呢間Cafe原本喺錦上路，最近搬咗去元朗，交通更為方便~ 餐廳環境好溫馨，好似置身於日本家庭料理小店，食物質素都唔錯~仲有多款甜品選擇~ 呢個係店內人氣打卡位~餐廳座位比較少，去之前記得預約~ 假日去飲杯嘢，食件cake，再影多啲靚相~ 日本黑豚咖喱飯 海老天丼定食 食物質素唔錯，分量都幾多~仲有多款茶飲及甜品 焙茶小栗馬德蓮 無花果焙茶蛋糕 Chit Chai 地址：元朗裕榮徑11號好旺洋樓地下17號舖 圖片來源：@daydaycheckin、@aimei.hk
就到年尾，係時候約班朋友食餐好，敘敘舊啦~ 呢間居酒屋一次過滿足你想打邊爐，食燒肉嘅願望，壽司、刺身同甜品都有齊~ 食物選擇多，座位舒適，好啱朋友或者家庭聚會！ 餐廳有5000呎，店內裝潢讓人感覺就像置身於日本居酒屋~ 仲有卡位坐，私隱度高，唔怕講嘢隔離位會聽到啦~ 北海道牛乳長腳蟹鍋 天氣轉涼，食個暖笠笠嘅北海道牛乳鍋，配上鮮美嘅長腳蟹同多款配料，好正呀！ 仲可以自選配料，可以揀和牛或者雪魚或其他配料~ 北海道牛乳雪魚鍋 澳洲和牛火鍋 豐森什錦拼盤 冬天當然唔少得燒肉啦，豐森什錦拼盤集齊多款肉類，分量充足！配返杯啤酒正呀~ 提提大家，依加餐廳做緊優惠，20:30後所有酒精類飲品半價！同朋友坐耐啲飲返幾杯，好抵呀！ 食燒肉嗌返啲沙律就更加清新~ 餐廳嘅沙律都好吸引㗎！推介豐森沙律同間八魚野菜沙律。 豐森沙律 間八魚野菜沙律 豐森精選壽司盛 有十款壽司，用料新鮮，食落鮮甜美味。 豐森卷 三文魚子配上海膽再加上金箔，個賣相就好IGable！口感豐富，一口一啖，非常滿足~ 餐廳仲有多款時令刺身及烤魚~都係日本直送㗎！ 連子鯛刺身 燒原條日本魚 時價 依加餐廳推出咗多個優惠： 優惠1：20:30後所有酒精類飲品半價 優惠2：每檯滿4位客人消费滿500蚊,可加1蚊享用象拔蚌刺身1隻 優惠3：外賣自取85折 快啲約啲朋友食餐好嘅，一齊歡慶多個節日啦！ 豐森水產 地址：元朗馬田路80號御庭居商場地下6-7號舖 電話號碼：29443336/52858568 營業時間：星期一至日 11:30-15:00/17:00-23:00
唔少人都鍾意去元朗食好西～ 梗係啦！元朗有咁多食肆，要食勻所有餐廳真係唔容易～ 有見及此，小編為大家搵嚟6間元朗必食餐廳～ 就算係晏就定夜晚入元朗都可以食到高質美食！ 一齊睇吓有邊幾間啦～～ (排名不分先後～～～) =========================================== 1. 立哥麵家 想食原條鰻魚飯？元朗有一間好介紹～ 呢個蒲燒原條鰻魚飯真係好受歡迎！ 大大條鰻魚相當厚身，啲肉冇細骨又夠嫩滑！ 下面仲有塊薄薄既半熟煎蛋～ 最吸引嘅地方係可以任點鰻魚汁呀！ 想每粒飯都吸收到鰻魚精華完全唔係問題！ [instagram photo=”Bef1YYtHkf8″][/instagram] INFO. 地址：元朗教育路93號鴻發大廈地舖 ================================== 2. 覓食家 呢間餐廳之前都已經同大家介紹過， 咁大隻雞脾真係唔係周圍食到！ 雞皮炸到又香又脆～～ 雞脾亦無多餘油份，肉質嫩滑多汁！ 嚟到元朗一定要試吓！ [instagram photo=”BhTQW7qlABH”][/instagram] INFO. 地址：元朗鳳翔路33-43號鳳翔大廈地下4號舖 ================================== 3. 薄荷葉泰國菜 元朗想食泰國菜，一定有唔少人介紹佢！ 被一層薄薄既煎蛋皮網包著嘅蝦醬炒飯，賣相吸引！ 外面仲放咗香草、蝦同魔鬼魚乾～ 而佢哋嘅泰式炒金邊粉、咖哩大蝦、菠蘿炒飯、馬拉箋炒通菜亦相當唔錯～ 客人仲可以揀坐喺戶外座位享受美食， 真係好有泰國風味啊！ [instagram photo=”BpbWFUSBIl-“][/instagram] INFO. 地址：元朗安康路怡康大廈地下12-13號舖 ================================== 4. 永順食店 呢度嘅沙嗲牛肉麵係人人食過都會讚！ 激濃郁湯底，仲有勁多花生粒～ 牛肉份量亦相當多，而且好嫩口！ 惹味到不得了，一食就愛上！重口味至愛～～ 就算轉出前一丁麵都唔洗加錢！ [instagram photo=”Brt6xRcANBB”][/instagram] INFO. […]
