早前新北市政府就以「願圓、月圓、人團圓」規劃三大中秋活動， 其中一個就係喺平溪鐵路嘅終點站——菁桐，設置光影裝置藝術！ [instagram photo=”CGaL3kKHmIw”][/instagram] 今次為期兩個月嘅燈節藝術展一共有6大打卡位， 其中一個係由插畫家「彎彎」手繪嘅裝置月球「夢幻銀河」！ 大大個月亮高3米，上面仲有冉冉升空嘅天燈，吸睛度100分！ [instagram photo=”CF7QtKRFCiH”][/instagram] 而作為礦業起家嘅菁桐小鎮，位於菁桐天燈館木牆前嘅「心礦神怡」裝置， 係由80頂礦工帽掛上頭燈並列組成，真係別出心栽！ [instagram photo=”CFhUsDYHlKP”][/instagram] 至於呢個「鐵道遺跡－璀璨玫瑰」裝置，正正就喺菁桐車站對面~ 夜晚點燈之後，五光十色嘅燈光照射喺煤降場， 仲有天燈嘅投影，呢個絕對係菁桐獨有嘅裝置藝術啊！ [instagram photo=”CGU7kzXDssj”][/instagram] 除此之外，「雨傘步道」都係唔少人會嚟打卡嘅位置～ 呢條石底大斜坑步道掛上數以百計嘅七彩繽紛小傘，充滿幸福感！ [instagram photo=”CF7TUcSFkte”][/instagram] 仲有菁桐石底大斜坑入口意象「煤不勝收」都係熱門嘅打卡景點嚟～ 最後仲可以嚟到月亮公園漫步，好似置身喺月宮之中， 好浪漫啊～ [instagram photo=”CGFjSLLjdMX”][/instagram] 菁桐「月亮公園」 地點：新北市平溪區菁桐石底大斜坑 點燈期間：2020年10月1日至11月30日
