過咗新年就會嚟到日本一年一度嘅「櫻花季節」， 迪士尼都推出咗一系列櫻花產品嚟迎接「櫻花季」，全部都又粉嫩又靚，絕對係想掏空少女心大家嘅銀包！ 櫻花粉色小熊維尼 首先係呢隻超可愛嘅粉色小熊維尼，兩隻手合埋嘢口邊好似求緊啲咩咁~ 仲有分Size L, M, S，隻隻都咁肥嘟嘟XD 小熊維尼紙巾套 之後就係趴係到沉默中嘅維尼，其實佢嘅真身係個紙巾套嚟！ 可愛到會唔夠膽抽紙巾，驚驚醒佢！ 小熊維尼玻璃杯+杯墊 呢個以維尼為主題嘅杯超夢幻，粉紅色勾勒出佢嘅外貌，又靚又可愛~ 米奇米妮毛絨公仔 除咗小熊維尼外，仲有米奇、米妮都換上一套櫻花裝示人~ 櫻花耳環、髮夾 呢兩個item真係超級唯美，小編都好私心鐘意呢對耳環，玫瑰金同粉色嘅搭配超有少女心，仲有櫻花花紋設計~ 櫻花餅乾 粉色嘅餅乾會有淡淡嘅櫻花味，諗起都覺得吸引~ 櫻花扇 淡藍與淡粉嘅配搭喺扇上面超有感覺~ 櫻花護手霜 呢支hand cream唔單止包裝夠粉，而且擠出嚟嘅Cream仲係櫻花香味㗎！ 櫻花米妮隨身杯、保溫杯 可以收櫻花版米妮帶出街，係個好實用嘅產品！ 每樣產品都超吸引，小編想全部都買返哂屋企，就咁收藏都好XD 商品將會喺2020年1月31日開售，要密切留意網站啦！ 來源：tokyodisneyresort
