Open Tour
放假大家又會去邊呢？不如試下去西貢白蠟村，位於西貢一個偏僻嘅村落入面放鬆下喇，溫馨提示大家自己垃圾自己帶走，切勿為打卡影相破壞環境。大家可以喺西貢碼頭搭的士入去，白臘村村口落車後步行15分鐘就到。（車程大約$70-$80左右）。 呢度大於300年前係一條客家村落，但宜家已經變成廢村，商家為咗吸引人流，於是就將呢度嘅村落粉飾成為七彩童話屋喇。 有綠色、淺黃色、藍色、紅色同橙色屋仔。 大家見到呢個指示牌，係教大家前往東丫，上山條路都一樣咁靚。 行出小小就係沙灘，隔離有條木橋，大家行出去時候需注意安全，因為兩側沒有任何圍欄。 上東丫山頭嘅時候，到達山頂時候望落嚟可以見到海平面，感覺超正。 路線： 白腊村→七彩童話屋→東丫→沙橋 西貢碼頭→搭的士到白腊路村口→步行15分鐘→七彩童話屋→跟隨指示牌去沙橋方約15分鐘就可以到達/東丫方向上山約30-45分鐘 圖片來源：@emily_0224
美國加州新港灘（Newport Beach）最近喺網絡受到熱烈討論～ 因為海灘泛起罕見而且期間限定嘅螢光藍色，相當神奇！ 當你喺沙灘每行一步，甚至海浪捲起都會出現螢光藍～ 據講係因為海入面嘅藻類而導致有呢個咁神奇嘅景象！ 當地人都話唔係經常有，大家係咪都好想睇呢～ [instagram photo=”CAHW1YCnUcB”][/instagram] 嘩！海水泛起螢光藍啊！ [instagram photo=”B_ELxMtp6iS”][/instagram] 好靚！真係好靚！ [instagram photo=”CAHpCJOgn0I”][/instagram] 深夜睇得更加清楚～ [instagram photo=”CAHpZG8i_W-“][/instagram] 好神奇啊～ [instagram photo=”CAHf34mlHa-“][/instagram] 黃昏或者日落嚟一定好浪漫～ [instagram photo=”CAHpsW-CBxS”][/instagram] 見到啲魚都係螢光啊！ 新港灘(Newport Beach) 螢光藍海灘 地址: 美國加利福尼亞州奧蘭治縣
泰國蘇梅島出咗名純天然，有未受污染嘅白沙海灘、清澈如鏡嘅海水， 係泰國東岸的人間仙境、度假勝地。 Silavadee Pool Spa Resort位於拉邁海灘(Lamai Beach)， 係蘇梅島其中一間出名酒店別墅~ [instagram photo=”B0G-zu9HIDk”][/instagram] Silavadee有一般客房或Villa，別墅一般都有私人露天泳池，飽覽海景~ [instagram photo=”B5SD3Pslwur”][/instagram] 無邊際泳池嘅設計令住客享受到海天一色嘅美景~ [instagram photo=”B3okOl6BRRd”][/instagram] 雖然單棟別墅價錢較貴，但就能夠擁有私人空間，做乜都得，夠哂嘆！ [instagram photo=”Bu5srWvgGqB”][/instagram] 不過就算你book唔到villa，酒店內都有兩個開放嘅無邊際泳池比住客使用~ [instagram photo=”ByctUwyAsZG”][/instagram] 重要嘅係因為酒店向東，而且非常開揚，日日都可以欣賞到絕美嘅日落晚霞 [instagram photo=”B0aGr3QAGXy”][/instagram] 喺酒店泳池嘆唔夠，更可以行多幾步落到海灘吹風~ Silavadee Pool Spa Resort 地址：208/66 Moo 4, Maret, Koh Samui, Suratthani 84310 Thailand 電話： +66 77 960 555 網址：www.silavadeeresort.com
⭐⭐最新消息⭐⭐ 大會宣佈基於安全及交通問題，決定取消「陞域香港沙灘節 2019」。 「第七屆陞域香港沙灘節」將於10月26至27日喺淺水灣沙灘舉行喇！ 場內將會同時舉辦多項精彩刺激嘅沙灘體育活動，包括：堆沙堡壘同樂日、兒童沙灘足球比賽、親子田徑比賽、兒童沙灘競技、國際沙灘水球錦標賽、陞域三重泳挑戰賽、沙灘排球和美人魚表演等等。 堆沙堡壘同樂日 兒童沙灘足球比賽 兒童沙灘競技 國際沙灘水球錦標賽 陞域三重泳挑戰賽 沙灘排球 美人魚表演 「陞域香港沙灘節」免收入場費㗎，部份活動或需預先報名及收費！ 到時仲會有美食同埋冰凍啤酒攤位，大人細路一齊去盡情享受沙灘活動嘅樂趣啦！ 【第七屆陞域香港沙灘節】 日期：2019年10月26–27日 (星期六、日) 時間：上午10時至下午6時 地點：香港淺水灣沙灘 收費：免費入場 詳情：請按此 堆沙堡壘同樂日：請按此 兒童沙灘親子田徑比賽及兒童沙灘足球活動：請按此
葡萄牙靚到令人窒息嘅岩洞沙灘—海蝕洞Benagil Cave， 被評為全世界最靚海岸之一，亦都成為當地嘅旅遊名勝～ 行入海蝕洞入面你會見到圓型洞頂有陽光照入， 好似一道光束射入原本陰暗嘅沙灘，好有世外秘景嘅感覺啊！ [instagram photo=”B1lX8z5ApqY”][/instagram] 遠睇成個海岸非常壯觀啊～ [instagram photo=”B1mu8GZIRg1″][/instagram] 而外面沙灘非常熱鬧～ [instagram photo=”B1mtKlhF5zq”][/instagram] 呢個就係海蝕洞Benagil Cave嘅入口啦！ [instagram photo=”B1mkfgWixpe”][/instagram] 真係有束光射入去啊！ [instagram photo=”B1lQEQhI5wu”][/instagram] 真係好夢幻！ [instagram photo=”B1izNVDIIhS”][/instagram] 靚到難以形容～ [instagram photo=”B1mJt7Ynill”][/instagram] 大家記住呢個打卡位啦～ [instagram photo=”B1lAWR2o_8w”][/instagram] 又要講老土嘢，大自然真係好偉大啊！！ Benagil Cave 地址：CM1154, Lagoa 8400, Portugal 交通：由里斯本出發，可乘 Renex 巴士前往 Lagoa，車程約 3.5 小時，再轉乘 38 號巴士或的士到達 Benagil 鎮，車程 15 分鐘
⭐⭐最新消息⭐⭐ 香港旅遊發展局（旅發局）宣佈，鑑於近日金鐘及中環一帶的情況，經過審慎考慮後，決定取消「香港龍舟嘉年華」。 一年一度嘅香港龍舟嘉年華又嚟啦~~ 「2019香港龍舟嘉年華」將於 6月14至16日一連三日喺中環海傍舉行。 除咗最矚目嘅「國際龍舟邀請賽」之外，仲有人造沙灘同水戰區，一齊過嚟攞起支水槍大戰一番啦﹗ 玩到肚餓都唔洗驚，場區內嘅「街頭美食盛會區」，集合咗多間特色餐廳及美食車，各款街頭滋味任君選擇﹗ 40個手作品牌匯聚 今年大會仲增添咗以「港市集。港故事」為題嘅手作市集，40個不同界別嘅手作設計品牌將展示過百款工藝精品，想做「偽文青」嘅你仲唔一齊嚟尋找一下本土手作人嘅故事，感受一番文藝氣息﹗ 趣味活動 欣賞龍舟賽事之餘，你仲可以同屋企人一齊，投身趣味活動，由早玩到晚！ 人造沙灘及嬉水活動 喺人造沙灘欣賞維港美景，同陽光玩遊戲；參加消暑嬉水遊戲，瘋狂投入地玩呀！ 黃昏音樂會 觀賞由眾多歌手送上嘅精采演出，感受音樂活力。 Elite Partners扮嘢大賽 身穿有趣及創意服飾嘅龍舟隊伍將一較高下，爭奪「特色造型大獎」。 互動節目 欣賞樂隊演奏和小丑表演，參與臉部彩繪、貼紙紋身等趣味活動。 【香港龍舟嘉年華 2019】 日期：2019年6月14至6月16日 (星期五至日) 時間：上午8時30分至下午5時30分 地點：中環海濱活動空間 入場：免費 「港市集。港故事」手作市集 日期及時間： 6月14日 (星期五) 下午1時至晚上9時 6月15及16日 (星期六及日) 中午12時至晚上9時 地點：中環海濱活動空間 如何前往 ⭐ 從港鐵金鐘站A出口，沿人行天橋並經過添馬艦政府總部後，往添馬公園及沿海方向步行約10分鐘。 ⭐ 從港鐵中環站A出口，右轉沿人行天橋往香港摩天輪方向步行約10分鐘。 ⭐ 從港鐵香港站A2出口，右轉沿人行天橋往香港摩天輪方向步行約8分鐘。 ⭐ 從尖沙咀搭乘天星小輪至中環，然後左轉步行約2分鐘。 資料來源：香港旅遊發展局、麥田捕手
萬眾期待 — 沙灘獵蛋奇兵又嚟啦！ 各單位注意‼ 愉景灣年度盛事「沙灘獵蛋奇兵 2019」將於 4月19、20日舉行，記得網上公開報名日期係 3月7日呀! 每年嘅4月，就係屬於小朋友嘅季節，愉景灣為一眾小朋友準備咗好玩又刺激嘅掘蛋活動。 「沙灘獵蛋奇兵」分為三個年齡組別，分別為：A組及D組(3-4歲)、B組(5-6歲)及C組(7-10歲)。 年齡介乎以上組別的小朋友均可參加。 「繽紛天地」 有多個攤位遊戲及充氣遊戲畀你玩，注意參加者必須著襪進行遊戲，另身高須為90厘米至140厘米。 想成為獵蛋奇兵，就要留意以下詳情啦! 「愉景灣沙灘獵蛋奇兵 2019」及「繽紛天地」 日期：2019年4月19及20日 (星期五及六) 時間：10:30am – 6:30pm 地點：愉景灣廣場及大白灣沙灘 遊戲：沙灘獵蛋、攤位遊戲及充氣遊戲 「獵蛋證公開報名」詳情 日期：2019年3月7日 (星期五) 時間：10:00am起 (僅限網上購買，先到先得，額滿即止) 收費：HK$200/張 (不包括「購票通」手續費，每次只限登記兩張) 網址：www.cityline.com 經香港愉景灣酒店預訂復活節住宿套票，可獲得一張獵蛋證 。 活動受條款及細則約束，詳情請Click入： https://dbeasteregghunt.com
全港獨家水晶雙層巴士，用創新方法、舒適空間和特色美食帶你遊香港。 港人限定優惠，持香港身份證人士， 訂位時輸入『OpenHolidays』優惠碼，即享75折優惠! 特價：$285/一位 (原價：$380) 訂位及包車詳情：www.crystalbus.com.hk ==================== 近排好多人都去歐洲~但冇去嘅你都唔好傷心 不妨去馬灣呢個歐陸式庭園影吓相~花花隧道、典雅六柱涼亭同英式鐵閘都令人好似置身另一國度咁啊~ 再去沙灘放鬆吓~~人少少夠靜! 馬灣雖然細細地，但鄰近青衣，勝在喺荃灣、葵芳、青衣搭巴士15分鐘到好方便! 小編：Jaime (FB page: Jaime Ho / IG: @ jaimehomusic） ==================== 馬灣大自然公園劃分成多個區域，而其中嘅意中園就好似歐陸式庭園咁靚! 打卡位1: 花花隧道 一層又一層嘅樹木加上兩旁嘅灌木叢，香港好少有搵到呢啲花花隧道，打卡一流呀~ 打卡位2: 典雅六柱涼亭 六柱涼亭帶有濃厚歐陸風格，半圓形通花頂部被藤蔓植物包圍，仲有一個教堂鐘，有好浪漫嘅感覺~ 打卡位3: 英式鐵閘 打卡位4: 彩虹牆 共有七幅繪畫牆壁，特別之處係牆身設計凹凸不平，由左邊、右邊睇，圖畫都有所不同! 地址：香港新界馬灣田寮村45號 =============== 馬灣東灣泳灘 離開馬灣大自然公園沿珀欣路步行幾分鐘，便抵達馬灣東灣泳灘。 飽覽青馬大橋及汀九橋的景色! 坐喺沙灘望住海同青馬大橋，非常寫意! 隔離就係挪亞方舟博覽館~ 沙灘旁有幾間食肆，唔少人夜晚會坐喺室外，邊食嘢邊睇夜景，好chill呀! 夜景咁靚，唔怪得偶爾都有人喺度求婚啦~~ [instagram photo=”BTfvC1_l84w”][/instagram] 地址：馬灣馬灣大街 =============== 青嶼幹線觀景台 青嶼幹線訪客中心及觀景台係一個介紹青嶼幹線嘅展覽館。 行一條螺旋式小路就能到達圓柱形嘅觀景台，遠眺青馬大橋、汲水門大橋及汀九橋。 [instagram photo=”BTyYvosj9jO”][/instagram] 仲可以用望遠鏡仔細眺望對面景色。 [instagram photo=”BRfSawOj-QY”][/instagram] 無論早晚青馬大橋嘅景色都好靚! [instagram photo=”vNtPInwjDt”][/instagram] [instagram photo=”BRONnI8BiX6″][/instagram] […]
唔講唔知，原來坪洲面積得三分一個長洲咁大! 就係勝在島仔細細少啲人，真係好舒服~ 推介俾大家去hea大半日! [youtube youtubeurl=”Tfg2JB8ZqrE” ][/youtube] 文 : Jaime (IG: @ jaimehomusic) 六七十年代係繁盛嘅商業中心，所以好有懷舊特色! 例如坪洲石屋、天后宮都係香港三級歷史建築物~ 行入內街，周圍都係呢啲懷舊鐵閘~ 坪洲有幾間有名冰室，今次就試試好受歡迎嘅蝦多士啦~ 祺森冰室 地址：坪洲永安街3B地下 蝦多士餐 全日早餐 金源冰室亦係坪洲另一老字號冰室，由一個家庭經營，非常親切! 坪洲永興街15號地下 公司炒通係招牌菜之一，大雜燴得嚟好入味~ 奶茶紅豆冰 (好少地方有架!) 金源冰室正旁邊，就係單車出租店 不妨考慮下單車遊坪洲! 老闆話1個鐘咩都夠，小編試過，1個鐘真係好夠! 沿住志仁街，行到篤就係東灣~ 沿路見到有間粉紅色嘅學校，忍唔住要影相! 有山有海有沙灘，點都要影下照騙…. >> 石澳10個影相位! 影盡歐陸彩色小屋 沙灘旁係悅龍聖苑，又叫龍母廟，可進內參拜 跟住就出發去手指山、銀洲仔亭。呢條路線喺行山嚟講真係極短程，而且輕鬆! 都幾易搵嘅，公廁嘅左後方就係起點啦~ 見到分岔路，左邊上就行三百幾級樓梯，想舒服啲可以行右邊上去，路面較平 話咁快就上到95米高嘅手指山! 向下行就可以去到180度海景嘅銀洲仔亭，又稱天涯海角。 遠處係愉景灣、青馬大橋、尖沙咀、中環~ 行到入去果吓，小編真係覺得有啲似去咗世外桃源⋯⋯ 落山之後又再食~ 蕃薯、魷魚都炸得勁香勁脆! 堅好食! 炸蕃薯 $8, 炸魷魚$8 華記小食 地址：坪洲志仁里2B 號地下 食完野去返碼頭，沿海邊行去坪洲嘅西北面－大利島 呢度啱哂睇日落~~~~ […]
愉景灣位於大嶼山東北部，係個充滿異國風情的渡假式休閒社區。 想悠閒過一日，嘆下靚景、影相、食嘢，可以用幾小時漫步愉景灣； 鍾意行山，可以行老虎頭郊遊徑去梅窩，或由梅窩出發到愉景灣－俯瞰愉景灣全景亦得！ 今次介紹景點有：愉景廣場、愉景灣美食廣場（D’Deck）、大白灣沙灘、愉景北廣場、海濱白教堂、神樂院⋯⋯全部都係影相位㗎！出發！ 小編 : Jaime (FB page: Jaime Ho / IG: @ jaimehomusic) －－－－－－－－－－ 愉景灣碼頭 無論係由中環搭船，定係搭巴士入嚟，都能到達愉景灣碼頭。 神樂院 由愉景灣碼頭總站，折返路口左轉愉景灣道東到稔樹灣。前往神樂院方法有兩種，可以沿沙灘後方的村徑直行，路程半小時；或者在街渡碼頭乘搭來往坪洲與愉景灣的渡輪，但要留意班次是否途經神樂院。 熙篤會聖母神樂院係一座天主教隱修院，參觀時請保持肅靜。上山路途設有紀念耶穌受難的苦路十四處，在樹木上掛有十字架、畫像。以聖堂、小花園、宿舍為主體建築。 小花園內有聖母亭，風格中西合璧，中文對聯同拉丁文都寫有「出入平安」的意思。 愉景廣場 幾乎每個月的第二個星期日都會有週日露天市集，時間大約係11am-6pm。 臨海露天美食區 D’Deck 喺愉景灣碼頭旁邊嘅D’Deck，匯聚多國主題食肆，坐喺室外真係好chill~有啲餐廳可以望到180度海景㗎～夜晚仲會睇到對面迪士尼嘅煙花！ Zaks Mix Berry Smoothie $48、 Zaks Skins 招牌焗薯皮$98 薯皮加上香脆煙肉及芝士，配上三種醬料，當中有小編最愛的酸忌廉！小編自問個胃都幾大，但一個人食哂呢份薯皮真係幾飽！就咁睇以為少少地，其實份量其實都好多㗎！ 地址：愉景灣D’Deck 地下G04及1樓103 營業時間：星期一至日: 07:00-23:00 Coyote Mexican Cantina (墨西哥菜) 朱古力餅配雪糕及朱古力醬 Ibarra Fudge Brownie Bites $65 濃厚暖朱古力餅，配雲呢拿雪糕及朱古力醬～朱古力餅幾有口感，入面有朱古力粒，但略嫌有少少甜！兩個人share就好啲！ 今個月嘅cocktail推介－Very Berry Daiquiri $68 由百加得白朗姆酒(Bacardi […]
