Open Tour
秋意漸濃，正是郊遊好日子！ 原來香港都有靚景農莊，有多個打卡位！ 天氣再凉返啲去行下，呼吸下新鮮空氣都幾正~ 不過要留意需要參加工作坊先可以入場，要預約先可以入園~ 呢個係人氣打卡位~ 風車好靚呀！ 仲有個藍色風車~ 可以影到天空之鏡~ 清新地有機農莊定期舉辦唔同嘅工作坊，例如自摘香草田園pizza，荒原烤甜麵包，甜甜圈製作等等。 Nature’s Harvest 清新地 地址：西貢白水碗 交通方法：科技大學正門步行10分鐘，在附近的小巴站旁有清新地入口嘅指示牌。 開放時間：星期四至日 9am-5pm逢星期一至三休息* (公眾假期除外) 預訂入園：WhatsApp 5112 9195（清新地不設入場費/免費參觀，必須參加園內活動先可以安排入園） 圖片來源：@vanessafooddiary
日日都係行街睇戲無啲新意，好悶呀！不如去東龍島玩啲刺激嘅！ 挑戰下自己，飛索，攀石同沿繩下降一次過玩晒，一日之間就成為勇敢嘅冒險家！ 今次參加呢個東龍島一日團，先喺東龍島碼頭集合，會有專人於碼頭接待。 屆時大家認住身穿藍色T-Shirt、Logo印有Young’s HOLIDAYS 悠揚假期嘅衣著。 大家需要自行由西灣河碼頭搭街渡前往東龍島，上船來回船費$55/人。 買船飛嘅時候船員會俾張船飛你回程用，記得要keep好，唔見咗要再補飛㗎。 去程嘅時候需決定回程時間，建議選擇17:30尾班船，預留充足時間。 船程大於需要45分鐘左右，如果會暈船嘅話請事先食暈浪丸，避免影響後續行程。 到達東龍島之後，職員會帶領前往在士多，進行安全講解以及派發設備，包括頭盔及安全帶。 教練會詳細講解穿著設備嘅安全事項。 頭盔必須覆蓋頭部及前額，帽簷需要戴到眼眉上一至兩隻手指，然後調節合適鬆緊度，確保唔會輕易掉落。 安全帶要著喺盤骨上面箍緊，以防反轉。可以縮肚攤平手掌伸入安全帶，再捉緊拳頭，如果可以卡實就證明鬆緊度適中。 穿著好安全設備就前往岩壁，需步行約15分鐘，有部分山路，不過都易行嘅。 上到岩壁切忌要注意安全，教練會再詳細講解安全事項。 提醒大家唔好行到草叢邊，影相時都要睇路，安全最緊要！ 飛索 飛索係今次行程嘅亮點，亦都係最需要膽量同勇氣嘅活動！ 首先要參加者行到懸崖邊，再自行跳落去。第一次嘗試難免會猶豫掙扎一陣， 但縱身一躍就會感受到飛索嘅魅力，快感同成功感會完全掩蓋恐懼！ 玩完一次通常參加者都會積極玩第二次！ 第一次玩飛索通常會係全速，俾參加者盡情享受刺激感。 第二次就會俾參加者停留喺中間自拍，細細欣賞周圍嘅海景。 沿繩下降 沿繩下降都喺懸崖邊，有近30米高，刺激度一啲都唔輸俾飛索㗎！ 玩之前教練會進行詳細講解，先俾參加者喺平地試玩。 等參加者熟悉操作之後先會到懸崖邊嘗試。 教練會提醒參加者落到中間會好難搵到落腳點，所以可能個人會swing一下，不過都係正常嘅，冷靜搵返個落腳點再繼續下降就可以啦。 沿繩下降具備一定技巧同難度，比起飛索更有挑戰性！ 攀石 攀岩呢項活動就比較需要體力同技巧，記得要自備合適嘅攀石鞋，或者適合戶外活動嘅運動鞋都可以， 不過要留意運動鞋嘅鞋底唔可以過厚，盡量選擇比較扁平嘅鞋型，會更適合攀石。 攀爬過程都會有教練指導，提示落腳點，新手都唔駛怕！ 攀爬難度隨著高度上升，爬到越高就越難，參加者可按個人能力去選擇攀爬嘅高度，如果覺得困難可以向教練示意，停止再繼續向上爬。 最緊要係嘗試，唔好勉強。 玩完三項活動休息下，睇下風景，趁尾班船嚟之前盡情打卡影相~ 活動詳情和注意事項： 立即報名： -報名連結：youngsholidays.co/zipline/ -WhatsApp：https://wa.me/85265122628 另外都有適合小朋友嘅攀石活動，8歲以上就可以參加！ -報名連結：youngsholidays.co/rockclimbing/ -WhatsApp：https://wa.me/85265122628
全長360米、佔地約9,800平方米的東岸公園主題區（第一期），於（9月25日）正式開放！ 為市民帶來匯集休憩、藝術、觀光於一身的全新海濱空間。 東岸公園主題區內，將設有巨型維港字型藝術燈光裝置《香港之光》、海堤及百米防波堤！ 配上維港四季日夜變幻的標誌性美景，最啱打卡！ 公園主題區更被劃成24小時開放的寵物友善地帶，歡迎市民與繫上牽繩的寵物一同體驗維港風光。 東岸公園主題區（第一期） 地址：天后屈臣道至興發街，原中環灣仔繞道工程部分海濱（從港鐵炮台山站步行約7分鐘即可到達） 開放日期：2021年9月25日起對外開放 開放時間：24小時開放 主題區重點設施 -巨型維港字型燈光藝術裝置《香港之光》 -全港首個海堤遊樂場 -防波堤浪漫新景點 -共融主題時裝展覽 (期間限定至10月2日) -24小時寵物有善地帶
早前屯赤隧道開通，當中嘅「浩和街」更一度成為網絡熱話，仲被美譽為港版邁阿密！聽到呢個Terms即刻諗起美國夏威夷、沖繩或者馬爾代夫！停一停，大家都係諗下好喇！呢度係香港，相信屯門邁阿密都可以滿足你嘅旅行癮，超長沿海堤壩，加上無盡嘅海岸線、棕櫚樹長廊，拎起相機求其影幾張相都超靚！ 堤壩一定係每位人士必影嘅好位置，無論坐喺度或者企起度影相一樣咁好睇。 呢度嘅大片草地都係影相打卡位，建議番都係輕便服裝過嚟。 沿途棕櫚樹長廊，棕櫚樹係新栽種嘅樹木，所以望落比較幼小，大家切勿搖動或拍大樹木，要保護環境。 不過夏天呢度太陽非常猛烈，建議大家都係帶番幅太陽眼鏡做好防曬工作。 草地對面有一大幅白墻，同樣都係影相打卡位。 交通： 1.屯門地鐵站乘K52巴士→望后石站→步行20至25分鐘至浩和街 2.自行駕駛前往 地址：屯門浩和街 圖片來源：@2girls.hk、@tiffanienne、@hanghang1012、@ownurstory_hk、@tibby_chiu
位於旺角家樂坊嘅戶外露天餐廳都比較少有，餐廳提供全新森林主題下午茶，喺城市中帶你穿過亞熱帶草林，大家快啲同朋友嚟番個夏日熱情的邂逅～即刻睇內文詳情喇！ 合桃黑朱古力布朗尼、菠蘿芝士凍杯、椰子士多啤梨慕絲、芒果吉士撻、夏威夷果仁杏脯鬆餅。 仲有原味牛油鬆餅配法國Tiptree果醬。 鹹點方面，有無花果巴馬火腿迷你多士、生蝦芒果牛油果米紙卷、煙三文魚青瓜薄片配三文魚籽、芝士牛油果醬火雞小卷。 再配上冰凍雞尾酒，夏日簡直透心涼。 唔飲雞尾酒嘅都可以揀番椰青嚟飲下。 戶外座位提供藤椅、室內佈置好多花花，真係好打卡一流~好IGable！ 詳情：下午茶時段光顧Afternoon Tea Set 隨即附送於”Summer Fiesta”室外場景即影即有1張。（需預先訂座） Morokok 地址：旺角登打士街56號家樂坊8樓801號舖 電話：2363 1882 價錢：$498/2位 供應時段：14:00-18:00 圖片來源：@morokrok
西營盤唔止有好多咖啡店，都有高質西餐，今次介紹呢間小店，主打法國菜。 擺盤非常精緻，食材考究及新鮮，味道屬於中上，環境都幾浪漫。適合情侶約會，三兩知己聚會。 法式牛骨洋蔥湯：南瓜湯或者羅宋湯就常見，牛骨洋蔥湯少見，可見餐廳有心思。飲落味道鮮甜，幾好。 是日前菜：海鮮撻：前菜都好高質，鮮花擺盤，有墨魚和三文魚籽，食落幾fresh。 、 法式芝士蘑菇焗龍蝦 $：龍蝦肉厚實彈牙，配上蘑菇和芝士的濃郁香味，食落好滿足。 慢煮加拿大保濕豬鞍，燒意大利雜菜 $298：豬鞍煮得軟嫩香口，可見廚師技巧了得！醬汁都好味。 另有多款菜式都唔錯： 巴馬火腿24個月，水牛芝士，蜜瓜 $118 法式焦糖燉蛋 $68 苦酒青檸檬梳打 $ 生日甜品可要求手繪意大利黑醋畫，詳情需要聯絡餐廳查詢。 The Ground Kitchen 地址：西環西營盤水街47號地舖 圖片來源：IG @hkfoodiechris、@thegroundkitchen
今年終於可以去美食博覽喇！今年展覽將於8月12至16號舉行，同期仲有4個展覽！ 五項展覽將於8月12至16日在香港會議展覽中心舉行，包括： 1.美食博覽 2.香港國際美酒展(特別展) 3.香港國際茶展 4.家電‧家品‧博覽 5.美與健生活博覽 一向深受歡迎的「尊貴美食區」（8.12-15），設有五個主題專區， 包括「亞洲．料理」、「咖啡．醇香」、「綠色．味力」、「甜藝．閒情」及「歐美．戀饌」， 展示各式各樣來自世界各地的特色美食及飲品，城中星級名廚更會即席示範高級佳餚及獨家菜式。 美食博覽及同期舉行的四項展覽的焦點產品，包括香港特色口味的陳皮、薑醋手作曲奇、適合生酮、低碳飲食的天然椰菜花飯、素甜品， 各款手作啤酒、大吟釀，及一系列美妝、健美產品，包括韓國個人定製洗髮露套裝； 家電‧家品‧博覽展商亦會介紹一款採用美國太空總處(NASA)技術開發的防疫型殺菌車用空氣淨化機，助打造無菌空間。 重頭戲美食博覽締造環球品味遊 展館盡顯特色 第 31 屆美食博覽「公眾館」及一向深受美食家歡迎的「尊貴美食區」，展示各式各樣來自世界各地的特色美食及飲品。 「公眾館」內的「美食薈萃廊」網羅 20 多個知名品牌，包括大班、醉榴香、日清、萬洲國際…… 今年還新加入壽桃牌、陳允寶泉等，帶來更多新推產品。追求高級精緻美食人士就不要錯過「尊貴美食區」， 區內將展示來自亞洲及歐美的頂級佳餚，各式甜品、有機綠色食品及各地精品咖啡等。 喜歡周遊列國品嚐世界美食的朋友，就千萬不要錯過美食博覽所帶來的環球品味遊，亞洲美食包括韓國的無「膻味」濟洲豚肉、 日本山梨縣最高級的「大糖領」水蜜桃、馬來西亞頂級貓山王榴槤果肉、廣西柳州風味螺螄粉等。 環球各地方面則有烘焙研磨及包裝工序每項細節均於法國進行的咖啡膠囊、芬蘭純天然美顏產品玫瑰果果蓉、 產自秘魯最古老及樹齢超過 200 歲可可樹的稀有朱古力，以及使用澳洲頂級和牛製造的牛肉丸等。 要保持健康體魄，除了要食得好還要食得有「營」，香港蔬菜統營處及魚類統營處將會帶來本地漁戶農戶出產的新鮮優質食材， 多家展商亦將帶來健康素食快煮包、椰菜花飯、養生燉湯、素月餅及甜點等有「營」食品。博覽期間， 將會有名廚示範「少鹽少糖」食譜，鼓勵都市人養成健康的飲食習慣，亦請來星級名廚即場示範烹飪， 當中包括 The Food Story 集團總廚張錦祥 (Ricky) 及添好運點心專門店創辦人麥桂培。 其他活動包括：探討食品科技、星級有營食肆、食療養生、惜食等議題，仲有充滿香港茶餐廳特色嘅蛋牛王比賽，精彩絕倫。 新增香港國際美酒展（特別展） 葡萄酒啤酒清酒烈酒應有盡有 今年八月盛事特別增設香港國際美酒展（特別展），包羅新舊世界葡萄酒、清酒、威士忌，以至手 工啤酒。 當中特色展品有來自北海道的特色水果啤酒、以富士山造型特別設計的限定清酒等。香港酒類行業協會及香港酒業總商會展出世界各地佳釀。 另外，MWM 葡萄酒學校認可導師馮安媞將教大家如何挑選不同產地的優質洋酒，愛酒人士不要錯過。 香港國際茶展茶湯茶療洗滌心靈 金茶王港式奶茶秘訣分享 第 12 屆香港國際茶展呈獻多款高質特色茶葉，例如南非國寶茶、全手工炭焙鐵觀音、日本茶道級抹 茶等，以及多款茶具。 展覽亦設有貴州展館，帶來當地的名茶。多位講者會講解心靈茶湯及茶療的 奧秘等，將健康與茶藝連結在一起，介紹不一樣的健康茶道旅程。 […]
DONKI又開新店了！今次嘅屯門新店仲係全港最大間嘅分店！ 新店選址喺新界西嘅熱門地點屯門市廣場，開設喺屯門市廣場嘅UG層，佔地約2618平方米，果然係全港最大！ 屯門市係第8間DONKI分店，新店以「乘搭火車出發日本去旅行」為設計概念，希望顧客喺疫情期間都可以有好似去咗日本旅行嘅感覺，今次更設有屯門限定專賣產品。 同其他分店一樣，屯門店都有各種日本新鮮食品，水果、海產、肉類、壽司熟食等等。 仲有唔少人都喜歡嘅酒類產品。 超多款嘅藥妝同生活百貨專區。 仲有寵物用品，貓奴狗奴入貨必到！ 當然唔少得嘅係精選特賣區！以$5同$10劃一價錢發售特選商品！ DONKI屯門店特別設有日本屋台主題區，買完嘢可以喺到品嚐地道嘅和風小食！ DON DON DONKI 屯門市廣場店 地址：屯門屯順街 1 號屯門市廣場 1 期 UG 樓 UG001-UG023 號舖 開幕日期：2021年7月20日
平時坊間冇嘢做？嚟中環大館睇Gucci Garden Archetypes 喇，展覽早前喺上海展出，今次終於嚟到香港喇，展覽總共分為6間主題房俾大家打卡，每間風格都唔同，一於睇下有咩影？ 為慶祝Gucci 踏入100週年，係品牌首次舉辦嘅亞洲展，小編喺度提醒女仔避免著短裙，因為有部分展區係由個鏡面組成，大家注意喇！ 粉色窗簾，閃令令嘅串珠簾，超級靚~梗係要係度影番張靚相先。 幕後控制室，好似入咗間黑房咁，入面可以俾你體驗下Gucci Show 幕後控制。 入面超級多Gucci鞋，一大個鞋櫃擺放多款經典系列，仲有啲透明玻璃櫃入面擺放住古董瓷器、公仔。 In bloom 呢個場面真係好少女心，中間擺放住一張梳化，繁花盛放係Gucci廣告經典場面。 仲有個場面可以俾大家拎住啲Gucci 手袋影相打卡。 大館 地址：中環大館Block 01，地下一層。 展出日子：2021年6月25日至7月7日 時間：10:00-20:00 費用：免費 圖片來源：@yoli_chic_chic
