有唔少朋友每次去旅行，都鍾意揀啲有特色嘅酒店住～ 如果你都係其中之一，咁就要留意吓呢間酒店喇！ 最近日本有間五星級酒店同日本藝術家村上隆合作， 推出全球第一間嘅「七彩笑臉花主題房」！ 其實村上隆一直都有同唔同品牌合作推出聯名商品， 不過主題房就真係第一次喇！ 仲要係由村上隆親自操刀設計㗎！ 喺房裡面擺放咗同笑臉花有關嘅雕刻、藝術品等十幾件作品， 令客人完全投入喺呢個繽紛世界之中！ 床鋪上亦放置笑臉花公仔， 至於客廳亦掛上笑臉花嘅插圖、地毯、裝置藝術等～ 睇見心情都變好啊！ 除咗視覺享受之外，仲有味覺體驗！ 房內可以品嚐到笑臉花主題美食，賣相有幾吸引喎！ 仲有埋笑臉花指甲彩繪體驗等！ 呢間咁特別嘅酒店套房，每日得一組客人可以入住～ 係咪好想成為幸運兒呢？ （圖片來源：グランド ハイアット 東京） Grand Hyatt Tokyo 期間限定：2021年1月9日至6月1日 地址：東京都港区六本木6-10-3 [map url=”https://www.google.com/maps/embed?pb=!1m18!1m12!1m3!1d3241.6980860430135!2d139.7262286150739!3d35.65980943875429!2m3!1f0!2f0!3f0!3m2!1i1024!2i768!4f13.1!3m3!1m2!1s0x601889bbd9884b49%3A0x9528653e10d064b1!2sGrand%20Hyatt%20Tokyo!5e0!3m2!1sen!2shk!4v1617201037070!5m2!1sen!2shk”][/map]
