Open Tour
講起日清食品，相信大家都會諗起合味道杯麵 最近日清食品宣布，日本旗艦旅遊景點「合味道紀念館」即將登陸香港，各位杯麵迷有福啦！ 「合味道紀念館香港」會為大家帶來全新體驗，清仔更會化身紀念館嘅首席創意總監，與團隊齊齊向大家導覽館內創新元素 有別於日本大阪池田同埋橫濱嘅「合味道紀念館」， 香港紀念館佔地近10,000平方呎，並以「安藤百福創造力之旅」為主題，特設三大全新必到打卡位同埋三大體驗式工作坊 當中重點推介全球獨家限定兼全新登場嘅「榖物麥片工作坊」 參加者可從中了解此新產品誕生嘅緣由同埋製作過程 而經典「我的合味道工作坊」同埋「出前一丁工作坊」亦會強勢回歸，呢兩個大熱工作坊非常受歡迎 參加者可親手設計食品包裝同埋材料配搭，可以一邊玩一邊了解更多日清食品嘅背景 館內亦設有「大杯麵」打卡位，向大家展示「逆向思維」概念 大家可以喺紀念館內透過以食品為主題嘅教育、娛樂同埋互動元素，激發大家嘅創意同好奇心 依家暫時仲未紀念館更多有關門票同埋開幕詳情 想知更多記得留意啦！
為咗慶祝多啦A夢50週年，日本郵局最近推出第三輪聯乘商品～ 作為多啦A夢迷，睇吓呢一輪嘅商品又啱唔啱你心水啦！ 1. 多啦A夢錢罌 咪以為多啦A夢手上嘅只係普通郵筒啊～ 其實係一件法寶，叫做「預收回信郵筒」！ 唔知放啲錢入去會唔會有神奇嘅事發生呢？哈！ INFO 尺寸：16.6 × 10.5 × 10.5cm 價格：¥2000（連稅） ============================= 2. 多啦A夢公仔、掛飾 拎著「預收回信郵筒」嘅多啦A夢係咪好得意呢？ 今次郵局推出咗尺寸較大嘅公仔，放喺屋企啱哂！ 仲有掛飾款，方便隨身帶著出街！ INFO – 多啦A夢公仔 尺寸：22 × 14 × 13cm 價格：¥2200（連稅） – 多啦A夢掛飾 尺寸：13.3 × 8 × 7.6cm 價格：¥1100（連稅） ============================= 3. 多啦A夢扣針 今次多啦A夢扣針都有兩款！ 分別係多啦A夢寄信款，同埋郵筒造型款～ 睇吓！百寶袋上仲貼著「ポスト」嘅代用貼紙，日文係指「郵筒」～ 兩款扣針扣喺袋或者衫上就最適合不過！ INFO 尺寸：2.5 × 2.7 × 1cm / 2.7 × 1.9 × […]
香港人一向鍾意食日本美食，最近將軍澳亦開咗一間全新日式鐵板店「三原鐵板燒」 以擁有豐富國際廚藝經驗嘅日籍主廚三原光史先生命名，呈獻精緻鐵板燒料理體驗 三原光史先生曾於日本駐美國芝加哥領事館擔任總領事阪場三男之首席家廚， 亦曾於城中頂級鐵板燒食府「山下（Sanka）」主理鐵板燒料理，經驗豐富！ 「三原鐵板燒」主打特色餐廳菜，當中包括三原先生的拿手絕活之一「鹽釜燒」 「鹽釜燒」做法複雜，要先如「焢窯」一般將海鮮燜熟，以鎖住其真味，再喺奉客前更以鐵鎚敲開鹽塊，非常精彩！ 當中高級海鮮食材包括︰「青森縣鮑魚」、「南非鮑魚」、「挪威長腳蟹」等等 每隻長腳蟹喺採購過程中都會帶有獨一無二嘅二維碼標籤，可以證明其來源地真偽，品質絕對有保證！ 其餘海鮮食材亦係每日新鮮空運抵港，當中包括由源自大善豐洲市場百年老店嘅吞拿魚丶北海道帶子丶生蠔 當然唔少得「北海道喜之次」，呢款魚肉質嫩滑，非常鮮甜 另有亦有來自世界各地嘅海產，好似「西澳洲龍蝦」、「加拿大活龍蝦」等等，一定可以滿足到一眾海鮮迷！ 除咗海鮮之外，主廚三原光史先生亦善於炮製當季食材， 當中必試由日本宮崎縣A4和牛製成嘅「宮崎和牛西冷」、「近江牛牛柳」同埋配以壽喜燒醬汁嘅「黑毛和牛西冷薄燒」 主食吸引之餘，店內亦有多款精緻甜品！ 當中嘅自家配方鐵板班戟系列亦係必試之選，班戟加入咗滿滿細滑忌廉，好食到停唔到口 而味道選擇亦非常多，當中包括︰「原味」、「夏威夷果仁醬」、「香蕉朱古力配海鹽焦糖醬」、「士多啤梨抹茶紅豆蓉」同埋「咖啡提拉米蘇」 另有亦有勁有日本風味嘅「梳乎厘班戟」系列，全部都好吸引！ 除咗高質菜單，「三原鐵板燒」亦有八款午市菜單提供，定價為港幣218元至468元不等 晚市亦有兩款廚師發辦料理，分別定價為港幣780元及港幣1,280元 依家「三原鐵板燒」同隔離姊妹店「本店」同步開幕試業，將軍澳區嘅朋友記得去試下啦！ 「三原鐵板燒」 地址︰新界將軍澳唐俊街18號The Parkside第一座地下G06號舖 營業時間︰中午12時至下午3時及下午6時至淩晨12時
日本綜合刀具製造商「Kai Corporation」向來生產嘅美容工具都非常高質 今次佢哋推出咗「貓貓」主題嘅美容工具「Nyaming系列」，當中包括︰貓耳朵頭巾、化妝掃等等 全新系列圍嬈貓貓元素，令用家日常增添趣味，各位貓奴絕對唔可以錯過！ 首先要介紹嘅「貓貓睫毛夾」以貓耳朵作為設計元素，用家只需將「貓耳朵」貼近眼瞼向上推，即可捲曲睫毛 「貓貓剪刀」設有保護套，手柄上亦有貓耳朵造型，非常可愛 貓奴必選嘅有呢款「貓貓肉球化妝掃」，化妝掃以貓貓足部爪子床設計元素 「肉球」立體逼真，可愛之餘亦可以充份抓粉，非常好用 最後點少得「貓耳朵頭巾」，每次化妝/洗臉時可以先將頭髮弄起 頭巾亦可以清洗同埋重複使用，質地優質柔軟，非常推薦！ 「Kai Corporation」Nyaming系列美容用具︰ 發佈日期：2021年3月15日（星期一） 售賣點：日本各大藥妝店、家品店、大型零售商、官方在線商店等等
日本Dr. Martens同Sanrio合作推出咗全新「1460 Pascal 8孔靴」，以Sanrio人氣卡通為主題，外型勁可愛！ 全新款式設有女士同埋兒童尺碼，由2021年3月4日起就會喺日本全國嘅Dr. Martens商店發售 今次嘅款式有多個人氣卡通登場，當中包括︰Hello Kitty、Little Twin Stars、Keroppi、My Melody、Badtz-Maru、Pompompurin、Cinnamoroll 多個可愛角色齊齊現身，畀人一種歡樂、可愛嘅感覺 靴子嘅側面同背面都印有Hello Kitty＆Friends 圖形，細節位做得好足 而且，所有靴子均配有兩種鞋帶同埋獨有嘅Hello Kitty 紅絲帶鞋飾，充滿Sanrio色彩 同家可以根據當日心情選用唔同嘅鞋帶，打造個人化風格！ 咁可愛嘅商品暫時係日本先有得賣，粉絲們記得留意啦
去東京池袋，有咩好地方去？ 有！就係全球最大間嘅扭蛋機店Gashapon啊！ 各位扭蛋迷又點可以錯過？ 呢間總店面積相當大，仲有成3000部扭蛋機！ 高達、蠟筆小新、動物森友會、麵包超人、Sanrio系列、七龍珠等， 你想要嘅扭蛋玩具都有！ 多到你唔信，果然好堅！ 呢度仲特設Bandai官方「Gashapon Official Shop」， 幾乎所有Bandai旗下最新嘅人氣商品都可以喺度揾到， 仲有總店限定商品！ 唔想摸門釘？記得上網查看存貨量先喇！ 店內仲會展出歷代Gashapon同年表～ 唔單止咁！大門前仲有一個大型互動櫥窗～ 放入空扭蛋回收就可以體驗！ 臨離開商店，記得要去埋扭蛋攝影商品區啊！ 只要憑著扭蛋商品，就可以按季節同日本風景或東京名勝景點嘅佈景打卡！ Gashapon Official Shop 地址：東京都豊島区東池袋3-1-3サンシャインシティ ワールドインポートマートビル3F （圖片來源：官網）
講起日本嘅冬季美景，好多人都會諗起雪景 但其實除咗雪景之外，日本嘅「冰」亦都好靚！ [instagram photo=”CI-qHqrgpnu”][/instagram] 北海道糠平源泉郷就係一個出名睇冰泡美景嘅地方 [instagram photo=”CJj2c3IAb8R”][/instagram] 「冰泡」係只會係極寒冷嘅時候出現，由氣泡凍結喺結冰嘅湖面上嘅自然現象 [instagram photo=”CLjQwLagK-_”][/instagram] 由於湖底逸出嘅氣體會困喺透明冰中，呈現一個個圓形，圖案勁靚勁夢幻 [instagram photo=”CLyBmWvDyr6″][/instagram] 畫面就好似藝術品一樣，唔少攝影師都刻意去捕捉呢個咁唯美嘅畫面！ [instagram photo=”CLku35DAhN8″][/instagram] 但其實冰泡美景係難得一見嘅冬季自然現象 特別係北海道糠平源泉郷嘅冰泡美景，只會喺湖面結冰之後同埋落雪之前等等短暫期間先可以見到 所以見到嘅機會非常難得！ 糠平源泉郷 地址︰北海道河東郡上士幌町
專賣甜品嘅Snowy Village風摩全球， 喺美國、加拿大、澳洲、英國、韓國都有分店， 喺日本開設原宿分店更係日日排長龍， 當中嘅Oreo餅乾Churros、焦糖Churros配雪糕一定係人氣之選！ [instagram photo=”B8JHZWbpDeW”][/instagram] 鬆軟嘅Churros有濃郁嘅Oreo味道，再配上Oreo餅乾及雪糕作點綴， 口感豐富有層次，味道都相當夠！ [instagram photo=”CIXwMV1A0Tt”][/instagram] Oreo Churros算係前年嘅新品，但推出一陣就成為人氣甜點， 結果成為恆常單品，人人嚟到必嗌！ [instagram photo=”CD2xkurA_J5″][/instagram] [instagram photo=”B4cAGXyj8kX”][/instagram] 除咗Oreo Churros外，焦糖Churros亦係熱門之選~ [instagram photo=”B29FEIJglAe”][/instagram] [instagram photo=”B6TG8LLHV4m”][/instagram] 焦糖醬忌廉上沉上一點岩鹽，入口後嚐到甜味中帶點鹹香嘅餘韻， Churros同樣有著岩鹽焦糖嘅味道，係焦糖迷必試！ [instagram photo=”B8ncVSQH8Ro”][/instagram] 除咗Oreo同焦糖外，想清新啲都絕對要試吓水果類冰品！ [instagram photo=”CKlmMDzJZ2_”][/instagram] Snowy Village嘅皇牌甜點絕對係水果杯同沙冰~ [instagram photo=”CFephKAh4ob”][/instagram] [instagram photo=”CEL4_QXgJaa”][/instagram] 雖然仲未可以出國，但都要bookmark定，遲啲食晒佢！ Snowy Village日本分店 地址：1 Chome-8-8 Jingumae, Shibuya City, Tokyo 150-0001日本
疫情期間咁耐無得去日本，大家一定好掛住當地嘅美食！ 依家各位日本迷有口福啦，因為日本國宮崎縣政府香港事務所將首度與日本「KIDO木戶」合作， 期間限定推出各款以宮崎縣時令食材入饌嘅特色菜式，等各位香港人都食到正宗宮崎美食！ 「KIDO 木戶」將於2月23日至3月22日推出十多款限定菜式，當中必試宮崎牛、Marumi 豚肉、「奇蹟的佐土原茄子」等等 真係聽到都流哂口水！ 佢哋嘅「炭火燒宮崎牛」連續3年勇奪「內閣總理大臣賞」冠軍，而且更採用擁有「日本一」美譽嘅宮崎牛製作 炭火燒宮崎牛味道濃郁脂香四射，各位食肉獸一定鍾意！ 另外並有以柔軟Marumi豚肉作主食嘅 Marumi豚肉免治扒同埋豚肉沙律，食落唔會過於油膩，但又保留到肉香 而「奇蹟的佐土原茄子」用咗獲稱為宮崎縣傳統蔬菜嘅佐土原茄子製作而成 仲有擔擔味噌佐土原茄子，勁有日本風味 同時亦有宮崎鄉土料理之一嘅南蠻雞，呢款菜式係縣民嘅精神食糧，必試！ 好難得可以食到正宗宮崎風味嘅美食，大家記得去試吓啦！ KIDO 木戶 地址︰尖沙咀棉登徑8號地下G12-13號舖
