Open Tour
SANRIO 迷有福了！ 沖繩那霸市嘅HOTEL OKINAWA with SANRIO CHARACTERS啱啱開幕啦！ 酒店房間以8大最受歡迎卡通人物打造而成，簡直可愛到暈呀！ 1. Hello Kitty 2. My Melody 3. Little Twin Stars 4. 玉桂狗 (Cinnamoroll) 5. 布甸狗 (Pompompurin) 6. 蛋王哥 (Gudetama) 7. PC 狗 (Pochacco) 8. XO (Bad Badtz-Maru) 酒店位於那霸市中心，坐落喺國際通大街上，行去「牧志站」只需2分鐘，地點超級方便！ 【HOTEL OKINAWA with SANRIO CHARACTERS】 地址：〒902-0067沖縄県那覇市安里1-2-25 電話：098-866-0011
今個9月，全港首個最大 Messy Play Carnival 隆重登場！ 呢個瘋靡歐美教育界，激發小朋友感官發展嘅遊戲學習模式，將會一連三日(27-29/9)等你嚟玩！ 一齊進入Messy Play世界，探索屬於兒童嘅天地‼ 三大感觀體驗區包括： 1. 感觀發展區 集合8種天然原材料區包括麥皮、粟米、天然泥膠、麵粉、雜豆、米、通粉、餅乾碎。 配合不同小朋友喜愛嘅主題如恐龍世界、北極生活、動物農場、小小廚房、鏟泥車、海底世界，讓小孩發揮無限想像力。 另外亦會加入安全嘅真實量器如漏斗、餐具等，畀小朋友可以體驗大人嘅世界❗ 2. 五官體驗區 共四個主題區，包括大步走、猜猜我是誰、10米忙碌板(busy board)，感官瓶(sensory bottles)！ 一齊除低襪仔，伸出手仔，豎起耳仔，落足眼力去感受Messy Play世界❗ 3. 自由創意區 重頭戲創意區‼ 共長28米 x 15米嘅自由創意區，將會提供多種不同質感嘅安全顏料，同埋創意用具。畀你同小朋友可以喺毫無拘束嘅情況下，瘋狂發揮創意❗ 另外仲有立體紙屋，小朋友可以一齊打造一間屬於你自己嘅五星級的家‼ 【Messy Play Carnival 兒童感官發展嘉年華】 日期：2019年9月27-29日 (星期五至日) 時間：分3節：10:00-12:00/ 13:00-15:00/ 16:00-18:00 地點：九龍灣國際展貿中心三樓匯星 適合歲數：6個月至8歲小孩 門票：請按此購票 資料來源：Messy Play Carnival HK
一年一度嘅「香港綠色建築週」將於9月21至22日舉行。 今年以「綠建大搜查」為主題，透過連串精彩活動，讓公眾探索和認識九龍東嘅綠色建築，了解綠色建築如何紓緩氣候變化，並鼓勵實踐綠色生活。 話明係嘉年華，當然要有新奇好玩嘅攤位遊戲啦！多個有關 “香港綠色建築” 嘅謎題等緊咁多位綠建偵探幫手破解！ 而「綠趣空間」入面就有好多紙滑梯、特色蘑菇椅子等一系列具可持續性發展嘅紙藝術品俾小朋友同大朋友一齊玩！ 另外仲有非常受大眾歡迎嘅「綠惜市集」，行到攰仲可以享受埋WWF嘅「100%太陽能流動咖啡車」嘅咖啡添！ 重頭戲就有首次舉辦嘅「綠建大搜查定向挑戰賽」，一齊探索同發掘九龍東嘅綠色建築特色，有偵探頭腦又夠晒Green嘅你哋一定唔可以錯過，仲有豐富奬品等緊你㗎！ 呢個有嘢玩又有嘢學嘅綠色嘉年華，仲舉辦咗巴士團同工作坊添～ 咁多嘢玩，快啲叫齊親戚朋友總動員，嚟享受一個綠色假期啦！ <九龍東綠色建築巴士遊> 坐上 “城巴” 嘅電動巴士及開蓬巴士，帶你探索九龍東嘅綠色建築，更有機會入內參觀，認識當中嘅綠建設計。車上亦會有「綠建大使」為大家介紹途經嘅綠色建築特色。 立即預先登記➡️ http://bit.ly/323CC9k <綠色升級工作坊> 以可重用嘅 “環保建築物料” 去創造全新嘅藝術品，學習到綠色建築嘅知識之餘，完成後仲可以將靚靚嘅手作拎返屋企做擺設添！咁吸引，立即按下面連結報名啦！ 環保玻璃燈球吊飾工作坊➡️ http://bit.ly/2Zx4WTS 竹風鈴工作坊➡️ http://bit.ly/2L0nUdr 多肉植物水泥盆景工作坊➡️ http://bit.ly/2Ubuelq 綠建紙模型工作坊➡️ http://bit.ly/2UcdDxM 【香港綠色建築週2019】 「綠色嘉年華」 日期：2019年9月21-22日 (星期六至日) 時間：正午12時至下午6時 地點：九龍灣常悅道8號 建造業零碳天地 活動：九龍東綠色建築巴士遊、升級工作坊、綠「惜」市集、遊戲攤位、導賞團、舞台表演等 「綠建大搜查定向挑戰賽」 日期：2019年9月21日 (星期六) 時間：上午10時至下午1時 起/終點：建造業零碳天地 組別：公開組、企業組、家庭組 獎品：德國KERBHOLZ木製手錶、Elle行李箱、禮品現金劵 ⬇️事不宜遲，立即報名啦⬇️ https://www.hkgbc.org.hk/tch/engagement/public-initiatives/hkgbw/ 資料來源 : 香港綠色建築議會
趁住中秋節一於放鬆吓！「秋日青藝節」將於9月14日(星期六)登陸西九文化區，一系列精彩文化活動陪伴大家追月。 <送精美TOTE BAG或野餐墊！> 免費送入場人士一個Tote Bag或一張野餐墊作為紀念，先到先得，送完即止！ <5大分區 X 打卡巨型發光月兔> 超多打卡熱點！ 「秋日青藝節」共分為5大區，分別係文藝攤檔、工作坊、美食攤檔、主舞台及親子遊戲區，用一日時間先玩得晒呀！ 仲有由本地藝術家卓文設計嘅3米高巨型發光月兔，切合中秋佳節主題，係必去嘅打卡位！ <充氣彈床+人肉保齡> 放電好幫手！ 現場有大型充氣彈床、人肉保齡，喺大草地瘋狂滾動、體驗360度旋轉快感，刺激過癮，絕對係「放電」嘅好地方！ 爸爸媽媽們，快啲帶埋小朋友一齊嚟玩喇！ <60個文藝攤檔> 除咗Busking表演，當然唔少得文藝攤檔，今次會有60個攤檔俾大家慢慢行！ 呢班深藏不露嘅手作高手，有售賣飾物、服裝、皮革產品、玩具⋯⋯到時要儲定彈藥瘋狂Shopping！ <林奕匡X R.O.O.T DUO X小塵埃> 等緊大家！ 當日將有三組唱作歌手到場表演，包括林奕匡、R.O.O.T DUO及小塵埃，演唱多首人氣歌曲。 如果唔想錯過，星期六就要準時喺下午2點入場，一家大細霸定靚位睇Show啦！ <帶埋毛孩一齊參加吧！> 今次活動歡迎參加者帶同寵物到訪，但謹記要加以管束，確保牠們喺任何時候都繫上牽繩，咁樣大家都可以玩得盡興～ <西九藝術公園海濱草坪介紹> 活動當日（下午4時30分至晚上8時30分）將有穿梭巴士來回九龍站A出口和活動場地。 【秋日青藝節】 日期：2019年9月14日（星期六） 時間：下午2時至晚上10時 地點：西九藝術公園海濱草坪 費用：免費入場 資料來源：YouthAndArtFestival Facebook
各位消防迷如果想知多啲消防救護員嘅工作同人員嘅培訓，機會嚟喇！ 消防處將於 10月6日 (星期日) 喺將軍澳「消防及救護學院」舉行開放日，門票會於本月14號免費派發。 開放日嘅節目內容包括： 消防及救護車輛巡遊和多項滅火及救援示範，屆時百勝角模擬鐵路站和消防及救護教育中心暨博物館亦會開放給市民參觀。 當日亦有訓練設施展覽、消防處裝備和特別車輛展示、防火安全教育展覽、與內地同業交流相關的展覽、攤位遊戲、互動投考體驗區和消防工作犬示範等。 【消防及救護學院開放日】 日期：2019年10月6日 (星期日) 時間：上午 9 時至下午 4 時 地點：將軍澳百勝角路11號 ⭐ 市民須憑票入場 (3歲或以下嬰幼兒無需門票) 【門票派發詳情】 派發日期：2019年9月14日 (星期六) 派發時間：上午 10 時開始 派發地點： (1) 上環消防局 (地址：香港上環西消防街2號) (2) 黃大仙消防局 (地址：九龍黃大仙鳳德道28號) (3) 沙田消防局 (地址：新界沙田源禾路26至28號) (4) 消防及救護學院 (地址：將軍澳百勝角路11號) ⭐ 每人限取 2 張，先到先得，派完即止！ 資料來源 : 香港消防處
年過40歲最懶嘅貓 追尋冒險夢 加菲貓係咪你嘅童年縮影? 小時候，我哋透過加菲貓嘅漫畫、卡通及電影，睇住佢整蠱主人、屋企人但又會幫朋友，你仲記得嗎? 等我哋一齊走進【加菲貓40周年特展～再一次，冒險】，從壓抑嘅生活中暫時放鬆一下！ 再次發揮冒險精神，大膽勇敢地向前行吧！ 全台首站 呢個由台灣一手策劃，全亞洲第一場可以任玩、任打卡丶任買嘅加菲貓展覧，今年6至9月席捲台灣！ 你可能唔知道加菲貓嘅進化史，同埋佢嘅身世秘密！？ 嚟呢度一定會搵到答案。 快啲飛去台灣體驗最不一樣嘅夏天喇！ 展覽精選大集合 ※ 20隻加菲貓巨型公仔影到飽 ※ 獨家大規模迷宮，各種難關暗門等你闖 ※ 加菲貓專屬嘅天堂，最好影嘅寶藏密室 ※ 室內小樂園，與加菲貓共享夕陽西下 ※ 中港台三地藝術家合作，20幅聯名作品 ※ 公開插畫家 Jim Davis 嘅獨家影片 【加菲貓40周年特展～再一次，冒險】 日期：6月25日(二)至9月15日(日) 時間：10:00~18:00 (17:30停止售票及入場) 地點：中正紀念堂 2、3展廳 地址：台北市中正區中山南路21號 網址：https://www.kham.com.tw
萬眾期待！ 喺日本教育界打響名堂、再於台灣掀起動物科學熱潮 ~~ 日本頂尖教育互動樂園「變變變！Move 生物體驗展」 於7月起席捲香港！ 今次展覽係日本銷售量高達320萬冊、風靡教育及親子界嘅「動態圖鑑MOVE」嘅延伸，以動物科學為概念，化教育為娛樂，令大小朋友「變身」做不同奇趣動物，了解大自然奧妙之餘，仲可以促進親子關係。 無論你想成為大自然智者，定係化身可愛小動物，又或者想一家大細玩餐飽，呢度都可以一一滿足你嘅願望，同時滿載驚喜等你發掘！ 心動不如行動！快啲睇睇以下展覽詳情吧： 【變變變！Move 生物體驗展】香港站 日期：7月1日至10月20日 時間：上午10時至晚上8時 地點：九龍灣宏照道38號 MegaBox 13樓 售票連結：https://bit.ly/2WpLuHU 官方網頁：https://zukan-moveHongKong.com
有無諗過喺炎炎夏日，可以參與高山滑雪、雪車、雪球大戰等雪地活動呢？ 今個暑假，科學館特別將冬季運動帶嚟香港，畀大家一嘗做冬季運動員，考驗你哋嘅運動技巧！ 香港科學館由即日起舉行「冬季冰運會｣，設置20組互動展品，包括跳台滑雪、冰球、迴轉滑雪和冰壺等。 你可以試試模仿花樣滑冰選手，挑戰高難度嘅旋轉動作，測試個人滑雪速度和射擊眼界，又或模擬坐上雪車，以時速130公里滑行。 另外仲可以參與冰壺活動，學習不同的冰球抽擊方法。 除互動體驗外，展覽詳述每項運動的歷史、比賽形式和規則，以及這些運動背後的科學原理，助你掌握竅門，找出致勝關鍵。 千祈唔好錯過呢個包羅萬有嘅冬季運動嘉年華，快啲體驗雪地活動嘅樂趣，話唔定你會成為下一個冬奧金牌得主！ 科學館【冬季冰運會】 日期： 2019年6月14日至10月16日 地點： 香港科學館特備展覽廳 地址： 九龍尖沙咀東部科學館道2號 開放時間： 星期一、二、三及五：上午10時至晚上7時 星期六、日及公眾假期：上午10時至晚上9時 逢星期四（公眾假期除外）休館 詳情： https://hk.science.museum/ms/wg2019/visitors.html ⭐⭐ 為咗令你喺安全情況下體驗互動展品，參觀時請穿着適合運動嘅衣服同鞋。
「南丫島北段公共圖書館」原址重建工程完成，由即日起重新開放。 為配合大樓「沿海而閲」的概念，新落成的圖書館設有窗邊座位，為區內居民提供更舒適及多元的閱讀環境。 圖書館及歷史文物室 新落成的大樓樓高三層，一樓及二樓為「南丫島北段公共圖書館」新址， 閉館重建後於6月24日 (星期一) 重新開放，館藏逾27,000項。 地面樓層為「南丫島歷史文物室」，將展出南丫島的出土文物、以往的家居用具、農具、漁具、考古發現及相片等。 設計 此建築以「一本關於南丫島的書」為設計概念，外形看似多條長形木條或竹簡排列而成的書，凸顯其用途之一：圖書館。 同時亦通過中國書法，於混凝土外牆及側面木條上刻畫南丫島的歷史文化，而混凝土外牆上刻有宋朝思想家、詩人朱熹所著的詩《觀書有感》。 “半畝方塘一鑑開，天光雲影共徘徊。 問渠那得清如許？為有源頭活水來。” —— 朱熹《觀書有感》 因應南丫島臨海建築物多以半開放式設計，下層歷史文物室的設計也採用了相同設計，使海成為展品的一部分，與周邊環境融合，讓你一次過感受到大自然和文化氣息。 【南丫島北段公共圖書館及南丫島歷史文物室】 地址： 南丫島榕樹灣大街1號 開放時間： 星期一至三、五及六：上午10時至下午1時及下午2時至6時/ 星期日及公眾假期：上午10時至下午1時/ 星期四：休息
職業體驗活動 ~ 今個暑假載譽歸來！ 每個小朋友都有佢嘅Dream Job，想實現夢想，唔使等到大個嘅，參加挪亞方舟嘅暑期特備活動「快樂夢想特工隊」喇！ 咁就可以體驗多個奇趣職業 —— 包括畫家、海洋生態探索家、森林保衛員、牙醫、消防員、機師 以及廚師，畀小朋友感受各個職業嘅樂趣之餘，仲可以培育美德同品格強項！ 微笑牙醫事務所 化身小小牙醫，認識口腔護理的知識，體驗牙醫的日常工作，利用模擬工具協助病人檢查牙齒，成為別人的牙齒守護天使。 精英消防體驗營 投考小小消防員，學習防火知識，勇闖模擬火警現場，在煙霧中勇救身陷火場的災民。 飛凡機師訓練中心 置身於駕駛艙場景，手執先進的模擬駕駛器，一嘗飛行訓練滋味，實現小朋友的飛行夢之餘，更可提升小朋友的判斷力及合作精神。 星級小廚神學堂 應徵見習小廚師，親手炮製經典香港地道小食蛋撻，大顯身手，與摯愛親朋分享美食！ 未來夢想畫廊 拿起畫筆，發揮創意繪出您心中的理想城鎮，由您這個小小畫家為城鎮裡的點滴注入色彩，再揉合科技轉化成巨型數碼屏幕上的動畫，建構一個美麗城市。 海洋生態探索號 海洋生態正面臨破壞，全因人類濫用除蟲劑、隨意倒倒污水廢物、拖網捕魚等，化身海洋生態探索家，進入海底世界協助保育海洋資源。 森林保衛大本營 全球城市化步伐加速，令森林樹木等大自然珍貴的資源慘遭破壞，加入成為森林保衛員的一份子，令美境重現。 想俾小朋友過一個充實兼滿「Fun」嘅暑假，事不宜遲，立即報名幫佢哋實現夢想喇！ 【快樂夢想特工隊】 日期： 2019年7月13日至9月1日 (逢星期六及星期日) 地點： 香港挪亞方舟 地址： 新界馬灣珀欣路33號 活動詳情：noahsark.com.hk
