Tag: 台灣購物

賞櫻旺季又嚟喇！雖然疫情之下冇得去旅行賞櫻， 但櫻花季嘅限定商品依然冇少到！ 就好似擁有80年歷史嘅台灣老協珍，一向嘅健康同美顏食品都深受歡迎！ 而佢哋最近仲同Sanrio合作，推出限定商品， 就係呢兩款Hello Kitty牛奶鍋，係咪睇見都心動呢？ 今次推出嘅主題係「夢幻賞櫻季」～ 兩款牛奶砂鍋分別以日櫻、櫻雨景緻為主， 可以直火加熱，小巧得嚟夠哂實用，就算屋企唔大都可以擁有！ 呢個粉色櫻花款嘅牛奶鍋，有埋大大個Hello Kitty喺鍋身～ 係咪好可愛呢？ 另一款係藍綠色牛奶鍋， Hello Kitty配上色彩繽紛嘅櫻花， 係咪好有春天嘅味道呢？ 兩款砂鍋可以用嚟煮麵、煲粥～ 不過限量發售，各位Kitty迷～ 有興趣就入手啦！ INFO 開賣日期：2021年3月18日起 尺寸：碗口直徑15cm 容量：1000ml 重量：750g 詳情：日櫻款 / 櫻雨款 圖片來源：官網

By Katie Lo

March 17, 2021August 5, 2022

三月份係櫻花季～ 除咗賞櫻花之外，又點少得入手期間限定嘅商品呢！ 最近午後紅茶做緊推廣！ 只要買夠一定數量嘅午後紅茶系列就會送水晶球！ 水晶球晶瑩剔透，裡面清楚見到以粉紅櫻花色為主色， 令人即係聯想起春天睇櫻花嘅畫面啊 ！ 仲有另一款係經典紅色～一樣咁靚！ 輕輕搖一搖櫻花水晶球， 櫻花仲會閃閃發光咁飄落嚟㗎！ 有埋P助同粉紅兔兔，可愛度爆哂登啊！ [instagram photo=”CMPbBLpA8Ac”][/instagram] 不過暫時只係得台灣7-ELEVEN獨家出售， 大家唯有睇住相先啦～ [instagram photo=”CMPpRm0rx39″][/instagram] INFO 推廣期：2021年3月10日至4月6日 出售渠道：台灣7-ELEVEN 來源：台灣麒麟KIRIN

By Katie Lo

March 15, 2021August 5, 2022

出街，梗係要戴口罩！ 人人都戴口罩，款式已經愈嚟愈多， 七彩顏色、卡通人物、有花紋，呢啲已經out哂～ 要戴就梗係揀最新嘅鈔票造型口罩啦！ 最近台灣推出咗五款以鈔票為造型嘅口罩，叫做「行走提款機」~ 一盒有五款面值嘅鈔票造型， 包括$100、$200、$500、$1000、$2000，每款各兩個！ 口罩有三層，相當透氣！ 無論口罩用料定係生產過程，都係嚟自台灣㗎～ 亦符合國際標準，大家可以放心用～ 戴著呢個口罩出街，唔單止夠哂吸睛， 仲係最強嘅招財護身符！ 不過而家只係得台灣版～ 唔知幾時可以出返個香港版呢？ 鈔票造型口罩 詳情：官網

By Katie Lo

March 8, 2021August 5, 2022

嘩嘩嘩！小編有新發現！ 最近台南連鎖茶飲品牌紅太陽推出咗「巨無霸仙草魚露」 [instagram photo=”CGM2-lwnc9q”][/instagram] 外形其實係放大版嘅日本魚仔豉油瓶， 見到啲人揹著呢條魚出街，真係好得意啊～ 回頭率100%！ [instagram photo=”CGEYJGRnHpK”][/instagram] 紅色樽蓋部分正正係魚嘴，裡面裝滿清涼嘅仙草， 啱哂台灣人嘅口味！不過其實小編都好想試吓～ [instagram photo=”CGIKev2njF0″][/instagram] 無論大人定小朋友，相信都一定好想買返個！ [instagram photo=”CGKw5HCgMdj”][/instagram] 不過呢個巨型版嘅仙草魚露只係喺台南先有，而且限量發售～ 如果香港都有得賣就好！ [instagram photo=”CGq1ZYHDIMP”][/instagram]

By Katie Lo

October 30, 2020August 5, 2022