Open Tour
錦田新開咖啡店，室內有個超有度假feel 嘅打卡位，類似於摩洛哥洞穴咁嘅室外打卡位，室外位置由一幅高墻圍住，可以喺度Chill 下打卡影相，都唔怕比人打擾或者望住，不過餐廳只係開放星期六日及公眾假期，平日就唔好過嚟喇，費事摸門釘~ 餐廳提供多款輕食，包括Pizza、酸種麵包、沙律、咖啡同埋甜品，仲有朱古力Brownie都係呢度必試嘅甜品。 呢度仲係pet friendly，店主都鼓勵大家可以帶寵物嚟一齊打卡。 呢度俾小編嘅感覺仲有小小似旅遊景點啲遺址咁~ 不過假日大家嚟到附近要注意個停車場真係水洩不通，大家一定要俾啲耐性做好心理準備喇！ La Cafeteria 地址：390-400, Red Brick House, Kam Sheung Road, Kam Tin Hong Kong 營業時間：星期六、日及公眾假期 10:30-19:00（暫不接受預訂,只可Walk in） 圖片來源：IG@joman316、@manman.hygge、@daydaycheckin
位於元朗街市內嘅一條燈籠節，每年到咗呢個時候都人滿為患~超級多人喺度揀燈籠！入面掛滿色彩繽紛嘅燈籠，有金魚、燈籠、兔仔款式，仲有個超大型燈籠可以俾打卡影相打卡。 如果大家都想去呢個地方影相打卡，記住要早啲去到，如果唔係到時候超級多人。 大家如果都想趁中秋節過嚟影相打卡，記住要提早過嚟，人小小嘅時候影。 都建議大家可以影近鏡人像，咁就可以避開人群。 大家仲可以帶埋個寵物嚟一齊影相喔~ 燈籠街（元朗大橋街市） 地址：元朗康樂路大橋街市 交通：郎屏站步行5至10分鐘可到達 時間：06:00-20:00 圖片來源：@dinglalalalala、@teatea.lee、@freddy.frenchie
想兩手Fing Fing 去Glamping？酒店Staycation就去得多喇，不如嚟番個親親大自然Glamping喇~位於元朗八鄉逢吉新村，佔地逾15萬平方公呎，群山環繞，環境非常清幽~營地分為三個營區，包括A Zone專屬汽車露營區、B Zone魚塘邊森林區、K Zone豪華特色露營區，仲有個Special Area 魚塘獨享專屬區，放假去玩介紹又點會咁簡單！仲有 War Game 體驗，一定令營友玩得盡興！ 今篇文小編主要推介K Zone豪華特色露營區，更可以遠眺元朗雞公⼭。 豪華印第安露營區，全港獨家魚塘邊觀景台，竹林底下就係露營區，訓醒仲可以見到個魚塘同竹林，擁有獨立露台連冷氣~ 嚟露營梗係兩手fing fing 就去喇~營地設施有印第安營 (3.5m X 3.5M)、兩張氣墊床、花布、復古營燈、露營⽊枱、露營⽊櫈、串燈，最後當然唔少得冷氣機喇。 知道大家平時去露營一般都係唔沖涼，嚟We Camp就一定唔會擔心無得沖涼，喺營地行去K Zone 位置就有共享獨立洗手間，咁就可以沖完香噴噴番去休息喇~ *水深危險 注意安全 未經許可 不可進入* 營地同營地之間仲有保持間距，等大家各自玩得盡興之餘又唔會騷擾到其他人。 露營梗係要BBQ喇，呢度仲有個BBQ場地，大家入住時記住加購半日野餐聚會（建議4人使用）。 如果入到營地先發覺自己有嘢帶漏，唔洗擔心~呢度仲有多款露營裝備可供出租。 詳情： 2日1夜體驗（建議2人入住） 平日：$1000 ｜ 週末及公眾假期：$1200 *以上價格已包含2人WeCamp入場費及2人設施 *如多於2人入住，需收取額外客人的入場費用（每位$180） *第三及第四位客人需自備或租借額外的露營用品 *營位入住人數上限4人 *如客⼈需要額外租⽤裝備請參考裝備價⽬表 半日野餐聚會（建議4人使用） *時段A :1400-1700 平日：$500 周末及公衆假期：$700 *時段B :1600-2000 平日：$600 周末及公衆假期：$800 *時段C :1400-2000 平日：$800 周末及公衆假期：$1000 *時段D :1800-2000 平日：$700 […]
今次小編帶大家遠離城市，去到位於元朗郎屏士多啤梨葡萄園，佔地超過10萬呎！平時摘士多啤梨就聽得多喇，喺香港可以摘提子真係比較少見，一粒粒都圓潤飽滿，仲要無時間限制，任你摘~大人細路都一樣啱這~ 場地佔地10萬呎，兩邊仲有條小路俾大家影相打卡~不過都建議大家嚟嘅時候最好帶啲防蚊用具，盛夏都比較多蚊蟲。 一串串提子，建議大家可以拎埋個籃同教剪，咁就唔怕剪爛。 園主建議約7月就係開始摘巨峰提子嘅季節，呈深黑色，濃甜無核。 香印提子就係7月至12月為最佳季節。 仲有多款農作物俾大家摘。 呢度仲有燒雞食 朗屏士多啤梨葡萄園 地址：元朗大棠路大棠村（球場側） 交通：朗屏西鐵站轉K66巴士（大棠站落車）｜元朗千色廣場（停車場路口對面）大棠村落車 電話：9251 8926 收費：免入場費 圖片來源：@pinkywu20、@peony_bay、@___chrischu___
大家平時入元朗，都會食永年士多嘅名物車仔麵？今次有新嘢！永年士多「經典早餐」回歸喇！有爺爺腸粉餐、沙爹牛肉麵、糯米雞餐同五香肉丁麵！依家仲有個腸粉快閃優惠，只需$8就有一份腸粉（4條）再加任揀兩款經典小食！優惠期由2021年6月7日至6月13日，快啲嚟食喇！ 即刻睇有咩食。 快閃優惠，$8有一份腸粉（4條）連任選兩款經典小食。 小食方面，有燒賣、魚蛋、豬皮、蘿蔔、腸仔、芝士腸同烚蛋。 爺爺腸粉餐，腸粉（4條）、經典小食（配2款）、熱飲。 大滿足糯米雞餐配熱飲，糯米雞非常足料，新鮮熱辣。 五香肉丁麵配熱飲（可選公仔麵或米粉），有牛油方包、烚蛋或玉子蛋卷。 食腸粉梗係唔少得冠珍醬油。 入面仲有多個打卡位，嚟到就唔好錯過喇！ 永年士多（腸粉快閃優惠-只限堂食） 優惠只適用於以下地址 元朗教育路88號寶城洋樓地舖2-4號 尖沙咀加拿分道46號地下7-8號舖 銅鑼灣謝斐道482號兆安廣場地下7-9號舖 優惠期：2021年6月7日至13日
元朗區嘅呢間古董cafe原址非常偏僻，而且店舖位置較少，遷至新址後空間更大，並區分小花園和餐廳位置，餐單上依舊提供招牌自家製法式可麗餅、意粉同各款輕食。 新店有個小花園，入面又唔同嘅盆栽、花、凳比大家喺度影相！ 設計依舊沿用黑色主調，並保留原有復古梳化和大盞水晶吊燈，大家可以係呢個陳列室區域入面選購自己心愛的傢俬，又可以俾喺度休息。 今次將用餐具和陳列室兩個區域分割開，而且採用透明凳同餐桌，整體感覺非常特別。 煙三文魚配忌廉芝士可麗餅，賣相好吸引，入面有隻半生熟太陽蛋，兩邊更有煙熏三文魚做陪襯，食落味道唔錯。 黑松露香煎帶子意粉，意粉份量都幾多，帶子食落帶點黑松露香氣，爽口彈牙。 蝶戀花荔枝冰（圖：左起），蝶豆花嘅紫色非常吸晴，味道酸甜清爽！士多啤梨綠茶冰（圖：右起），消滯解渴，士多啤梨配上綠茶口感好清爽！ Muse Furniture Lab 地址：香港元朗八鄉錦上路26號C舖 電話：6388 8824 營業時間：12:00-17:00(敬請預約) (逢星期二休息) 圖片來源：IG@pcyf、@msliy.cafelove
各位日本迷有福啦！位於元朗嘅「YOHO MALL形點」同日本青森縣合作，打造咗一個「小青森—都市農莊」 商場內嘅YOHO Urban Farm打造成充滿日本風情嘅風格，好似去咗日本一樣！ 商場更重塑青森縣四大特色，以津輕風鈴、弘前櫻花、完熟蘋果同埋睡魔祭典 為大家準備四大戀風「森系」打卡大型裝置，而晚間更會亮起燈飾，令人眼前一亮 第一個必影場景就係歷史悠久嘅「青森睡魔祭」，日本參與祭典嘅小朋友都會提著「金魚睡魔燈籠」，幫忙趕走睡魔 商場更邀請咗津輕睡魔村經驗豐富嘅職人，以傳說中會帶來幸福嘅「津輕錦」金魚作設計藍圖，全手工製作立體「金魚睡魔燈籠」， 高70cm嘅燈籠早前已被日本國內媒體率先報導，大受歡迎！ 由多個「金魚睡魔燈籠」打造成嘅金魚燈海裝置勁夢幻，燈籠更會於夜間發亮，好靚啊 第二個必影場景就係「聲の步道」，青森津輕地區嘅手工琉璃一向都好出名 今次YOHO MALL會喺長逾16米嘅「聲の步道」展示超過300個津輕風鈴 配合晚上嘅閃爍燈飾，好似有繁星相伴一樣，勁浪漫！ 而青森縣素有「日本櫻花百選名所」嘅美譽，所以商場亦打造咗長30米嘅夜櫻步道 大家可以一邊賞花一邊打卡，好似踏進青森縣賞櫻秘境「弘前公園」嘅散策一般，見證「夜櫻花明」一刻 最後當然唔少得同青森蘋果有關嘅打卡位！ 青森縣盛產香甜蘋果，呢個以信濃甜蘋果作為外型，高達3.5米嘅蘋果小屋夠哂別緻 屋內更放置咗一棵「參天蘋果樹」，有靚靚燈飾圍繞，加上調柔和小夜燈，好似身處童話世界一樣 另一重點係YOHO MALL會將日本青森蘋果送畀大家，完熟蘋果由日本著名「木村果樹園」嘅名種蘋果樹種植， 大家只需於商場社交媒體專頁參加推廣活動，即有機會獲得此樹出產嘅純正「蜜入群馬名月蘋果」， 稍後直送到港贈予嬴取嘅愛侶，可以共享甜蜜滋味 另外，The Point by SHKP會員以指定會員積分，即可換領日式祈願繪馬，將願望寫上中間嘅蘋果圖案小木板， 用嚟送畀朋友/另一半都OK！ 「小青森—都市農莊」更會以蘋果做主題，舉行多個活動，好似有DIY手作坊、光影主題祭典同埋手作甜品體驗等等 場內餐廳亦會推出蘋果主題美食，好有去咗旅行嘅感覺！ YOHO MALL「小青森—都市農莊」 主題裝置︰ 活動日期︰即日至4月6日 活動時間︰上午10時至晚上10時 活動地點︰YOHO MALL I 地下園林 「青森光之祭典」︰ 活動日期︰3月27日至28日 活動時間︰下午3時至晚上7時 活動地點︰YOHO MALL I地下園林 祈願繪馬換領︰ 活動日期︰2月9日起請登入SHKP Malls App活動頁面 換領攻略︰The Point會員憑1,000積分即可換領
元朗最近開咗好多新咖啡店！ 呢間韓系咖啡店「AFTER TEN 」門口有落地大玻璃，採光度十足，而且店內樓底好高，空間感強 閒日去唔需要等位，安靜嘅環境好適合畀自己一個時候休息一吓 [instagram photo=”CIffKLcDWss”][/instagram] 入面以簡約設計為主，無咩雜物，好多人去會坐喺畫下面打個卡 [instagram photo=”CIVKjKgHfgV”][/instagram] 睇相就好似去咗韓國嘅cafe一樣！ [instagram photo=”CIiTV93AtwI”][/instagram] 食物方面，雖然選擇唔多，但有意粉、包點等等供應 [instagram photo=”CIf86JvFmDV”][/instagram] 畀人感覺非常治癒 店內位置唔多，但空間感十足，完全唔會有壓迫嘅感覺 佢哋嘅咖啡偏苦，熱飲都算大杯，可以一試 AFTER TEN 地址︰元朗教育路75號京都閣地下3號舖 圖片來源︰hkbellyhungry、sukiliana_0_0、lizeatery 、imsze.sze15
元朗又有打卡好去處啦！ YOHO MALL為咗迎接聖誕，特意打造咗新界商場中最大而且首個開放畀公眾參觀嘅都市農莊「YOHO Urban Farm」 商場仲邀請咗本地有機耕作組織Grow Something 2位80後創辦人兼農夫舉辦都市農莊體驗導賞團， 等大家可以認識多啲農耕種植小知識！ 除咗室外農莊，商場中庭亦打造咗2,500呎嘅「聖誕森の花園」 用咗蕾絲布藝打造聖誕花園，當中必影6米高炫白夢幻聖誕樹、由閃爍聖誕花圈組成嘅「星空花圃」同埋「花影長廊」 呢個6米長「花影長廊」靚，行入去就好似置身童話世界一樣， 個個場景都好浪漫又好靚！ 商場優化後嘅戶外白鷺花園仲會打造成夢幻花海，一定要嚟打卡 YOHO MALL聖誕「浪漫園林之旅」+ 室外「YOHO Urban Farm」 日期︰2020年11月20日正式開放 (The Point by SHKP會員可於14-15/11優先參觀) 時間︰全日開放 (惡劣天氣除外) 地點︰YOHO MALL I 地下園林 及 白鷺花園 YOHO MALL 室內「森の花園」 日期︰2020年11月12日至2021年1月3日 時間︰上午10時至晚上10時 地點︰YOHO MALL I中庭
元朗近年愈來愈多靚靚cafe 好似呢間8cm Coffee 就以綠色同白色為店鋪主色，界人一種自然又舒服嘅感覺 店內外環境非常適合打卡，一定要約埋閨蜜一齊去！ [instagram photo=”CGCrjWfBTSU”][/instagram] 秋天天氣最啱坐室外位！ [instagram photo=”CErRUizAgh_”][/instagram] 如果室外咁啱無人坐，影返入黎都好靚！有一種去咗歐洲嘅感覺 [instagram photo=”CGcDsS5D9GA”][/instagram] 室內都畀人一種小清新感覺，加上店鋪透光，成個環境都好舒服 [instagram photo=”CGBYAT3Bn1O”][/instagram] 坐室外就可以帶埋毛孩嚟，幫佢扮靚靚再打個卡 [instagram photo=”CERd0m_D7qG”][/instagram] 門口真係好有外國風情！ 8cm Coffee 地址︰元朗鳳攸南街9號好順利大廈地下14號舖
