Open Tour
呢個星期日(1月12日)，智樂 Playright 將長驅直入沙田，舉辦「智樂社區遊戲外展@沙田民政事務處遊戲日」。 為你同家人創造開心 Family Play Day！ 今次為大家帶嚟6個趣味十足嘅遊戲，新一年繼續同小朋友大玩特玩喇！ 遊戲內容 ▲ 激輪滑梯 ▲ 透明畫廊 ▲ Snug & Outdoor ▲ 紙皮城堡 ▲ 水泡相撲 ▲ Imagination Playground 【智樂社區遊戲外展】@沙田民政事務處遊戲日 日期： 2020年1月12日（星期日） 時間： 上午11時至下午4時 地點： 沙田沙瀝角落 (地圖請按此) 費用： 免費開放，毋須報名，歡迎即場參加 資料來源：Playright Children’s Play Association
一年一度嘅「新界魚塘節嘉年華」又嚟啦! 今次第六屆以「食出人情味」為主題。 希望大家透過品嚐本地淡水魚同漁民交流，感受漁民傳統嘅鄉土人情味! 亦想藉住呢次盛事表揚新界西北魚塘嘅幾代漁民，除咗艱辛養殖本地優質淡水魚，更為候鳥及各種生物提供重要嘅棲息生境! 今年以「食」為主題，當然唔少得試食元朗烏頭、鮮味魚粥及地道小食! 當日更有傳統小食「清明仔」製作班及烹飪工作坊! 製作「醬油豆渣大阪燒」 另外仲有拋網、餵魚等漁民體驗活動、觀鳥導賞、手織魚網袋、葉笛工作坊等各種精彩活動等住你! 活動由即日起接受報名! 2020年1月17日前報名，更可享早鳥優惠。 名額有限，報名從速! 【第六屆新界魚塘節嘉年華】 日期：2020年2月9日(星期日) 時間：上午11:00 – 下午4:00 地點：元朗大生圍及毗鄰魚塘 (免費穿巴往返 錦上路⬅➡大生圍) 報名：請按此 資料來源：香港觀鳥會
仲有幾日就踏入2020年喇！ 呢個禮拜六（1月4日）喺慈雲山邨中央遊樂場將會舉行「慎用救護服務巡迴展覽」。 小朋友可以試吓揸小小救護車，仲可以做個小小救護員！！ 大家一邊玩攤位遊戲，一邊可以了解點解慎用救護服務咁重要。 咁精彩又有意義嘅活動，千祈唔好錯過喇！ 活動內容 ⭐ 推廣及教育市民適當使用緊急救護服務 ⭐ 救護車輛、救護信息教育車及救護裝備展覽 ⭐ 攤位遊戲 ⭐ 展板 ⭐ 虛擬實境遊戲 ⭐ 救護服務即場導賞 【慎用救護服務巡迴展覽】 日期：2020年1月4日(星期六) 時間：上午10時30分 – 下午4時30分 地點：慈雲山邨中央遊樂場 費用：免費入場 詳情：請按此 資料來源：香港消防處
《貓·美術館–CAT ART世界名畫展》台灣第二站，喺高雄駁二區重新登場，展期由12/19到明年3/15❗ 「貓•美術館」致力提供一個全新嘅世界觀，將以趣味嘅手法帶領大家認識「貓界」，透過橫跨東西洋藝術史嘅藝術瑰寶，全面「喵化你嘅視界」！ 2019年「貓•美術館」將首次展出60件『CAT ART by Shu Yamamoto–世界名畫•全面喵化』山本修先生嘅藝術創作，其中包含維喵爾《戴珍珠耳環的少女貓》、喵文西《貓那麗莎》、喵勒《拾貓草》等原創真跡作品，從「古代貓文明」經過「文藝喵復興」、「巴洛克」、「喵歐古典主義・浪漫主義・寫實主義」、「印象派」到「20世紀美術」、「日本及亞洲美術」等展區來呈現貓藝術。 此外，進入呢座「貓•美術館」除咗觀賞「貓畫」外，仲會不知不覺受到「喵化」魔法嘅影響，變身成為「貓界」嘅一員！ 喺呢個精心打造、超級療癒嘅「貓界」裡，可以走入名畫變成貓，仲有巨型玻璃花窗「光之喵」、專屬於貓咪嘅「貓浮宮」、毛線打造嘅「貓樂園」、塗鴉玩樂嘅「貓創空間」等，讓你從貓嘅視角重新去認識世界，隨心所欲地以貓嘅身份，盡情地沈浸喺美學饗宴中！ 呢次駁二場除咗 山本修大師 嘅貓化作品外，更增添咗高雄場獨有嘅拍照場景，各位IG迷準備瘋狂影相打卡啦~ 今年冬天最療癒嘅「貓·美術館」展覽，等緊你嚟朝聖喇！ 【貓•美術館-世界名畫•全面喵化】 日期： 2019年12月19日 – 2020年3月15日 (除夕休館) 時間： 10:00-18:00 (17:30最後進場) 地點： 高雄駁二蓬萊B4倉庫全棟 地址： 台灣高雄市鼓山區蓬萊路99號 官網： https://uevent.udnfunlife.com/MEOWSEUMOFARTKH/ 資料來源：貓美術館
聖誕親子齊動手，有機會贏取 << 四人來回東京機票總值 $16,000 >>！ GP37 主辦 <變形機械人反轉聖誕節>，是次大型體驗活動以環保為主題。 運用小孩和家長無限創意及環保概念，製作數百個變形機械人，在普天同慶嘅聖誕節下親子共融，以及加上嘉賓表演和嘉年華會，希望各位會員和家人能享受最優質嘅親子時光！ 比賽獎品內容： 1) 四人來回東京機票總值$16,000 (1名) 2) Ipad一部價值（共10名） 活動詳情： https://www.eventbrite.hk/e/gp37-tickets-84555083531 【變形機械人反轉聖誕節】 日期： 2019年12月25日 (星期三) 時間： 11:00 – 17:00 地點： 香港科學園金蛋廣場 門票： 大人及小朋友票價為 $100 / 1位 ~ 票價已包括：聖誕帽、入場手帶、現場5個免費攤位遊戲及活動當日領取福袋 ~ 凡購買入場券嘅小朋友更可免費參加設計機械人比賽 (名額200位，款式隨機派發) ~ 三歲或以下小童免費進場 資料來源：GP37 變形機械人反轉聖誕節
膠圈、大木樁甚至膠紙都可以用嚟表演？ 大館2019年壓軸節目「玩轉大館馬戲季」，將於12月24日至1月5日廣邀世界雜技及音樂好手來港獻技！ 4大節目《釘孤枝熱血大亂鬥》、《圈圈搖滾》、《炫光電音碰碰碰》、《馬戲遊樂場》及多個互動工作坊免費參加。 誠意推介當中嘅《馬戲遊樂場》，承接上年反轉大館馬戲季「玩轉 PLAYGROUND」嘅搞笑歡樂，今年繼續為觀眾帶來刺激兼好玩嘅戶外雜技。 4個表演團體分別帶住4件唔同嘅表演工具：七彩木條、膠紙、高空單輪車及大木樁，邀請觀眾同佢哋合力完成演出。 1.《五彩木條砌起佢》 意大利嘅Stalker Teatro 邀請你以木條合力創作七彩繽紛嘅大型隧道，將大館變成大家嘅聖誕遊樂場。 2.《膠紙人惡搞大館》 西班牙嘅Emiliano，則以薄薄嘅膠紙創作出令人意想不到嘅場景，配合即興喜劇表演，帶領觀眾穿越奇幻世界。 3.《單輪電鋸狂》 仲有加拿大俊男Michael Bonnici，喺10呎高嘅電鋸單輪車上玩命演出，驚心之餘定必令你笑得開懷。 4.《一碌木超人》 同樣嚟自西班牙嘅藝術家Joan Catala，將會邀請幾位擁有強健體魄嘅觀眾，同佢一齊沉着應「木」，演繹一系列嘆為觀止、反地心吸力嘅高難度動作。 即刻上網登記，一家大細喺今個聖誕一齊嚟玩轉大館喇！ 【玩轉大館馬戲季】《馬戲遊樂場》 日期： 2019年12月24日 – 2020年1月1日 時間： 請按此看節目時間表 地點： 中環大館 檢閱廣場及監獄操場 地址： 香港中環荷李活道10號 費用： 免費 資料來源：大館 Tai Kwun
「水知園」H2OPE Centre 正式開幕啦！ 位於天水圍水務署大樓嘅水資源教育中心 –「水知園」H2OPE Centre，由2019年12月14日起歡迎公眾喺開放時段內入場參觀。 12個展區都咁有趣，快快行動去即時體驗，一齊玩水喇！ 真係好玩到唔捨得走㗎，依家帶大家去睇吓有咩玩先！！ 《1/F》 【展區 1】 水 + 歷史 透過互動展品及短片，認識香港制水時期嘅困境及水務設施嘅發展等。 【展區 2】 水 + 來源 設置一系列互動展品及遊戲，包括模擬喺水塘釣魚、擔任水務督察等。 介紹香港所有集水區和水塘，從遊戲中學習。 【展區 3】 水 + 影院 「水知園」內值得推介嘅立體球幕影院，利用立體影像將有關水資源嘅資訊，充滿動感地呈現喺觀眾眼前。 【展區 4】 水 + 回收 兩個運作中嘅中水重用及雨水回收系統。 透過玻璃窗配合投射動畫，了解點樣將中水及雨水再重用。 【展區 5】 水 + 演示 呢個演示區會不定時提供唔同內容，例如實驗示範，小型嘅慳水比賽等。 另設置數列以退役水錶裝成嘅櫈，增添環保意義。 【展區 6】 水 + 品質 透過一系列互動展品，知道濾水過程同香港嘅食水標準。 【展區 7】 水 + 循環 絕對令小朋友玩到唔願走嘅遊戲區，邊玩水邊體驗水嘅循環過程。 《2/F》 […]
變變變，變出「萬變玩樂園」！ 由中西區民政事務處主辦，智樂擔任專業伙伴嘅全新遊戲活動——「萬變玩樂園」，鐵定於12月14日隆重登場！ 顧名思義，喺呢個集戶外、海濱、草地、磚地於一身嘅多變公共空間中，將雲集可變多變常變嘅各種物資，讓愛玩嘅小朋友創出變化無限嘅好玩遊戲。 活動內容： ▲ 粉筆 ▲ 汽水箱 ▲ 波波 ▲ 黑磚 ▲ 玩紙皮 ▲ 樹皮 活動完全免費，歡迎即場參加，即變即玩！ 【萬變玩樂園】詳情： 日期： 2019年12月14日(六)、20日(五)、29日(日) 時間： 下午2時30分至5時30分 地點： 豐物道海濱休憩用地 (西營盤站B3出口) 對象： 3至12歲小朋友及其家長 費用： 免費開放，毋須報名，歡迎即場參加 ※ 溫馨提示： 1. 活動場地位處海濱，經常海風輕拂，請預備適當衣物。 2. 活動有機會人潮擠擁，請參加者配合工作人員的運作安排。 3. 活動電話專線：6396 7351（僅限於活動舉行當日下午1時至5時30分開放使用，亦不設Whatsapp 通訊） 資料來源：Playright Children’s Play Association
有無諗過日常食咗嘅美食到底去咗邊？經常「咕嚕咕嚕」嘅聲音又係點解？ 呢個冬日，全港首個消化系統體驗展「人體消化大冒險」驚喜登場，今次本地設計團隊以「好玩」及「奇幻」2 大元素作展覽嘅創作要點！ 一眾大人小朋友將化身唔同食物勇闖3米高巨型嘴巴，從口腔開始進入消化系統甚至變成便便。 場內將劃分7大主題區，按人體消化系統嘅程序區分，透過玩樂遊戲、簡單任務、視覺及觸覺特效等，讓大家親身體驗不一樣嘅人體大冒險，成為消化冒險王！ 1) 變身食物 SHOW 2) 口腔站 3) 胃站 4) 小腸站 5) 大腸站 6) 消化終點站 7) 便便樂園 同場更特設大量色彩繽紛嘅打卡位，星級推介包括3米高巨型嘴巴、2米高便便攀石牆、2米高屁股滑梯及巨型馬桶等，絕對係冬季親子及閨密玩樂活動首選！ 【人體消化大冒險】 日期：2019年12月18日至2020年2月29日 時間：星期一至五 13:30至19:30，星期六日及公眾假期 10:30至20:30 地點：九龍灣宏照道38號Mega Box L13 由即日起到12月17日嚟 http://bit.ly/34VMaFc 買飛即享低至$50嘅早鳥優惠，保證最低價！ 早鳥優惠票價： 12歲以上人士：港幣50元 3至12歲小童*：港幣80元 * 3歲以下小童免費 資料來源：人體消化大冒險體驗展
小朋友，12月15日，一齊化身正義嘅小英雄！ Robocar Poli 入面英勇嘅救援隊即將由布鲁姆斯小鎮嚟到香港科學園，同各位小朋友預祝聖誕！ Poli、Roy、Amber同Helly嘅fans，唔好錯過喇！ 「救援小英雄珀利聖誕大冒險」將設置300米賽道，途中有8個障礙關卡，考驗小朋友嘅勇氣和智謀，以及和家長們嘅團隊精神！ 除咗可以拎到限定紀念品，仲有其他機會拎獎品㗎！ 另外跟專業體適能教練Hetiz姐姐玩「救援小英雄親子訓練學堂」，可以得到救援小英雄紀念卡一套。 而去嘉年華區嘅「救援小英雄珀利挑戰區」，仲有多個活動俾小朋友參與。 每挑戰完一個遊戲，就可以獲得一個精美文件夾！ 仲有仲有~~記得玩埋「救援小英雄珀利聖誕DIY手作坊」，免費㗎！ 依家一次過報晒親子障礙賽同訓練學堂，仲有優惠添！ 把握最後機會，立即報名啦！ 【救援小英雄珀利聖誕大冒險】 日期： 2019年12月15日 (星期日) 時間： 10:30-15:00 (設即場報名) 地點： 科學園高錕會議中心廣場(金蛋) 報名： https://robocarpoli.sportsoho.com/ 資料來源：救援小英雄珀利聖誕大冒險 Facebook
