• Mon. Jun 1st, 2026
    • '
    Home甜品 (Page 3)

    Tag: 甜品

    首爾可愛動物造形甜品 療癒風格令人會心微笑~｜韓國美食｜放假去邊

    韓國首爾嘅Cuore Espresso咖啡店嘅動物造形甜品真係好可愛啊～ 柴犬芝士蛋糕、兔仔Brownie同紅蘿蔔蛋糕呢3款主打甜品就夠哂你打卡！ 而且唔單止造型可愛，味道仲非常高質添～ [instagram photo=”CDIzpfwFl6_”][/instagram] 好得意啊！ [instagram photo=”CAxmdA5Fj22″][/instagram] 呢兩款絕對係必叫之選～ [instagram photo=”CDtjbSvJG6T”][/instagram] 柴犬個樣好傻好搞笑啊！ [instagram photo=”CDk3CNkASTD”][/instagram] 呢款紅蘿蔔蛋糕亦係人氣之選～ [instagram photo=”CBhrDwqBL13″][/instagram] 蛋糕軟綿綿，口感鬆軟，好睇又好食～ [instagram photo=”CBM3yLMlwBt”][/instagram] 呢個兔仔pet pet可愛到都唔知由邊度食起好！ Cuore Espresso 쿠오레 에스프레소 地點: 首爾西草區江南大路275 時間: 平日0800 – 2200 週末1200 – 2100

    author

    【沖繩黑糖豆腐花 】百福甜品館推出沖繩黑糖豆腐花！日本黑糖製成＋絕不添加防腐劑｜香港美食｜放假去邊

    有無人同小編一樣係百福豆腐花嘅fans？ 今次百福甜品館推出沖繩黑糖豆腐花，用咗日本黑糖製成＋絕不添加防腐劑 真係好好味！ 呢款沖繩黑糖豆腐花採用加拿大一級非基因改造大豆製造，加入黑糖製成， 香滑口感，而且唔會太甜，大人細路都鍾意呀 百福甜品館「沖繩黑糖豆腐花」 推出日期：2020年8月21日 銷售點：各大便利店及超級市場陸續有售

    author

    經典芒果甜品大集合！多芒小丸子、芒果糯米糍、芒果牛奶雪花冰……｜香港美食｜放假去邊

    芒果係夏天必食嘅水果之一～味道酸酸甜甜，最啱拎嚟整甜品！ 今次就為大家搵嚟五款夏日必食嘅芒果經典甜品，一齊睇吓係點整喇！ 多芒小丸子 材料：芒果2個、牛奶300毫升、煉奶2湯匙、芒果雪糕2球、糯米粉170克、凍水130毫升 糯米粉慢慢加入凍水，搓成團狀 取出50克粉團壓成片狀，放入滾水煮至浮上水面，再撈起放返入原先嘅粉團入面搓勻 取適量粉團搓成長條狀，切割成適當大小後搓圓 再以滾水煮至浮起，撈起以凍水沖洗降溫後瀝乾水分 芒果削皮，切成適當塊狀大小 將一半芒果肉加上牛奶、煉奶及雪糕後攪勻 最後加上芒果塊及小丸子就完成 芒果糯米糍 材料：芒果1個、糯米粉120克、粟粉30克、砂糖50克、水100毫升、椰奶100毫升、菜油40克、椰絲適量 將糯米粉、粟粉以及砂糖攪勻 加入水及椰奶攪勻，再加入菜油 將粉漿用大火蒸10分鐘，蒸熟後拌起待涼備用 芒果削皮切粒 取適量粉團包入芒果粒再搓圓 最後滾椰絲即成 芒果芝士撻 材料：芒果2個、消化餅10塊、牛油70克、魚膠粉8克、暖水30克、甜忌廉90克、馬士卡邦芝士100克 將一個芒果打成芒果汁，另一個芒果起肉切粒 壓碎消化餅 牛油放入微波爐叮熱成牛油溶液，加入消化餅攪勻後放入撻模壓實，然後放入雪櫃冷藏30分鐘 魚膠粉加水混合，用熱水坐溶 甜忌廉打至8成企身，分兩次加入室溫嘅馬士卡邦芝士中打勻 將魚膠水加入芒果汁攪拌，加入甜忌廉中輕輕攪勻 將餡料放入撻模，再放入雪櫃冷藏1-2個鐘取出 加上芒果粒做裝飾即成 芒果牛奶雪花冰 材料：芒果1個、牛奶400毫升、蜂蜜1湯匙 先將芒果削皮切粒 將一半果肉倒入蜂蜜後搗成泥狀 將牛奶雪成冰後，用刨冰機將牛奶刨成雪花冰 喺牛奶雪花冰加上芒果泥以及芒果粒就完成 芒果糯米飯 一般材料：芒果1個、泰國糯米200克、椰漿200克、砂糖30克、鹽1/2茶匙 淋面椰漿材料：椰漿120克、粘米粉1茶匙、砂糖10克 將泰國糯米浸洗3個鐘，瀝乾備用 將椰漿、鹽及砂糖用中火煮至微滾備用 預備一個已掃油嘅蒸碟，放上糯米，用中高火蒸30-35分鐘 趁熱拌入椰漿，蓋上保鮮膜靜置15分鐘 將準備一個鍋，加入椰漿、砂糖及粘米粉不斷攪拌，用中火煮至濃稠 糯米飯上碟，放上芒果肉及淋上椰漿即完成

    author

    只需三樣材料！炮製滋味Oreo棉花牛奶冰｜香港美食｜放假去邊

    夏天熱辣辣，最啱食冰凍嘅甜品消暑！ 今次就等日本料理頻道「macaroniマカロニ」教大家用三樣材料，用微波爐簡單炮製滋味Oreo棉花牛奶冰喇！ Oreo棉花牛奶冰 材料：Oreo餅乾5塊、棉花糖100克、牛奶300毫升 1. 將棉花糖放入碗，加入牛奶 2. 蓋上保鮮膜，然後放入600W微波爐叮2分鐘，拎出嚟攪拌 3. 再次放入微波爐叮2分鐘，取出攪拌直至棉花糖完成溶化 4. 倒入方形器皿，加入Oreo碎 5. 放入雪櫃冷藏4個鐘就完成 影片來源：macaroniマカロニ

    author

    成功率超高！日本料理達人教你製作「朱古力核桃蛋糕」｜香港美食｜放假去邊

    朱古力甜品絕對令人難以抗拒！ 今次就等日本料理達人「DELISH KITCHEN – デリッシュキッチン」 示範製作成功率超高嘅「朱古力核桃蛋糕」喇！好食又易整！ 朱古力核桃蛋糕 材料：雞蛋一隻、日式鬆餅粉150克、朱古力200克、牛奶100毫升、無鹽牛油50克、烤核桃30克、可可粉三湯匙 工具：15 x 15cm方形蛋糕模具 1. 打蛋，再加入牛奶攪勻 2. 用篩網隔住加入日式鬆餅粉及可可粉，然後攪拌至糊狀 3. 加入已融化嘅牛油同切粒核桃，再混合 4. 將材料放入方形蛋糕模具，上面放上朱古力 5. 最後放入已預熱170度嘅焗爐，大約25分鐘就完成（注意每個焗爐火力不一，可以自行調整時間） 影片來源：DELISH KITCHEN – デリッシュキッチン

    author

    5款免焗朱古力甜品食譜！新手都做到嘅超簡單朱古力甜品｜香港美食｜放假去邊

    平時喺屋企咁悶，緊係整吓嘢食啦！ 如果無咩煮嘢食經驗，又對自己無咩信心，你可以試吓整甜品 小編集合咗5款免焗朱古力甜品食譜俾大家，絕對係新手都做到嘅超簡單甜品～ 免焗朱古力Brownie ( 約20粒 ) [instagram photo=”CCsTvDeDRva”][/instagram] 材料：黑朱古力100g、朱古力粉10g、中筋麵粉60g、無鹽牛油60g、雞蛋2隻、砂糖30g、核桃30g 步驟： 1.將雞蛋加埋砂糖一齊打勻 2.用熱水坐溶無鹽牛油同黑朱古力 3.將中筋麵粉同朱古力粉過篩之後，再加入蛋漿同核桃一齊拌勻 4.加入砂糖同朱古力粉攪拌 5.加入已篩過嘅麵粉，用膠刮刀將麵粉攪拌至完全混和 6.喺電飯煲內掃上牛油，倒入麵糊 7.開啟煮飯模式煮40分鐘 8.完成後待涼切件 特濃朱古力慕絲蛋糕(6寸) [instagram photo=”BPe7uzGlIHY”][/instagram] 材料： 餅底：Oreo 餅 70克（7塊）、無鹽牛油溶液 25克 餡料：黑朱古力（70%）90克、淡忌廉200克、牛奶40克、糖15 克、魚膠粉4克、水25克 、朱古力粉 步驟： 1.壓碎Oreo並加入無鹽牛油溶液，雪凍30分鐘做餅底 2.魚膠粉混合水 3.溶解朱古力，再加入魚膠溶液攪拌混合 4.打發淡忌廉，再加上朱古力溶液攪拌混合 5.倒入模具，放入雪櫃冷藏6-8小時 6. 完成後可用熱布脫模，再在面層撒上朱古力粉或你鍾意嘅水果 Baileys生朱古力 [instagram photo=”B_jmNDPhGCu”][/instagram] 材料：煉奶 170g、可可粉 50g、Baileys冧酒1 湯匙、黑朱古力300小塊 步驟： 1.將黑朱古力隔水溶化 2.加入加熱咗嘅煉奶拌勻 3.再混合Baileys甜酒拌勻 4.將朱古力漿倒入鋪上牛油紙嘅長方形盤上 5.厚度大約為1.5cm 6.放入雪櫃冷藏1-2小時至硬身 7.脫模後切成約2×2厘米正方，再灑上無糖可可粉 朱古力忌廉千層蛋糕 [instagram photo=”ByQAGdHjgk1″][/instagram] […]

    author

    日本粉色系迴轉甜品Cafe 超可愛新奇少女心大爆發｜日本美食｜放假去邊

    日本原宿「MAISON ABLE Cafe Ron Ron」長期都有條排隊人龍，真係好受歡迎啊！ Cafe係世界第一間迴轉甜品餐廳，入面嘅粉色系設計簡直少女心大爆發～ 睇住超精緻嘅甜品由運輸帶轉嚟轉去，真係要打多幾張卡先。 [instagram photo=”Bltzk0cHvCi”][/instagram] 好靚啊！！ [instagram photo=”Bz5lI5dgrqP”][/instagram] 甜品嘅款式真係超多～ [instagram photo=”Bz4yfW4D40i”][/instagram] 可以不停咁望住！ [instagram photo=”B28_eicnUw2″][/instagram] 飲品都好可愛啊～ [instagram photo=”CBvCLlEA0DN”][/instagram] 一次應該試唔哂咁多款～ [instagram photo=”ByCwV8sn9OI”][/instagram] 一定要瘋狂打卡！ 「MAISON ABLE Cafe Ron Ron」 地址：6 Chome-7-15 Jingumae, Shibuya City, Tokyo 150-0001日本 時間：1100 – 1900 電話：+81 3-5468-8290

    author

    新蒲崗復古文青Cafe 必食「髒髒意大利芝士忌廉」｜香港美食｜放假去邊

    新蒲崗嘅位置好似好隔涉，但其實有好多隱世高質餐廳座落喺呢到，呢間裝修復古嘅Cafe影相又靚，嘢食都有質素保證~ 髒髒意大利芝士忌廉 呢個Tiramisu Cream Cheese可謂係鎮店招牌，人人嚟到都必食，凍冰冰咁味道好特別，而且Cream一啲都唔膩，會愈食愈想繼續食~ 焦糖香蕉配蜜糖脆脆雪糕窩夫 份量超大，起碼要兩個人share先食得哂，香蕉上有凝結成硬塊嘅焦糖漿，配以雪糕同窩夫一齊食簡直係夏天時嘅最好享受，窩夫都有陣陣烘烤香味 八小時慢煮萬字醬油豬軟骨飯 雖然窩子以甜品聞名，但其實主食都好吸引，呢個豬軟骨果然係慢煮，豬軟骨好入味，而且入口即溶，萬字醬油汁做得好濃味，用嚟撈飯食係一流！ 意粉都唔差，卡邦尼意大利粉食落好Creamy，有陣好濃嘅芝士味~ 不過鋪頭好出名，好多人排隊，所以可能都要預時間等位！ 窩子 WoZi 地址：新蒲崗仁愛街36號地下

    author

    日本摩登英倫風甜品 草莓裝飾更添少女味｜日本美食｜放假去邊

    日本澀谷咖啡店「FRANZÈ & EVANS LONDON」一直都好受甜品愛好者歡迎～ 特別係一款用紅桑莓雪糕加上草莓Pavlova cake嘅特式甜品更加係必試推介。 唔單止好味，外型可愛打卡超靚，唔怪得咁受歡迎啦！ [instagram photo=”B8n6fm6pmD9″][/instagram] 上面嘅草莓Pavlova cake喺日本超受歡迎～ [instagram photo=”BTlt3FCh3A0″][/instagram] 裝飾得好靚啊！ [instagram photo=”B5eojvrHKHs”][/instagram] 可以成個Pavlova cake拎起嚟食～ [instagram photo=”B1lOgCaAjFi”][/instagram] 要喺佢溶前快啲打卡啊！ [instagram photo=”BwCA8-8gsCX”][/instagram] 用咗大量新鮮草莓裝飾～ [instagram photo=”Bs7lf30g6C0″][/instagram] 仲有好多其他好靚嘅甜品～ ETON MESS「FRANZÈ & EVANS LONDON」 地址：東京都渋谷区神宮前4-9-4 1/F 時間：1100 – 2200

    author

    靚到唔捨得食！日本超夢幻「漂浮雲朵蛋糕」｜日本美食｜放假去邊

    根據非正式統計，係女仔都鐘意食甜品～ [instagram photo=”CASjt_nhV4j”][/instagram] 而最近日本「東京文華東方酒店」就推出咗一款「漂浮雲朵蛋糕KUMO」， 成功吸引唔少女仔去打卡呢！ [instagram photo=”BmseC8IFeM1″][/instagram] 蛋糕軟綿綿嘅雲朵外層， 係用白朱古力加上噴粉技術製作而成， 所以望落似足「一舊雲」！ [instagram photo=”CASvc7pAM15″][/instagram] 而內餡就係鬆軟嘅朱古力蛋糕＋當季神秘新鮮水果～ 保證唔會令你失望！ [instagram photo=”BxRp6eGHOAF”][/instagram] 蛋糕每日限量供應25份，所以想試食嘅女仔就要早啲去排隊喇！ [instagram photo=”B1GQb4pnjS9″][/instagram] 東京文華東方酒店 地址：東京都中央区日本橋室町2-1-1

    author