呢間餐廳環境同嘢食都好有gimmick，最啱打卡和聚會！ 環境係鬼屋主題，頗有神秘感！ 食物方面選擇都幾多，味道中上，擺盤都好靚！ 水牛芝士氣球沙律 $128 龍蝦湯配脆米伴海蜇頭珊瑚蚌 $182 佛手柑伯爵茶奶凍 $68 烏龍茶熱情果金橘梳打 $68/仲夏夜莓沙冰 $58 鬼混飯堂（Vie-Won-Won） 地址：銅鑼灣糖街8號樂聲大廈1樓 圖片來源：IG @sa_foodieadventure、@blissful.foodiary、@hfoodiaryk
位於山東街唐樓上嘅一間餐廳，環境佈置很有心思，地下鋪上綠白色地磚、餐廳上各自放置懷舊雪櫃、收音機、打字機同電視機等等，食物款式唔多選擇，勝在食物質素有誠意，餐廳都係主打西式餐飲為主，即刻睇有咩食喇！ 環境佈置好復古，大家經過旺角不妨上嚟試下。 鮮茄海鮮意大利飯，海鮮份量都幾足，有青口、魷魚、大蝦。 蛋黃卡邦尼意粉，呢個意粉超正，醬汁好濃，意粉可以掛晒啲醬汁，食到一半仲可以吉穿隻生蛋，撈埋一齊食。 黑松露薯條，薯條份量都好多，再點埋個黑松露沙律醬。 黑芝麻豆腐Latte，好香黑芝麻味，豆腐都好滑。 唔鐘意黑芝麻豆腐Latte咁養生？不如揀番個清爽水果茶。 老二花廳 地址：旺角山東街80-82號2樓 電話：9862 7303 營業時間：星期一至五 17:00-22:00｜星期六日12:00-22:00 圖片來源：@carbon_eating_diary
今次小編推介呢間位於佐敦嘅文青咖啡店，小店售賣各款輕食、小食、咖啡同茶類，連食物都好特別㗎~嚟到一定必試呢個招牌龍蝦湯配烏冬或飯，因為係用個金色茶壺裝起啲龍蝦湯，門口仲有兩張長凳俾大家打卡，門面裝修以木系同白色為主調，兩旁更擺放大棵植物，令人感覺非常放鬆，大家不妨假日過嚟放鬆下！ 招牌龍蝦湯配牛油果大蝦稻庭烏冬，平時出街食麵最怕啲麵浸到軟腍腍，今次呢個set就好貼心~用茶壺將龍蝦湯另上，真係好IGable~ 入面仲有牛油果、新鮮蝦球、木魚花同雜菜。 味增蟹醬蟹籽蟹肉扁意粉，食落忌廉味道好香濃，啲意粉煮到Al dente口感，啱好可以掛住啲忌廉汁。 主食方面，仲可以揀呢個梅子素麵配吉列蝦。 野莓梳打，酸酸甜甜好開胃，好啱夏日炎炎整番杯。 Mocha，嚟到見到個咁靚嘅拉花，即刻心情都靚晒。 除咗咖啡之後，都有玫瑰茉莉花茶、菊花茉莉花茶可以俾大家選擇。 甜品方面，有法式焦糖香蕉西多士。 不籽是咖啡 地址：油麻地彌敦道450號文豪閣地下D號舖 電話：2322 2849 營業時間：11:00-21:00 圖片來源：@foodaholicbunny、@_not.just.coffee
夏日炎炎，相信大家都唔想出門，大熱天時有咩好做，梗係歎冷氣喇！小編推介呢個治愈系藍色精靈下午茶，餐廳環境都幾闊落，中間有一棵藍色大樹，影相打卡好IGable，即刻睇有咩食喇！ 全個環境都好有feel~藍色燈光配上啲樹木，猶如置身童話咁。 木製層架真係好特別嘅，下午茶共有8款食物，包括日式炸豆腐、芝士年糕、鬆餅、軟心布朗尼、乳酪杯、雲卷同埋蘋果撻。 頂層：香芋雲卷、朱古力Brownie、蘋果撻、鬆餅。 中層：意式番茄蝦多士、芝士年糕，底層：明太子玉子燒、法式檸檬撻。 至於抹茶蕨餅，紅豆白玉抹茶布甸（圖：右），係需要另外加錢order嘅。 Golden Mist 飲品，由桂花、茉莉茶同茶混合而成。 Sensu 地址：荃灣楊屋道1號荃新天地一期UG樓78號舖 電話：2885 0968 營業時間：12:00-22:00 圖片來源：@urfoodbuddies
坊間的確有頗多寵物友善餐廳，但比較少有食物提供俾寵物，呢間餐廳最特別之處就係有寵物餐單，仲有靚靚零食Tea Set、杞子雞肉釀花膠卷、鴨肉菠菜卷同埋Doggieccino~仲有個寵物專屬打卡位，呢間餐廳真正能夠做到人寵共融，實屬難得！除咗寵物有得食，主人都一樣有好多選擇，即睇內文詳情！ 寵物Tea Set，雞肉蔬菜凍、魚肉南瓜磅蛋糕、羊奶布甸，另外，有三款自選零食，包括風乾魚、雞胸軟骨、雞肉番薯扭扭條、風乾青口。 寵物藤椅，今次終於輪到愛寵可以坐定定影番張靚相喇~ 張藤椅都可以容納到兩隻中小型柴犬嘅，不過各位主人注意如果犬隻太大型就要注意番。 如果大家無帶寵物嚟嘅話，嚟到都可以同店長脾脾一齊玩，店長會提供陪坐服務。 另外，提供俾主人食嘅都有多款輕食及意粉，小編就認為呢兩杯咖啡一定唔可以錯過，好IGable~ 食物方面都好多選擇，All Day Breakfast、自家製酸種麵包、意粉同漢堡包都有嘅，大家不妨假日帶埋寵物嚟歎下喇！ Stay With Cafe（試業期間） 地址：將軍澳唐賢街29號藍塘傲地下3B號舖 營業時間： 星期一 休息 星期二至日 11:00-18:00 圖片來源：@shibawe0429、@mamezelda.link、@staywithcafehk、@crazybaybay_bichon
位於大埔汀角山寮路嘅咖啡店，由白色貨櫃改裝成人氣打卡咖啡店，店舖周圍種植多款植物，戶外檯凳位置就好多，不過要喺室內歎冷氣影相打卡就真係一位難求~只係得一個位！而且呢度只係開星期六日，所以奉勸大家如果都想過嚟chill下真係要早啲嚟排隊等位！ 室內唯一一張餐檯，大家想坐喺度歎真係要提早嚟排頭位。 或者大家都可以揀呢張，戶外檯凳都一樣咁靚。 自家製蘋果批，呢度嘅蘋果批真係一定要試，酥皮帶有點焦糖香、內餡有滿滿嘅蘋果肉，帶有些少嘅肉桂香味。 千層蛋糕，口感同外形上都係不過不失，味道略顯有點淡。 紅石榴梳打（圖：下），巨峰提子梳打（圖：上），大家記得早啲嚟，因為啲食物賣晒就冇。 提提大家如果想坐某個位，就記得入座前要諗定啦~因為坐底之後就無得轉。 Mr Cardigan 地址：大埔汀角山寮路 營業時間： 星期六、日 14:00-18:00（ walk in only） 交通 ：大埔墟火車站～20C小巴(山寮)站 圖片授權：@eat5ting_foodie、@nicolemakk
大家平時係咪去慣啲文青咖啡店呢？今次小編介紹呢間都幾特別，擁有超過75年歷史嘅唐樓，搖身一變成為港式玩味打卡Cafe！呢度有條迷幻彩虹樓梯，由紅橙黃綠青藍紫顏色組合而成，絕對係熱門大空位之一，仲有店鋪隨處可見嘅抵死語錄，好有港式味道！ 彩虹樓梯，樓梯兩側放滿塗鴉同畫幅，同時通往2樓至3樓，大家影相打卡時候記得唔好阻住他人上落。 頭先就講到呢幢唐樓有75年歷史嘅，大家可以睇下佢個門面，鮮藍色外墻撞上白色尤其醒目，外形仍保存中式樓宇建築特色。 「大聲喧嘩，正一人渣」呢啲抵死語錄，喺餐廳入面都可以隨處可見。 提供多款輕食、蛋糕。 仲有咖啡同沙冰。 Mamaday Studio 嘛嘛地 地址：油麻地白加士街105號地舖 營業時間：10:00-19:30 電話：6792 2612 圖片來源IG：@missding_kitchen
早前韓國爆紅嘅2D打卡咖啡店，香港宜家都有啦，位於銅鑼灣春園街都有一間黑白手繪畫主題嘅餐廳，現場猶如置身漫畫場景中，從入門嘅樓梯、墻紙、檯布同整體裝修風格，令人有種天旋地轉嘅感覺，想知入面係點？即睇內文詳情喇！ 粉蝶花之丘，其實係一個漸變色嘅透明拉糖，下面係Brownie同忌廉混合，側邊仲有幾粒莓作為點綴，呢個影相打卡一流~ 嚟呢度可以揀食下午茶Tea set就有迷你朱古力糖果溫室、台式炸魚蛋、吉列炸蝦、柚子蛋糕、Mocha味蛋糕同藍莓乳酪蛋糕。 或者單嗌食物都得，自家製芝士牛肉漢堡同酥炸軟殼蟹意大利飯，俾大家一個影相Tips，大家影呢張相時候最好企起身影先可以見到檯布扭曲效果。 Tiramisu Coffee，係店舖招牌飲品之一，呢杯咖啡口感非常特別，飲落口感有微微咖啡酒同朱古力味。 室內每一處都係打卡位，檯凳、門同墻紙都容易令人產生錯誤視覺效果。 ULURU HK 地址：灣仔春園街1-11號春暉大廈1樓 營業時間：12:00-23:00 電話：2366 6448 圖片來源IG：@kingfoodies、@foodie.yvonne、@corgiwithfood