Open Tour
寵主們有福啦！ 全新商場寵物遊樂園「New Town Plaza Pets Park 寵物同樂園」登陸沙田新城市廣場將於1樓戶外平台 呢個毛孩樂園佔地2,500呎，以大自然草原為設計概念 打造咗2大「歷奇區」同埋「野餐區」，啱哂帶埋毛孩嚟享受假期！ 「歷奇區」會提供平衡木、打卡斜台、寵物隧道同埋貓咪樹屋等7大寵物玩樂設施，畀毛孩放電 當中包括打卡斜台、平衡木、寵物隧道同埋貓咪樹屋等，毛孩一定可以大玩特玩！ 而場外嘅「野餐區」就有大量舒適茶座，打卡一流 場內餐廳仲特別提供寵物野餐Picnic Set，當中有地道傳統英國菜「BRICK LANE Deli」、以德國鹹豬手盛名嘅「The Salted Pig」、泰式料理「Nara Thai Cuisine」、主打日式串燒嘅「Yaki Ana」等等，好多選擇！ 商場仲特別邀請咗「金牌犬隻行為治療師」Eric Ko同大家分享馴犬秘笈， Eric有超過20年犬隻訓練經驗，曾於國家地理頻道《金牌馴狗師：亞洲接班人》比賽中勇奪「亞洲最佳犬隻行為治療師」 經驗非常豐富！ 依家The Point by SHKP會員更可憑積分搶奪星級入場券，帶埋毛孩同Eric星級接觸， 名額有限，記得留意啦！ New Town Plaza Pets Park 寵物同樂園 地點：新城市廣場1期1樓戶外平台 日期：2021年1月27日起 時間：上午7時至晚上10時
大部分寵主去旅行時都會將毛孩暫託喺寵物酒店入面，希望有專人可以照顧毛孩嘅起居飲食！ 雖然近年因為疫情問題都無得去旅行，但唔少寵主都會帶毛孩去寵物酒店Staycation 好似呢間由江若琳Elanne同朋友合伙開設嘅「貓季酒店」咁， 提供咗一站式貓貓住宿、美容服務，畀貓貓嚟渡假同做SPA！ Elanne從小就鍾意動物，三年前同老公開始養英國短毛貓「糯米糍」， 開始咗佢嘅貓奴人生，仲成立咗為貓貓而設嘅「貓季酒店」 「貓季酒店」希望提供一個舒適嘅地方，令貓貓覺得有第二個家嘅感覺 入住嘅貓貓會有專人服待，陪佢哋玩同梳毛！Elanne表示好多嚟過嘅貓貓都玩到唔捨得走 「貓季酒店」最近開咗觀塘新店，每間房都有24小時鏡頭，主人可以隨時隨地知道貓貓嘅狀況 新店共有6種房型，比舊店多2種， 分別有標準房 ( $280 )、豪華房 ($380 )、別墅房 ($480 ) 、城堡房 ( $580 ) 而新增嘅山景別墅房 ($520 ) 可以望到獅子山景色， 而城景別墅房 ($550 ) 就設有大玻璃窗，可以畀貓貓望住城市景色哂大陽 Elanne仲話同貓貓都發生咗好多難忘嘅事 佢話最記得有一隻約15歲嘅貓貓曾經喺酒店住咗半年， 貓貓一直都有膀胱結石問題，有一次Elanne收工之後透過24小時鏡頭發現貓貓有唔舒服嘅症狀 Elanne即時通知酒店同事，問有無人同佢一齊去接貓貓睇醫生 雖然果陣已經係晚上11點，但全酒店所有同事二話不說返咗酒店接貓貓去睇醫生 全部同事一齊幫貓貓集氣，最後貓貓都平安無事！ Elanne認為營運貓酒店，同事對動物嘅愛心係好重要，亦都非常難得 各位貓奴，如果你都想搵間舒服又信得過嘅貓酒店畀主子渡下假，不妨試下嚟「貓季酒店」 貓季酒店 地址︰觀塘偉業街93號93WYS 23樓
各位毛爸媽注意喇！香港麗思卡爾頓酒店（The Ritz-Carlton Hong Kong）推出全新「寵．愛」住宿之旅， 可以帶埋毛孩入住全球最高酒店，仲有一系列寵物專屬禮遇，同心愛毛孩一齊留低美好回憶～ 「寵．愛」住宿之旅一晚房價只需$3,999起（需於最少三天前預訂）！ 可以帶同最多兩隻毛孩入住豪華維港海景客房、特級豪華海景客房或者豪華套房～ 一邊欣賞出面靚景，一邊享受同毛孩嘅歡樂時光！ 酒店仲會提供一系列寵物專屬設施， 包括寵物睡墊、食糧及飲水器皿、樽裝水、寵物小食、玩具、寵物尿墊或貓砂～真係好豐富！ 「寵．愛」住宿之旅其中一大亮點，就係酒店會提供精緻野餐籃同寵物小食！ 野餐籃有點心、三文治、熟食冷盤、新鮮沙律、 美味包點、自家製果汁等等～ 客人可以帶埋毛孩，去附近嘅西九苗圃公園野餐！ 有興趣嘅話，就快啲打電話或者電郵搵酒店去預訂喇！ 香港麗思卡爾頓酒店 The Ritz-Carlton Hong Kong 地址：尖沙咀柯士甸道西1號環球貿易廣場 預訂及查詢電話：2263 2100 電郵：[email protected]
夏天咁熱，唔少寵主帶毛孩去街時都會行到滿頭大汗，真係咪話唔辛苦 不過作為盡責嘅主人又點可以唔帶狗狗去放電，如果有個室內地方俾狗狗玩就好啦！ 今次小編會為大家介紹一間荔枝角嘅室內派對活動場地「Five by 5」 ，等你可以嘆住冷氣放狗 Five by 5 室內外超過四千呎，適合舉辦各種活動 佢哋會不定期同其他動物組織舉辦領養活動，同時場內亦會有籌款箱，希望可以幫助更多有需要嘅貓狗 每隻上去嘅毛孩都可以免費獲得一份零食，好貼心！ 主人仲可以借閱唔同嘅寵物書籍，增進寵物知識 場內有分室內同室外位置，室內有兩個活動室，提供咗寵物玩具俾狗狗玩， 而且仲有多個打卡位，幫狗狗影相呃like無難度！ 呢個狗狗波波池真係毛孩至愛，狗狗玩得好開心！ 室外更有一個狗狗泳池，夏天一定好消暑 Five by 5亦有多款寵物用品發售，主人可以慢慢選購 佢哋更設有BEMER療程，可以減低毛孩壓力、促進復原同肌肉再生 利用磁場治療儀放鬆狗狗嘅精神同肌肉 狗狗坐喺度就輕鬆嘆住冷氣做到療程，好方便呀！ Five By 5 地址︰荔枝角青山道702-704號合興工業大廈4樓G 電話︰6511 0550
日本《新世紀福音戰士》同寵物用品公司合作推出多款「EVANGELION PETS」系列！ 包含「寵物背囊」、「NERV本部型寵物小屋」、「多功能寵物墊」同「寵物用明日香帽」等等～ 每款都充滿濃濃嘅EVA風～俾主子用一定超可愛。 一睇啲色嘅配搭就知係EVA！ 寵物背囊（ペット用キャリーバッグ） 容量大，功能多～ 放主子嘅用品又得，放埋主子入去都得！ ==================== NERV本部型寵物小屋（ネルフ本部型ペットハウス） \ 3款分別係初號機、貳號機同NERV本部！ 可以摺埋易於攜帶～ ==================== 多功能寵物墊（もふもふマルチマット） 平時就係一條俾主子玩同經過嘅通道～ 又或者可以放平俾貓貓當墊用又得～ ==================== 寵物用明日香帽（ペット用アスカキャップ） 係劇中明日香嘅貓耳仔帽子啊！ 用嚟俾返貓咪戴就最啱～ EVANGELION PETS 預計發售日：2020年4月上旬 網址：evastore
「2019 毛孩跳蚤市場」將於本週一連三日喺九展舉行。 想渡過一個有意義又好玩嘅週末，記得帶埋你嘅寶貝寵物嚟喇！ 作為主人一定想將最好嘅嘢俾晒毛孩，除咗玩樂活動，仲要滿足為食嘅毛孩，想醫肚仔食邊款好？買邊款抵？ 呢個展覽將最著數嘅優惠一次過擺喺你面前，唔洗諗到頭都大埋。 今個星期約定你去尋寶啦！ 同場仲會舉行「寵動全港陸運會」，透過運動令毛孩健康更受關注，宣傳「愛護動物」及「文明養犬」嘅意識。 主人同寵物一齊比賽，可加強彼此互動互信，增進感情。 【2019 毛孩跳蚤市場】 日期及時間： 10月18日 星期五 (中午12時至晚上8時) 10月19日 星期六 (早上11時至晚上8時) 10月20日 星期日 (早上11時至晚上7時) 地點： 九龍灣國際展貿中心 三樓 匯星 Star Hall 【寵動全港陸運會】 日期：10月19及20日 (星期六及日) 時間：中午12時至晚上6時 報名：https://forms.gle/jUek2iFNDutW6TEt9 比賽項目：50呎短跑 (50ft Dash)、50呎跨欄 (50ft hurdle)、8字隨行 (figure of 8 dash)、跳遠 (distance jump) 資料來源：2019 毛孩跳蚤市場
