Open Tour
呢間咖啡店老闆與合發茶餐廳老闆同屬一個，茶餐廳今次都玩踩過界喔！開咗間新Cafe喺尖沙咀山林道附近，老闆初衷希望能夠嘗試令人放慢腳步，細心欣賞身邊事物。今次老闆將地道茶餐廳與少女情懷結合，小編都好想去影相打卡！同細心欣賞老闆擺喺餐廳入面嘅壁畫。 合發茶餐廳嘅港式奶茶混合咖啡店嘅latte就會變成獨一無二嘅鴛鴦。 冬蔭公大蝦意粉，濃郁嘅冬陰公味道，絕對係重口味之選。 芝士肉醬薯條，巨量拉絲芝士，邪惡都要照食。 英式下午茶。 Flat White（圖上），維也納綠茶（圖下），由咖啡轉咗做綠茶，無論賣相、味道、甜度到非常平衡。 大家入到嚟不妨抬頭細心留意墻上嘅壁畫，明嘅人一定明老闆嘅心思。 Plan B Cafe 地址：尖沙咀山林道3號協榮商業大廈 電話：2388 2344 營業時間：星期一至六08:00-22:00｜星期日11:00-22:00 圖片來源：@planb_hk、@lingholic
今日尖東地段進駐咗一間新派墨西哥餐廳，餐廳設計以不同藝術家親手創作嘅油畫作基調，配合木製餐檯和藝術擺設，好有藝術氛圍。餐廳主打東西融合變奏版嘅墨西哥菜式，包括檸汁醃油甘魚、墨西哥豬肉糭、墨西哥熔岩芝士鍋同埋墨西哥雞肉脆玉米餅，仲有一系列特色雞尾酒，有招牌經典雞尾酒Mezcal Negroni、打卡必嗌嘅Calaveras 雞尾酒等等，鐘意試新嘢嘅你記住要過嚟試下。 檸汁醃油甘魚，用上芒果、薑、薑黃、香茅。 墨西哥豬肉糭，大家端午節又有新開另類選擇喇，將豬肩肉包喺香蕉葉內烤焗，配上醃製薑蓉、紅洋蔥、椰菜等等。 墨西哥雞肉脆玉米餅。 墨西哥熔岩芝士鍋。 一系列雞尾酒，包括Mezcal Negroni、Calaveras同PABLO 特調香辣Margarita。 PABLO（試業期間） 地址：尖東麼地道66號尖沙咀中心 G80-85 營業時間：午餐12:00-15:00｜晚餐18:00-23:00｜酒吧時段直至午夜十二點
位於尖沙咀海旁嘅五星級香港瑰麗酒店，絕對係近期網紅酒店，豪華裝修風格吸引咗好多明星、KOL去打卡，依家KKDay推出震撼價4折住宿優惠，一齊睇下包啲咩。 優惠1：【行政廊瑞閣住宿套票】客房住宿連行政廊瑞閣禮遇（暑假旺季都可以預訂） 逢星期一至四入住可享免費升級至上一個房型（6月13、30日及7月1日除外） 雙人享用行政廊瑞閣禮遇，包括早餐、下午茶、晚間雞尾酒 長達28小時住宿體驗（只限星期一至四入住，公眾假期除外） 山景房升級海景房只需HK$4,235 海景房升級至尊貴海景房HK$4,895 當月生日或結婚週年紀念日入住免費享慶祝蛋糕（預訂時請備註） 優惠2：【住宿和餐飲套票】客房住宿連早餐及 HK$500餐飲消費額 (免費寵物同行) 逢星期日至四入住可享免費升級至上一個房型（6月13及30日除外） 雙人於Holt’s Café享用半自助早餐 每房每晚享HK$500餐飲消費額 長達28小時住宿體驗（只限星期一至四入住，公眾假期除外） 可免費攜帶一隻寵物（只限狗或貓）入住 當月生日或結婚週年紀念日入住免費享慶祝蛋糕（預訂時請備註） 客房浴室，超級多鏡，雲石紋嘅黑白裝修設計，簡直人生舞台！ 尊貴海景客房。 九龍山景客房。 可雙人使用HK$500餐飲消費額，仲可以翌日於Holt’s Café享用半自助早餐同埋。 香港瑰麗酒店無邊際泳池。 Rosewood入面嘅旋轉樓梯，大家記住要喺度影相打卡！ 香港瑰麗酒店 開售日期：2021年5月24日22:00至2021年5月31日23:59 入住日期：2021年5月26日至2021年6月30日 地址︰香港九龍尖沙咀梳士巴利道18 號 訂購網址︰ 立即訂購
適逢日本黃金週假期，疫情下大家都無得飛日本，呢間日本人氣過江龍餐廳うまい鮨勘，推出全新「鯉躍黃金山盛合」，將色彩繽紛嘅鯉魚旗搖身一邊送到小朋友手上，俾各位小朋友喺香港，都可以感受日本傳統兒童節日嘅氣氛。 每年的4月29日至5月5日係日本黃金週假期，每日都有唔同嘅節慶意義，適逢最後一日就係日本兒童節，日本各大城市會喺5月5日呢日舉行節慶，每屋每戶都會係門口掛滿鯉魚旗作裝飾，寓意祈願兒子可以快高長大、消除厄運。 鯉躍黃金山盛合(每日限量發售)，分量簡直係壽司之中嘅巨無霸啊~每個壽司分量都比平時常見嘅壽司大足足3倍，極具份量，最啱打卡，三份壽司都加入金箔點綴。 粉紅鯉魚特盛軍艦（圖：右1），用上以北海道海膽、吞拿魚蓉、三文魚籽同魚子醬。 雪白鯉魚山盛軍艦（圖：左1），同樣以北海道海膽、甜蝦、厚切帆立貝、蟹籽、三文魚籽。 黃金鯉魚滿盛軍艦（圖：中間），有松葉蟹棒、蟹肉蟹膏、金箔、北海道海膽同三文魚籽。 餐廳都十分顧忌兒童需要，所以亦準備咗熟食款俾小朋友揀番，仲用上可愛嘅車仔將食物送上。 只要惠顧任何兒童餐，即刻獲贈柏餅1塊，在日本慶祝兒童節，柏餅是小朋友必食的應節食品，柏餅係日本和菓子嘅一種，呈半圓形並包入紅豆餡料，用上橡樹葉包裹表層，寓意傳承。 另外，うまい鮨勘同時供應多款招牌人氣名物如廚師特選豐洲極上刺身盛。 入面又多款名貴食材， 成碗北海道海膽，超鮮甜。 仲有金目鯛。 中拖羅（圖上），大拖羅（圖下）。 太刀魚。 熟食方面，仲有鰻魚玉子燒，備受食客歡迎。 凡惠顧鯉躍黃金山盛合，即免費獲贈精心設計的鯉魚摺紙限量體驗套裝，一包有5張不同的色紙，發揮小宇宙創出自己的鯉魚。 うまい鮨勘 地址：尖沙咀廣東道3-27號海港城海運大廈地下OTG04號舖 營業時間：11:00-22:00 電話號碼：2115 9956
尖沙咀山林道Cafe，店內充滿日系經典元素，食物方面以日式定食同甜品為主，必試人氣富士山主題飯糰、奶蓋甜品同多款咖啡、花茶。 「五品料理」套餐有辛口明太子雞翼、金平牛肉、蒲燒鰻魚、山賊汁雞卷同半熟玉子。 「富士山飯糰」同「昭和布甸」呢款五品料理中有埋店內人氣食物，大家嚟道店舖都可以揀呢個。 「豚肉生薑燒夕食」新款晚餐。 「沖繩海鹽富士山甜品」分別係富士山造型蛋糕同雪糕，造型蛋糕上面配有沖繩海鹽奶蓋，雪糕部分就食落有好清新嘅海鹽味。 店主親自研發嘅發酵茶食譜，以不同茶底加上茶菌，發酵1~2星期後，梳打茶就會有酸酸甜甜嘅果味。 婆婆咖琲屋 grandmama.cafe 地址：尖沙咀彌敦道176號The Nate 1樓 營業時間： 星期一、五及日 12:00-22:00 星期二至四 12:00-22:00 電話：9675 1438 IG@daydaycheckin、@heileychau、@bigmouth_jai
尖沙咀韓國人氣No.1石燒漢堡扒專門店，分店於韓國各地擁有30多間分店，主打石燒和牛漢堡扒，店舖嘅漢堡扒大家可以DIY自控生熟程度，每人一個迷你石燒爐，自己郁手豐衣足食吖嘛~肉質更選用100%澳洲和牛，各款燒肉套餐已經有泡菜、沙律、麵豉湯和白飯，仲可以嗌人氣和牛乒乓球飯同東武里厚切和牛丼。 「芝士雞蛋和牛漢堡扒」，自己可以DIY鐘意點煮都得，炒蛋配上和牛食超正！ 擺上個石燒烤爐度~滋滋聲！聽聲同個賣相都已經知道好食，再加上澳洲和牛，咁就真係無得彈。 「和牛乒乓拌飯」，呢款係店內人氣之選！食落啖啖和牛肉粒和半生熟蛋醬撈埋一齊，超好食！ 「東武里牛丼舊舊厚切和牛」，和牛燒至外皮香脆內裡嫩滑，舊舊和牛厚切，牛魔王切勿錯過。 店內環境裝修簡約，每個位置配備一個爐和抽風系統，所以嚟食嘅唔使怕好大陣油煙味。 福岡漢堡扒 地址：尖沙咀厚福街11號地下A號舖 營業時間：星期一至日 11:30 – 23:00 電話：6480 1989 [email protected]
鐘意食士多啤梨嘅朋友注意喇！尖沙咀人氣過江龍茶室，近日推出全新春日餐單，甜品以士多啤梨入饌，新品有士多啤梨法式可麗餅、士多啤梨抹茶酥餅、三文魚水果沙律飯，除咗多款甜品，餐廳亦有供應多款意粉同三文治，即睇內文介紹喇！ 全新推出嘅「法式士多啤梨可麗餅」用上發過嘅蕎麥粉製作，煎至酥脆可口。再配上紅茶味海鹽焦糖醬同士多啤梨雪糕，口感清新而不膩~ 呢個滿滿少女心嘅「士多啤梨下午茶餐」，包括有店舖大熱嘅Scone、Short cake同芭菲杯，喺餐廳都可以感受到野餐氣氛。 「抹茶士多啤梨海綿三層蛋糕」，蛋糕夾雜住抹茶、白朱古力忌廉、紅莓醬，味道酸酸甜甜。 「士多啤梨配核桃鬆餅」，雪糕選用Haagen Daz抹茶雪糕和撒上抹茶粉，面層淋上紅豆醬再配埋新鮮嘅士多啤梨，咁就非常完美！ 「煙熏三文魚水果飯」感覺已經非常春夏，新鮮蔬果沙律配上柑橘汁，特別得嚟又幾好食。 除咗甜品，更有多款意粉同法式多士供應。 「明太子醬野菜魷魚意粉」鹹鮮嘅明太子醬非常惹味，海鮮和蔬菜都好鮮甜，大家都可以配上麵包點醬吃～ 「法式雞肉芝士三文治」，雞肉芝士食落鹹香味好濃郁，雞肉都幾嫩滑，食完甜品唔夠喉都可以嗌番個試下~ Afternoon Tea Tearoom HK 地址：尖沙咀梳士巴利道18號Victoria Dockside K11 Musea B1樓B112B號舖 營業時間：星期一至日11:00-20:00 電話：2671 0288 IG@marcosora、@hkfoodiechris、@afternoontea_tearoom_hk
半島酒店又有住宿優惠啦！ 今次佢哋推出「優悠風雅」住宿禮遇，二人同行只需$2,980 就包你一晚酒店住宿，仲連雙人早餐、美食禮遇、水療禮劵！ 客房及套房客人可分別享用每房每晚1,000港元同埋2,000港元嘅美食禮遇，可以試到酒店餐廳嘅美食 「優悠風雅」住宿禮遇禮遇包括︰ 以每房每晚2,980港元起（兩位用）享用各式客房；或以每房每晚4,280港元起（兩位用）享用各式套房 於大堂茶座享用二人早餐 (每次入住) 客房及套房客人可分別享用每房每晚1,000港元及2,000港元的美食禮遇，於入住期間在酒店內所有餐廳使用（不適用於今佐日本料理、半島酒店餐飲遙距下單服務及酒店宴會服務） 每位客人每次入住均可獲贈300港元水療禮劵，可用於各式半島水療服務（不適用於購買水療產品） 同房第三位客人附加費為1,000港元 （每人每晚）, 須另加10%服務費, 費用包括以上餐飲禮遇及加床服務 一個套票可以食到兩餐，仲有水療服務，節目真係好豐富 趁復活節去去酒店渡假都係唔錯嘅選擇 快啲約埋另一半/好朋友嚟chill下啦！ 香港半島酒店「優悠風雅」住宿禮遇 預訂網址︰peninsula.com 查詢︰2910 1628 地址︰尖沙咀梳士巴利道
唔知大家有無留意，社會上愈來愈多「低頭族」、「手機族」嘅出現 為咗掀起運動新常態，K11 Art Mall同本地藝術單位Brainrental聯手， 於3月12日至5月9日期間帶來《K11 Art Mall ACTIVE/IDLE》藝術互動體驗 chi K11 藝術空間將化身成「Digital Fitness」健身體驗店，以幽默形式呈現一系列實驗性藝術裝置！ 大家可以從健「手」神器中訓練從拇指到尾指嘅「Digital Muscles」，再加上巨型手掌私人教練Jimmy指導，人人都可以練出「一手」好線條 同時，K11 Art Mall中庭InConvenience Dept. 期間限定店亦會為大腦自製喘息空間 店內會齊集Brainrental 製作嘅一系列創意設計產品，包括以「Digital Fitness」為題嘅限量版產品同埋減壓新寵CBD聯乘系列產品，好多嘢睇 除此之外，K11 Art Mall亦會首度夥拍Brainrental，全新呈現科技設備點解主宰人與人之間嘅互動交流有全新嘅體會 而且「Digital Fitness」健身體驗店內設有一連串訓練眼球、拇指、尾指等不同部位嘅健身設施， 同時亦加入各種趣怪「呃Like」同埋混合多個網上流行元素，包括「MEME」、「讚好」、「留言」等等 打破舊有沉悶方式，令人重新愛上運動！ 館內一共有9項趣怪十足的藝術裝置，當中包括：瑜伽運動「Namaste Online」、結合划艇運動嘅藝術裝置「The Power of Like」、訓練手指肌肉嘅「Finger Fitness」、非一般跑步機「Feedmill」、同埋專為重訓而設嘅「Memorial Wall Bar」！ 除咗以上咁多嘢玩之外，K11 Art Mall 仲會準備多款精選潮物， 大家可以於實體店盡情選購流行玩意，亦可以到位於中庭嘅模仿傳統便利店InConvenience Dept. 期間限定店Shopping 期間限定店以標誌性便利店元素「雪櫃」作為環境設計，打卡一流 Brainrental亦首次製作IG遊戲濾鏡，玩家可佞透過眨眼頻率控制「Digital Muscles」，同手掌私人教練Jimmy進行力量比拼，好特別！ 佢哋亦特意設計喜感十足嘅手掌私人教練Jimmy系列WhatsApp Sticker，現場仲可以換到Jimmy造型貼紙 每款造型貼紙更附贈高達HK$300購物禮遇，好吸引！ 《K11 Art Mall ACTIVE/IDLE》藝術互動體驗 日期︰2021年3月12日至5月9日 […]
港威酒店 Gateway Hotel 推出二月限時快閃優惠！ 今次呢個「負」房價優惠勁抵，二人同行最平只需$920起，就可以免費升級至豪華客房 酒店房間可以加床，最多3人入住，仲送你HK$700或HK$1,300餐飲消費額！ 入住客人仲可以免費享用房內迷你酒吧、送迎賓果盤，而且入住會再送紅酒一枝同埋「GLYCEL 瑞士活膚之旅」 呢個住宿優惠開放至4月30日入住，農曆年初一二、復活節假期劃一價格供預訂 限時優惠「負」房價套餐之獨家禮遇︰ 免費升級至豪華客房，享免費加床，最多3成人/2大2小入住 每晚HK$1,300餐飲消費額 (另設HK$700 餐飲消費額選項) 30小時住宿體驗 (2月14日、4月2-5日不適用) 入住享房內迷你吧、迎賓果賓、紅酒1枝 享用「GLYCEL 瑞士活膚之旅」（先到先得，送完即止） 開放至4月入住，農曆年初一二、復活節假期劃一價格供預訂 +HK$440可升級至高級套房 +HK$418 可享雙人貴賓樓層雅座禮遇 今次呢個優惠包咁多嘢，真係好抵！ 而且生日當月入住仲會贈送生日蛋糕，記得喺預訂時備註 快啲約埋另一半/好朋友去住返晚啦 港威酒店快閃優惠︰ 銷售日期：2021年2月8日 22:00 至2021年2月14日 23:59 入住日期：2021年2月9日至2021年4月30日 地址︰尖沙咀廣東道13號 訂購網址︰ 立即訂購
