最近爆紅的「手作地墊工作坊」是不是都心思思想和朋友一起體驗呢？ 只要選定一個自己喜歡的圖案，在毛線牆挑自己喜歡的毛線，透過簇絨槍在畫布上「Da Da Da」就可以織出毛茸茸的作品！ 無論是家裡的毛寵、可愛的花朵或是搞怪的形狀，過程超治愈、超有成就感！ 50cm x 50cm的尺寸，4小時就有成品，完成修毛工作之後就可以打卡了，毛線牆超適合打卡，每一個角落都是打卡點，超讚的！ hygge Workshop 地址：香港觀塘開源道55號開聯工業中心A座8樓809C室 預訂連結： 立即訂購
呢啲天氣就一定要食啲熱辣辣~熱到冒煙嘅食物，今次推介呢間米線舖唔知大家試過未呢！ 香格里拉酒店就聽過喇~今次呢間米線店都係叫香格里拉米線專門店喔，雖然唔可以同酒店食物相比，但食物質素一定唔會差，小店喺香港米線關注組入面經常被網民稱讚~ 店內主打雲南、貴州口味米線，簡直係嗜辣者天堂呢度~辣度總共分為9個級別，湯底就有6款。 呢款係重慶麻辣二小辣湯底，呢度嘅二小辣俾一般連鎖店辣度更強、更刺激，配上豬紅、雞肉，仲有豬潤，好鬼惹味~ 麻辣湯底配上鮮竹蝦春卷、司華力腸兩款都係炸物，幼米線食落好爽口~麻喇湯真係辣得好過癮，食到爆汗！冬天食完個人都㷫烚烚，即炸鮮竹蝦春卷，食落好香口~ 司華力腸炸至香脆，好似街邊檔燒出嚟果種味道同口感。 蒙古大汗烤豬腿，呢個超正喔~好香孜然味道！ 香格里拉米線專門店 地址：觀塘牛頭角道345號地舖 電話：6931 3778 營業時間：11:00～22:00 圖片來源：@eatgoodwesteatbadwest、@food_fatjai
觀塘工廈真係多好嘢食~今次推介呢間係食Burger嘅小店，店舖主打多款特色漢堡、泰式船麵、泰式小食，至於飲品方面就比較普通喇！ 今次小編想推介大家試呢個”IC”水牛城炸雞漢堡，入面仲有兩個雪糕球，配上辣辣地嘅水牛城炸雞口感又真係幾特別，一次過比你擁有雙重口感！又鹹又甜感覺應該幾特別喔！ 呢個係BBO煙燻牛胸腩漢堡，牛胸腩肉質咬落略顯有啲韌，味道上唔錯嘅，不過希望肉質上可以改善下！ 仲有呢個厚切烤吞拿魚扒莎莎漢堡配沙律，粉嫩嘅鮮紅嘅肉質，真係令人食指大動！ 而菠蘿花生醬牛肉漢堡、手撕豬肉薯條大家都可以一試嘅。 慢煮豬腩肉扎肉冬蔭功蕃茄湯金邊粉呢個都一定要試啊，一樣好好味！ The Cool Cousins Cafe & Noodle Bar (觀塘) 地址：觀塘開源道60號駱駝漆大廈第三期11樓J室 營業時間：12:00-18:00 圖片來源：@168hungryki、yellowmeals
觀塘近日新開嘅「龍點心」係新派創意點心專門店，由多位資深點心師傅製作，包括麻辣牛肉燒賣、龍蝦汁墨魚燒賣、大澳蝦醬鮮魷卷、臘味糯米燒賣、口水汁龍利魚腸粉、櫻花果凍天鵝酥、一口鹹水角、拉絲菠蘿包等等，裝潢以老香港作設計作佈置，讓食客可以一邊在懷舊氣息底下，品嚐新與舊交替的美饌，時光倒流感受一下老香港的情懷。 一龍大滿足，入面有松露野菌晶瑩餃 (左上)、筍尖蝦餃皇 (中上)、豌豆桃子 (右上)、酸菜魚鳳眼餃(左下)、蟹粉菠菜香蝦餃 (中下)、麻辣牛肉燒賣 (右下)。 口水汁龍利魚腸粉，創新口味腸粉，滑溜嘅腸粉卷上香脆龍利魚塊，佐上四川麻辣口水汁，微辣開胃，令人饞涎欲垂！ 拉絲菠蘿包，每日新鮮烘焙，外層香脆甜蜜，一口咬下去時，內層軟糯又佈滿鹹鹹的拉絲芝士，口感層次豐富。 一口鹹水角，大廚精心改造將傳統鹹水角經變成迷你柑桔形狀，內裡包裹住鹹香十足的魚香茄子及鮮豬肉，帶來視覺味覺新驚喜。 櫻花果凍天鵝酥，選用日本櫻花入饌，製成晶瑩剔透的清甜果凍，配上小巧的天鵝酥，外觀可愛精美，口感鬆脆。 臘味糯米燒賣，玲瓏的點心外形，內涵卻實而不華又飽肚的臘味糯米飯，絕對是CP值最高的燒賣之一。 大澳蝦醬鮮魷卷，香港名產大澳蝦醬香濃出眾聞名，搽抹上鮮魷卷之上更能大大提升鮮味，相當有創意，別具一格。 龍點心 地址：觀塘觀塘道398-402號Eastcore 1樓4號鋪 電話：2390 0166 | Whatsapp：6519 6168 營業時間：09:00 – 22:00 網址：https://www.lungdimsum.com
觀塘裕⺠坊全新開幕的Coffee or Tea，打破傳統茶餐廳既有的框架，以多款中西融合的破格茶餐廳美食為顧客帶來創新驚喜，今次隆重推出冬日餐牌，以四款變奏的「生鐵」煲仔飯包括臘腸潤腸烏魚子煲仔飯、西班牙莎樂美腸及台式香腸煲仔飯、窩蛋牛肉煲仔飯和法式梅子油封鴨脾煲仔飯，顛覆你對傳統煲仔飯嘅想像，以頂級滋味震驚你嘅味蕾！ 臘腸潤腸烏魚子煲仔飯，採用本地製作臘腸和潤腸，並加入法國烏魚子，生鐵煲的高溫逼出烏⿂子的香味，混和特製飯底後陣陣「海味」（umami）於味蕾上跳動，滋味縈繞不散，令⼈一試難忘！ ⻄班牙莎樂美腸及台式香腸煲仔飯，以台灣的豬⾁腸跳出傳統潤腸的刻板印象，帶甜味的台灣腸配合著特製飯底中⻄班牙salami風乾⾁腸的鹹香，獨特的鹹甜衝擊味蕾，淋上秘製豉油亦滋味無比！ 窩蛋牛⾁煲仔飯，參考牛肉他他嘅做法，絞碎後再調味，再配上刺身級蛋液倒入煲仔中，⾼達四百度的⽣煲即時煮熟蛋液，拌勻後就像免治⽜⾁蛋炒飯。 法式梅子油封鴨脾煲仔飯，法國空運嘅頂級法式油封鴨脾，配合本地特級甜梅菜最嫩嘅部分，每款煲仔飯底仲有飯焦，食落香脆可口。 提提大家先，呢款煲仔飯每日限量提供10份，大家想試記得要趁早。 除此之外，Coffee or Tea亦推出破格版的椰⼦子味奶油忌廉賓，創新風格定必為你帶來來驚喜！ Coffee or Tea 地址 : 觀塘協和街33號裕⺠民坊YM² 1樓101號舖 (正⾨門於物華街) 電話 : 2618 1180 營業時間 : 0800-21:00 (Last Order 20:30)
中秋同屋企人食完飯去邊賞月好？！ GP42HK就喺觀塘海濱海面上放置巨型月亮，仲有一連串嘅「全民燈月」活動，大家記得唔好錯過啦！ 除咗月球裝置，仲有星夜投影、發光巨型月兔群、攤位遊戲同光影投射！超多打卡位仲咁多嘢玩！ 「全民燈月」活動由本港企業家平台GP42舉辦，9月19至22日喺觀塘海濱長廊舉行。 除了會喺海濱長廊對出海面展出15米高超巨型發光月亮，仲會喺觀塘海濱長廊天橋底有星夜投影！ 仲有過百隻發光兔仔陪大家一同賞月，現場設有10個攤位遊戲、懷舊玩具展、小食攤位、同歌唱舞蹈等表演！ 月亮有成15米高！超矚目！ 另一活動係3D光影show，動畫由本土年青動畫師所書，以香港為主題。即場嘅繪畫活動，仲會揀出優秀作品投射喺大廈外牆上面，成為即時嘅光影投射! 今次活動仲激請咗Rubberband、曾比特、黃美琪及鍾健威參加。除咗攤位遊戲需要收費外，其餘都係免費入場！ 「全民燈月」 時間：2021年9月19日- 2021年9月22日 地點：觀塘海濱VESSEL發現號01及02 活動內容：3D Mapping 動畫燈影、香港企業攤檔、攤位遊戲、發光月亮打卡點、長幼懷舊歌比賽、香港時光博物館 活動專頁：facebook.com/GP42HK
大家都只觀塘美食多，今次小編想介紹呢間Cafe俾大家，嚟道餐廳必試招牌意大利芝士熔岩Tiramisu，熔岩芝士Tiramisu好濃郁嘅酒香同咖啡味。仲有伯爵茶忌廉糖漬橙片梳乎厘班戟，即叫即整~蛋香味超濃！除咗甜品之外，另有提供多款咖啡、輕食同小食，即刻睇有咩食喇！ 意大利芝士熔岩Tiramisu，上檯時望落平平無奇，一揭開外層膠紙，芝士如泉湧般瀉下，視覺上好震撼！ Tiramisu食落好濕潤，中間嘅Mascapone芝士打得非常軟滑，口感非常豐富。 伯爵茶忌廉糖漬橙片梳乎厘班戟，食落有口感，空氣感不會太重。 呢度除咗招牌甜品必試之外，其他輕食都唔錯㗎。 明太子忌廉大蝦燉飯，面層超級多明太子，撈勻嚟食幾乎每粒飯都能夠沾上明太子，不停起口腔中爆開嘅感覺超級正~燉飯煮得好軟稔稔，容易消化。 仲有意粉、炸雞翼同薯條等小食。 Cobber Coffee and Tonys Pastry 地址：觀塘駿業里8號世貿大樓1樓 電話：3468 3509 營業時間：11:30-22:00 圖片來源：@toasty_vivian、@foodieleaf_hk、@eatwithjojohnny