2021年係牛年！新城市廣場特意聯同LEGO®打造全新樂園 今次呢個「新城市廣場 X LEGO® LET’S MOOVE新春動樂園」會喺1月下旬登場 到時現場更會全港首次齊集12生肖LEGO® minifigures ，佢哋會以健身造型同大家拜年 鼓勵大家喺牛年都齊齊做運動，強身健體！ 到時仲會有３個「至Fit動樂大挑戰」畀大家玩，完成指定健身挑戰即可以收集珍藏版LEGO®閃卡同打氣貼紙，機會難得！ 大家新一年一定要身體健康！ 而且場內更設有多達12個打卡位，大家可以一家大細影吓相 當中必影1:20比例完美還原嘅LEGO®最新「牛年園林亭園」同埋「好運紅牛」，增添牛年喜慶！ 而４米高林村許願樹設計仔細，勁有香港特色 許願樹仲係由丹麥總部親自操刀約2萬粒LEGO®精緻花藝工作台，加上8位專業花藝師精心打造咗LEGO®花墟， 到時可以一次過睇埋咁有特色嘅花藝作品 呢個樂園以牛年健身強體為主題，有濃濃新年氣氛 更可換購首次以LEGO® 12生肖造型minifigures為設計主題嘅「新城市廣場X LEGO®12生肖躍動新春利是封套裝」 所有生肖以健身造型登場，而且大玩諧音食字祝福語，真係喜氣洋洋！ 同場加映全港獨家換領新春限量版LEGO®如意祈福塔同埋福氣小燈籠，收藏價值極高 各位LEGO迷記得BOOKMARK日子嚟玩啦！ 【新城市廣場 X LEGO® LET’S MOOVE 新春動樂園】主題裝置開放詳情︰ 日期：1月下旬至2月28日 時間：中午12時至晚上10時 地點：新城市廣場1期1樓羅馬圓形獻技場 入場費：免費
