聖誕節就怏到，各大餐廳都開始推出唔同嘅聖誕主題美食 今次小編就會同大家介紹五個聖誕主題餐飲 下午茶、晚餐、自助餐都有 款款都賣相精緻之餘亦非常高質，一齊睇下有啲咩食啦！ ==================== 1/二人世界之選︰Tea WG「獨家聖誕佳節饗宴」 想同另一半過一個浪漫聖誕，緊係要食一個高質嘅聖誕大餐！ 世界奢華茶葉品牌Tea WG推出2020年限定聖誕佳節饗宴，以茶葉融入美食當中，好特別！ 菜式包括有加入抹茶製成嘅北海道帶子紅菜頭沙律、白松露羊肚菌栗子湯、日本鮟鱇魚肝意大利燴飯同埋蘋果茶茶香雪葩 小編特別推介主菜特級西冷牛排，牛油用咗佢哋獨家嘅聖誕喜悅之茶 (Noel! Noel! Tea) 去調味，配埋南瓜蓉同西西里島燉菜， 味道好特別，同時亦突顯咗廚師嘅細心！ 另外亦有提供以日本大豆醬油醃製嘅香焗鱈魚，配上新鮮蛤蜆肉同白菜， 加上摻有皇家大吉嶺茶 FTGFOP1 (Royal Darjeeling FTGTOP1)同杏鮑菇高湯，食材高質又好食 套餐仲有甜品同茶飲供應，一定可以滿足你同另一半嘅胃口！ Tea WG仲推出咗節日專屬聖誕茗茶禮物套裝，入面有美妙節日茗茶同精美茶具配件 食完聖誕大餐都可以順便買套返屋企！ Tea WG「獨家聖誕佳節饗宴」 供應日期︰2020年12月24 至25日 地址︰九龍九龍塘達之路80號又一城LG2層11號舖/中環港景街1號國際金融中心1樓1022-3號舖 價錢︰HK$648/1人 *凡於即日起至2020年12月14日前訂座，即可享早鳥優惠每位HK$588 ==================== 2/閨蜜打卡之選︰歷山酒店「維多利亞宮廷式聖誕盛典下午茶套餐」 想同閨蜜一齊搵個地方打卡傾計，酒店下午茶係唔錯嘅選擇 歷山酒店嘅「維多利亞宮廷式聖誕盛典下午茶套餐」有多款精緻鹹、甜點 款款都好睇又好食，而且酒店環境令你好似置身係歐洲宮廷一樣，絕對可以畀你做一日「公主」！ 下午茶用咗經典三層架，打卡一流 每個下午茶套餐都會有埋英式鬆餅、新鮮即磨咖啡/Tea WG茗茶，好豐富！ 歷山酒店「維多利亞宮廷式聖誕盛典下午茶套餐」 供應時間︰5:00pm – 17:00pm 地址︰香港北角城市花園道32號歷山餐廳或宴會廳 價錢︰HK$242/1人 訂購網址 立即訂購 ==================== 3/外賣之選︰香港港麗酒店樂聚廊「Waltz of Festive Joys」節慶下午茶 唔想出街同人逼嘅你可以選擇香港港麗酒店樂聚廊推出嘅外賣下午茶 […]
