Open Tour
新地旗下推出招財喵寶迎新年！ 新地三大商場包括：北角匯、荃錦中心同埋新領域廣場， 佢哋首次聯乘推出「招財喵寶」利是封，更由日本招財貓故鄉「常滑市」引入一系列招財貓限量版精品 多款「招財喵寶」開運福袋勁可愛，趁新年快啲去掃貨啦！ 呢款「招財喵寶」利是封一共有8款設計，當中唔同嘅顏色、圖案、花紋同祝賀語都有唔同意義 例如紅色代表吉祥、黃色代表健康、粉紅象徵幸福、紫色象徵事業同地位 而花紋上亦有唔同意思：山茶花代表生生不息、櫻花象徵堅實嘅愛、梅花寓意吉祥、牡丹代表高貴等等 每款都好有特色！ 商場同時亦為大家預備咗新年福袋，每個都有「招財喵寶」利是封同埋日本直送招財貓精品 當中包括日本手製招財貓擺件1個、招財布袋1個、開運錢包1款同埋驚喜喵精品1份，全部都好吸引！ 商場更加限量推出388個福袋，當中有5個價值較高嘅矜貴版金色招財貓擺件，每件價值$480 新一年，手氣自然會更旺！所以記得唔好錯過，隨時抽到矜貴版福袋！ 除此之外，荃錦中心更設置立體招財「喵福寺」，大家可以盡情同巨型招財貓免費打卡 為一眾商戶及市民開運招福，拎個好意頭！
今個農曆新年新地商場推出迪士尼與彼思反斗奇兵利是封！ 仲準備咗多款胡迪、翠絲精品同你拜年，卡通感十足，為你新年增添喜慶 新鴻基地產旗下 8 大商場，當中包括︰東港城、上水廣場、Mikiki、PopWalk 天晉滙、卓爾廣場、錦薈坊、life@KCC 同埋寶怡商場 將會特別聯乘迪士尼與彼思《反斗奇兵》推出「潮玩派對利是封」同埋一系列主題賀年精品 款款都色彩繽紛，玩味十足！ 大家都非常期待嘅「潮玩派對利是封」設有 「Sharp 醒潮玩」同埋「Party 尊貴」兩個系列 「Sharp 醒潮玩」系列用咗「反斗奇兵」5 大主角配合色彩鮮艷嘅顏色為主 而且仲有壓凸效果，加埋熨金圖案，吸睛又得體，好吸引呀 登場角色包括有牛仔胡迪、牛女翠絲、三眼仔同埋Ducky & Bunny 呢幾個都係人氣角色，而拉下封面拉頁，就會出現祝福語，可以變身成賀年揮春 一舉兩得，勁實用！ 另一款 「Party 尊貴」系列利是封套裝就用咗炫亮幻彩禮盒盛載， 入面有「利利是是小袋子」、「胡迪、翠絲幸運曲奇」同埋「Party 尊貴利是封」，好豐富！ 胡迪同三眼仔幻彩利是封一套2款，分別用咗喜氣酒紅色同貴氣香檳色為設計主色 加埋有幻彩燙金效果嘅可愛圖紋，大人細路都咁鍾意！ 依家於場內消費滿指定金額仲可以換領「胡迪 / 翠絲 Q 版玻璃杯」，祝賀大家新一年成雙成對，甜甜蜜蜜 鍾意反斗奇兵嘅你記得要去換購啦！ 新地8大商場「潮玩派對利是封」換領詳情: 換領日期: 2021年1月30日至2月11日 參與商場: 東港城、上水廣場、Mikiki、PopWalk 天晉滙、卓爾廣場、錦薈坊、life@KCC 及寶怡商場 換領方法: 顧客於參與商場以電子貨幣即日消費滿指定金額,或 The Point by SHKP 會員憑指定積分即可換領「反斗奇兵」潮玩派對賀年精品 數量有限，換完即止，詳情請參閱場內宣傳刊物。
