自助晚餐  (星期五至日及公眾假期) 訂座電話︰2295 8288/ 訂座網址 地址: 香港大嶼山愉景灣海澄湖畔路88號

    author

    爆餡＋鬆脆！香港特色格仔餅大集合｜香港美食｜放假去邊

    格仔餅係香港地道嘅街頭小食之一，好受香港人同外國遊客歡迎！ 傳統嘅格仔餅以花生醬、牛油、煉奶同砂糖配上鬆脆嘅餅底組成，真係聽到都流晒口水～ 近年，好多鋪頭都推出唔同口味嘅特色格仔餅，唔再係得傳統格仔餅嘅四款材料咁單調，俘虜咗一眾格仔餅迷！ 1. Ice Puff [instagram photo=”Bmdti2qBhgL”][/instagram] 佢哋嘅格仔餅偏厚，好似英式窩夫～ 口味有榛子花生或者阿華田脆脆，兩款都好match！ [instagram photo=”BCP0KIfsryu”][/instagram] 呢款就加咗芝麻雪糕同朱古力醬，啱晒一班甜食控！ Ice Puff 地址︰旺角彌敦道688號旺角中心一期1樓F51舖 2. 低調高手大街小食 [instagram photo=”BqPUodQlP4W”][/instagram] 佢哋推出嘅黃金格仔餅，舖滿鹹蛋黃碎、煉奶同砂糖～ 原來又鹹又甜都可以咁夾！ [instagram photo=”Bgq0BA7lAYT”][/instagram] 啲餡好多，勁足料，唔怪得咁多人去朝聖啦！ 低調高手大街小食 地址：筲箕灣東大街76A 號 B3號舖地下 3. 摩芽雞蛋仔 More Eggettes [instagram photo=”CA27xdKASLW”][/instagram] 摩芽雞蛋仔係一間連鎖店，好多地區都有分店～ [instagram photo=”BVr0ingFeAu”][/instagram] 佢哋嘅抹茶紅豆格仔餅亦係人氣之選！ 摩芽雞蛋仔 More Eggettes 地址：太子汝州街17號地舖 4. 媽咪雞蛋仔 [instagram photo=”B7-BosaJbxQ”][/instagram] 媽咪雞蛋仔同樣係多區都有分店，佢哋亦有多款口味嘅格仔餅 唔知咖啡味嘅格仔餅可唔可以提神呢？ [instagram photo=”BzLIfdSBcrK”][/instagram] 見到佢咁多朱古力醬，好想食啊 媽咪雞蛋仔 地址：多區都有分店 5. […]

    author

    【將軍澳皇冠假日酒店】人均$578起 包自助早餐、自助晚餐＋免費泊車｜香港旅遊｜放假去邊

    又有超筍酒店優惠！ 今次輪到將軍澳皇冠假日酒店（Crowne Plaza Hong Kong Kowloon East）， 推出「食、住、歎 “消暑氣” 」住宿套餐！ [instagram photo=”sJdxFGxcyl”][/instagram] 星期一至四二人入住豪華客房，一晚房價低至$1,155； 星期五至日二人入住，每晚只需$1,430，價錢已經包埋加一服務費！ 仲送你雙人自助早餐同自助晚餐，可以喺酒店餐廳尚廚（The Chef’s Table）內享用～ [instagram photo=”qyaUOxRc_Y”][/instagram] 而且酒店嘅自助晚餐好有水準，兼且有超多選擇！ 有松葉蟹腳、白蜆、紐西蘭青口、黃金螺同凍蝦～ 星期六日及公眾假期仲會有波士頓龍蝦、帶子刺身、油甘魚供應！ 額外送每位珍菌螺頭燉湯一盅～ [instagram photo=”lwsmyeRcyB”][/instagram] 甜品方面，有澳洲林明頓蛋糕、即製朱古力心太軟、Haagen-Dazs雪糕等等。 [instagram photo=”qyZ30Zxc-7″][/instagram] 優惠套餐仲俾客人延遲退房至下晝3點，瞓晏咗都唔怕！ 另外加送1小時免費單車體驗，以及免費泊車24小時。 [instagram photo=”0j1fvNRcwZ”][/instagram] 酒店優惠咁抵！真係要快啲打電話去預訂喇！ 九龍東皇冠假日酒店 Crowne Plaza Hong Kong Kowloon East 地址：香港將軍澳唐德街3號（港鐵將軍澳站C出口） 優惠適用入住日期：即日至9月15日 查詢及預訂電話：3983 0300 *優惠只限電話預訂

    author