西貢萬宜水庫東壩小巴近日宣布假日全日服務，大家宜家入去又方便好多喇！終於唔洗捱貴的士入去，大家如果想直接入到嚟就可以乘坐9A，小巴會逢周日及公眾假期提供全日服務，由早上9時半至晚上7時都有小巴來往，20分鐘一班車。超級方便~ 萬宜水庫範圍超級大，分為東壩同糧船灣洲兩個地方，而香港聯合國教科文組織世界地質公園的「西貢火山岩」園區便位於此，大家仲可以沿著東壩地質步道，遠眺遼闊的海岸景色，以及香港獨特的地質景觀，亦可近距離欣賞世界級的六方形石柱，另外，東壩旁邊嘅破邊洲是香港著名的海蝕地貌。 呢個畫面就可以見到堤壩，同一望無際嘅海平面。 堤壩側邊有好多呢啲錨形石，作用係阻擋海浪衝擊上岸。 都唔建議大家行出去海邊，容易被錨形石刮損。大家如果想企或者躺平於石頭上影相記住要注意安全。 仲有呢啲類似於打地鼠嘅洞口，大家如果想跳入個洞口影相要注意每個洞口深淺不一，如果被困就非常麻煩，一定要注意安全。 西貢萬宜水庫東壩 交通： 9A專線小巴加開服務班次詳情 逢周日及公眾假期提供 班次：（北潭涌開出到萬宜東壩:）9:30-6:40（20分鐘一班） ｜ （萬宜東壩至北潭涌）10:00-19:00（20分鐘一班） 車費：$11.3（全程） 圖片來源：@mmmrai
