Open Tour
誠品第六間分店正式登陸屯門V city！ 新店以「跨界流動．光影閱讀」為主軸，佔地逾8,000呎，設有綜合書區，誠品風格文具館同埋誠品兒童館，好多嘢睇 誠品屯門店總藏書量高達43,000冊，店內以空間設計揉合美學與光影，啱哂一班文青！ 綜合書區仲會有全長近35米嘅閱讀長廊，而書區末端就有超過20米闊嘅落地大玻璃，有陽光微微照射嘅閱讀環境，非常舒適 屯門V city新店更設有限定主題展「打開這扇窗，世界從此不一樣」，呈獻咗哲學、文學、社會、歷史、心理等多個唔同類別嘅書籍畀大家，大家可以探索無邊界嘅閱讀世界 同時新店亦有打造專為小朋友而設嘅「誠品兒童館」 兒童館從設計以至書籍、益智玩教具嘅選擇，都可以激發兒童無盡探索力同想像力，可以表達出「流動探索」嘅意象，對小朋友腦部發展非常有益 而館內亦設有約6,000種兒童讀物及近1,000款益智玩教具，待別挑選咗六至十二歲嘅兒童讀物，，以及多本「生命教育」同「情緒發展」類別嘅讀物，家長一定要帶埋小朋友去行吓啦！ 小編亦推介必去新店獨家文具主題展，以「COLOR STUDIO 探索文具光譜」為開幕主題展 大家可以搵到多款精緻文具，更首次引入東京文具及事務用品品牌Delfonics，款款都簡約美觀又實用 文具館職員更會提供貼心專業嘅創意包裝服務，用嚟送禮就啱哂！ 除此之外，新店更設有期間限定禮品角「eslite café品味咖啡與生活」，以深木紋格調為主調，襯上鮮花同埋綠色植物 感覺舒適又寧靜，大家可以一邊品嚐咖啡，一邊休息一吓 誠品亦首次引入咗日本唯一擁有工廠嘅耐熱玻璃製造商「Hario」嘅產品，佢哋嘅虹吸式咖啡壺好有特色， 大家快啲去行吓啦 誠品書店屯門店 地址：屯門V city MTR層M-6&7號舖 電話：3419-1016 營業時間：星期一至星期五：11:00 ─ 21:00；星期六至星期日及公眾假期：10:30 ─ 21:30
今年係牛年，屯門市廣場特意推出一系列 「牛氣逼人」利是封， 以牛年做主題，加埋醒目顏色做基調，推出一套四款利是封︰「牛運當頭」、「牛角掛書」、「牛高馬大」同埋「牛仔長富」， 祝福大家喺牛年有個好開始，事事順意！ 「牛角掛書」利是封用咗紅色凸顯金黃牛角包圖案，，有「學業進步，聰明伶俐」嘅意思 「牛仔長富」利是封就做咗紫色同牛仔褲配搭，象徵「衣常豐足，大富大貴」，好好意頭 粉紅色加埋燙金邊嘅型格牛頭圖「牛運當頭」利是封 好應節，祝賀大家「鴻運當頭，金牛滿屋」 最後嘅「牛高馬大」利是封用咗金黃色為主，寓意「快高長大，身壯力健」，啱哂小朋友 屯門市廣場仲創新咁打造咗「屯公廟」，一眾善信可以祈求主宰屯門公路交通大神「屯公」新一年路路暢旺， 返工返學唔洗再塞車，既玩味又有特式！ 同時亦可以向屯門神仙「屯大仙」祈求庇蔭，希望大家事事如意 而信和集團商場S+ REWARDS會員更可憑點數免費換領「屯公廟」加持的新春祈福三寶 包括牛年暢旺揮春、交通御守八達通套同埋開運風車，仲有「屯牛報喜」新年暢旺禮盒， 大家記得唔好錯過呢一系列勁有新年氣氛嘅精品！ 屯門市廣場「屯牛報喜」特色賀年禮品換領 換領日期︰2021年1月28日至換完即止 換領時間︰中午12時至晚上8時 換領地點︰屯門市廣場1樓中央廣場禮品換領站
有網民發現本地針織藝術塗鴉工作室La Belle Époque嘅作品出沒喺西環、屯門 今次喺西環現身嘅喺兩棵手織聖誕樹， 聖誕樹有生動表情，而且顏色繽紛，外型非常可愛 La Belle Époque喺Facebook表示「要影相就要快，西環裝置的損壞度比任何地方都高」 呢啲藝術品咁靚，希望大家可以好好愛惜唔好破壞佢啦 而大西北嘅朋友亦都有福啦 屯門亦出現咗編織貓咪欄杆，貓貓著上毛衣勁得意 好多網民都話呢啲貓貓為社區增添咗節目色彩 畀人一種溫暖又開心嘅感覺 位置就喺屯門河畔近蔡意橋果邊，大家快啲去影下相啦 手織聖誕樹 地址：西環卑路乍灣海濱公園 編織貓咪欄杆 地址：屯門河畔近蔡意橋 圖片來源︰La Belle Époque
單車發燒友注意~「新界單車徑網絡」喺2020年9月29日就會全面開放俾大家啦！ [youtube youtubeurl=”W6wpf4G2jSU”][/youtube] 單車徑連接屯門至馬鞍山，仲會途經元朗、上水、粉嶺、大埔、沙田添！ 由頭踩到尾起碼要6個鐘啊~但沿途有超靚嘅風景陪住你踩又點會怕攰喎~ 單車徑全長約82公里。屯門至元朗同埋上水至馬鞍山嘅路段已經可以踩啦！ 沿途風景真係好靚~ 大家一定都好想呼吸新鮮空氣！ 而且仲可以吹吓海風~ 踩入元朗錦田睇日落真係好浪漫啊~ 而且各路段都有擺單車嘅地方，大家踩到攰可以休息吓！ 港鐵站附近有單車匯合中心，方便大家集合同解散。 「新界單車徑網絡」 地點: 屯門至馬鞍山單車徑主幹線 日期: 2020年9月29日起全面開放 網址: devb.gov.hk
身邊應該都有唔少人鐘意食Burger， 喺屯門就有間專賣漢堡嘅小店，每個Burger都係即叫即做，而且勁足料~ [instagram photo=”B5z2Vb3htGL”][/instagram] 鎮店之寶信就係佢嘅「爆漿漢堡」~ [instagram photo=”B2O5f__gP6o”][/instagram] 咬落去之後會有超多汁嘅大菇同流心蛋汁咇出嚟，仲有啲煙肉同蕃茄餡~ [instagram photo=”B3ifdmwji0b”][/instagram] 加多個薯條都只係$20~~ [instagram photo=”BuGL71RBncP”][/instagram] 令人震驚嘅仲有呢個原隻龍蝦漢堡，成隻龍蝦蝦膏、蝦醬、蝦肉所有料都會塞哂落去~ [instagram photo=”B0vzHG_hgo9″][/instagram] 整好之後，老闆係會攞埋成個空咗嘅龍蝦殼比你睇、影相打卡，而且塊包都係老闆精心揀好嘅包，真係全部都係心機！ [instagram photo=”B5y-RSFjXGf”][/instagram] 除咗爆漿漢堡同龍蝦包，其實佢仲有好多款漢堡，例如爆芝墨籽、大胃王漢堡都非常高質！ 漢堡博士 Dr.Burger 地址：屯門青柏徑6號鹿苑14號舖
唔知有冇人同小編一樣好鐘意食pasta？ 屯門就有間高質小店食pasta，好好味！ [instagram photo=”B1qNYqThLuf”][/instagram] 最出名就係佢呢個「卡邦尼意粉」，雖然係人人都識煮嘅意粉，但係意粉好彈牙好有咬口！ [instagram photo=”B4RwKx0pKmb”][/instagram] 意粉上面仲好有誠意地配上靚靚煎蛋，有埋啲蛋汁添~ [instagram photo=”B4pZFJCFe52″][/instagram] 仔細啲睇仲有好多芝士粉，真係比足料！ [instagram photo=”B4btbOfj_Df”][/instagram] 除咗卡邦尼意粉，最近仲新出「墨魚汁帶子意粉」，墨魚汁夠香濃，帶子又夠鮮甜，正！！ 西麵 West Noodle 地址：屯門屯利街1號華都商場地下60號舖
屯門區家長喜訊❗️ 「屯門區兆麟體育館」11月5日起會分階段投入服務，係區內首個設有室內兒童遊戲室嘅體育館，又多個好去處同小朋友放電喇❗️ 首階段開放3樓及4樓部分設施，包括健身室、乒乓球室和兒童遊戲室。 除咗設施齊備嘅健身室同乒乓球室，仲有好受小朋友歡迎嘅室內兒童遊戲室。 以太空做主題之餘仲有迷你滑梯，小朋友一定玩到唔願走❗️ 嚟緊場館仲會開放2樓嘅戶外運動攀登牆、4樓嘅活動室同5樓嘅多用途主場，方便大家勤做運動，齊齊keep fit❗️ 體育館位於屯門兆麟政府綜合大樓2樓至5樓，面積約5,900平方米，每日早上7時至晚上11時開放，每月第一和第三個星期三上午7時至下午1時關閉作定期保養。 ⭐ 備註：遊戲室將於11月5日啟用，入場不需要預約登記，但可於每節開放時段前排隊等候進入。 【屯門兆麟體育館】兒童遊戲室 場地： 兆麟體育館 地址： 屯門兆麟街19號屯門兆麟政府綜合大樓4樓 時間： 早上8時30分至晚上9時20分 (請按此看時段) 主題： 太空 電話： 2659 2311 資料來源：民政事務局
由西九文化區及屯門區議會攜手合辦，Active Concept策劃的《打開屯門@西九》將在2019年3月24日於西九文化區藝術公園舉行。 據中國歷史文獻記載，「屯門」這個名字的出現，比「香港」一詞更早在地圖出現，可見屯門擁有豐富的歷史意義及價值。屯門見證著香港歷史發展，包含了漁村的背景、海上航運樞紐、第一代新市鎮，以至新落成的港珠澳大橋等。節目致力從過去、現在，及未來的角度向大眾呈現屯門區的地方特色及藝術文化。 《打開屯門@西九》於西九藝術公園內，以「屯門遊記」作為核心，分別設有「鄉郊文化」、「『屯』 結社區」及「創藝天地」三大主題區。 各主題區融合多元化及精彩節目，包括超過40場特色工作坊： 1. 屯門遊記 – 短片展覽 透過時下最新的vlog形式，由嶺南大學及珠海學院學生走訪區內歷史文化建築及當代地標，以新鮮及互動的手法製作遊記短片。 活動當日可以在短片展覽中看到同學的作品，透過鏡頭認識過去、現在與未來的屯門。 2. 屯門大舞台 屯門區擁有眾多富經驗及地區特色的演藝單位，表演者不論性別、年紀、膚色、能力，各具特色。 「屯門大舞台」將邀請富代表性的團體參與舞台表演，展示多元演出文化。 3. 屯門墟 「屯門墟」將邀請屯門區檔主及其他具特色的手作者，將充滿屯門社區特色的市集展現於西九。 4. 社區故事分享與工作坊 將舉行多個互動工作坊，讓市民透過親身創作和體驗，了解屯門區的歷史及地區特色。 ▲ 蝠鼠紮作工作坊 ▲ 「陶隻碟」陶泥體驗工作坊 x 清山塾 ▲ 「抒發」書法工作坊 x 清山塾 ▲ 藍染體驗工作坊 5. 花炮展覽及巡遊 花炮是新界圍村傳統的節慶文化象徵，屯門天后廟廣場亦特設花炮展覽館介紹此項工藝。 活動期間將於「鄉郊文化」主題區展出3個約3米高，由資深紮作師傅冒卓祺先生指導，並由屯門區內學生及長者親自製作的花炮。 6. 互動即興塗鴉空間 屯門藍地近年出現了色彩鮮豔、想像豐富的大型塗鴉，有別於一般舊式邨屋殘舊破落的形象，十多間房子的外牆成為大型畫布，不但吸引了青少年對此藝術的興趣，更成為區內最新的景點之一。 因此，「互動即興塗鴉空間」將藍地這個區內特色帶到西九文化區，一改市民對鄉郊的印象。由藍地的塗鴉藝術家4Get參與指導，以即興及互動創作，讓大眾聚在同一個大型畫布上一起創作，展示「人人參與才是最好的藝術」這個理念。 7. 親子Playtime樂園 玩樂 X 環保，這天讓我們一起在西九用回收舊車胎建一個玩保園，一起體會屯門區的的活力與可持續發展文化。 「童Sen同戲禪繞畫工作坊」一起用禪繞畫 (Zentangle) 和大家放鬆，欣賞他人，也看屯門的共融文化。 大人小孩齊齊過上一個充實寫意的下午！ 《打開屯門@西九》 日期：2019年3月24日（星期日） 時間：上午11時至下午6時 地點：西九藝術公園 […]
香港人生活節奏急促，做事講求效率～ 隨著社會發展，今時今日想搵一間屬於香港嘅本土小店已經愈嚟愈困難～ 屯門呢間快餐店就係其中一間仍然可以屹立至今嘅小店！ [instagram photo=”BIhmp9kBIx6″][/instagram] 望住呢碟飯…真係好有親切感！ 無論係食物、環境，定係餐廳老闆，都喺唔少人心目中留下美好回憶～ 包括小編呀！！ [instagram photo=”Bbvy3OnjGMU”][/instagram] 炸雞脾勁大隻！仲好香添～ 連汁都可以揀，有洋蔥汁(茄汁)、咖哩汁、黑椒汁～ 唔想食飯嘅，亦可以揀意粉！ [instagram photo=”_eRbyIPD6H”][/instagram] 套餐仲有湯同埋凍飲添！ [instagram photo=”BjjQ9_Wn6Pz”][/instagram] 「快、靚、正」！！！ 經濟實惠又飽肚，啱哂學生同打工仔～ [instagram photo=”mzv4yPi8Br”][/instagram] 識食嘅一定會喺落單嗰陣加句：「多汁，唔該！」 [instagram photo=”BICarFZBdFU”][/instagram] 睇完之後，你係咪都想搵日食返次呢？ 發發快餐 地址：屯門屯門鄉事會路2A號 H.A.N.D.S S區2樓S-208號舖 =============== 放假去邊 更多好介紹: 快啲like我哋Facebook 同follow我哋Instagram啦!
