Open Tour
作為動漫迷，去大阪朝聖之地之一一定係環球影城！ 繼上年曾經風靡一時嘅「美少女戰士」商品， 今年同樣時間再度登場！！ 唔止有賣上年嘅人氣產品，仲會有新推出限定商品㗎～ 新品! 露娜P造型零食筒 新品! 「聖杯」飲料杯 新品! 變色變身器 上年人氣商品! 《美少女戰士》爆谷筒 新品! 超靚行李箱!!! 裡面仲係美少女戰士pattern! 新造型首飾盤! 兩色毛巾 美少女戰士造型TEE 月野兔連身裙! 化妝袋 變身器做手柄嘅遮! 仲有手機殼、公仔、髮夾同頭箍等等週邊商品 （圖片來源：日本環球影城官網） 美少女粉絲即刻去搶購啦～～～ ==================================== 「美少女戰士4-D Miracle」 售賣地點：大阪USJ 發售日期：2019年5月31日～8月25日
百變小櫻迷有福啦!!! 百變小櫻巡迴展將於今個暑假登陸大阪啊！ 上次東京睇唔到，今次係機會啦～ 今次展覽將會有大阪限定新設計！ 唔再只係以櫻花為主 背景變成綠葉，而基路仔就拎住一串得一粒嘅章魚燒 預購門票仲會送埋明信片同貼紙添~ 2019年4月15日喺LAWSON開始發售，想去嘅朋友記得留意時間去買啦！ 睇返上次東京六本木嘅百變小櫻展覽， 場內有唔止有小櫻「戰衣」實物 仲有展出所有古羅卡、小櫻卡同透明卡 而最吸引當然就係有巨型基路仔比大家打卡影相啦～ 等我地期待一下今次大阪會有咩新搞作啦～～ ========================================= 大阪百變小櫻庫洛魔法使巡迴展 Hirakata Park Event Hall 地址：大阪府枚方市枚方公園町1-1 日期：2019年6月8日 – 9月15日
復活節又到喇！ 大阪USJ一如以往舉行將會舉行期間限定活動「環球復活節」！ 今年嘅規模又大咗，皆因除咗有充滿活力嘅 Universal Wonderland 之外， 仲有全球最大嘅 Minion Park 一齊登場！聽到呢個消息係咪好興奮呢？ 今年係第一次喺 Minion Park 舉行復活節慶祝活動， 周圍都充滿 Minions 主題嘅復活節裝飾，例如兔仔、鮮花～ 大家係咪好想同以復活節打扮嘅 Minions 影相呢？ 佢哋真係好可愛啊！ 今年一次過可以玩哂兩個園區，真係好令人期待！ 值得一提，連「尋找復活蛋競賽」都有進化版登場！ 只要喺兩大區域搵齊復活蛋，就可以得到獎牌！ 一邊玩園區嘅遊樂設施，一邊挑戰競賽，真係好充實！ 活動期間每日仲會舉行「Wonderland Season Joy ~Easter ver.~」， 到時 Hello Kitty、Snoopy、Cookie Monster 等卡通都會以復活節造型同大家見面㗎！ 一齊跟著音樂跳舞，感受現場熾熱嘅氛圍啦！ 齋玩邊夠滿足？今年復活節仲有限定爆谷造型桶！ 睇見 Minion 同 Snoopy 都加上可愛兔耳仔嘅設計，係咪好想帶哂返屋企呢？ 另外限定推出限定焦糖布丁口味嘅 Minions 夾心餅乾，同埋七彩棉花糖搭配朱古力碎片！ 好想買嚟食啊！ 仲有好多復活節特色美食，好吸引啊！ 當然亦唔少得限定商品！只可以喺樂園先有得賣，你又點可以錯過？ 「大阪USJ，我嚟喇！！」 想知 Minion Park 仲有乜嘢玩？睇吓我哋介紹啦！ USJ復活節限定活動 […]
位於東京嘅讀賣樂園又有嘢睇喇！ 就係為期4個月嘅夜間彩燈Show—Jewellumination Lightopia！ 每年都吸引好多日本人去睇㗎～ [instagram photo=”Bq2bBQfFBYS”][/instagram] 今年讀賣樂園以光輝理想國「Lightopia」為主題， 仲係由世界著名照明設計師石井幹子全力打造～ [instagram photo=”BqoOzBUgSAq”][/instagram] 而今年8個主題區域都係經過重新改修㗎～ 燈泡比上年多咗50萬個，加埋足足有600萬個啊！ [instagram photo=”BrFcqahHN1C”][/instagram] 全世界得呢度先有嘅寶石色燈飾亦唔可以錯過～ 呢個鑽石極光世界，影相一流！ [instagram photo=”BsXwXkhD9qt”][/instagram] 想有更難忘嘅體驗？一家要嚟珠寶滑雪場！ 坐定定滑兜，準備喺光芒之中滑落嚟啦！ [instagram photo=”BsA6q5SHSow”][/instagram] 睇完精彩嘅彩燈Show，仲可以欣賞埋全日本數一數二嘅大型噴泉表演添～ [instagram photo=”Br3k85BlfpW”][/instagram] 園內仲有夜晚限定先會玩到嘅遊樂設施：摩天輪「寶石極光」、「星光過山車」 睇星星、欣賞埋東京夜景都仲得！ 仲有一個月多就結束，想睇就記得唔好錯過喇～ [instagram photo=”Brl79zkH_KW”][/instagram] 「Lightopia」主題彩燈Show 地址：206-8725 稻城市矢野口4015-1 點燈日期：2018年10月11日至2019年2月17日 點燈時間：下午4:00至晚上8:30 ***休息日：2019年1月15至17日、1月21至24日 交通：由京王線「京王讀賣樂園」站乘搭纜車 Sky Shuttle / 由京王線「京王讀賣樂園」站乘搭纜車 Sky Shuttle [map url=”https://www.google.com/maps/embed?pb=!1m18!1m12!1m3!1d3243.1130363934067!2d139.51534561560143!3d35.62493978020761!2m3!1f0!2f0!3f0!3m2!1i1024!2i768!4f13.1!3m3!1m2!1s0x6018fa887471f1f7%3A0xe782eba55f33f953!2z6bue54eI56eAIOiugOizo-aoguWckg!5e0!3m2!1szh-TW!2shk!4v1547542486920″][/map] =============== 放假去邊 更多好介紹: 快啲like我哋Facebook 同follow我哋Instagram啦!
源自奈良時代718年嘅三重県菰野町〈湯之山温泉〉， 不知不覺已經開湯超過1300年喇！ [instagram photo=”Bn8sYQaAlaC”][/instagram] 錯過咗之前期間限定嘅「足湯火車」？唔緊要！ 為咗俾更多本地同國外遊客體驗，官方近期再推出「TSUDOI 冬季足湯觀光列車」，延續之前強勢嘅人氣！！ 列車由2019年11月至2020年3月，逢星期六、日及公眾假期行駛， 想溫泉浸腳嘅乘客，只要當日喺車內櫃檯加購「足湯使用券」就得！ 到時仲會送一條開湯1300年紀念毛巾俾你添～ [instagram photo=”BpLNXYQngdh”][/instagram] 溫泉水係嚟自日本三重縣三重郡菰野（こもの）町嘅菰野温泉， 每日都堅持抽取泉水，所以唔洗擔心衛生問題～ 值得一提，車上仲會喺節慶期間有限定嘅茭白葉溫泉（2020年1月11至13日）、艾草溫泉（2020年3月20至22日）！ 最特別嘅係！列車裡面有吧台！ 除咗日本食物、土產， 仲有售賣菰野町嚴選嘅三種當地酒組合，大家不妨試試～ 點止啊！每位乘客仲可以獲得湯之山溫泉優惠券添！ 仲有其他折扣優惠，千祈唔好錯過啊～ [instagram photo=”B6ZKO95Hu8M”][/instagram] 搭火車唔再係食便當咁簡單，原來仲可以舒舒服服浸腳、傾吓計～ 真係唔想咁快落車啊！ 不過想體驗嘅朋友就要留意，有部分時間係停駛～～ 名古屋「足湯列車」 營運日期：2019年11月30日至2020年3月22日（逢星期六、日及公眾假期） 營運時間：［第1列車 – 由近鐵名古屋站出發］早上10:06至11:50、［第2列車 – 由湯之山溫泉站出發］下午3:38至5:23 載客量：56人 Photo Credit: Kintetsu.co.jp =============== 放假去邊 更多好介紹: 快啲like我哋Facebook 同follow我哋Instagram啦!
由3月27號起到6月6號， 東京迪士尼將會舉辦復活節限定活動， 除咗有好多復活節特別表演同埋限定商品， 連米奇米妮都換新裝戴上兔耳帽同兔耳頭飾， 一齊睇下有咩玩啦~~ =============== 【限定活動必睇】 Fashionable Easter表演秀 今年嘅表演秀係以「美式海濱風」為主題，米奇同好朋友們屆時會著住五彩繽紛、最時尚嘅裝扮同大家見面！表演中，米奇同米妮將結集美國海濱、失落河三角洲、美人魚礁湖，同神秘島四大海港嘅表演者，一齊乘船登場，配合歡樂音樂載歌載舞，同大家一齊迎來最熱鬧嘅春季復活節慶典！ INFO. 表演次數：1日2至3回公演 表演時間：約25分 表演地點：地中海港灣 Atmosphere Eentertainment 迪士尼海洋招牌樂隊「Tokyo Disney Sea Maritime band」都會著住復活節特別服裝，喺美國海濱嘅港岸公園為大家帶來精彩嘅樂曲表演~ =============== 【限定打卡點】 Photo Location 特別活動期間，園區各處會設置復活節藝術彩蛋同埋滿載繽紛花卉、復活節彩蛋嘅經典車同大型花籃裝飾等園區裝飾。除咗可以自備兔耳帽同兔耳頭飾影相之外，仲可以從特設區嘅攝影師借影相小道具，真係打卡都打到手軟~~ Egg Hut in Tokyo Disney Sea 復活節限定「搵蛋活動」！遊客可以去買尋寶地圖，跟住當中提示搵復活蛋，搵到嘅話就可以獲得兔耳髮夾，準備定朋友比賽鬥快搵蛋啦~~ INFO. 地圖費用：￥900(1次) 販賣店鋪：EMPORIO、Tower of Terror Memorabilia、Sleepy Whale Shop =============== 【限定必買】 去迪士尼除咗玩得開心，買得盡興都好緊要！Duffy同佢女朋友都換咗2018年版本復活節新裝、米奇都著上縮小版表演服！仲有各式各樣嘅復活節彩蛋同兔耳周邊，咁可愛，點忍手啊~~ =============== 【限定必食】 園內餐廳都有推出復活節特別餐點，從盤到外帶杯等，全部印滿了可愛嘅復活節特別圖樣！喺餐廳食又好、攞住邊行邊食都好，完全會陷入超夢幻嘅復活節氛圍入面~~~ 連住迪士尼酒店都可以獲得限定復活節贈品！今個復活節，迷士尼迷絕對要衝衝衝啊~~ Source : 東京ディズニーシー ディズニー・イースター =============== 放假去邊 更多好介紹: […]
嚟自法國人氣繪本嘅泡泡先生（Barbapapa）， 粉紅色圓碌碌嘅身體加上療癒嘅笑容， 而家仲推出埋冬甩，真係可愛到唔捨得食啊~~ 期間限定3月1日至4月17日，泡泡先生會同美國知名冬甩牌子「Krispy Kreme」聯名推出「泡泡先生家族系列」冬甩！ Barbapapa 士多啤梨 樂於助人嘅泡泡先生，可愛嘅紅臉以士多啤梨朱古力製成，眼鏡係白朱古力、口鼻係黑朱古力，而內餡就包住香甜嘅士多啤梨奶油~ Barbazoo 焦糖 內餡係香醇嘅焦糖奶油，鍾意食布丁嘅話唔好錯過呢款風甩喇~ Barbamama 吉士 梳住包包頭嘅Barbamama睇落係咪好慈祥呢？髮飾採用多彩糖製成，而內餡則係軟滑嘅雲尼拿吉士奶油~ Barbalala 哈密瓜 內餡放入紅肉哈密瓜製成嘅濃郁奶油，臉就用雲尼拿朱古力製成，髮飾用銀珠糖嚟點綴~ 由3月15日起，為咗迎接復活節嘅到來，「Barbapapa 士多啤梨」同「Barbazoo 焦糖」仲會有兔仔耳仔裝飾，可愛度秒升啊~~ 有3、6、12、20個裝嘅組合，無論係自己食定同屋企人朋友分享都係一流啊~最開心嘅梗係自己食之餘，相機都有得食啊！ 想要收集泡泡先生家族冬甩，就快啲飛到日本Krispy Kreme報到，帶哂佢地番屋企啦~~ Source：Krispy Kreme Doughnuts INFO. 【アトレ川崎店】 地址：神奈川県川崎市川崎区駅前本町26-1 アトレ川崎 1F 電話：044-223-1690 營業時間：8:00～22:30 【ルクア大阪店】 地址：大阪府大阪市北区梅田3-1-3 ルクア大阪 地下1階 電話：06-6347-1072 營業時間：7:00～23:00 =============== 放假去邊 更多好介紹: 快啲like我哋Facebook 同follow我哋Instagram啦!
特大麥當勞餐同可樂驚現韓國!? 原來係為咗應援平昌冬季奧林匹克運動會推出嘅快閃店， 有得睇賽事之餘，又有得打卡， 又多一個去韓國嘅理由喇！ 超大型麥當勞快閃店， 坐落喺體育場邊嘅「江陵奧林匹克公園」~ [instagram photo=”BfD03QalXpN”][/instagram] 漢堡包設計嘅本店，加上14米高嘅大型薯條同飲品杯， 變身為「巨無霸套餐」，真係見到都已經覺得肚餓喇~ [instagram photo=”BfFQ0dIj3hU”][/instagram] 大型薯條整得超逼真，紅色嘅包裝盒加埋黃色嘅薯條超靚啊~~ [instagram photo=”BfM37NdAHHM”][/instagram] 日頭色彩繽紛，夜晚加埋燈光照明，閃閃發光，原來食麥當勞都可以好浪漫~ [instagram photo=”BfDghHjBurZ”][/instagram] 除咗可以買到經典嘅麥當勞餐之外，仲可以俾選手同觀眾打卡影相，一舉兩得~ INFO. 地址：江陵奧林匹克公園 =============== 食麥當勞點會少咗可樂啊~ 20米高嘅「巨人版」可樂販賣機登陸弘大！ [instagram photo=”Ber5I-gHvFG”][/instagram] 呢間快閃店除咗有好多口可樂周邊商品外，特別嘅係繡上奧運嘅五環LOGO，超有紀念價值啊~~ [instagram photo=”Betna7UHXok”][/instagram] 可口可樂吉祥物北極熊會隨機出沒喺展場，睇下你夠唔夠運撞到佢喇~ [instagram photo=”BestcvnBpyU”][/instagram] 仲可以將自己個名／相印喺可樂樽上面，一齊製作專屬於你獨一無二嘅2018平昌可樂樽啦~~ [instagram photo=”Beu0ehBlzKz”][/instagram] 錯過就沒機會嘅限定活動，仲等咩啊！快啲去韓國瘋狂打卡啦~~ INFO. 活動期間：2018.02.02 – 02.26 地址：首爾市麻浦區西橋洞344-11（弘大正門前） =============== 放假去邊 更多好介紹: 快啲like我哋Facebook 同follow我哋Instagram啦!
期間限定！ 一年一度北海道「冰屋村落」， 好似置身喺Forzen 超夢幻場景~ 用全天然冰同雪製成嘅夢幻村落，今年會1月27日至3月21日對外開放~ 成間都係用冰堆積而成嘅冰吧，吧檯上擺滿各色酒樽，更加襯托出冰吧嘅晶瑩透徹~ 連酒杯都係用冰雕刻而成~ 仲有得現場自行打造出屬於自己嘅玻璃杯添~ 週末就有冰屋音樂會，有各種各樣嘅弦樂器、民俗音樂、流行音樂等， 唔知去到會唔會聽到Elsa唱let it go呢？XD 好多人夢想中嘅雪地婚禮可以喺度實現喇！ 因為真係有一間冰製成嘅冰屋教堂，喺度結婚一定超浪漫~ 仲可以浸全世界唯一喺冰上搭建嘅露天溫泉，連更衣室都係用冰打造， 夜晚可以一邊睇天上數之不盡喺星星一邊浸溫泉~ 驚太凍？仲有足湯區可以選擇~ 想再難忘啲？試下冰屋露營啦！ 從枱到床都係用冰整㗎~ 另外仲有冰雕、滑雪、雪上電單車等活動可以玩~ 去北海道記得體驗呢個超夢幻嘅冰雪世界喇~ Source ﹕然別湖kotan【官網】 【kotan冰屋村落】 地址 ﹕北海道河東郡鹿追町然別湖畔 開放期間 ﹕2017年1月28日(六) ― 3月20日(一) 費用﹕參觀免費 / 其他活動需另外收費 交通 ﹕從JR「帶廣車站」搭乘北海道拓殖巴士(1小時40分鐘)前往 [map url=”https://www.google.com/maps/embed?pb=!1m18!1m12!1m3!1d2905.2268417240634!2d143.09872321569227!3d43.26762328529531!2m3!1f0!2f0!3f0!3m2!1i1024!2i768!4f13.1!3m3!1m2!1s0x5f7319d4a5a674e7%3A0x77cbc7c97b2c7824!2z54S25Yil5rmW55WU!5e0!3m2!1szh-TW!2shk!4v1518170788213 “][/map] =============== 放假去邊 更多好介紹: 快啲like我哋Facebook 同follow我哋Instagram啦!
小櫻迷準備尖叫！ 百變小櫻Café 由2月6號開始閃電登陸日本！ 期間限定㗎！ 快啲去潮聖啦~ 官方將Café 分為第一同第二彈，分別為2018年2月6日- 2018年2月22日，同埋2018年2月23日 – 2018年3月14日，會陸續推出限定食品~ 第一彈限定 【櫻花滿開！與小狼再會奄列♪】 1,400円 小櫻同小狼喺櫻花盛開嘅開學日重遇，好浪漫啊~ 【木之本家早餐（藤隆ver.）】1,400円 平時見到小櫻嘅溫柔爸爸整早餐，已經勁想食， 估唔到真係食到~~ 【雪比和菓子盤 】1,100円 只要一食甜品就停唔到嘅雪比和菓子盤~ 【千春芝士蛋糕】 1,100円 睇過最新一輯《百變小櫻：透明牌篇》嘅小櫻迷， 對呢個芝士蛋糕一定唔會覺得陌生~ 第一彈、第二彈共通menu 【基路仔熱焦糖牛奶】 750円 【基路仔棉花糖熱焦糖牛奶】 850円（數量限定） 有基路仔對翼嘅拉花圖案，超可愛~ 【小櫻班戟】 點會少咗基路仔最愛嘅班戟啊！ 一片150円，最多可以追加10片~ 【《百變小櫻：透明牌篇》人物主題飲料】 750円 一共四款隨機發售，有小櫻、小狼、知世同轉校生秋穂款~ 【小櫻「封印解除」飲料】 750円 有古羅卡喺杯嘢飲上面㗎~ 棉花糖櫻餅 800円 食住櫻餅睇櫻花，勁浪漫~ 仲有勁靚嘅小櫻外賣盒！ 最開心嘅係，凡光顧就會隨機附贈相關杯墊、書籤同貼紙， 而且第一、二彈嘅限定人物都唔同㗎~ 《百變小櫻：透明牌篇》杯墊 第1彈：小櫻、知世、小可、神秘人物 第2彈：小狼、雪兔、桃矢、神秘人物 《百變小櫻：透明牌篇》CLEAR書籤 第1彈：小狼、雪兔、桃矢 第2彈：小櫻、知世、基路仔 《百變小櫻：透明牌篇》貼紙 如果以上主餐、甜點同飲料都各點一份， 將會隨機送出古羅卡貼紙~ Source:tower.jp INFO. 【TOWER […]
