講到香蕉奶即刻就諗起韓國， 特別係佢圓碌碌嘅樽超可愛~~ 而家韓國出咗唔淨係可以搽嘅香蕉奶， 終於可以買嚟做手信喇~ 呢個係香蕉牛奶XROUND A’ROUND 特別推出嘅美妝品， 從左至右分別係保濕沐浴乳—>保濕身體乳液—>保濕護手霜—>保濕潤唇膏~ 沐浴乳 沐浴乳一共有香蕉奶、士多啤梨奶、哈密瓜奶同咖啡奶四隻味，加上牛奶成份，主打保濕效果，洗完之後會散發出一種香甜味，好甜蜜啊~~~ 保濕身體乳液 身體乳液暫時只有香蕉奶同士多啤梨奶兩種味道，400ml嘅大容量真係有排用啊~~ 保濕護手霜 驚全身都係香蕉奶味太甜蜜嘅話，護手霜都不失為一個購物好選擇，仲可以買嚟做手信，四隻味都有，攞出嚟用嘅話全場焦點仲唔係你!? 潤唇膏 + 唇部去角質膏 小編最想入手嘅商品！香蕉奶同士多啤梨奶係潤唇膏，香蕉奶搽落係透明嘅，士多啤梨奶係淡淡嘅粉紅色~~ 而哈密瓜奶同咖啡奶則係唇部去角質膏，喺嘴唇上搽薄薄一層，再用濕紙巾輕輕搓就可以簡單去死皮，再搽上潤唇膏之後，就可以還原水嫩嘅嘴唇啦~ 超可愛嘅樽身同功能性嘅美妝品，簡直係逼人帶佢返屋企，喺Olive Young各大實體店面或網路商店有得賣喇~~ Source: Olive Young、Naver Blog =============== 放假去邊 更多好介紹: 快啲like我哋Facebook 同follow我哋Instagram啦!
