Open Tour
第二屆「桃園國際風箏節」，將於10月19及20日喺大溪中庄調整池登場喇！ ▲ 桃園吉祥物 ~ 阿桃、園哥 繼去年嘅恐龍風箏大戰，今年桃園國際風箏節由阿拉丁神燈風箏領航， ▲ 家傳戶曉嘅阿拉丁神燈 帶領大小朋友暢遊風箏嘅童話世界、風箏空中劇場、風箏裝置藝術等… ▲ 小朋友最愛嘅龍貓巴士 ▲ 藍精靈～十分勁 由亞洲國際風箏聯合會領軍，連同瑞士、法國、美國、德國、新加坡、韓國與台灣等將近20個風箏團隊、百位風箏好手，帶嚟精采嘅國際風箏觀摩秀。 風箏漫天飛舞，融合埋中庄丶土丘景觀旁嘅景觀池、大草坪、景觀平台、自行車道等水文景觀， 為秋天嘅大溪營造最美麗動人嘅畫面，勢必令觀眾目不暇給、流連忘返。 除觀賞各國好手放飛外，仲有樂團演唱同親子唱跳等表演，現場仲特設「打卡送風箏」，每日限時限量送出200份。 歡迎大人細路，一齊嚟體驗優質、有趣、好玩嘅風箏嘉年華。 【2019桃園國際風箏節】 日期：10月19-20日 (星期六及日) 時間：10:00am-17:00pm 地點：桃園市大溪區中庄調整池景觀土丘 資料來源：桃園國際風箏節官網
召喚高達迷！！ 適逢高達40週年，奧海城將於 10月11日至27日舉辦 GUNPLA EXPO 2019。 場內設「高達歷史時光隧道」展示自1978年至今，20套經典高達動畫中登場的1/100比例高達模型！ 是次展覽除了展出亞洲原創的《SD高達世界 三國創傑傳》劉備、關羽、張飛高達巨型立像，會場限定店更提供12款會場首發限定版高達模型以供選購。 高達歷史時光隧道 會場特設「高達歷史時光隧道」紀念高達40週年這個歷史時刻，回顧由最初1979年的《機動戰士高達》至2019年最新《高達創戰者》系列之間的歷史，展出來自20套經典高達動畫中登場的1/100比例高達模型，喚醒高達迷的集體回憶。 首度亮相！迷惘高達紅色機3米巨型立像 首次於香港展出的3米高迷惘高達紅色機巨型立像，將手持日本太刀擺出動感姿勢矚目登場。 同場加映展出多款不同的1/100比例迷惘高達模型將矚目列陣登場。 亞洲獨有《SD 高達世界 三國創傑傳》專區 場內更特別展出《SD 高達世界 三國創傑傳》劉備、關羽、張飛高達巨型立像及最新三國系列高達模型，當中大小二喬高達角色更會明艷登場。 全新動畫模型系列 為紀念高達40週年，多款全新動畫作品陸續登場，其模型系列亦於場內展出，包括《高達創戰潛行者》新作《Gundam Build Divers Re:Rise》動畫、《SD高達世界 三國創傑傳》、《機動戰士高達 THE ORIGIN》電視連載系列及《機動戰士高達 閃光之凱薩衛》作品等。 當中《機動戰士高達 閃光之凱薩衛》登場的機動兵器「潘尼洛普」模型將首次於香港展出。 高達Lighting Room 場內另一焦點是高達Lighting Room，展出具燈光效果的1/60 Perfect Grade高達模型系列，利用電流的轉換過程，可令高達模型長時間處於發光效果。 高達模型教室 小朋友可親手裝嵌高達模型，並由專業導師教導。每節45分鐘，每節名額有限，先到先得，額滿即止。 時間：3pm – 9pm (星期一至五) & 12nn – 9pm (星期六、日) 地點：奧海城2期地下主題中庭 建議年齡：6 – 12歲 12款首發限定版高達模型 限定店提供多款全新高達模型產品以供選購，包括12款會場首發限定版高達模型，限定版將會分階段推出！數量有限，售完即止。 【BANDAI […]
全球熱烈慶祝Hello Kitty 45週年，香港破天荒為Hello Kitty舉辦大型戶外生日會「HELLO KITTY RUN-DERFUL PARTY」。 生日會將於11月一連兩日喺西九文化區舉行，自問係粉絲嘅話一定唔可以錯過喇！ 今次Party主要圍繞3大慶祝活動，真係動靜皆宜㗎！ 1. “Run-derful Night” 有請打碟Kitty! 喺11月1日Hello Kitty生日正日，除咗有慶生環節外，主角Kitty將會以「DJ Hello Kitty」身分現身打碟，勢必High爆全場！ 到時Kitty全晚會以不同造型與粉絲們近距離接觸，你話點可以無你份呢！ 2. “Run-derful Run” 齊齊跑 到第2日，注重健康嘅Kitty邀請大家一齊同佢做運動，參加香港首個Hello Kitty嘅Run-derful Run，做個最可愛嘅健兒！ 3. “Run-derful Picnic” 與你Chill住野餐 跑步嘅同時，Kitty為大家準備左Run-derful Picnic，讓好靜嘅朋友亦可以悠閒地一邊野餐，一邊享受欣賞維港景色。 喺現場仲有唔同主題嘅打卡位、攤位遊戲、期間限定店同美食攤檔等。 【HELLO KITTY RUN-DERFUL PARTY】 日期：11月1-2日 (星期五至六) 時間：(11月1日) 6:00pm-10pm｜(11月2日) 9:00am-6:00pm 地點：西九文化區 官網：按此預定門票 資料來源：Hello Kitty Run-derful Party
今年10月《趁墟》活動嚟到西貢啦！ 今次同西貢海濱市集及西貢周末有機農墟拍住上，一齊聯墟合辦西貢區最盛大嘅市集日。 《趁墟》活動將於西貢海濱長廊舉辦，面向著海天一色嘅美景，可以講係香港最美麗嘅户外市集。 當日聯墟活動會有超過70個攤位，包括本地農夫嘅有機農產品、創意手作、藝術作品及生活攤檔，亦會有水墨畫工作坊、馬賽克工作坊、環保袋製作、臉部彩繪、懷舊遊戲等。 咁多精彩節目，10月6號你點可以唔嚟「趁墟」呀！ 【趁墟．趁理想生活手作墟@西貢海濱】 日期：2019年10月6日 (星期日) 時間：中午12點至下午6點 地點：西貢海濱長廊 免費：即場製作環保袋 (送完即止) 資料來源：西貢海濱樂園購物天地
一年一度嘅「香港素食嘉年華」快將舉行，免費入場，愛地球、愛健康嘅你記得唔好錯過喇！ 嘉年華設有超過70個素食有機攤檔，展示純素產品與食品，與眾同樂。 嘩~~夠晒吸引呀！ 到時有素食烹飪示範，全部免費上課，仲有機會試食添！ 現場仲有兒童遊戲、專業中西醫演講、健康測試檢查、音樂表演等精彩活動。 素食生活為我哋帶嚟無窮好處，素食亦成為潮流，席捲全球。 一齊嚟推動素食生活、低碳飲食文化，響應環保啦！ 【第7屆香港素食嘉年華】 日期：10月6日 (星期日) 時間：早上10點至下午4點 地點：清水灣道1111號三育書院 收費：免費入場 ⭐⭐ 請自備購物袋 + 餐具 資料來源：Hong Kong Vegfest
昂坪360 由9月27日至11月10日 舉辦「童遊時光」懷舊玩具展。 同期加推「港人限時懷舊價」，用開幕價就可以買到來回纜車門票喇！ 成人$88、小童$45及長者$68搭纜車 性價比極高，讓你輕鬆安排一天食﹑買﹑玩體驗！ 「港人限時懷舊價」車票由即日至11月10日，開始於官網發售啦！ 另外，香港居民亦可在到訪當天喺東涌纜車站票務處出示香港身分證(正本)、(11歲或以下小童之香港出生證明書正本或副本)，即可以限時優惠價購買昂坪纜車來回門票(標準車廂)1張，每名香港居民只限購買1張。 昂坪360 「童遊時光」 今個秋日，昂坪360帶大家重溫兒時小玩意，「童遊時光」設有大型打卡裝置及展覽。 包括3米高巨型纜車扭蛋機、飛行棋、七彩扭計骰、趣怪陀螺及拍子簿「東南西北」。 逾3米高巨型扭蛋機，送出2萬個童趣扭蛋 昂坪市集圓形廣場特設逾3米高嘅巨型纜車扭蛋機，打卡之餘又可以扭蛋。 每隻扭蛋內藏不同嘅迷你懷舊玩具，帶給你無限回憶和驚喜，共有2萬個童趣扭蛋。 大獎仲有任天堂Switch、任天堂經典迷你紅白機、經典迷你超級任天堂主機！ 摺紙遊戲「東南西北」 經典課室小遊戲「東南西北」放置於菩提樹下，上面寫滿不同嘅小挑戰。 大家不妨一齊摺一個「東南西北」嚟打卡影相呀！ 「復古跳飛機」 回味童年樂趣 「一齊跳飛機，一、二、三…到你！」喺菩提樹旁嘅地上將會畫上跳飛機圖案，打造復古味十足嘅跳飛機遊戲。 走進玩具時光隧道 昂坪360特意聯同玩具收藏家及「幸福玩具店」店主莊慶輝合作舉辦「玩具時光隧道」。 展出多款經典50至千禧年代香港流行玩具，包括塑膠玩具、鐵皮車、煮飯仔套裝及經典棋盤遊戲。 「週末大笪地」 本地搖搖表演 本地搖搖團體Let’s Yo重臨昂坪360！帶來更驚喜嘅花式搖搖表演，更加入與大眾互動嘅環節，齊齊分享玩搖搖嘅樂趣！ 糖畫工作坊 喺導師指導下，小朋友可自由創作獨一無二嘅糖畫，與家長於昂坪度過溫馨嘅親子創作時間。 幻彩泡藝表演 昂坪360特意邀請本地舞台表演泡藝師Xero Chan，表演出徒手花樣泡泡造型，如手吹泡(大和小泡)、泡中泡等，幻彩昂坪! 吹糖技藝表演 為推廣傳統吹糖技藝，昂坪360邀請咗香港唯一女吹糖師糖姨，免費為你哋捏出唔同公仔造型糖果及吹波糖，加深大家對呢項非物質文化遺產嘅認識。 【童遊時光】 日期：2019年9月27日(五)至11月10日(日) 時間：上午10時至下午6時 (平日) 時間：上午9時至下午6時30分 (周末及公眾假期) 地點：香港大嶼山昂平路111號 昂坪市集 官網：https://www.np360.com.hk 資料來源：昂坪360纜車
踏入秋季，除咗入西貢行山外，有咩活動既可享受出海樂趣、免費玩水上活動，仲可以為慈善出一份力呢？ 10月入嚟白沙灣遊艇會喇，一連兩日嘅「24小時慈善小艇賽2019」，一定可以滿足您以上要求！ 年度盛事 「24小時慈善小艇賽」 係東南亞唯一及香港最大型嘅24小時水上耐力運動比賽。 活動時段橫跨一連兩天，每年同一時間「白沙灣遊艇會」會向公眾開放。 參賽隊伍 賽事喺白沙灣遊艇會對出海面進行，公眾可以喺現場一齊睇住比賽過程。 各支隊伍需於設定之24小時內互相合作，輪流分段作賽，考驗隊員體力同耐力。 活動特色 慈善小艇賽，有好多水上活動免費試玩，包括： 小型帆船、獨木舟、直立板、龍舟及船河，記得早啲入去登記呀！ 競賽村內仲有美食、手作市集、兒童天地、面部彩繪等攤位，充滿嘉年華色彩。 為善最樂 此賽事自2002年迄今第17屆，多年來已為兒童癌病基金及其他選定嘅慈善機構，籌集超過一千萬港元善款。 愛心滿載又熱愛戶外活動嘅您，千祈唔好錯過咁有意義嘅活動啊~~ 【第17屆24小時慈善小艇賽】詳情 24小時慈善小艇賽： 10月5至6日 (六至日) 2:00pm-2:00pm 試玩水上活動時間： 10月5日 (六) 12:00pm-6:00pm 10月6日 (日) 10:00am-4:00pm 地點：白沙灣遊艇會 (西貢白沙灣西貢公路十咪半) 收費：免費入場 資料及圖片來源：The Hebe Haven Yacht Club 24 Hour Charity Dinghy Race
⭐⭐最新消息⭐⭐ 大會宣佈基於安全及交通問題，決定取消「陞域香港沙灘節 2019」。 「第七屆陞域香港沙灘節」將於10月26至27日喺淺水灣沙灘舉行喇！ 場內將會同時舉辦多項精彩刺激嘅沙灘體育活動，包括：堆沙堡壘同樂日、兒童沙灘足球比賽、親子田徑比賽、兒童沙灘競技、國際沙灘水球錦標賽、陞域三重泳挑戰賽、沙灘排球和美人魚表演等等。 堆沙堡壘同樂日 兒童沙灘足球比賽 兒童沙灘競技 國際沙灘水球錦標賽 陞域三重泳挑戰賽 沙灘排球 美人魚表演 「陞域香港沙灘節」免收入場費㗎，部份活動或需預先報名及收費！ 到時仲會有美食同埋冰凍啤酒攤位，大人細路一齊去盡情享受沙灘活動嘅樂趣啦！ 【第七屆陞域香港沙灘節】 日期：2019年10月26–27日 (星期六、日) 時間：上午10時至下午6時 地點：香港淺水灣沙灘 收費：免費入場 詳情：請按此 堆沙堡壘同樂日：請按此 兒童沙灘親子田徑比賽及兒童沙灘足球活動：請按此
秋風起行山好時機！ 有冇諗過有人請你搭船行山？行完仲有餐飲券？之後仲會有獎牌添？ 只要參加愉景灣x運動平台合辦嘅【環愉歷險線上挑戰活動】，就可以拎到豐富禮品喇！ 【環愉歷險線上挑戰活動】詳情 日期：9月12日 至 11月17日 活動：行山 地點：愉景灣以下行山徑及指定Checkpoints (任選其中1條) 行山徑A： 愉景灣 + 愉景灣眺望台 + 老虎頭 行山徑B： 愉景灣碼頭 + 大白灣沙灘 + 林蔭大道 + 中央公園 + 愉景灣酒店 + 愉景北商場 行山徑C： 銀礦灣 + 神樂院 + 愉景灣 步驟： 1. Call齊班朋友一齊嚟愉景灣行山 2. 喺VRace24登記拎船飛 3. 任意行完指定3條行山路線其中1條 4. Upload返你行完嘅路線圖 5. 有獎牌同埋餐飲券送返畀你 (行晒3條，就可以儲齊一套3款獎牌) 禮券名額有限，快啲入去睇吓點樣拎晒啲獎品啦！ 網上登記報名： https://www.vrace24.com/event/171 資料來源：香港愉景灣
Playright 貫徹推行以下宗旨，令小朋友開學都可以keep住玩！ 「好玩社區，孩子成長必需！」 「好玩社區，嚟公園就對！」 「好玩社區，由街坊凝聚！」 「賽馬會智樂好玩社區同盟」 9-10月再接再玩！ 嚟緊新學年依舊一個月兩次，喺社區公園帶嚟各種物資。 歡迎任玩、任試、任變，創造屬於小朋友嘅自由遊戲空間。 中西區、深水埗區、葵青區同大埔區嘅大小街坊們，約定你哋啦！ 所有活動毋須報名，歡迎當區街坊即場參與！ 一齊嚟睇吓 9-10月份嘅日程： 1. 海中心公園@中西區 日期：2019年9月21日(六)、10月4日(五)及10月19日(六) 時間：下午2時30分至5時 地點：中西區海濱長廊 – 西區副食品批發市場段2號碼頭 （港鐵香港大學站B2出口，步程約6分鐘） 2. 青衣東北公園@葵青區 日期：2019年9月20日(五)、10月5日(六)及10月18日(五) 時間：下午2時30分至5時 地點：青衣東北公園草地 – 近長發邨入口 （近青泰苑，長發邨步行約6分鐘；港鐵青衣站A1出口，約步行17分鐘） 3. 大埔海濱公園@大埔區 日期：2019年9月29日(日)、10月13日(日)及10月27日(日) 時間：下午2時30分至5時 地點：大埔海濱公園 – 風箏放飛區對面草坪 （回歸紀念塔及花海附近草坪） 4. 荔枝角公園@深水埗區 日期：2019年9月28日(六)、10月16日(三)及10月26日(六) 時間：下午2時30分至5時 地點：荔枝角公園 （近美孚新邨及門球場B，美孚港鐵站D出口） 資料來源：Playright Children’s Play Association
