Open Tour
因為歷史關係，國共戰爭令很多中國有名廚師跑到台灣去，飄香六十多年的沁園春，將地道的蘇揚點心，江南小吃流傳於台灣，如果你喜愛中國菜，定必會喜歡江浙菜，餐廳位置在台中火車站附近，方便好找，去台中記得試試啊! 地址:台中市中正路71號 電話:(04)2220-0735 營業時間: 10：00~21：00 (年中無休) [youtube youtubeurl=”P4sQCW8DJ_4″][/youtube] 特別鳴謝: 台灣觀光局 – It’s Time for Taiwan – Hong Kong and Macau 臺中市政府觀光旅遊局 沁園春 包車旅遊阿勳假期/台灣寶島自由行 全台景點攻略 大川年旅行社股份有限公司 Wiyo HK Zurich 旅遊保險 (香港) Opentour 開團 多謝演出 Felice Girls Trips 三個女生遊記 Travel with Stella SuperChaveller 超級查花飄遊記
何謂賢良淑德? 當然是入得廚房出得廳堂啦，如果仲識得DIY 太陽餅，簡直係人見人愛呀! 臺灣太陽餅博物館在一間過百年的建築內，經過專業設計團隊的再造，讓老建築重現光彩，並巧妙地融合台中在地傳統產業特色，讓充滿歷史韻味的糕餅文化及百年古蹟激盪出令人讚嘆的火花。 來這裡不只有得食，仲可以親手製作自己的太陽餅，想變得人見人愛，你都來[台灣太陽餅博物館]玩下啦! [youtube youtubeurl=”fcJhMGeBtTU”][/youtube] 特別鳴謝: 台灣觀光局 – It’s Time for Taiwan – Hong Kong and Macau 臺中市政府觀光旅遊局 台灣太陽餅博物館 包車旅遊阿勳假期/台灣寶島自由行 全台景點攻略 大川年旅行社股份有限公司 Wiyo HK Zurich 旅遊保險 (香港) Opentour 開團 Felice Girls Trips 三個女生遊記
相信有唔少人都去過台北、高雄旅遊，但唔知台中又去過未呢? 台中有一間超人氣餐廳 —–「叉子意式親子餐廳」，據說花上大半天時間待在餐廳都不出為奇，等你睇完小編嘅介紹，你便會有「非到此一遊不可」嘅諗法! 位於台中嘅叉子意式親子餐廳是採用自助餐飲的方式，為顧客提供意式料理餐點。而餐廳最特別之處，莫過於擁有一個提供免費挖沙工具的大沙坑供小朋友玩樂，因而被定位為一間親子餐廳。 為咗配合「慢活、慢食、環保」嘅概念，餐廳周圍出現一隻又一隻嘅蝸牛建築，令到整個餐廳建築都充滿氣派，鼓勵顧客細味人生。 雖然呢間餐廳跟其他有名嘅餐廳一樣咁受歡迎，但唔會限制客人嘅用餐時間。餐廳設計簡樸，以純白和原木色為主，餐廳一共分成三層樓，樓底高加上空間非常大。即使坐係邊個角落，陽光照射下令室內更加明亮，令人份外舒適和自在! 介紹完餐廳的環境，呢度嘅食物都有相當水準，而且價錢合理、份量十足，只要決定好就可以自行到吧檯點餐和付款。小編想趁機向大家推介幾款味道唔錯嘅美食，下次嚟到不妨一試! 荔枝原味鬆餅 (NT138) 瑪格麗特披薩(Pizza Margarita) (NT268) 白酒燉牛肉蔬菜特飛麵 (NT320) 甜羅勒花椰菜蘑菇細扁麵 (NT198) 五色蔬果汁 (NT98-150) 台中叉子意式親子餐廳 營業時間: 08:30至22:00 位置：台中市西屯區府會園道6號 前往方法： 1.搭乘BRT或公車於台灣大道上的台中市政府站下車:需步行約10分鐘。 2.搭乘公車於惠中路上的惠中市政北三路口站下車:步行約3分鐘。
吃火鍋不是冬天的專利，小編身邊有唔少朋友去台灣，都中意搵個機會食火鍋，因為台灣的確有不少出色嘅火鍋餐廳，有以食材做賣點，亦有以湯底做賣點，唔知愛好打邊爐嘅你又去過Hello Kitty Shabu-Shabu主題火鍋餐廳未呢? 之前就介紹咗台北一間主題餐廳—–鬆弛熊咖啡廳，今次呢間只不遜色，一樣咁受歡迎，主打日式涮涮鍋，非常適合將會去台北嘅你同朋友架! 餐廳提供四款湯頭，分別是北海道昆布湯、招牌地獄麻辣湯、鮮蔬豚骨湯、活力充沛番茄湯，的確有不少人食過之後，都對餐廳的湯底讚不絕口，到時你又試下係咪真係名副其實！ 肉類的價格由NT450起，至於主餐方面，小編建議大家點套餐，當中已經包了湯底、新鮮野菜拼盤、肉品或海鮮、主食、附餐 (茶碗蒸、甜品)。就算係素食嘅朋友都唔洗擔心，你可以點新鮮野菜素食鍋 (NT350)。 而飲料方面，要另外散點嘅，比較特別及有特色就係「夢幻泡泡」(NT150)，檸檬冬瓜茶配搭彈珠汽水混合而成，效果又真係出乎意料之外嘅好味，值得一試啊! 值得一提嘅係，餐廳空間唔大，最多只可同時容納到40位客人，所以真係要耐心等候。如果幸運嘅話，話唔定到時可以坐係充滿濃厚日本風情的和室用餐區域呢! Hello Kitty Shabu-Shabu 涮涮鍋 位置：台北市大安區忠孝東路四段216巷27弄16號 (東區216巷) 營業時間：11:30至22:00 (用餐時間只限90分鐘) 最低消費：NT390 (另額外收取10%服務費) 前往方法：在捷運忠孝敦化站步行約8分鐘即達
唔知大家上一次去台北係幾耐之前嘅事呢? 近年，主題餐廳愈開愈多，唔單止喺香港，就連台北新開張的Rilakkuma Cafe 鬆弛熊（拉拉熊）咖啡廳都好受歡迎。如果你呢一刻未買得切機票飛去台北，或者可以先睇住小編嘅介紹! 呢間主題餐廳暫時係台灣唯一一間獲日本官方授權經營嘅餐廳。一入到餐廳，無論你企係邊個位置，視線總係離不開鬆弛熊。四周嘅白色牆身充滿無數可愛嘅鬆弛熊圖案或掛畫，桌上印有鬆弛熊CAFÉ嘅字樣，值得一提嘅係每個座位區都有一個鬆弛熊抱枕㗎! 除咗餐廳環境之外，食物當然係重點，這裡嘅食物選擇都幾多，賣相更加係非常吸引。先要推介這款鬆弛熊豬排咖哩飯（台幣＄３６０），如果你自問係鬆弛熊嘅頭號粉絲，相信你一見到應該會進入瘋狂狀態! 整隻鬆弛熊造型嘅飯瞓係碟上，再用兩種不同顏色嘅芝士和朱古力，做成鬆弛熊嘅輪廓，而鬆弛熊身上嘅顏色其實只係飯中加入咗醬油而產生嘅顏色，迫真程度相當高，唔知到時你捨唔捨得將佢放入口中呢? 如果對豬排或者咖哩飯不感興趣的朋友，可以考慮鬆弛熊白醬雞肉飯（台幣＄３４０）。味道相對上較為清淡，而配菜主要係蔬菜及少量雞肉，炸物亦唔會覺得好油膩，最重要係外觀同樣趣緻，鬆弛熊仿如浸在溫泉之中，十分可愛! 另外，餐廳仲有各式各樣嘅甜品和小食，如蛋糕、沙律、鬆餅等，其中小編試食過牛奶熊乳酪/士多啤梨芝士蛋糕(台幣$200)、鬆弛熊鬆餅 (台幣$200)、三色布甸(台幣$140)，味道都不錯，餐牌仲有其他款式任君選擇，相信總有一款合你心意! Rilakkuma Café 鬆弛熊咖啡廳 地址：台北市忠孝東路四段248巷3號 營業時間：11：30至22：00 (用餐時間只限兩小時) 交通：近捷運忠孝敦化站，從明耀百貨後216巷往延吉街方向步行約8分鐘可到達。
