迪士尼迷留意喇! 位於東京嘅日本科學未來館正舉行緊迪士尼藝術展~ 呢度展出咗唔少夢工場嘅動畫手稿同資料，試問你又點可以錯過? 裏面分咗唔同區域，迪士尼動畫就由米奇開始先啦~ 之後仲出現加入咗魔法元素嘅動畫… 小編細個嗰陣都曾經渴望自己可以擁有同樣嘅魔法㗎! 白雪公主、木偶奇遇記、小飛象、小鹿斑比…真係好有童年回憶啊! 至於呢啲改編自經典文學故事嘅迪士尼動畫都一樣咁好睇! 愛麗絲夢遊仙境、小姐與流氓、睡美人、101斑點狗、小泰山…你又睇過幾多套呢? 到咗迪士尼文藝復興時期… 應該有唔少人都係聽住呢啲迪士尼經典名曲長大~ 美人魚、美女與野獸、獅子王、風中奇緣、花木蘭…真係睇幾次都唔會厭啊! 近年，迪士尼動畫《冰雪奇緣》（Frozen）亦都好受歡迎~ 而呢首「Let it go」更加風靡全球添，無論大人定細路都識唱㗎! 另外7樓仲有一個特設展~ 展出《魔髮奇緣》裡面其中一個場景~ 就係天燈! 啲燈仲係可以感應嘅~ 手靠近就會慢慢亮起! 喺播放住「I see the light」嘅音樂之下，真係覺得特別夢幻~ 但要留意~ 每人得1分鐘時間入去打卡㗎咋… 今次嘅展區佈置好有心思，而且展覽亦有英文、日本兩種語言~ 就算本身唔係迪士尼迷，小編覺得你睇完之後都會愛上啊! 圖片及資料來源: http://da2017.jp/ 迪士尼藝術展 (ディズニーアート展) 地址：東京都江東區青海2丁目3番6號 (日本科學未來館 7樓特設會場 ) 展覽日期：2017年8月4日至9月24日 開放時間：早上10:00至下午5:00 交通：(i) 乘搭新交通ゆりかもめ至「船の科学館駅」/ 「テレコムセンター駅」歩行約5分鐘就到 (ii) 乘搭都營巴士 (都営バス)至「日本科學未來館前」，歩行約1分鐘就到 [map url=”https://www.google.com/maps/embed?pb=!1m14!1m8!1m3!1d12973.379254685407!2d139.7767624!3d35.6192251!3m2!1i1024!2i768!4f13.1!3m3!1m2!1s0x0%3A0xf6b165739f8c89a0!2z5pel5pys56eR5a245pyq5L6G6aSo!5e0!3m2!1szh-TW!2shk!4v1505117486182″][/map] =============== 放假去邊 更多好介紹: 快啲like我哋Facebook 同follow我哋Instagram啦!
