Open Tour
元朗全新主題戶外樂園，大人小朋友任玩一日都只係$94起！真係超抵玩~ 假期唔知帶小朋友去邊度放電？不如試下元朗農樂營啦！ 所有客人可享用室內及室外遊樂設施。小童放電最愛遊樂設施包括：2千呎室內兒童遊樂室 (內有波波池及各類型玩具)、動感平衡車、單車、手搖船、嬉水池 (季節性開放)、室外彈床、滑梯等。 大人都有多個打卡拍攝地方、讓你仿如身處熱門旅遊地點打卡。可於戶外觀賞星空及日落景致，樂而忘返。 家庭聚會、三五知己更可相約於燒烤區BBQ，自選燒烤食材，包括：振興牛丸、日本空運和牛、韓國熟成牛排、溫室牛奶粟米，更可預訂代購海鮮。 【1折優惠碼開搶日期: 2022年8月21日 6PM，有效期至8月28日 11:59PM】 元朗農樂營 地址： 元朗牛潭尾路攸潭尾邨 限時優惠開賣日期：即日起至2022年8月31日，適用日期：2022年9月1日至9月30日（9月10至12日除外） 立即訂購
鍾意「玩」嘅你要留意啦！ 香港設計中心主辦及香港特別行政區政府「創意香港」贊助嘅「設計光譜」會舉辦全新展覽「好玩日日」， 由即日至4月30日期間於灣仔茂蘿街7號免費開放 大家可以透過展覽認識唔同嘅玩樂設計概念，從而感受正能量，投入遊樂世界 今次展覽由「玩樂專家」PolyPlay Lab創辦人Rémi Leclerc，同埋 Ｍilk Design 創辦人及設計總監利志榮先生聯合策展 為忙碌嘅香港人帶來玩樂新體驗！ 展覽以玩樂設計為主軸，精選來自香港、日本、韓國、美國等地嘅好玩設計項目 玩家可以透過八組遊戲互動裝置，以感覺／運動、想像、認知等等方式去親身體驗八種遊戲類型 完成後玩家將置身玩樂遊記，到訪四個室內特定場景 當中包括︰「影像遊樂」、「物件遊樂」、「身體遊樂」、「空間遊樂」 參展嘅好玩設計項目當中有七組較大型嘅「不尋常」 遊樂性作品，讓人理解唔同議題上嘅價值 參觀者更可以喺「玩具製作工房 Toymaking Playbench」入面嘅扭蛋機扭出由Beets3d.com 贊助嘅3D打印物料，製作專屬玩具！ 今次策展人更邀請咗本地社會設計及研究團隊「樂在製造」參與展覽 喺茂蘿街7號地下中庭製作委約作品「敢動換－歇腳遊玩場」，並於3月31日至4月11日期間免費開放 歇腳遊玩場由管形展區、波浪裝置同埋「角落換物」分享區組成，玩家可以身體力行去參與設計，好玩又有意義！ 「設計光譜」亦會喺今次展覽期間舉辦一系列免費玩作坊及導賞團等活動， 當中包括︰創作你的光影裝置玩作坊、「禁忌之果」玩作坊同埋玩具製作工坊等等，歡迎大眾報名免費參與 咁多嘢玩，真係好吸引，詳情可以去返佢哋網頁睇下！ 「好玩日日」展覽︰ 日期︰2021年2月23日至4月30日 時間：上午10時至晚上7時（星期一至日） 地點︰灣仔茂蘿街7號3樓
無限loop停課都唔係辦法，趁好天帶小朋友去郊外走動吓啦！ 行山之餘教埋佢哋愛護環境嘅重要性，記得「自己垃圾 自己帶走」呀！ 今次推介呢幾條親子行山路線，啱晒一家大細去㗎！ 1. 大美督家樂徑 大美督是位於船灣海的一處岬角，由於船灣三面環山，1960年代把大美督與白沙頭的水壩連接，然後抽掉海水成為淡水湖，是全球首個在海中興建的水庫。 漫遊主壩是大美督的例行活動，但不少人卻忽略了這裡的家樂徑。 可以在一公里的環迴山徑路程上登上四個觀景台，俯瞰淡水湖、仰望坐鎮新界東北部的八仙嶺山勢，還有南邊船灣海和馬屎洲風光。 ▲ 觀景台 ▲ 遠眺八仙嶺 沿途還有這段遠足路線獨有的十二生肖標示柱，你找到自己的生肖嗎？ ▲ 十二生肖標示柱 路徑簡介 長度：1 公里 時間：0.67 小時 地區：新界北區 交通資訊 起點 可乘搭公共交通工具前往「大美督」巴士總站，向船灣淡水湖主壩方向步行約5分鐘，可達白普理賽馬會青年旅舍旁起點。 九巴路線 – 75K及275R (275R只於星期日及假日行駛。) 專線小巴路線 – 20C及20R 終點 沿路步行回「大美督」巴士總站乘車離去。 九巴路線 – 75K及275R (275R只於星期日及假日行駛。) 專線小巴路線 – 20C及20R ▲ 上落車地點-大美督巴士總站 2. 大潭家樂徑 從陽明山莊起步，沿大潭水塘道步行15分鐘，即抵達家樂徑入口。 中段有多種常見的特色植物，例如小葉烏飯樹及香港茶等等。 ▲ 吊鐘花 大潭水塘由大潭上水塘、大潭副水塘、大潭中水塘及大潭篤水塘組合而成。 ▲ 大潭水塘群 觀景台正好一次過飽覽多個水塘連成的美景，偶然還可看到麻鷹乘風飛翔。 想細賞水塘的英式建築，便要花點腳力，行畢家樂徑後再往大潭水塘道進發。 路徑簡介 […]
「烏溪沙青年新村」每逢大年初三都會舉辦開放日，快啲把握機會去戶外放鬆吓喇！ 開放日有一連串康樂運動加親子活動，例如：繩網陣丶射撃丶芬蘭木柱、充氣彈床及匹克球等。 場內設有大笪地攤位及綜合表演，各項康樂設施免費任玩！ 當日仲可以免費享用佢嘅戶外設施，包括燒烤場丶大草地丶籃球丶足球丶羽毛球及網球場。 呢個絕對係歡度春節嘅好節目，仲唔快啲約埋親朋好友入去玩！！ 【烏溪沙青年新村營地開放日】 日期：2020年1月27日 (星期一/大年初三) 時間：上午10時至下午4時 地址：沙田馬鞍山鞍駿街 2 號 查詢：2642 9420 收費：費用全免 (駕駛者除外) ⭐ 溫馨提示： ● 當日所有汽車每次進出均需捐出HK$100，供香港中華基督教青年會作慈善用途，為保護環境，請盡量使用公共交通工具。 資料來源：Chinese YMCA of Hong Kong
農曆新年後有咩玩？？ 不如帶小朋友去支持同認識消防及救護員嘅工作，全港各區消防局將於2至3月陸續舉辦「防火嘉年華」及「消防局開放日」。 咁有意義嘅親子活動你點可以錯過呢，快啲mark實以下日子啦！ 東區 東區防火安全嘉年華 日期：2020年2月9日 (星期日) 時間：下午2時至5時 地點：西灣河愛秩序灣公園 內容：透過舞台表演及攤位遊戲，向東區居民宣傳防火安全訊息。 油尖旺區 油尖旺區防火嘉年華 日期：2020年2月9日 (星期日) 時間：中午12時至下午5時 地點：旺角麥花臣遊樂場 內容：開幕典禮、醒獅表演、防火器具話劇表演、火警調查犬示範、消防安全教育巴士、消防及救護工具展覽、救護信息教育車展覽、兒童滅火防護服拍照區、綜合表演、充氣彈床及攤位遊戲等。 深水埗區 深水埗區防火嘉年華暨長沙灣消防局及救護站開放日 日期：2020年2月9日 (星期日) 時間：嘉年華：下午1時30分至5時30分/ 開放日：下午3時至5時 地點：嘉年華：長沙灣遊樂場/ 開放日：長沙灣消防局及救護站 內容：節目內容包括典禮儀式、醒獅表演、消防救援示範、消防局及救護站開放日、消防車及其他消防設備展覽、攤位遊戲、地區團體及學校綜合表演等。 南區 防火安全嘉年華暨薄扶林消防局及救護站開放日 日期：2020年2月16日 (星期日) 時間：上午10時30分至下午3時30分 地點：薄扶林消防局/救護站 內容：綜合表演、攤位遊戲、防火安全展覽、消防及救護操練示範、消防及救護車輛展覽、消防及救護工具介紹和急救示範等。 九龍城 龍城區防火教育運動同樂日 日期：2020年2月23日 (星期日) 時間：下午2時至5時 地點：九龍城賈炳達道公園足球場 內容：舞台表演、消防車和裝備展覽及示範、消防流動宣傳車展覽和攤位遊戲。 紅磡區防火教育運動同樂日 日期：2020年3月1日 (星期日) 時間：下午2時至5時 地點：紅磡消防局 內容：舞台表演和攤位遊戲。 元朗區 元朗區防火安全嘉年華暨流浮山消防局及救護站開放日 日期：2020年2月29日 (星期六) 時間：上午10時至下午4時 地點：流浮山消防局 內容：消防拯救示範、消防車展覽、攤位遊戲、綜合表演、親子填色比賽及標語創作比賽頒獎禮。 屯門區 屯門區防火安全同樂日 […]
⭐⭐最新消息⭐⭐ 旅發局宣布，鑑於新型冠狀病毒感染情況的最新發展，以及公共衛生安全的考慮，為保障市民、旅客、表演團隊，及工作人員健康，經審慎考慮後，決定取消原定於年初一至初四舉行的新春國際匯演。 ========================================== 新春匯演迎金鼠，環球派對慶賀豐年！ 每逢大年初一上演嘅「新春國際匯演」喺銀禧25周年之際首度變身一連四日嘅嘉年華，為你送上更多嶄新體驗！ 舞台及巡遊表演 一齊嚟欣賞源自全球各地嘅驚喜演出，26支海外及約22支本地表演團體輪流喺嘉年華活動現場亮相！ 為大家帶嚟雜技、喜劇、傳統舞蹈、魔術和巨型充氣公仔互動展示等各式各樣生動有趣嘅表演！ 其中有著名兒童故事書中走出嚟嘅小小「好餓的毛毛蟲」等，為你同小朋友帶嚟前所未有嘅視覺震撼同趣味體驗！ 美食及藝趣攤位 約15個主題攤位，位於藝術公園中心，你可以喺賀年市集中享用美食！ 記得去埋海濱長廊同繽紛奪目嘅裝置自拍打卡，入場費用全免㗎！ 【國泰航空新春國際匯演】 活動時間： 2020年1月25日（年初一）下午2:00至晚上8:00 2020年1月26日（年初二）下午2:00至5:00 2020年1月27及28日（年初三及四）下午2:00至晚上8:00 海濱巡遊表演： 2020年1月25日（年初一）下午4:15 2020年1月26日（年初二）下午3:00 2020年1月27及28日（年初三及四）下午3:00及下午6:30 地點：西九文化區藝術公園 入場：免費 資料來源：香港旅遊發展局
「石屋有個墟2020」市集嚟緊呢個週末喺九龍城「石屋家園」開始喇！ 手作市集 好多攤位任你行任你買，有手作市集、新春主題工作坊、新春佈置打卡位…啱晒一家大細去㗎～ 新春主題工作坊 日本和諧粉彩又嚟喇！今期導師會教大家畫吉，只限 18/1 一日咋！ 名額有限，快啲嚟MARK咗個位先喇～ <請按此➡報名> 而禮拜日 (19/1) 嘅工作坊就係～扭波波～教你扭大吉+水仙啊！ 有興趣嘅快啲入去報名喇！<請按此➡報名> 導賞團 三級歷史建築物石屋（侯王廟新村31-35號）喺1945-1949年間建喺何家村嘅地基上，係侯王廟新村僅存嘅建築物，依家活化為「石屋家園」。 「石屋家園」以「懷舊冰室」為主題，並以社會企業形式營運。 透過懷舊「石屋咖啡冰室」、文物探知中心、多功能用途室、露天劇場、明陣(labyrinth)等設施，提供餐飲、課程、展覽及導賞團等服務。 【石屋有個墟2020】 日期：2020年1月18至19日 (星期六、日) 時間：上午11:30 – 下午6:30 地點：九龍城聯合道133號石屋家園 (民生書院旁/ 樂富站B出口) 內容：手作市集、新春主題工作坊、新春佈置打卡位 【導賞團】 時間：上午10:30 及 下午2:30 (星期二至六)/ 下午2:30 (星期日) 收費：費用全免，請先預約，每團最多25人 電話：23250111 /23250131 (Café) 資料來源：石屋家園
為迎接鼠年嘅來臨，濕地公園為你呈獻「桃花開好運來風車DIY工作坊」，一齊嚟轉風車行大運啦！ 呢個一連兩日嘅DIY工作坊免費㗎，只要付濕地公園入場費就可以玩。 整完風車仲有咩做? 一場嚟到梗係唔好錯過濕地公園嘅冬季重點活動「觀鳥節 2019/20」喇！ 快啲同雀鳥們見見面，認識佢哋養兒育女嘅「招數」同大自然微妙嘅平衡。 「觀鳥節」詳情 ➡ 請按此 做手工之餘，又可以帶小朋友進一步認識雀鳥，真係一舉兩得呀！ 【桃花開好運來 風車DIY工作坊】 日期： 2020年1月18日至19日 (星期六、日) 時間： 14:00、14:30、15:00、15:30、16:00 (共5節；每節約25分鐘) 名額： 每節30人 地點： 香港濕地公園 多用途室2 對象： 適合4歲或以上人士 資料及圖片來源：香港濕地公園
2020年開始，想去吓戶外活動又想做吓文青嘅你，千祈唔好錯過嚟緊1月19日喺啟德跑道公園舉行，由九龍城民政事務處主辦、九龍城區議會贊助嘅「啟德遊藝嘉年華」呀！ 活動內容非常豐富，小朋友唔洗擔心冇野玩，同智樂合辦嘅「兒童遊戲區」就啱晒活潑又好動嘅你地喇！ 遊戲包括：百變木框、水泡相撲、小小工程師等等兒童遊戲等緊你嚟挑戰！ 同場仲有多個攤位遊戲，實唔會悶親大家！ 當日將會舉行7個特色工藝坊，包括印度曼陀羅彩點藝術杯墊、紙摺舞獅獅頭、廣彩瓷畫、迷你大頭佛同埋民族藍染布袋等，一齊嚟發揮你地嘅小宇宙，製作屬於自己嘅作品啦！ 而喺草地互動劇場為大朋友同小朋友同樣準備咗唔同類型嘅節目，包括環保樂器音樂互動、互動魔術、布偶劇場及繪本音樂會，鍾意欣賞表演嘅你，就一定唔可以錯過啦！ 係咪覺得差咁啲野？今次嘉年華仲為大家提供草地繪本館同美食攤位等，有得食之餘仲有得玩！全部都係免費㗎！ 免費接駁巴士 活動當日早上11時30分開始，以下5個地點有免費接駁巴士來往啟德跑道公園，每隔約30分鐘一班，實際時間視乎交通情況。 ⭐ 九龍塘多福道 (近耀中國際學校(中學部)) ⭐ 何文田忠孝街 (近愛民邨昭民樓) ⭐ 啟德沐虹街 (近聖公會聖十架小學) ⭐ 土瓜灣炮仗街 (近聖公會牧愛小學) ⭐ 紅磡差館里 (近家維邨家榮樓) 有興趣嚟「啟德遊藝嘉年華」嘅大小朋友，約定你1月19日見！ 【啟德遊藝嘉年華】 日期： 2020年1月19日（星期日） 時間： 下午12時至5時30分 地點： 啟德跑道公園 費用： 免費入場 資料來源：九龍城民政事務處、Playright Children’s Play Association
