Open Tour
人氣動漫《進擊的巨人》至09年以來連載，一直都有唔少粉絲！近日日本街頭就出現「進擊的巨人垃圾桶」！造型勁搶眼！ 原來垃圾筒係「CHANGE FOR THE BLUE in 大分」企劃之一活動，希望民眾透過「垃圾分類」減少海洋負擔，喚醒大家對環境保護嘅意識。 三個巨人造型垃圾桶就設置喺《進擊的巨人》作者諫山創嘅出生地大分縣日田市，當中有一般垃圾桶同膠樽回收桶。希望民眾將一般垃圾丟入資源回收桶噚頻率減低！ 三個垃圾桶都放置喺路邊嘅自動販賣機附近，希望提醒買飲品嘅民眾要垃圾分類！ 每個巨人垃圾桶都係血盆大口咁張開咀，超搶眼！小編就覺得俾佢咁擘大口望住，都咪話唔驚！扔垃圾都超大壓力！ 進擊的巨人垃圾桶預計擺放至 11 月 22 日。
《進擊的巨人》自2009年開始就紅爆！ 但話咁快就已經到咗漫畫完結篇～ 最近《進擊的巨人》就同橫濱地標大廈、橫濱港未來21 ( みなとみらい ) 一齊合作~ 活動名為「進擊的巨人朝向橫濱港未來襲來!?」！ 動漫迷係咪好興奮呢？ 橫濱港未來 21 ，其實係位於日本橫濱市西區及中區交界水岸嘅都市再開發區～ 仲有港未來、21 世紀未來港、MM21等， 都係參照區內中心地帶嘅地名同鐵道車站而命名～ 相信到時一定會吸引唔少遊客嚟到訪！ 而今次橫濱地標大廈嘅69樓亦舉辦咗「進擊的巨人複製原畫展」， 仲有巨人主題餐點～粉絲們又點可以錯過？ 入場仲有文件夾送，一共有六款～ 以下係其中一款： 而橫濱Landmark Tower中庭亦展出咗8.5米高嘅艾連巨人， 出拳嘅甫士真係好有氣勢！ [instagram photo=”CO_f6parwWO”][/instagram] [instagram photo=”COQ4CVsMVkt”][/instagram] [instagram photo=”COZYrm-pqqF”][/instagram] 仲有呢個超大型嘅巨人頭顱！ [instagram photo=”COxKVvUjHWB”][/instagram] 港未來多個地方亦有唔同活動～ 包括立體模型作品展示，同埋以巨人為主題嘅電流急急棒遊戲等～ 係咪好想嚟朝聖呢？ INFO 日期：2021年4月29日至6月20日 (各項設施時間有異) 詳情：官網
日本即將會推出漫畫《進擊的巨人》入面角色，肯尼·阿卡曼所用嘅「立體機動裝置」造型袋！ 圓筒形嘅袋容量比較大，兩邊仲有兩個圓盤形細包，可以放隨身物品，仲可以拆落嚟～ 個袋仲可以更換徽章，有憲兵團、駐屯兵團、調查兵團三款，fans真係要買翻個！ 嘩！！好正啊！！ 出街一啲都唔誇張～ 有三隻色～ 真心唔錯啊個袋！！ 「立體機動裝置」造型背包 售價（普通/紋章套裝）：9,800円/ 11,800円（不含稅） ==================== 仲有其他款式～ 呢個係以「立體機動裝置」嘅雙劍為設計嘅斜孭袋～ 同樣有三隻色俾你揀！ 連水樽都帶到～ 「立體機動裝置」雙劍斜孭袋 售價（常規/紋章安排）：7,800円/ 9,800円（不含稅） ==================== 呢個掛大脾腰包真係超型！ 一眼就睇得出同《進擊的巨人》有關～～ 好想買呢款！ 容量都唔細！ 「立體機動裝置」掛脾腰包 售價（普通/紋章套裝）：7,800円/ 9,800円（不含稅） ==================== 仲可以換徽章，係真皮咖！ 「立體機動裝置」造型袋款 訂購時間：9月21日 – 10月20日 發貨日期：預定於2019年11月 網址：otakumode
