Open Tour
為響應「築月2019」主題，建造業零碳天地將變身成「STEAM築樂園」，融合建築元素及STEAM教育理念嘅大型遊戲場地。 設計出三個原創又「零碳」遊樂場裝置，包括5米高「動樂旋轉木馬」、「夢幻泡泡製造站」及「滾珠迷宮陣」。 透過遊戲令大家學到背後嘅原理，無論係學嘢定打卡都咁適合！ 提供各式各樣STEAM遊戲、裝置及工作坊，包括環保旋轉木馬、吹泡泡機、巨型骨牌大挑戰及天氣預測瓶工作坊等。 讓大家一邊玩，一邊解構背後的科學、科技、工程、藝術和數學原理。 「天氣預測瓶工作坊」：請按此報名 邊個估到透過玩樂都可以學習？邊個估到九龍灣都有旋轉木馬玩？ 無論你估到估唔到，今個11月通通都會喺建造業零碳天地發生呀！ 【STEAM築樂園】 日期：11月2日(星期六)至 12月1日(星期日) 時間：上午9時 – 晚上8時 地點：建造業零碳天地 地址：九龍灣常悅道8號 詳情：請按此 資料來源：建造業議會
D‧PARK及誠品書店舉辦嘅全港首個「屁屁偵探解謎樂園」正式開幕喇！ 場內除咗有《屁屁偵探》嘅查案任務，好似「噗噗！拼字樂」、「小偵探初級檢定挑戰」等遊戲之外，仲有多個搞鬼造型打卡位！ 屁屁偵探更會於週末驚喜現身，到時仲會有「解謎輪盤」，回答指定問題即獎屁屁偵探精美禮品！ 風靡全球嘅日本偵探故事繪本《屁屁偵探》，曾獲美國哈佛大學博士、各大教育家及文學作家鼎力推薦，作品累計銷量超過150萬！ 故事刺激有趣，激發小朋友多角度思考及運用邏輯思維破案，極具教育意義。 小朋友動腦筋之餘又可以盡情放電，仲唔快d嚟挑戰自己！ 【屁屁偵探解謎樂園】 日期： 10月26日- 11月17日 時間： 星期一至星期五：12:00pm-9:00pm 星期六及日：10:30am-9:30pm 【屁屁謎團輪盤】 日期： 逢星期六及日 時間： 12:00pm-5:00pm 【與屁屁偵探見面】 日期： 逢星期六 時間： 3:00pm-3:30pm 地點： 荃灣 D·PARK 愉景新城L1層 資料來源：D·PARK愉景新城
⭐⭐最新消息⭐⭐ 因應多區的最新情況影響籌備工作，以及當天交通安排可能受到影響，原定2019年11月16及17日（星期六及星期日）在昂船洲污水處理廠舉辦的渠務署開放日將會延期舉行。詳細安排稍後公布。 如有任何查詢，請致電3484 9346或電郵至[email protected]。 ========================================== 為慶祝渠務署成立30周年，署方將於11月舉辦開放日，邀請市民參觀「昂船洲污水處理廠」。 透過導賞團、攤位遊戲、展覽等，讓大眾認識污水處理廠的日常工作。 精彩節目 探索 親身體驗及探索昂船洲污水處理廠 (導賞團、設備展示、淨港號) 學習 認識更多渠務署的污水處理及防洪工作 (主題展區實體模型、影片觀賞) 玩樂 歡樂的嘉年華節目，令你樂而忘返 (攤位遊戲、舞台表演、工作坊) 【昂船洲污水處理廠開放日】 日期：11月16至17日(星期六及日) 時間：早上9:30–下午5:00 地點：昂船洲污水處理廠 費用：免費入場 (不設門票) 交通安排 當日上午9:15至下午4:00，有免費穿梭巴士往來昂船洲污水處理廠。 穿梭巴士約15分鐘一班，由下列地點開出： 1. 港鐵荔枝角站D2出口 (長義街上落客區) 2. 港鐵美孚站C1出口 (美茘道上落客區) ⭐ 廠內不設泊車位 資料來源：渠務署
麥理浩徑於1979年10月26日啟用，喺香港首條長途遠足徑。 呢條具代表性嘅遠足徑喺今年踏入40周年啦！ 為咗紀念呢個特別日子，漁農署喺10月26日喺城門郊野公園舉辦「麥理浩徑40周年同樂日」。 想親親大自然，嚟城門郊野公園，沿麥徑6、7段任行任玩，精彩節目浪接浪！ 所有活動即場報名，名額有限，先到先得！ 4大精彩活動 1. 樹上歷奇 樹間飛索、康樂攀樹及三角吊床 2. 環保工作坊 工作坊及攤位遊戲（DIY天然環保用品、升級再造玩具及擺設、紮染、樹葉吹奏等） 3. 麥徑40大派對 音樂及魔術表演、木偶劇場等 4. 麥徑遊樂園 用回收物料製作的小玩意 「草山遊免費穿梭巴士服務」、「挑戰針山」及「戰時遺跡導賞」 交通安排 1. 免費穿梭巴士，往來荃灣及城門 荃灣古屋里 → 城門：9:00–15:00 城門 → 荃灣古屋里：11:30–17:30 2. 專線小巴82號 於荃灣兆和街登車，在城門水塘總站下車。 【麥理浩徑同樂日】詳情 日期：10月26日 (星期六) 時間：上午 10時 – 下午 5時 地點：城門郊野公園（麥理浩徑第6及7段） 費用：全免 詳情：請按此 資料來源：郊野公園教育活動計劃
為慶祝麥徑40周年，漁農署與香港童軍總會於12月14至15日喺基維爾營合辦「麥徑營人」。 活動以有年輕子女嘅家庭為對象，為方便參加者享受親子露營嘅樂趣，主辦單位會提供大部分露營裝備，並安排膳食及交通接送。 節目相當豐富，包括營藝活動、導賞、帶住小麥行麥徑、小麥野外定向、郊野不留痕工作坊及戶外挑戰等。 讓參加者享受戶外活動嘅樂趣之餘，培養對環境負責任嘅態度，及實踐環保嘅露營活動。 想一家大細一齊探索麥理浩徑兼宿一宵，唔好問幾點，登入網頁報名先喇! 【麥徑營人】 活動日期 日期：12月14日至15日 (星期六及日) 時間：12：15 – 翌日 13：00 地點：麥理浩徑第4及第5段 (基維爾營地) 對象：6歲至12歲小童家庭 報名日期 日期/時間：10月21日上午10時 – 10月28日下午5時 詳情/報名：請按此 資料來源：郊野公園教育活動計劃
香港公共圖書館舉辦首屆「香港圖書館節」以「閱讀●創意」為主題。 用各種創意方式為小朋友帶來互動多元嘅閱讀活動。 喺感受閱讀樂趣之餘，仲幫佢哋激發創意添！ 主題活動 由10月24日至11月6日喺香港中央圖書館，有以下精選「主題活動」任你揀！ 小小圖書館員 與參加者分享繪本故事、介紹及體驗圖書館員的工作，參加者可到中央圖書館的樓層體驗圖書館員的工作。 STEM工作坊 透過STEM工作坊推動創意科學，吸引小朋友多利用圖書館資源及電子資源。 普普風手繪書簽繩工作坊 教授運用普普風格 (Pop Art) 在熱縮膠上繪畫自創的圖畫，配合繩子編織的方法，自製獨一無二的書簽繩。 「姆明谷的彗星」展覽 「姆明谷的彗星」為今年世界文化藝術節「北歐五國」的展覽，以著名芬蘭作家托弗•揚松的畫作配上姆明角色剪影，目不暇給。 展覽期間更有「菜姨姨」與她的故事團隊以雙語引領我們一起漫遊神秘北歐，讓閱讀拉近親子間的距離。 格列佛互動故事牆 打破傳統閱讀習慣，以動畫形式令故事情節一觸即發，帶來前所未有嘅新體驗。 與作家會面 ─ Petr Horacek Petr Horacek 會與小粉絲會面，分享他的創作靈感、插畫、故事創作，與小粉絲共渡美好的時光。 【首屆香港圖書館節】 主題活動 日期：10月24日至11月6日 時間：早上10點 至 晚上8點 地點：香港中央圖書館 全城活動 日期：10月20日至11月21日 地點：18區分館公共圖書館及閱讀伙伴 活動詳情：請按此 資料來源：hklibraryfestival
Melody 粉絲注意！給您一個出走嘅理由！ My Melody 聯乘日本人氣聲優 Nanaka Suwa，喺池袋開設期間限定主題Café。 將「Suwawa」、「Melody」、「Kuromi」同「Piano」融入各款餐飲內， 配上專屬嘅粉紅色，一定能滿足少女心嘅您，打卡一流！ Piano 蔬菜烤牛肉丼 ¥ 1,380 Kuromi 漢堡包 ¥ 1,480 Suwawa & My Melody 蕃茄蟹肉意粉 ¥ 1,480 Suwawa & My Melody 雪糕 ¥ 1,180 三色Cupcake雪糕 ¥ 1,480 水果窩夫三文治 ¥ 1,180 棉花糖特飲 ¥ 900 LATTE 配曲奇 ¥ 900 當然唔少得有精品賣喇，靚靚鎖匙扣、手提袋、水杯、亞加力杯墊… 10尾開業啦，期間限定㗎，仲唔快啲預約去朝聖！ 【Nanaka Suwa ♡ My Melody Cafe】 地址：東京豊島區東池袋 1-32-4 藤原ビル地下1階 […]
也許你真是哭得太累，也許，也許你要睡一睡。 倦透的你，記得大自然的家門，常為你開。 11月份「鞍山探索館」將舉辦兩場「親子露營體驗」。 為你同小朋友安排一個難忘嘅週末，希望透過大自然，同大家叉叉電，打打氣！ 活動內容 戶外露營體驗 親子烹飪時光 昂平觀日出 遊鹿巢石林 認識及體驗無痕山林 (Leave No Trace) 【礦山自然學園：親子露營體驗】 日期：11月2至3日/ 11月30日至12月1日 (星期六及日) 時間：15:00 – 翌日11:30 地點：馬鞍山村上村35號「鞍山探索館」 對象：親子 (6歲或以上) 報名：https://bit.ly/2kkCEJR 圖片及資料來源：鞍山探索館 Facebook
連鎖快餐店/便利店換返嚟嘅玩具公仔氾濫，點算好？ 呢個星期日帶埋佢哋嚟南昌公園，參加「點子遊花園II：玩具反一番：一齊諗」❣️ 即場徵收連鎖快餐店/便利店嘅玩具膠公仔，回收後一齊諗諗點樣將佢哋重生！ 到時會喺公園放一個收集箱，大家可以喺箱入面隨意放／隨意攞一啲玩具膠公仔，最後睇吓自己放定係攞得多！？ 公佈結果之後，工作人員會將剩餘嘅公仔改裝成「工作坊」嘅材料，舉辦幾個工作坊環節，俾大家學學點樣發揮創意重用玩具！ 活動內容 遊戲時間： 12:00-13:00 – 玩具大曬冷、玩具大風吹、玩具層層疊 工作坊： 13:00-17:00 – 製作攤位、玩具鎖匙扣工作坊、逃出迷宮 活動連結： https://www.facebook.com/events/1257728351066165/ ⭐⭐備註：是次活動只收取／派發玩具膠公仔、不設其他玩具交換 ▲ 南昌公園《綠浪潮》藝術座椅 【點子遊花園II：玩具反一番：一齊諗！】 日期：10月20日 (星期日) 時間：中午12點 – 下午5點 地點：南昌公園 (藝術座椅《綠浪潮》附近草地) 地址：九龍深旺道20號 (南昌站D1出口) 費用：全免 資料來源：再生玩具店
